ଛତୁରେ ଥିବା ଖାଦ୍ୟପ୍ରାଣ

ଛତୁ ଓ ବିଭିନ୍ନ ପରିବାରେ ଥିବା ଖାଦ୍ୟପ୍ରାଣର ପରିମାଣ ସୂଚନା

ଏକଦା ଛତୁ ବଣରେ ଫୁଟୁଥିଲା ଏବଂ ବଣ ଜଙ୍ଗଲର ଆଦିବାସୀ ଓ ଗରିବ ଲୋକମାନଙ୍କର ଖାଦ୍ୟ ଥିଲା । କିନ୍ତୁ ସ୍ଵାଦ ଯୋଗୁଁ ଛତୁ ଆଜି ସମସ୍ତଙ୍କର ଆଦରଣୀୟ ହୋଇଛି । ଛତୁରେ ଯଥେଷ୍ଟ ପୁଷ୍ଟିସାର (ପ୍ରୋଟିନ୍), ଧାତବ ଲବଣ ଓ ଭିଟାମିନ୍ ଥିବାରୁ ଏହା ସମସ୍ତଙ୍କର ପ୍ରିୟ ଖାଦ୍ୟ ହୋଇପାରିଛି ।

ଛତୁ ବିଜ୍ଞାନୀ ପ୍ରଫେସର ଏସ୍.ଡି.ଚାଙ୍ଗଙ୍କ ମତରେ ଯଦି ଖାଦ୍ୟପ୍ରାଣର ତାଲିକା ପ୍ରତ୍ୟେକ ଖାଦ୍ୟ ପଦାର୍ଥ ବିଜ୍ଞାନୀମାନେ ଟାଙ୍ଗିବେ ତାହାହେଲେ ଲୋକେ ଛତୁକୁ ଆଗେ କିଣିବେ ।

ଆମ ଦେଶର ଲୋକଙ୍କ ଖାଦ୍ୟରେ ଅଧିକ ଭାଗ ଭାତ କିମ୍ବା ରୁଟି ଥିବାରୁ ଆମ ଦେଶର ଅଧିବାସୀ ମାନେ ଯଥେଷ୍ଟ ପ୍ରୋଟିନ୍ ଓ ଅନ୍ୟାନ୍ୟ ଖାଦ୍ୟ ପ୍ରାଣ ଗ୍ରହଣ କରିବାରୁ ବଞ୍ଚିତ ହେଉଛନ୍ତି । ଯାହା ଫଳରେ ଆମ ଦେଶର ଜନସଂଖ୍ୟାର ବିପୁଳ ଭାଗ ପୁଷ୍ଟିହୀନତା ଜନିତ ରୋଗରେ ପୀଡ଼ିତ ହେଉଛନ୍ତି । ବିଶେଷ କରି ଶିଶୁ ଓ ମହିଳାମାନଙ୍କ ଭିତରେ ପୁଷ୍ଟିସାର ହୀନତା ବିଶେଷ ଭାବରେ ଦେଖାଯାଉଛି । ଏହାର କାରଣ ଆମେ ଖାଦ୍ୟ ପ୍ରାଣ ସମ୍ବନ୍ଧରେ ବିଶେଷ ସଚେତନ ନୋହୁଁ । ସୀମିତ ଆର୍ଥିକ ଅବସ୍ଥା ଭିତରେ ଆମେ ପୁଷ୍ଟିକର ଖାଦ୍ୟ ଖାଇବାରେ ସମର୍ଥ ନୋହୁଁ । ଏଣୁ ପୁଷ୍ଟିକର ଖାଦ୍ୟ ଖାଇବା ଦିଗରେ ଆମେ ସମସ୍ତେ ସଚେତନ ହେବା ନିତାନ୍ତ ଆବଶ୍ୟକ ।

ଲିଣ୍ଟଜେଲଙ୍କ ବିଶ୍ଳେଷଣ ଅନୁଯାୟୀ ୭୦ କିଲୋଗ୍ରାମ୍ ଓଜନ ବିଶିଷ୍ଟ ଜଣେ ଲୋକ ପକ୍ଷରେ ଖାଦ୍ୟର ଭାରସାମ୍ୟ ରକ୍ଷା କରିବା ପାଇଁ ୧୦୦ ରୁ ୨୦୦ ଗ୍ରାମ୍ ଛତୁ ଯଥେଷ୍ଟ । ପ୍ରୋଟିନ୍ ଅଭାବ ଥିବା, ବିଶେଷ କରି ଭାତ ଓ ରୁଟି ଆଦି ଶ୍ଵେତସାର ବହୁଳ ଖାଦ୍ୟ ପାଇଁ ଛତୁର ଆବଶ୍ୟକତା ବେଶୀ । ଏଥିପାଇଁ ଯଥାର୍ଥରେ କୁହାଯାଇଛି, ଛତୁ ହେଉଛି ‘‘ଗରିବଙ୍କ ମାଂସ” ବା “ନିରାମିଷାଶୀଙ୍କ ମାଂସ” ।

ଫୁଲକୋବିକୁ ଛାଡ଼ିଦେଲେ ଅନ୍ୟାନ୍ୟ ପରିବା ଠାରୁ ଛତୁରେ ଅଧିକ ପ୍ରୋଟିନ୍ ଥାଏ । ଏହା ବ୍ୟତୀତ ସମସ୍ତ ପରିବା ଅପେକ୍ଷା ଛତୁରେ ଅଧିକ ଭିଟାମିନ୍ ଓ ଧାତବ ଲବଣ ଥାଏ । ନିମ୍ନ ପ୍ରଦତ୍ତ ତାଲିକାରେ ଛତୁ ଓ ବିଭିନ୍ନ ପରିବାରେ ଥିବା ଖାଦ୍ୟପ୍ରାଣର ପରିମାଣ ସୂଚନା ଦିଆଯାଇଛି ।

ତାଲିକା - ୧ ଛତୁ ଓ ଅନ୍ୟାନ୍ୟ ପରିବାରେ ଥିବା ଖାଦ୍ୟସାର

ଆମ ଦେଶରେ ମୁଖ୍ୟତଃ ତିନି ପ୍ରକାରର ଛତୁଚାଷ କରାଯାଇ ଥାଏ, ଯଥା – ପାଳଛତୁ, ଧିଙ୍ଗିରି ଏବଂ ଇଉରୋପୀୟ ଛତୁ । ଏହି ତିନି ପ୍ରକାର ଛତୁରେ ବିଭିନ୍ନ ପରିମାଣର ଭିନ୍ନ ଭିନ୍ନ ଖାଦ୍ୟ ପ୍ରାଣ ଥାଏ । ଯାହାର ସୂଚନା ତାଲିକା - ୨ ରେ ଦିଆଯାଇଛି । ବିଶେଷ ଭାବରେ ଅନ୍ୟଛତୁ ଅପେକ୍ଷା ପାଳଛତୁ (କଷରା)ରେ ଧାତବ ଲବଣ ଓ ପ୍ରୋଟିନ୍ ଥାଏ ।

ତାଲିକା ନଂ -୨ ବିଭିନ୍ନ ଛତୁରେ ଥିବା ଖାଦ୍ୟସାର (କଞ୍ଚା ଓଜନ)

ପ୍ରୋଟିନ୍ ବା ପୁଷ୍ଟିସାର

ଛତୁରେ (ଶୁଖିଲା ଛତୁ) ଶତକଡ଼ା ୨୦ ରୁ ୩୫ ଭାଗ ପର୍ଯ୍ୟନ୍ତ ପ୍ରୋଟିନ୍ ଥାଏ, ଯାହାକି ଡାଲି ବା ପନିପରିବାରେ ଥିବା ପ୍ରୋଟିନ୍ ଠାରୁ ଅଧିକ ଏବଂ ମାଛ ଓ ମାଂସରେ ଥିବା ପ୍ରୋଟିନ୍ ପରିମାଣ ସହିତ ସମାନ । ଛତୁରେ ୧୮ ପ୍ରକାର ଆମିନୋଏସିଡ଼ ଥାଏ । ଏଣୁ ଗୁଣାତ୍ମକ ଦୃଷ୍ଟିରୁ ଏହା ଦ୍ଵିତୀୟ ଶ୍ରେଣୀର ପ୍ରୋଟିନ୍ ଖାଦ୍ୟ । ପ୍ରଥମ ଶ୍ରେଣୀର ପ୍ରୋଟିନ୍ ମାଛ ଓ ମାଂସରୁ ମିଳେ ଏବଂ ତୃତୀୟ ଶ୍ରେଣୀର ପ୍ରୋଟିନ୍ ପନିପରିବା ଓ ଡାଲିରୁ ମିଳିଥାଏ । ବର୍ଷକରେ ୧୦୦୦ ବର୍ଗମି. ଜାଗାରୁ ୩୦ ଟନ୍ ଛତୁ ଉତ୍ପନ୍ନ ହୁଏ ଏବଂ ଏଥିରୁ ୧୨୦୦- ୧୫୦୦ କି.ଗ୍ରା. ପର୍ଯ୍ୟନ୍ତ  ପ୍ରୋଟିନ୍ ମିଳିଥାଏ । ବୈଜ୍ଞାନିକ କୁକ୍ (୧୯୭୭)ଙ୍କ ଗଣନା ଅନୁସାରେ ଗୋଟିଏ । ହେକ୍ଟର ଜମିରୁ ବର୍ଷକୁ ପ୍ରାଣୀଜ ଶୁଖିଲା ପ୍ରୋଟିନ୍ ୭୮ କି.ଗ୍ରା. ଓ ମାଛର ଶୁଖିଲା ପ୍ରୋଟିନ୍ ୬୭୫ କି.ଗ୍ରା. ମିକୁ ଥିବା ବେଳେ ଛତୁର ଶୁଖିଲା ପ୍ରୋଟିନ୍ ୬୫୦୦୦ କି.ଗ୍ରା. ମିଳିଥାଏ ।

ଇଂଲଣ୍ଡର ଛତୁବିଜ୍ଞାନୀ ହେୟଜ୍‌ଙ୍କ ମତରେ ଛତୁ ପ୍ରୋଟିନ୍ ସହଜରେ ହଜମ ହୁଏ । ଏଣୁ ଏହା ବୟସ୍କ ଲୋକମାନଙ୍କ ପାଇଁ ଅତ୍ୟନ୍ତ ଉପାଦେୟ । ଛତୁରେ ଥିବା ବିଭିନ୍ନ ପ୍ରକାର ଆମିନୋଏସିଡ଼ ତାଲିକା – ୩ରେ ଦିଆଗଲା । ଏଥିରୁ ସୂଚିତ ହୁଏ । ଯେ ଫିନାଇଲ ଆଲାନାଇନ୍, ଆଲାନାଇନ୍, ଥ୍ରେଓନାଇନ୍ ପ୍ରମୁଖ ଆମିନୋଏସିଡ଼୍ ଅଣ୍ଡାଠାରୁ ଛତୁରେ ଅଧିକ ଥାଏ । ଲିଓସିନ୍, ସିଷ୍ଟିନ୍, ଭାରିନ୍, ହିଷ୍ଟ୍ରିଡାଇନ୍, ଆସପାରଟିକ୍ ଏସିଡ୍ ପ୍ରମୁଖ ଆମିନୋ ଏସିଡ଼ ଅଣ୍ଡା ଓ ଛତୁରେ ସମପରିମାଣରେ ଥାଏ ।

ଭାତ ଓ ରୁଟି ସାଧାରଣତଃ ଭାରତୀୟଙ୍କ ର ମୁଖ୍ୟ ଖାଦ୍ୟ । ଏଥିରେ ଲାଇସିନ୍ ଓ ଟ୍ରିପଟୋଫାନ୍ ନ ଥାଏ । କିନ୍ତୁ ଏହି ଦୁଇଟି ଆମିନୋ ଏସିଡ଼ ଛତୁରେ ପ୍ରଚୁର ପରିମାଣରେ ଥାଏ । ଏଣୁ ଛତୁ ଭାରତୀୟମାନଙ୍କ ପାଇଁ ଅତି ଉତ୍ତମ ଖାଦ୍ୟ ହିସାବରେ ପୁଷ୍ଟିହୀନତା ଦୂରକରିବା ଦିଗରେ ସହାୟକ ।

ଚାଉଳରେ ଗହମ ଅପେକ୍ଷା ନିକୃଷ୍ଟ ଧରଣର ପ୍ରୋଟିନ୍ ଥାଏ । ଏଣୁ ଭାତ ଖାଉଥିବା ଲୋକଙ୍କ ପାଇଁ ଛତୁ ଅତ୍ୟନ୍ତ ଉପାଦେୟ ଖାଦ୍ୟ ।

ଛତୁରେ ରକ୍ତକାରକ ଭିଟାମିନ୍ ଓ ଫଲିକ୍‌ ଏସିଡ଼ ପ୍ରଚୁର ଥାଏ । ଏହି ରକ୍ତକାରୀ ଭିଟାମିନ୍ ମେରୁଦଣ୍ଡ, ଯକୃତ ଓ ମୁତ୍ରାଶୟରେ ଅଧିକ ଥାଏ । ବର୍ତ୍ତମାନ ଛତୁରୁ ମିଳୁଥିବା ଫଲିକ୍‌ ଏସିଡ୍‌ର ପରିମାଣ ଦୃଷ୍ଟିରୁ ଛତୁକୁ ଉପରୋକ୍ତ ମାଂସ ସହିତ ସମାନ କରାଯାଇପାରେ । ରକ୍ତହୀନତା ରୋଗୀଙ୍କ ପାଇଁ ଏହା ଉପଯୁକ୍ତ ଖାଦ୍ୟ ।

ବି-୧ ଭିଟାମିନ୍ ଛତୁରେ କଢ଼ ଅବସ୍ଥାରେ ବେଶୀଥାଏ ଏବଂ ବି-୨ ଭିଟାମିନ୍ ଛତୁର ପାକଳ ଅବସ୍ଥାରେ ବେଶୀଥାଏ ।

ଧିଙ୍ଗିରି (ଅଷ୍ଟ୍ରିଆଟିସ୍) ପ୍ରଭୃତି କେତେକ ଛତୁର ଏରଗୋ ଷ୍ଟେରଲ ପ୍ରଚୁର ଥାଏ । ଥାଏ ଯାହା ପରେ ଭିଟାମିନ୍ ଡି ରେ ପରିଣତ ହୁଏ ।

ଫଲିକ୍ ଏସିଡ଼୍ ଓ ଭିଟାମିନ୍ ବି-୧୨ କୌଣସି ପରିବାରେ ନ ଥାଏ । ମାତ୍ର  ଛତୁରେ ପ୍ରଚୁର ପରିମାଣରେ  ଥାଏ । ଏହି ଦୁଇଟି ଭିଟାମିନ୍ ଗର୍ଭବତୀ ମହିଳାଙ୍କ ପାଇଁ ଉତ୍କୃଷ୍ଟ ହୋଇଥିବାରୁ ପ୍ରସୂତୀମାନଙ୍କ ପାଇଁ ଛତୁ ଉତ୍ତମ ଖାଦ୍ୟ ।

ତାଲିକା-୩ ବିଭିନ୍ନ ଛତୁରେ ଥିବା ବିଭିନ୍ନ କିସମର ଆମିନୋ ଏସିଡ଼୍ (୧୦୦ ଗ୍ରାମ୍ ଶୁଖିଲା ଛତ୍ରରେ ଥିବା ଆମିନୋଏସିଡ୍/ମିଲିଗ୍ରାମ୍)

ଭିଟାମିନ୍ – ଛତୁରେ ଭିଟାମିନ୍ ବି-୧(ଥାୟାମିନ୍), ବି-୨ (ରିବୋଫ୍ଲୋବିନ୍), ନିଆସିନ୍, ବି-କମ୍ପେକସ (ପ୍ଲାଣ୍ଟୋଥେନିକ ଏସିଡ଼) ଓ ଭିଟାମିନ୍-ସି ରହିଛି । ତେବେ ଭିଟାମିନ୍-ଏ ଓ ଇ ଛତୁରେ ସ୍ଵଳ୍ପ ପରିମାଣରେ ରହିଛି ।

ଛତୁରେ ଥିବା ଏହି ଭିଟାମିନ୍ ବିଭିନ୍ନ ପ୍ରକାର ରନ୍ଧନ ପ୍ରଣାଳୀ ଦ୍ଵାରା ନଷ୍ଟ ହୋଇଯାଏନାହିଁ । ୧୦୦ ଗ୍ରାମ୍ ଛତୁରେ ୪ ରୁ ୮ ଗ୍ରାମ୍ ପର୍ଯ୍ୟନ୍ତ ଭିଟାମିନ୍ ସି ଥାଏ । ବିଭିନ୍ନ ଛତୁରେ ଥିବା ବିଭିନ୍ନ ପ୍ରକାର ଭିଟାମିନ୍ ତାଲିକା ନଂ-୪ ରେ ଦିଆଗଲା ।

ତାଲିକା-୪ (ବିଭିନ୍ନ ଛତୁରେ ଥିବା ଭିଟାମିନ୍)

(୧୦୦ ଗ୍ରାମ୍ ଶୁଖିଲା ଛତୁରେ – ମିଲିଗ୍ରାମ୍ ଭିଟାମିନ୍)

ଇଷ୍ଟ ସହିତ ଛତୁରେ ଥିବା ଭିଟାମିନର ତୁଳନା କଲେ ଦେଖାଯାଏ ଯେ ଆକରବିଏସିଡ଼ ଛତୁରେ ବେଶୀ ଥାଏ । ଭିଟାମିନ୍ ବି - କମ୍ପ୍ଲେକ୍ସ, ବାୟୋଟିନ୍, ପାଇରିଡ଼ସିନ୍, ଫଲିକ୍ ଏସିଡ଼, ବି-୧୨ ପ୍ରଭୃତି ଇଷ୍ଟରେ ନଥିଲା ବେଳେ ଛତୁର ପ୍ରଚୁର ଥାଏ ।

ହୋଇଥାଏ । ଏଣୁ ରକ୍ତହୀନତା ଭୋଗୁଥିବା ରୋଗୀ ଓ ଗର୍ଭବତୀ ମହିଳା ଆଦିଙ୍କ ପାଇଁ ଛତୁ ଉତ୍ତମ ଖାଦ୍ୟ । ଛତୁରେ କମ୍ ପରିମାଣର ଚୂନ ଓ ମାଗ୍ନେସିୟମ୍ ଥାଏ । ଚୂନ, ଲୌହ ଏବଂ ଫସ୍‌ଫରସ ଯଥାକ୍ରମେ ଧିଙ୍ଗିରି ଛତୁ, ପାଳଛତୁ ଓ ଇଉରୋପୀୟ ଛତୁରେ ବେଶୀ ଥାଏ ।

ବିଭିନ୍ନ ପ୍ରକାର ଛତୁରେ ଭିନ୍ନ ଭିନ୍ନ ଧାତବ ଲବଣ ଥାଏ, ଯାହା ନିମ୍ନ ତାଲିକାରେ ଦିଆଗଲା ।

ତାଲିକା ନଂ-୫ ବିଭିନ୍ନ ଛତୁରେ ଥିବା ଧାତବ ଲବଣ (୧୦୦ ଗ୍ରାମ୍ ଶୁଖିଲା ଛତୁରେ – ମିଲିଗ୍ରାମ୍ ଧାତବ ଲବଣ)

ଛତୁ ଶରୀର ପାଇଁ ଉତ୍ତମ ଖାଦ୍ୟ

• ଶର୍କରା ଓ ଚର୍ବି ଜାତୀୟ ଖାଦ୍ୟ

ଛତୁରେ ଶ୍ଵେତସାର ଓ ଚର୍ବି ଜାତୀୟ ଖାଦ୍ୟ ଯଥେଷ୍ଟ କମ୍ ଥିବାରୁ ଏହା ମଧୁମେହ ରୋଗୀ ଓ ମୋଟା ଶରୀରରୁ ଚର୍ବି ଝଡ଼ାଉଥିବା ବ୍ୟକ୍ତିମାନଙ୍କ ପାଇଁ ଉତ୍ତମ ଖାଦ୍ୟ ।

• ରୋଗୀ ପଥ୍ୟ

ଛତୁରେ କୋଲେଷ୍ଟରଲ୍ ନଥିବା ଯୋଗୁଁ ଏହା ହୃଦ୍‌ରୋଗୀ ମାନଙ୍କ ପାଇଁ ଉତ୍ତମ ଖାଦ୍ୟ । ଏପରିକି ଛତୁରେ ଥିବା କେତେକ ପଦାର୍ଥ ରକ୍ତରେ ଥିବା କୋଲେଷ୍ଟରଲକୁ ହ୍ରାସ କରେ ।

• ରକ୍ତଚାପ ରୋଗୀ ପଥ୍ୟ

ପଟାସ୍-ସୋଡ଼ିୟମ୍ ଅନୁପାତ ଅତ୍ୟକ ଥିବା ଯୋଗୁଁ ରକ୍ତଚାପ ରୋଗୀଙ୍କ ପାଇଁ ଉତ୍ତମ ଖାଦ୍ୟ ।

• ଅମ୍ଳରୋଗୀ ପଥ୍ୟ

ଏଥିରେ କ୍ଷାରୀ ଜାତୀୟ ଲବଣ (ପଟାସ୍ ଓ ସୋଡିୟମ୍) ଅଧିକ ଥିବା ଯୋଗୁଁ ଅମ୍ଭ ରୋଗୀଙ୍କ ପାଇଁ ଉପଯୁକ୍ତ ଖାଦ୍ୟ ।

• କୋଷ୍ଠକାଠିନ୍ୟ ରୋଗୀ ପଥ୍ୟ

ଯେଉଁମାନଙ୍କର ଝାଡ଼ା କଠିନ ହୁଏ ସେମାନଙ୍କ ପାଇଁ ଏହା ଉତ୍ତମ ଖାଦ୍ୟ, କାରଣ ଏଥିରେ ତନ୍ତୁ ଅଂଶ ଅଧ୍ୟକ ଅଛି । ଏହ। ଝାଡ଼ା ସରଳ କରିବାରେ ସାହାଯ୍ୟ କରେ ।

• ରକ୍ତହୀନ ରୋଗୀ ପଥ୍ୟ

ଛତୁରେ ଲୌହ ଓ ଫଲିକ୍‌ ଏସିଡ୍ ଥିବା ଯୋଗୁଁ ଏହା ରକ୍ତହୀନ ରୋଗୀ ପାଇଁ ଉତ୍ତମ ଖାଦ୍ୟ ।

• କ୍ୟାନ୍‌ସର ରୋଗୀ ପଥ୍ୟ

ଧିଙ୍ଗିରି (ଆଷ୍ଟିଆଟାସ୍) ଛତୁରେ କ୍ୟାନ୍ସର ପ୍ରତିରୋଧୀ ଗୁଣ ଥିବା ଯୋଗୁଁ କ୍ୟାନ୍‌ସର ରୋଗୀଙ୍କ ପାଇଁ ଉତ୍ତମ ।

• ବୃଦ୍ଧଙ୍କ ପାଇଁ ପଥ୍ୟ

ମାଛ, ମାଂସ ବା ଡାଲି ପ୍ରୋଟିନ୍ ତୁଳନାରେ ଛତୁ ପ୍ରୋଟିନ୍ ସହ ଜରେ ହଜମ ହୁଏ । ଏଣୁ ବୃଦ୍ଧ ବ୍ୟକ୍ତିଙ୍କ ପାଇଁ ଉତ୍ତମ ଖାଦ୍ୟ ।

• ଅରଣ୍ୟ ଜାତ ଛତୁରୁ ପ୍ରସ୍ତୁତ ଔଷଧ ଓ ଅନ୍ୟ ଉପକାର

ରକ୍ତ ଜମାଟକ  - ‘ଫୋମସ୍’ ଜାତୀୟ ଛତୁ ରକ୍ତ ଜମାଟ କରିବାରେ ବ୍ୟବହାର କରାଯାଇଥାଏ । ଫଳରେ ଶୀଘ୍ର ରକ୍ତସ୍ରାବ ବନ୍ଦ ହୁଏ । ଅସ୍ତ୍ରୋପଚାରରେ ସହାୟତା- ‘ଲଇକୋପାରୋଡନ୍’ ଜାତୀୟ ଛତୁ ଅସ୍ତ୍ରୋପଚାର ପରେ ଡ୍ରେସିଂ କରିବାରେ ବ୍ୟବହୃତ ହୋଇଥାଏ । ନିଶ୍ଚେତକ – ‘କ୍ଲାଭାଟିଆ’ ଜାତୀୟ ଛତୁ ନିଶ୍ଚିତକ ହିସାବରେ ବ୍ୟବହୃତ କରା ଯାଇଥାଏ ।

ଅପସ୍ମାର ଓ ଫୁଲିବା – ବୈଦିକ ଯୁଗରୁ ‘ଅମାନିତା’ ଜାତିର ଛତୁକୁ ଅପସ୍ମାର ଓ ଗ୍ରାଣ୍ଡ ଫୁଲିବା ଉପଶମ କରିବା ଦିଗରେ ବ୍ୟବହାର କରାଯାଇ ଆସୁଅଛି । ଅମାନିତା ଛତୁ ହୋମିଓପ୍ୟାଥିକ ଚିକିତ୍ସାରେ ବିଶେଷ ବ୍ୟବହାର କରାଯାଇଥାଏ ।

• ହୃଦରୋଗ ନିରାକରଣରେ ସହାୟତା

ପାଳଛତୁରୁ ଔଷଧ ପ୍ରସ୍ତୁତି କରାଯାଇ ହରୋଗ, ରକ୍ତଚାପ ଓ ମସ୍ତିସ୍କ ରୋଗ । ଆରୋଗ୍ୟ କରିବା ଦିଗରେ ଉଦ୍ୟମ କରାଯାଉଛି ।

ଅମାନି ତାରୁ ଔଷଧ ପ୍ରସ୍ତୁତ କରାଯାଇ ଗଣ୍ଠି ବାତ ଇତ୍ୟାଦି ଆରୋଗ୍ୟ କରାଯାଉଛି ।

• କ୍ୟାନସର ଓ ଏନଫ୍ଲୁଏଞ୍ଜା

ସିଆଟାକେ ଦ୍ଵାରା କ୍ୟାନ୍ସର ଓ ଏନଫ୍ଲୁଏଞ୍ଜା ଜ୍ଵର ଆଦି ଆରୋଗ୍ୟ  କରାଯାଉଛି । ଏହା ବ୍ୟତୀତ ବିଭିନ୍ନ ଅରଣ୍ୟଜାତ ଛତୁ ବିଭିନ୍ନ ପ୍ରକାର ଶିଳ୍ପ ଓ  ଗୃହ ଉପକରଣରେ ବ୍ୟବହୃତ ହେଉଛି ।

ଆଧାର -"ଓୟୁଏଟି"