ହୋମ / କୃଷି / କୃଷି କ୍ଷେତ୍ର ରେ ସଫଳ ବ୍ୟକ୍ତି / ଚାଷ କାମ ହିଁ ଆନନ୍ଦ ଦେଉଛି
ସେଆର କରନ୍ତୁ

ଚାଷ କାମ ହିଁ ଆନନ୍ଦ ଦେଉଛି

ଚାଷ କାମ ଦେଇଛି ସଫଳତା ଏହି ସଫଳ ଚାଷୀ ମଧୁସୂଦନ ପଣ୍ଡା ।

ପରିଚୟ

ସ୍ନାତକ ଶିକ୍ଷା ପରେ ରୋଜଗାର ଚିନ୍ତାଘାରିଲା ।

ତେବେ ଏଥିଲାଗି ଚାକିରି ପାଇଁ ଉଦ୍ୟମ ନ କରି ଚାଷ କାର୍ଯ୍ୟରେ ମନୋନିବେଶ କଲେ ।

ଚାଲିଲା ଉଦ୍ୟମ  ମାତ୍ର ବର୍ଷ କେଇଟାରେ ସ୍ଥାନୀୟ ଅଞ୍ଚଳରେ ଜଣେ ସଫଳ ଚାଷୀ ଭାବେ ପରିଚିତ ହେଲେ । ଏଥିସହିତ ଆଉ କେତେଜଣଙ୍କୁ ମଧ୍ୟ ରୋଜଗାର କ୍ଷମା ଯୋଗାଇବାରେ ହୋଇଛନ୍ତି ସମର୍ଥ ।

ସେ ହେଲେ ମଧୁସୂଦନ ପଣ୍ଡା (ମୋ:୯୪୩୭୧୦୨୮୭୮) ଜନ୍ମ ବାଲେଶ୍ଵର ଜିଲା ସଦର ବ୍ଲକ ଅନ୍ତର୍ଗତ କଷିପଦା ଗାଁରେ । ପିତା ଚନ୍ଦ୍ର ମୋହନ ପଣ୍ଡା ଓ ମା'ଙ୍କ ନାମ ଶୁକମଣି ଦେଈ ।

ଚାଷ କାମ ପ୍ରତି ଆଗ୍ରହ

ନିଜ ଗାଁ ପ୍ରାଥମିକ ବିଦ୍ୟାଳୟରୁ ପ୍ରାଥମିକ ଶିକ୍ଷା ଆରମ୍ଭ କରିଥିବା ମଧୁସୂଦନ ପରବର୍ତ୍ତୀ ସମୟରେ ଫକୀର ମୋହନ ମହାବିଦ୍ୟାଳୟରୁ ବିଏ ପାସ କଲେ । ଏହାପରେ ରୋଜଗାର ଲାଗି ଚାକିରି କରିବାକୁ କେତେଜଣ ପ୍ରବର୍ତ୍ତାଇଲେ । ମାତ୍ର ନିଜର ପୈତୃକ ଜମିବାଡ଼ି ଅଧିକ ଥିବାରୁ ଚାଷ ଦ୍ଵାରା ସ୍ଵାବଲମ୍ବୀ ହେବାକୁ ମନସ୍ଥ କଲେ । ପ୍ରଥମେ ଧାନଚାଷ କଲେ । ଏଥିରେ, ପ୍ରାଥମିକ ସଫଳତା ତାଙ୍କ ଉତ୍ସାହକୁ ଦ୍ଵିଗୁଣିତ କରିଦେଲା । ତା'ପରେ ଚାଷରୁ କିପରି ଅଧ୍ୟକ ଲାଭ ମିଳିପାରିବ ସେଥିପାଇଁ ସେ ଜିଲା ଓ ଚୁକ କୃଷି ଅଧିକାରୀଙ୍କଠାରୁ ପରାମର୍ଶ ନେଲେ।

ବିଭିନ୍ନ ପ୍ରକାର ଚାଷ

ଏହାପରେ ସେ ପନିପରିବା, ସୋରିଷ, ଗହମ ଚାଷ କଲେ । ଏଥିସହିତ ଆମ୍ବ, ଅମୃତଭଣ୍ଡା, ନଡ଼ିଆ, ସୋପଟା, ଲିନ୍ତୁ, ଗୟା କୋଳି, କଦଳୀ ପ୍ରଭୃତି ଚାରା ରୋପଣ କରି ଅଧିକ ରୋଜଗାରର ସଂକଳ୍ପ ନେଲେ । ପୁଣି ୨୦ ଏକର ବିଶିଷ୍ଟ ଫାର୍ମରେ ୧୮୦ଟି ନଡ଼ିଆ, ୨୦୦ଟି ଅମୃତଭଣ୍ଡା, ୧୦୦ଟି ଆମ୍ବ , ୧୦୦ଟି ଲେମ୍ବ, ୫୦ଟି ଲିଛୁ, ୨ଶହରୁ ଉର୍ଦ୍ଧ କଦଳୀ ଗଛ ଲଗାଇବା ସହିତ ଅଢ଼େଇ ଏକର ଜମିରେ ଏକ ପୋଖରୀ ଖୋଳି ଚିଙ୍ଗୁଡ଼ି ଚାଷ କଲେ । ପ୍ରାୟ ୮ଗୁଣ୍ଠ ଜମିରେ ସୁନୁସୁନିଆ ଶାଗ ଚାଷ କରି ଦୁଇବର୍ଷରେ ଏଥିରୁ ସେ ପ୍ରାୟ ୮୦ ହଜାର ଟଙ୍କା ରୋଜଗାର କରିଛନ୍ତି । ଏହା ସହ ୪ଟି ଜର୍ସିଗାଈ ପାଳନ କରିଛନ୍ତି । ଚାଷ ସମ୍ବନ୍ଧରେ ଅଧିକ ଜାଣିବା ପାଇଁ ସେ ଆନ୍ଧ୍ରପ୍ରଦେଶ ଯାଇ ସେଠାରୁ କଦଳୀ ଚାଷ ଏବଂ ପିପିଲିରେ ନଡ଼ିଆ ଚାଷ, ମାଛ ଓ ପନିପରିବା ଚାଷ ସମ୍ପର୍କରେ ଗ୍ରେନିଂ ପାଇଛନ୍ତି ।

ମଧୁସୂଦନ ପ୍ରେରଣା

ମଧୁସୂଦନ କୁହନ୍ତି, ପୂର୍ବତନ ମୁଖ୍ୟମନ୍ତ୍ରୀ ସ୍ଵର୍ଗତ ବିଜୁ ପଟ୍ଟନାୟକ ଏବଂ ପଞ୍ଜାବର ମୁଖ୍ୟମନ୍ତ୍ରୀ ପ୍ରତାପ ସିଂ କାଇରନଙ୍କ ପ୍ରେରଣାରେ ଚାଷ ପ୍ରତି ମୋ ମନରେ ଆଗ୍ରହ ସୃଷ୍ଟି ହୋଇଥିଲା ।

ଚାଷ ଦ୍ଵାରା ଆୟ

ତେବେ ଚାଷପାଇଁ ସମସ୍ତ ଖର୍ଚ୍ଚ ଯାଇ ବର୍ଷକୁ ପ୍ରାୟ ୩ ଲକ୍ଷ ଟଙ୍କା ଲାଭ ମିଳୁଛି । ପୁଣି ୫ଜଣ ବ୍ୟକ୍ତି ଆମ କୃଷିକ୍ଷେତ୍ରରେ କାମ କରି ସେମାନଙ୍କ ପରିବାର ପ୍ରତିପୋଷଣ କରିପାରୁଛନ୍ତି ।

ପୁରଷ୍କାର ଓ ସମ୍ମାନ

ଅବଶ୍ୟ ତାଙ୍କର ଏତାଦୃଶ କାର୍ଯ୍ୟ ସକାଶେ କୃଷକରତ୍ନ, ରାଜ୍ୟସ୍ତ ରାୟ କୃଷକ ସମ୍ମାନ ଏବଂ ୨୦୦୨ ଓ ୨୦୦୭ରେ ସଫଳ ଚାଷୀ ଭାବେ ସମ୍ମାନିତ ହୋଇଛନ୍ତି ସେ । ସତକଥା ଏଇ ଚାଷ କାମ ମୋତେ ଢେର ଆନନ୍ଦ ଦେଉଛି ବୋଲି କୁହନ୍ତି। ଏହି ସଫଳ ଚାଷୀ ।

ଆଧାର - ବାଞ୍ଚାନିଧି ଦେ

2.96774193548
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top