କଲେଜ ପଢା ପରେ ରୋଜଗାର ଚିନ୍ତା ବଢିଲା । ଏଥିପାଇଁ ଏକ ବରଫକଳ ପ୍ରତିଷ୍ଠା କରି ସେ ତା'ର ପରିଚାଳନା କଲେ । ମାତ୍ର ଅପରପକ୍ଷେ ଫୁଲ ଚାଷ ପାଇଁ ମନରେ ଥିଲା ପ୍ରବଳ ଆଗ୍ରହ । ଏହି ଆଗ୍ରହକୁ ରୋଜଗାରର ମାଧ୍ୟମ ଭାବେ ଗ୍ରହଣ କରିବା ଲକ୍ଷ୍ୟରେ ଚଳାଇଲେ ଉଦ୍ୟମ । ଆଉ ଏବେ ଜଣେ ସଫଳ ଫୁଲ ଚାଷୀ ଭାବେ ସେ ଗଞ୍ଜାମ ଜିଲାରେ ବେଶ୍ ପରିଚିତ । ସେ ହେଲେ ଏ.ବଂଶୀକ୍ରିଷ୍ଣା । ପିତା ଏ.ଭି.ଆର. ମନୋହର ଓ ମା'ଙ୍କ ନାମ ଏ...ମୋତି ମାଳା । ଗଞ୍ଜାମ ଜିଲା ରଙ୍ଗେଇଲୁଣ୍ଡା ବ୍ଲକ ଅନ୍ତର୍ଗତ ପାର୍ବତୀପୁର ଗାଁରେ ତାଙ୍କର ଘର । ବ୍ରହ୍ମପୁରଠାରୁ ଗୋପାଳପୁର ଯିବା ରାସ୍ତାରେ ପ୍ରାୟ ୧୦କି.ମି. ଦୂରରେ ରହିଛି। ଏହି ଗାଁଟି । ଏଠାରେ ରହିଛି ଏକ ପଲ୍ଲୀଗ୍ରୀନ ହାଉସ । ତା' ଭିତରେ ଦୀର୍ଘ ୧୦ବର୍ଷଧରି ସେ ଗୋଲାପ ଫୁଲ ଚାଷକରି ଆସୁଛନ୍ତି । ସେ କୁହନ୍ତି" ବି. କମ୍ ପାଶ୍ କରିବା ପରେ ଆମ ନିର୍ଭରଶୀଳ ହେବା ଲକ୍ଷ୍ୟରେ ଏକ ବରଫକଳ ପ୍ରତିଷ୍ଠା କରି ପ୍ରାୟ ୫ବର୍ଷଧରି ଏହାର ପରିଚାଳନା କଲି । କିନ୍ତୁ ଫୁଳ ଚାଷ ପ୍ରତି ମନରେ ଢେର ଆଗ୍ରହ ଥାଏ । ତେଣୁ ଫୁଲ ଚାଷ କରିବା ପାଇଁ ମନ ବଳାଇଥିଲେ । ପ୍ରଥମେ ରଜନୀଗନ୍ଧା, ଗେଣ୍ଡୁଫୁଲ ଚାଷ କରିଲି । ଏହାପରେ ଗୋଲାପ ଫୁଲ ଚାଷ କରିବାକୁ ଉଦ୍ୟମ କଲି ।
ଗୋଲାପ ଫୁଲ ଚାରା ପୁଣେରୁ ସଂଗ୍ରହ କରିଥିଲେ । ପରେ ଏକ ଏକର ଜମିରେ ଏହି ଗୋଲାପ ଫୁଲ ଚାଷ କଲି । ସତକଥା ପ୍ରାଥମିକ ଭାବେ ଏଥିରେ ବିଶେଷ ସଫଳତା ମିଳି ନ ଥିଲା । ଅପରପକ୍ଷେ ମୋ ସାନଭାଇ ଏହି ଗୋଲାପ ଫୁଲର ଉନ୍ନତ ଚାଷ ସମ୍ପର୍କରେ ବେଙ୍ଗାଲୁରୁ ଓ ନେଦରଲାଣ୍ଡରୁ ଜ୍ଞାନ ଲାଭକରି ଗାଁକୁ ଫେରିଥିଲା, ତା'ଠାରୁ ଏହି ଚାଷ ସମ୍ପର୍କରେ ବୁଝିଲି । ଜାତୀୟ ଉଦ୍ୟାନ କୃଷି ତରଫରୁ ୫୦ ଲକ୍ଷ ଟଙ୍କା ରଣ ଆଣି ଉନ୍ନତ ଚାଷ ପ୍ରଣାଳୀରେ ଗୋଲାପ ଚାଷ କଲି । ଏଥିପାଇଁ ନିଜସ୍ୱ ୧୦ଲକ୍ଷ ଟଙ୍କା ଖର୍ଚ୍ଚକରିବାକୁ ପଡ଼ିଥିଲା । ସରକାରୀ ରଣରୁ ପ୍ରାୟ ୭୦ ଭାଗ ସବସିଡ଼ ପାଇଲି । ଏହି ଫୁଲ ଚାଷ ପାଇଁ ପୁଣେରୁ ଯନ୍ତ୍ରପାତି ସରଞ୍ଜାମ । କିଣିଲି । ପଲିଗ୍ରୀନ ହାଉସରେ ଏକ ଏକର ପିଛା ପ୍ରାୟ ୩୨ ହଜାର ଚାରା ଲଗାଇଥିଲେ ।
ଏଠାରେ ବର୍ଷକୁ ପ୍ରାୟ ୬ ଲକ୍ଷ ଫୁଲ ଫୁଟିଲା । ଦିନକୁ ୨ ହଜାର ଫୁଲ ସଂଗ୍ରହ ହୋଇପାରିଲା । ଗୋଟିଏ ଫୁଲର ମୂଲ୍ୟ ପ୍ରାୟ ୫ରୁ ୭ଟଙ୍କା ମଧ୍ୟରେ ବିକ୍ରି ହୋଇଥାଏ । ଏହି ପଲିଗ୍ରୀନ ହାଉସରେ ପ୍ରାୟ ୫ପ୍ରକାରର ଗୋଲାପ ଫୁଲ ଫୁଟୁଛି । ଗୋଟିଏ ଗୋଲାପ ଗଛରେ ବର୍ଷକୁ ୧୨ଥର ଫୁଲ ଧରେ । ତେବେ ଏକ ଏକର ଜମିରେ ଗୋଲାପ ଚାଷ ପାଇଁ ପ୍ରାୟ ୧୦ଲକ୍ଷ ଖର୍ଚ୍ଚ ହେଉଥିବା ବେଳେ ଏଥିରୁ ପ୍ରାୟ ୨୪ଲକ୍ଷ ଟଙ୍କାର ଫୁଲ ବିକ୍ରି ହୋଇଥାଏ । ସାଧାରଣତଃ ଏହି ଫୁଲ ଭୁବନେଶ୍ଵରକୁ ଯାଇଥାଏ ।" ସୂଚନାଯୋଗ୍ୟ। ଏବେ ସେ ନିଜେ ଆତ୍ମନିର୍ଭରଶୀଳ ହେବା ସହ ଆହୁରି କେତେଜଣଙ୍କୁ ପୁରୋଜଗାର କ୍ଷମ ହେବାରେ ସହାୟକ ହୋଇଛନ୍ତି । ନିଜର ଏତାଦୃଶ୍ୟ କାର୍ଯ୍ୟ ଲାଗି ସେ ୨୦୧୫ରେ ରାଜ୍ୟସ୍ତରୀୟ କୃଷକ ଦିବସରେ ଶ୍ରେଷ୍ଠ ଚାଷୀ ଭାବେ ପୁରସ୍କୃତ ହୋଇଛନ୍ତି । ତେବେ ଆମନିର୍ଭରଶୀଳ ହେବା ଲାଗି ଧୈର୍ଯ୍ୟ ସହ ପରିଶ୍ରମକୁ ଆପଣେଇବାକୁ ପଡ଼ିବ ବୋଲି କୁହନ୍ତି ଏହି - ସଫଳ ଚାଷୀ ।
ହାଇସ୍କୁଲରେ ପଢୁଥିବାବେଳେ ପାଠରେ ତାଙ୍କର ଡୋରି ବନ୍ଧା ହୋଇଗଲା । ରୋଜଗାରର ବାଟ ଖୋଜୁ ଖୋଜୁ ଚାଷ କାମରେ ମନ ଦେଲେ ଆଉ ଏହାକୁ ରୋଜଗାରର ମାଧମ କରିବା କାର୍ଯ୍ୟରେ ଲାଗି ପଡ଼ିଲେ । ବର୍ଷ କେଇଟା ମଧ୍ୟରେ ସେ ସ୍ଥାନୀୟ ଅଞ୍ଚଳରେ ଜଣେ ସଫଳ ଚାଷୀ ଭାବେ ନିଜର ପରିଚୟ ସୃଷ୍ଟି କରିବାରେ ସକ୍ଷମ ହୋଇଛନ୍ତି ।
ଏଥିସହିତ ଏବେ ତାଙ୍କ କ୍ଷେତରେ ଆଉ କେତେଜଣ କାର୍ଯ୍ୟ କରି ପରିବାର ଗୁଜୁରାଣ ମେଣ୍ଟାଉଛନ୍ତି । ସେ ହେଲେ ବନମାଳୀ ପୋଥାଳ ବାଲେଶ୍ଵର ଜିଲା ଔପଦା ବ୍ଲକର ଜାନକୀ ପାଳ ଗାଁରେ ତାଙ୍କର ଘର । ପିତା ମୁରଲୀ ପୋଥାଳ ଓ ମା'ଙ୍କ ନାମ ସୀତା ରାଣୀ । ଗାଁ ସ୍କୁଲରୁ ପ୍ରାଥମିକ ଶିକ୍ଷା ଆରମ୍ଭ କରିଥିବା ବନମାଳୀ ୯ମ ଶ୍ରେଣୀ ଯାଏଁ ପଢିଲେ । ଏହାପରେ ରୋଜଗାର କଥା ଚିନ୍ତା କଲେ । ଚାଷ ପ୍ରତି ଆଗ୍ରହ ଥିବାରୁ ଏଥିରେ ମନୋନିବେଶ କଲେ ।
ଏଥିଲାଗି ପ୍ରଥମେ ସୂର୍ଯ୍ୟମୁଖୀ ଫୁଲ ଚାଷ କଲେ ସେ । ପ୍ରାଥମିକ ସଫଳତା ତାଙ୍କ ଉସାହ ବଢାଇଦେଲା । ତା' ପରେ ଋତୁ ଅନୁସାରେ ଲଙ୍କା, ବିଲାତି ବାଇଗଣ ଆଦି ବିଭିନ୍ନ ପନିପରିବା ସମେତ ଧାନ ଚାଷ କଲେ ସେ । ଏଥିସହିତ ଏବେ ପୋଖରୀ ହୁଡ଼ାରେ ହରଡ଼ ଚାଷ ସହ ଅମୃତଭଣ୍ଡା ଗଛ ୫୦ଟି, କଦଳୀ ଗଛ ୧୦୦ଟି ଲଗାଇଛନ୍ତି । ଏ ସମ୍ପର୍କରେ ବନମାଳୀ କୁହନ୍ତି, ପରିଶ୍ରମ କେବେ ବୃଥା ଯାଏନି । ଚାଷକୁ ରୋଜଗାରର ବାଟ ଭାବି ଆଜି ଯାଏ ଚାଲିଛି । ଆଉ ଏହି ଚାଷରେ ବର୍ଷକୁ ଦେଢଲକ୍ଷ ଖର୍ଚ୍ଚ ହେଉଥିବା ବେଳେ ପ୍ରାୟ ୩ ଲକ୍ଷ ଟଙ୍କା ଆୟ ମିଳିଥାଏ । ପୁଣି ଆମ ଚାଷରେ ପ୍ରତିଦିନ ୩ଜଣ କାମ କରି ସେମାନଙ୍କ ପରିବାର ଚଳାଉଛନ୍ତି । ଯାହା ମୋତେ ଆତ୍ମ ସନ୍ତୋଷ ଦେଉଛି ବୋଲି କୁହନ୍ତି। ଏହି ସଫଳ ଚାଷୀ ।
ଆଧାର –
Last Modified : 5/23/2020