କୃଷି ପ୍ରଧାନ ରାଜ୍ୟ ଓଡିଶାରେ ବିଶେଷକରି ଚାଷ କ୍ଷେତ୍ରରେ ପୁରୁଷଙ୍କ ଅବଦାନ ରହିଥିଲା ହେଲେ ଏବେ ମହିଳାଙ୍କ ପ୍ରବେଶ ରାଜ୍ୟ କୃଷି ପାଇଁ ଶୁଭ ସୂଚନା । ନିଜେ ସ୍ଵାବଲମ୍ବୀ ହୋଇ ନିଜ ଗୋଡରେ ଛିଡା ହେବାକୁ ବହୁ ମହିଳା ଏହି କ୍ଷେତ୍ରକୁ ଆପଣେଇଛନ୍ତି । ନିଷ୍ଠା , ଉଦ୍ୟମ ଓ ପରିଶ୍ରମ ଯୋଗୁଁ ସେମାନେ ସଫଳତା ହାସଲ କରିଛନ୍ତି । ଅନ୍ୟମାନଙ୍କ ପାଇଁ ଉଦାହରଣ ଓ ପ୍ରେରଣା ପାଲଟିଥିଲା ଏମିତି କେତେ ଜଳ ସଫଳ ଚାଷୀଙ୍କ ମଧ୍ୟରୁ ଅଛନ୍ତି ଦମୟନ୍ତୀ ମହାନ୍ତି, କାସ ଜମ୍ବେକା, ଓ ନୀଳାଦ୍ରି ଭୋଇ । ସେମାନଙ୍କ ସଫଳତା ସମ୍ପର୍କରେ ସ୍ଵତନ୍ତ୍ର ଉପସ୍ଥାପନା ।
ମୟୂରଭଞ୍ଜ ଜିଲ୍ଲା ଠାକୁରମୁଣ୍ଡା ବ୍ଲକ ଦମୟନ୍ତୀ ମହାନ୍ତ ପାରିବାରେ ଲାଗି ରହିଥିବା ଆର୍ଥିକ ସମସ୍ୟାକୁ ଦୂର କରିବାକୁ ସେ ଚାଷକୁ ଆପଣେଇଥିଲେ । ଯଦିଓ ପରିବାରକୁ ଚାଷବାସରେ ସହଯୋଗ କରୁଥିଲେ କିନ୍ତୁ ସେଥିରେ ତାଙ୍କ ପରିବାର ଚାଲିବା କଷ୍ଟ ହେଉଥିଲା । ତେଣୁ ସେ ଚାଷକୁ କିପରି ଅଧିକ ଲାଭ ପାଇବେ ଓ ପରିବାରିକ ଆର୍ଥିକ ସ୍ଥିତି ଦୂର ହେବ ସେନେଇ ନୂଆ ଚିନ୍ତା କାଲେ । ଏଥିପାଇଁ ନୂତନ ଜ୍ଞାନକୌଶଳରେ ଚାଷ ପାଇଁ ପ୍ରଶିକ୍ଷଣ ନେଲେ । ପ୍ରଥମେ 5 ଏକର ଜମିରେ କଖାରୁ ଚାଷ ଆରମ୍ଭ କାଲେ । ଭଲ ଫସଲ ଫଳିଲା । ମାତ୍ର ବିକ୍ରିରେ ପ୍ରଥମେ ସମସ୍ୟା ହେଲା । ବିଶେଷକରି ବ୍ୟବସାୟୀଙ୍କୁ ନେଇ ବିକ୍ରି କରିବା ତାଙ୍କ ପାଇଁ କଷ୍ଟକର ହୋଇପଡୁଥିଲା । ତେଣୁ ନିଜ ଉତ୍ପାଦିତ କଖାରୁ ବିକ୍ରି କରିଥିଲେ । ସେତେଟା ଲାଭ ହୋଇନଥିଲା ମଧ୍ୟ ତାଙ୍କ ମନୋବଳ ଭାଙ୍ଗିନ ଥିଲା । ଧୀରେ ବ୍ୟବସାୟୀମାନେ ଜାଣିବା ପରେ ବିକ୍ରିରେ ଆଉ ସମସ୍ୟା ରହିଲା ନାହିଁ । ବର୍ତ୍ତମାନ ସେ 30 ଏକର ଜମିରେ ଚାଷ କରୁଛନ୍ତି ଏବେ କିନ୍ତୁ ବେପାରୀମାନେ ତାଙ୍କ ପାଖକୁ ଆସି କଖାରୁ କିଣି ନେଉଛନ୍ତି । ଓଡିଶା ସମେତ ଆନ୍ଧ୍ରକୁ ତାଙ୍କ କଖାରୁ ଯାଉଛି । ଏନେଇ ଦମୟନ୍ତୀ କୁହନ୍ତି ଏବେ ଆମର ଚାଲିବାରେ ଆଉ କଷ୍ଟ ହେଉ ନାହିଁ । ତେଣୁ ଚାଷକୁ ଆପଣେଇ ମୁଁ ଭଲ କରିଛି । ତେବେ ସରକାରୀ ପ୍ରୋତ୍ସାହନ ମିଳିଲେ ଆହୁରି ମଧ୍ୟ ଆଣିପାରିବି ବୋଲି ସେ କୁହନ୍ତି ।
ଆଉ ଜଣେ ଚାଷୀ ହେଲେ କୋରାଫୁଟ ଜିଲ୍ଲା ଲକ୍ଷ୍ମୀପୁର ବ୍ଲକର କାସ ଜମ୍ବେକା, । ବୟସ ମାତ୍ର 26 ଅବିବାହିତ କାମ ଜଣେ ସଫଳ ଚାଷୀ ଭାବେ ବେଶ ପରିଚିତ । ବିଏ ପାସ କରି ବର୍ତ୍ତମାନ ସେ ଏମଏସଡବ୍ଲ୍ୟୁ କରୁଛନ୍ତି । ପାଠ ପଢିବା ସହିତ ଚାଷ ଆଦରିନେଇଛନ୍ତି । 5 ଏକର ଜମିରେ ମ।ଣ୍ଡିଆ, ମକା, କାନ୍ଦୁଲ, କାଙ୍ଗୁ, ଆଦି ଚାଷ କରିଛନ୍ତି । ଏଥିରେ ସେ ବର୍ଷକୁ 20 ହଜାର ଟଙ୍କା ଲାଭ ପାଆନ୍ତି । ତେବେ କାସ ଗତବର୍ଷ ଡିସେମ୍ବର10ରେ ଶ୍ରୀଲଙ୍କାର କଲମ୍ବୋରେ ହୋଇଥିବା ମହିଳା ଚାଷୀଙ୍କ ସମସ୍ୟା ଓ ସମାଧାନ କର୍ମଶାଳାରେ ଯୋଗଦେଇଥିଲେ । ଏହି କର୍ମଶାଳାରେ 14 ଟି ଦେଶରୁ 45 ଜଣ ମହିଳା ଚାଷୀ ଅଂଶଗ୍ରହଣ କରିଥିଲେ । ଭାରତରୁ ଯୋଗଦେଇଥିବା 3 ଜଣ ମହିଳା ଚାଷୀଙ୍କ ମଧ୍ୟରୁ କାସ ଅନ୍ୟତମ । ନିଜ ସମ୍ପର୍କରେ ସେ କୁହନ୍ତି , ଚାଷ ପ୍ରତି ମୋର ଆଗ୍ରହ ରହିଛି । ମୁଁଜଣେ ଚାଷୀ ପରିବାରର ଝିଅ । ତେଣୁ ଚାଷ କରିବାକୁ ଲାଜ କରେ ନାହିଁ । ମୁଁ ଚାହେଁ ସବୁ ଚାଷୀ ପରିବାରର ଝିଅମାନେ ମଧ୍ୟ ଯଦି କିଛି କରିବାର ସୁଯୋଗ ପାଉ ନାହାନ୍ତି ତେବେ ଚାଷକୁ ଆପଣେଇବା ଉଚିତ । କାରଣ ଏଥିରେ ନିଶ୍ଚିତ ସଫଳତା ମିଳିବ ।
ସେହିଭଳି ଆଉ ଜଣେ ମହିଳା ଚାଷୀ ହେଲେ ବଲାଙ୍ଗୀରି ଜିଲ୍ଲା ସଇଁତଳା ବ୍ଲକର ନୀଳାଦ୍ରି ଭୋଇ । ପ୍ରଥମେ ସେ କେବଳ ଧାନ ଚାଷରେ ଘର ଲୋକଙ୍କୁ ସାହାଯ୍ୟ କରୁଥିଲେ । କିନ୍ତୁ ପରେ ସେ ନିଜେ ଗୋଡରେ ଛିଡା ହେବା ପାଇଁ ପ୍ରଥମେ ତାଙ୍କ ବଗିଚା ରେ କିଛି ପନିପରିବା ଚାଷ କଲେ । ପ୍ରଥମେ ପରିବାର ଚାଲିବା ପାଇଁ ଆବଶ୍ୟକ ପରିବା ହୋଇଗଲା । ଧୀରେ ଧୀରେ ସେ ଅଧିକ ପନିପରିବା ଚାଷ କଲେ । ଏହାକୁ ବ୍ୟବସାୟଙ୍କୁ ବିକ୍ରି କରି ବେଶ ଲାଭବାନ ହେଲେ । ପନିପରିବା ସହ ଏବେ ହରଡା, ବାହାଡା ଆଦି ବେପାର କରୁଛନ୍ତି । ଯେଉଁଥିରେ ସେ ବର୍ତ୍ତମାନ ବର୍ଷକୁ 40 ରୁ 50 ହଜାର ଟଙ୍କା ଲାଭ ପାଉଛନ୍ତି । ଅଧିକ ପରିମାଣର ଚାଷ ପାଉଛନ୍ତି । ଅଧିକ ପରିମାଣରେ ଚାଷ ଓ ଲାଭ ଲକ୍ଷ୍ୟ ରହିଛନ୍ତି । ଚାଷ ପାଇଁ ଅନ୍ୟମାନଙ୍କୁ ମଧ୍ୟ ଉତ୍ସାହିତ କରଥିବା ସେ କହିଛନ୍ତି ।
ଆଧାର – ଧରିତ୍ରୀ
Last Modified : 1/2/2020