ହୋମ / କୃଷି / କୃଷି କ୍ଷେତ୍ର ରେ ସଫଳ ବ୍ୟକ୍ତି / ସମୟର ସଦୁପଯୋଗ ଆତ୍ମନିର୍ଭରଶୀଳ ହେବାରେ ସହାୟକ ହୋଇଛି
ସେଆର କରନ୍ତୁ

ସମୟର ସଦୁପଯୋଗ ଆତ୍ମନିର୍ଭରଶୀଳ ହେବାରେ ସହାୟକ ହୋଇଛି

ଚାକିରି ପଛରେ ଆଉ ନ ଗୋଡ଼ାଇ ନିଜସ୍ୱ ଉଦ୍ୟମରେ ଆତ୍ମନିର୍ଭରଶୀଳ ସଫଳ ଚାଷୀ ମଙ୍ଗୁଳି ଚରଣ ରାଉତରାୟ ।

ମଙ୍ଗୁଳି ଚରଣ ରାଉତରାୟ ପରିଚୟ

କଲେଜ ପଢା ପରେ ଚାକିରି ପାଇଁ ଚେଷ୍ଟା ଚାଲିଲା । ଦିନ ପରେ ଦିନ ଗଡ଼ିଲା। ହେଲେ ଚାକିରି ମିଳିଲାନି । ଦିନେ ଭାବିଲେ ଚାକିରି ପଛରେ ଆଉ ନ ଗୋଡ଼ାଇ ନିଜସ୍ୱ ଉଦ୍ୟମରେ ଆତ୍ମନିର୍ଭରଶୀଳ ହେବେ । କିଛିଦିନ ଭାବି ଭାବି ଶେଷରେ ଚାଷକୁ ଆପଣାଇବା ଲାଗି ନିଷ୍ପତି ନେଲେ । ଆରମ୍ଭ ହେଲା ଉଦ୍ୟମ । ପ୍ରାଥମିକ ସଫଳତା ତାଙ୍କ ମନୋବଳ ବଢାଇଦେଲା । ଧୀରେ ଧୀରେ ସେ ଲକ୍ଷ୍ୟପଥରେ ଆଗେଇଲେ । ଆଉ ବର୍ଷ କେଇଟା ମଧ୍ୟରେ ସ୍ଥାନୀୟ ଅଞ୍ଚଳରେ ଜଣେ ସଫଳ ଚାଷୀ ଭାବରେ ପରିଚୟ ସୃଷ୍ଟି କଲେ । ପୁଣି ଆଉ କେତେଜଣଙ୍କୁ ଏଦିଗରେ ଉତ୍ସାହିତ କରାଇବା ସହ ସେମାନଙ୍କୁ ରୋଜଗାରର ବାଟ ଦେଖାଇବାରେ ସକ୍ଷମ ହୋଇଛନ୍ତି । ସେ ହେଲେ ମଙ୍ଗୁଳି ଚରଣ ରାଉତରାୟ (ମୋ:୯୮୫୩୭୮୦୨୮୯) ।

ଜଗତ୍‌ସିଂପୁର ଜିଲା ତିର୍ତ୍ତୋଲ ବ୍ଲକ ଅନ୍ତର୍ଗତ ମଣପୁରନୀରପୋଇ ଗାଁରେ ତାଙ୍କ ଘର । ପିତା ଉତ୍ତମ ଚରଣ ରାଉତରାୟ ଓ ମା'ଙ୍କ ନାମ ତୁଳସୀ ଦେଇ । ବାୟା ଅବଧୂତ କଲେଜରୁ ଯୁକ୍ତଦୁଇ ଶିକ୍ଷାପରେ ଚାକିରି ଖୋଜି ସେଥରେ ସଫଳ ନ ହେବାରୁ ଆତ୍ମନିର୍ଭରଶୀଳ ହେବା ଲାଗି ଚାଷକୁ ଆପଣେଇ ନେଲେ ମଙ୍ଗୁଳି ।

ଆତ୍ମନିର୍ଭରଶୀଳ ହେବା ଲାଗି ଚାଷ

ପ୍ରଥମେ ୧୨ ଗୁଣ୍ଡଜମିରେ ଭେଣ୍ଡି ଚାଷ କଲେ । ଏଥରୁ ଲାଭ ମିଳିଲା । ଆଉ ଏହା ତାଙ୍କ ମନୋବଳକୁ ବଢାଇଦେଲା ।

ତା’ପରେ ସେ କୃଷିକାର୍ଯ୍ୟରେ ସମ୍ପୂର୍ଣ୍ଣ ମନୋନିବେଶ କଲେ । ଋତୁ ଅନୁଯାୟୀ ଟମାଟୋ, ଭେଣ୍ଡି, ବାଇଗଣ, ଆଳୁ, ତରଭୁଜ ଆଦି ଚାଷ କଲେ । ଧୀରେ ଧୀରେ ଚାଷକୁ କିପରି ଅଧିକ ଲାଭଜନକ କରିହେବ ସେ ବିଷୟରେ ବିଭିନ୍ନ ବ୍ୟକ୍ତି ତଥା ବିଶେଷଜ୍ଞଙ୍କ ପରାମର୍ଶ ନେଲେ ।

ଚାଷରୁ ବର୍ଷ ଲାଭ

ଏବେ ପନିପରିବା ଚାଷରୁ ବର୍ଷକୁ ପ୍ରାୟ ୩ ଲକ୍ଷ ଟଙ୍କା ହେଉଥିବା କଥା ସେ କୁହନ୍ତି । ବେପାରିମାନେ ତାଙ୍କ ପନିପରିବା ଆସ କିଣି ନେଇଥାନ୍ତି । ସେସବୁ ନିକଟସ୍ଥ ଜୟପୁର , କୃଷ୍ଣାନନ୍ଦପୁରହାଟରେ ବିକ୍ରି ହୋଇଥାଏ । ତାଙ୍କର ଏ କାର୍ଯ୍ୟ ଆଉ କେତେଜଣଙ୍କୁ ବି ପ୍ରଭାବିତ କରିଛି । ସେମାନେ ଚାଷ ମାଧମରେ ଆତ୍ମ ନିର୍ଭରଶୀଳ ହେବା ପଥରେ ଅଗ୍ରସର ହେଉଥିବା ତାଙ୍କୁ ଅଧିକ ଆନନ୍ଦ ଦେଇଥାଏ । ଚାଷ ବିଷୟରେ ଯଦିଓ କିଛି କିଛି ଜାଣିଥିଲି କିନ୍ତୁ ପୁରା ଜ୍ଞାନ ନ ଥିଲା । ସମୟର ଉପଯୋଗ ଲାଗି ଚେଷ୍ଟା ଚଳାଇଛି । ଆଉ ତାହାହିଁ ଆଜି ମୋତେ ଆତ୍ମନିର୍ଭରଶୀଳ ହେବାରେ ସହାୟକ ହୋଇଛି ।

ଆଧାର - ଚୌରାଙ୍ଗ ଚରଣ ସ୍ଵାଇଁ

3.16129032258
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top