ହୋମ / କୃଷି / କୃଷି ନିର୍ଦେଶିକା / ପାକଶାଳା ବଗିଚା ପାଇଁ ସ୍ଥାନ ଓ ଫସଲ ଚୟନ
ସେଆର କରନ୍ତୁ

ପାକଶାଳା ବଗିଚା ପାଇଁ ସ୍ଥାନ ଓ ଫସଲ ଚୟନ

ପାକଶାଳା ବଗିଚା ପାଇଁ ସଠିକ ସ୍ଥାନ ଚୟନ କରିବା ପାଇଁ ଚାଷୀ ମାନଙ୍କୁ ଶିକ୍ଷାଦାନ କରିବା I

ପାକଶାଳା ବଗିଚା ପାଇଁ ସ୍ଥାନ ଚୟନ

ଅଧିବେଶନ ୪.୨

ପାକଶାଳା ବଗିଚା ପାଇଁ ସ୍ଥାନ ଚୟନ I

ଉଦ୍ଦେଶ୍ୟ

ପାକଶାଳା ବଗିଚା ପାଇଁ ସଠିକ ସ୍ଥାନ ଚୟନ କରିବା ପାଇଁ ଚାଷୀ ମାନଙ୍କୁ ଶିକ୍ଷାଦାନ କରିବା I

ପଦ୍ଧତି

ପାକଶାଳା ବଗିଚା ପାଇଁ ସ୍ଥାନ ନିରୁପଣ ସମୟରେ ଚାଷୀମାନେ କେଉଁ ସବୁ ଦିଗକୁ ବିଚାରକୁ ନେବା ଆବଶ୍ୟକ, ସେହି ସବୁ ବିଷୟରେ ସିଆରପିମାନେ ଅଂଶଗ୍ରହଣକାରୀମାନଙ୍କୁ ବୁଝାଇବେ I ତାହାପରେ ସେମାନଙ୍କୁ ଏକ ପାକଶାଳା ବଗିଚାକୁ ପରିଦର୍ଶନରେ ନିଆଯିବ I

ଅଂଶଗ୍ରହଣକାରୀ

ସ୍ୱୟଂ ସହାୟକ ଦଳ ଓ ସମୂହର ମହିଳା ସଦସ୍ୟା I

ସଭା ସ୍ଥାନ

ଗୋଷ୍ଠୀ ସଭାଗୃହ କିମ୍ବା କୃଷକ କ୍ଷେତ୍ର ଓ ବ୍ୟବସାୟ ବିଦ୍ୟାଳୟ ମଞ୍ଚ ଏବଂ ପାକଶାଳା ବଗିଚାକୁ ପରିଦର୍ଶନରେ ଯିବା I

ଦରକାରୀ ସାମଗ୍ରୀ

କ୍ଷେତ୍ର ପରିଦର୍ଶନ I

ସମୟସୀମା

ଶ୍ରେଣୀ କକ୍ଷ ଅଧିବେଶନ- ୧୦ ମିନିଟ୍ । କ୍ଷେତ୍ର ପରିଦର୍ଶନ - ୩୦ ମିନିଟ୍ I

ପୃଷ୍ଠଭୁମୀ

ପାକଶାଳା ବଗିଚା ପ୍ରସ୍ତୁତ କଲାବେଳେ ଏକ ଉପଯୁକ୍ତ ସ୍ଥାନ ନିରୁପଣ କରିବା ଅତ୍ୟନ୍ତ ମହତ୍ୱପୂର୍ଣ୍ଣ ଯାହାଫଳରେ ପାକଶାଳା ବଗିଚାରୁ ପନିପରିବା ନିରନ୍ତରଭାବେ ଉପଲବ୍ଧ ହୋଇପାରିବେ I ଉପଯୁକ୍ତ ସ୍ଥାନ ଅଭାବରେ ପନିପରିବା ଭଲ ଭାବରେ ବଢିପାରେ ନାହିଁ I ଏହି ଜାଗାଟି ଉର୍ବର ହୋଇଥିବା ଆବଶ୍ୟକ ଏବଂ ଉତ୍ତମ ଜଳ ନିଷ୍କାସନ ସୁବିଧା ଥିବା ଉଚିତ I ଏହାସହ ଜାଗାଟି ଘର ପାଖରେ ଅବସ୍ଥିତ ହୋଇଥିବା ଦରକାର ଯାହା ଫଳରେ ଏହା ଉପରେ ସହଜରେ ଦୃଷ୍ଟି ରଖି ହେବ I

ସୋପାନ - ପର - ସୋପାନ କାର୍ଯ୍ୟକ୍ରମ

ସୋପାନ - ୧ : ପ୍ରାରମ୍ଭିକ ଅଭ୍ୟାସ : ଚାଷୀମାନଙ୍କୁ ପଚାରନ୍ତୁ ଯେ ପାକଶାଳା ବଗିଚା କରିବା ପାଇଁ କେଉଁ ପ୍ରକାର ସ୍ଥାନ ଉପଯୁକ୍ତ ହେବ I

ସୋପାନ - ୨ : ପାକଶାଳା ବଗିଚା ପାଇଁ ସ୍ଥାନ ନିରୁପଣ କରିବା ସମୟରେ ନିମ୍ନ ଲିଖିତ ଦିଗସବୁକୁ ଧ୍ୟାନରେ ରଖିବାକୁ ଅଂଶଗ୍ରହଣକାରୀମାନଙ୍କୁ କୁହନ୍ତୁ:

  • ପାକଶାଳା ବଗିଚାର ଅବସ୍ଥିତି ଚାଷୀର ଘରପାଖରେ ହୋଇଥିବା ଦରକାର I
  • ମୃତ୍ତିକା ଉର୍ବର ହୋଇଥିବା ଆବଶ୍ୟକ ଏବଂ ଉତ୍ତମ ଜଳ ନିଷ୍କାସନ ସୁବିଧା ଥିବା ଉଚିତ I
  • ଜମିକୁ ଛୋଟ ଛୋଟ ପଟାଳୀରେ ବିଭକ୍ତ କରନ୍ତୁ ଏବଂ ପ୍ରତ୍ୟେକ ପଟାଳୀର ଆୟତନ ଅତିକମରେ ୧୦ ମିଟର ହେବା ଉଚିତ I
  • ଜମିକୁ କୌଣସି ସମୟରେ ଖାଲି ରଖନ୍ତୁ ନାହିଁ I
  • ଜମିରେ ପାଣି ଜମା ରହିବା ଉଚିତ ନୁହେଁ I
  • ଉପଯୁକ୍ତ ଜଳସେଚନ ସୁନିଶ୍ଚିତ କରିବା ପାଇଁ ଜମିର ଅବସ୍ଥିତି ପାଣିର ଉତ୍ସ ପାଖରେ ଥିବା ଉଚିତ I
  • ବିଭିନ୍ନ ପଟାଳି ମଧ୍ୟରେ ପାଣି ମଡାଇବା ପାଇଁ ପାଣି ନାଳୀ ରହିଥିବା ଆବଶ୍ୟକ I

ସୋପାନ - ୩: ଅଂଶଗ୍ରହଣକାରୀମାନେ ଏକ ଆଦର୍ଶ ପାକଶାଳା ବଗିଚା ବିଷୟରେ ହୃଦବୋଧ କରିବା ପରେ ସେମାନଙ୍କୁ ଏକ ପାକଶାଳା ବଗିଚାର ପରିଦର୍ଶନରେ ନିଅନ୍ତୁ ଯେଉଁଠି ସେମାନେ ନିଜେ ଏହାକୁ ଦେଖି ଶିକ୍ଷାଲାଭ କରିପାରିବେ I

ଉପସଂହାର

ପାକଶାଳା ବଗିଚା ପାଇଁ ସ୍ଥାନ ନିରୂପଣ ସମୟରେ କେଉଁସବୁ ଦିଗକୁ ବିଚାରକୁ ନେବା ଆବଶ୍ୟକ ଅଧିବେଶନକୁ ସମାପ୍ତ କରିବା ପୁର୍ବରୁ ଅଂଶଗ୍ରହଣକାରୀମାନଙ୍କୁ ପୁନର୍ବାର ବର୍ଣ୍ଣନା କରିବାକୁ କୁହନ୍ତୁ I

ଋତୁ ଅନୁଯାୟୀ ଫସଲ ଚୟନ

ଅଧିବେଶନ ୪.୩

ଋତୁ ଅନୁଯାୟୀ ଫସଲ ଚୟନ I

ଉଦ୍ଦେଶ୍ୟ

ଋତୁ ଅନୁଯାୟୀ ନିର୍ଦ୍ଧିଷ୍ଟ ପନିପରିବା ଚାଷ କରିବାର ମହତ୍ୱ ବିଷୟରେ ଚାଷୀମାନଙ୍କୁ ଶିକ୍ଷାଦାନ କରିବା I

ପଦ୍ଧତି

ଋତୁ ଅନୁଯାୟୀ କେଉଁ ସବୁ ପନିପରିବା ଚାଷ କରିବା ଉଚିତ ସିଆରପିମାନେ ଅଂଶ ଗ୍ରହଣକାରୀ ମାନଙ୍କୁ ବୁଝାଇବେ I

ଅଂଶଗ୍ରହଣକାରୀ

ସ୍ୱୟଂ ସହାୟକ ଦଳ ଓ ସମୂହର ମହିଳା ସଦସ୍ୟା I

ସଭା ସ୍ଥାନ

ଗୋଷ୍ଠୀ ସଭାଗୃହ କିମ୍ବା କୃଷକ କ୍ଷେତ୍ର ଓ ବ୍ୟବସାୟ ସ୍କୁଲ ମଞ୍ଚ I

ଦରକାରୀ ସାମଗ୍ରୀ

ପୋଷ୍ଟର I

ସମୟସୀମା

ଶ୍ରେଣୀ କକ୍ଷ ଅଧିବେଶନ- ୧୦ ମିନିଟ୍ I

ପୃଷ୍ଠଭୁମୀ

ଓଡିଶାରେ ଖରିଫ, ରବି ଓ ଗ୍ରୀଷ୍ମ ଋତୁରେ ସାଧାରଣତଃ ପନି ପରିବା ଚାଷ କରାଯାଇଥାଏ I କିନ୍ତୁ ସବୁ ଋତୁରେ ସବୁ ପ୍ରକାର ଫସଲ ଚାଷ କରିହେବ ନାହିଁ I କିଛି ଫସଲ ଖରିଫ ଋତୁରେ ଭଲ ବଢି ଥାଆନ୍ତି, ଅନ୍ୟ କିଛି ଫସଲ ରବି ଋତୁରେ ଭଲ ବଢନ୍ତି ତଥା ଆଉ କିଛି ଫସଲ ଗ୍ରୀଷ୍ମ ଋତୁରେ ଭଲ ବଢି ଥାଆନ୍ତି I ଏଥିପାଇଁ ସ୍ଥାନୀୟ ଜଳବାୟୁକୁ ବିଚାରକରି ଫସଲକୁ ଚୟନ କରିବା ଉଚିତ I ଋତୁ ଅନୁଯାୟୀ ଫସଲ ଚାଷ କରିବା ପାଇଁ ଏହି ପ୍ରଶିକ୍ଷଣ ଟୁଲ୍ ଚାଷୀମାନଙ୍କୁ ଶିକ୍ଷାଦାନ କରିଵ I

ସୋପାନ - ପର - ସୋପାନ କାର୍ଯ୍ୟକ୍ରମ

ସୋପାନ - ୧: ପ୍ରାରମ୍ଭିକ ଅଭ୍ୟାସ : ଚାଷୀମାନଙ୍କୁ ପଚାରନ୍ତୁ ସେମାନେ ବିଭିନ୍ନ ଋତୁରେ ସାମାନ୍ୟତଃ କେଉଁ ପ୍ରକାର ପନିପରିବା ଚାଷ କରିଥାଆନ୍ତି I ଏହାସହ ସେମାନଙ୍କର ସହ ତାଙ୍କର ଅଧିକ ପସନ୍ଦଯୋଗ୍ୟ ପରିବା ବିଷୟରେ ଆଲୋଚନା କରନ୍ତୁ I

ସୋପାନ - ୨: ସେମାନଙ୍କୁ ବୁଝାନ୍ତୁ ଯେ ବିଭିନ୍ନ ପନିପରିବା ଚାଷ କରିବା ଦ୍ୱାରା ମୃତ୍ତିକାସ୍ୱାସ୍ଥ୍ୟରେ ଉନ୍ନତ୍ତି ହୋଇଥାଏ I ଅଧିକନ୍ତୁ ଅନେକ ପ୍ରକାରର ପନିପରିବା ଚାଷକଲେ ଖାଇବାପାଇଁ ଅଧିକ ଇଚ୍ଛା ହୋଇଥାଏ କାରଣ ଏକା ପ୍ରକାର ଖାଦ୍ୟକୁ ବାରମ୍ବାର ଖାଇବାର ବିତୃଷ୍ଣତାକୁ ଏହା କମ କରିଥାଏ I

ସୋପାନ - ୩ : ତଳେ ପନିପରିବାର ତାଲିକା ସହ ସେମାନଙ୍କର ଚାଷୋପୋଯୋଗୀ ଋତୁର ଏକ ସୂଚୀ ପ୍ରଦାନ କରାଯାଇଅଛି I ପାକଶାଳା ବଗିଚାରେ ଋତୁ ଅନୁଯାୟୀ ନିର୍ଦ୍ଧିଷ୍ଟ ପ୍ରକାର ପନିପରିବା ଫସଲ ଚାଷ କରିବା ବିଷୟରେ ଶିକ୍ଷାଦାନ କରିବା ପାଇଁ ଅଂଶଗ୍ରହଣକାରୀମାନଙ୍କୁ ଏହି ସୂଚୀକୁ ଦର୍ଶାନ୍ତୁ I

ଖରିଫ୍ ଋତୁ

ରବି ଋତୁ

ଗ୍ରୀଷ୍ମ ଋତୁ

ବାଇଗଣ, ଝୁଡଙ୍ଗ, ସାରୁ,

ମୂଳା, ବିଲାତି ବାଇଗଣ , ବନ୍ଧାକୋବି,

କଖାରୁ, କଲରା, ଜହ୍ନି,

ଦେଶୀ ଆଳୁ, ଭେଣ୍ଡି, ଲଙ୍କା, କନ୍ଦ ମୂଳ,

ଫୁଲକୋବି, ମଟର, ବିନ୍ସ, ଗାଜର,

ଲାଉ, କାକୁଡି, ବାଇଗଣ,

କଖାରୁ, କଲରା,

ଶିମଳା ମିର୍ଚ, ପାଳଙ୍ଗ

ଝୁଡଙ୍ଗ, ଭେଣ୍ଡି, ଲଙ୍କା , ସାରୁ,

କାକୁଡି, ଜହ୍ନି,

 

ଖଡା ସାଗ ଇତ୍ୟାଦି

ଲାଉ, ଖଡା ସାଗ

 

 

ଟୀକା : ଓଡିଶାର ଆଭ୍ୟନ୍ତରିଣ ଜିଲ୍ଲାରେ ଖରିଫ ଋତୁରେ ବିଭିନ୍ନ ପରିବାପତ୍ର ଯଥା ମୂଳା, ବିଲାତି ବାଇଗଣ, ବନ୍ଧାକୋବି ଏବଂ ଫୁଲକୋବି ଚାଷ କରାଯାଇ ପାରିବ I

ଉପସଂହାର

ଅଧିବେଶନ ସମାପ୍ତ କଲାବେଳେ ଅଂଶଗ୍ରହଣକାରୀମାନଙ୍କୁ ପଚାରନ୍ତୁ ଯେ ସେମାନେ ଆଗାମୀ କୃଷି ଋତୁରେ କେଉଁ ପ୍ରକାର ପନିପରିବା ଚାଷ କରିବେ, ନିଷ୍ପତ୍ତି ନେଇ ସାରିଛନ୍ତି କି I

ଆଧାର – ପୋର୍ଟାଲ ଟିମ

2.85714285714
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top