ହୋମ / କୃଷି / ପ୍ରାଣୀ ଧନ / ବନ୍ୟା ଅଞ୍ଚଳରେ ଗୋ-ସମ୍ପଦର ପରିଚାଳନା
ସେଆର କରନ୍ତୁ

ବନ୍ୟା ଅଞ୍ଚଳରେ ଗୋ-ସମ୍ପଦର ପରିଚାଳନା

ପ୍ରାଣୀ ସମ୍ପଦର ସୁରକ୍ଷା ପାଇଁ ବନ୍ୟା ପୂର୍ବରୁ, ପରେ ତଥା ବନ୍ୟା ସମୟରେ ଆବଶ୍ୟକ ପଦକ୍ଷେପମାନ ନେଇପାରିଲେ ଚାଷୀମାନଙ୍କର ଆର୍ଥିକ ଅଭିବୃଦ୍ଧିରେ ସହାୟକ ହୋଇପାରିବ ।

ପ୍ରାଣୀ ଚିକିତ୍ସା ଶିବିରର ଲାଭ ନିଅନ୍ତୁ । ବନ୍ୟା ସମୟରେ କିଛି ରୋଗ ପ୍ରାଣୀଙ୍କ ଠାରୁ ମଣିଷଙ୍କୁ ବ୍ୟାପି ମହାମାରିର ରୂପ ନେଇଥାଏ। ତେଣୁ ଏ ସବୁ ବିଷୟରେ ସଚେତନା ହେବା ନିହାତି ଦରକାର ।

ଓଡିଶାର ଅବସ୍ଥିତି, ପରିବେଶର ଅବକ୍ଷୟ ତଥା ଜଳବାୟୁ ପରିବର୍ତ୍ତନ ଆଦି ଆଜିର ପ୍ରାକୃତିକ ଦୁର୍ବିପାକର ମୁଖ୍ୟ କାରଣ । ଓଡିଶାରେ ମୁଖ୍ୟତଃ ବନ୍ୟା ଓ ବାତ୍ୟା ପ୍ରତିବର୍ଷ ଚାଷୀ ଦୁଃଖର କାରଣ ହେବା ସହିତ ସବୁଦିନ ପାଇଁ ତା'ର ଆର୍ଥକ ମେରୁଦଣ୍ଡ ଦୋହଲାଇ ଦେଇଥାଏ । ସାଧାରଣତଃ ଆମ ରାଜ୍ୟରେ ବର୍ଷା ଆରମ୍ଭ ହେବା ମାତ୍ରେ ବନ୍ୟା ଅଧୁଷିତ ଅଞ୍ଚଳରେ ବନ୍ୟା ହେବାର ଆଶଂକା ଉପୁଜିଥାଏ । ବନ୍ୟାରେ ରାସ୍ତାଘାଟରେ ପାଣି ଜମି ରହୁଥିବାରୁ ଯାତାୟାତରେ ଅସୁବିଧା ହେବା ସହିତ ବିଭିନ୍ନ ସେବା ପ୍ରଦାନ କରିବାରେ ବିଳମ୍ବ ଘଟିଥାଏ । ବନ୍ୟା ସମୟରେ ମଣିଷଙ୍କ ଜୀବନଧାରଣରେ ବିଭିନ୍ନ ସମସ୍ୟାମାନଥିବାରୁ ସେମାନେ ଗୃହପାଳିତ ପ୍ରାଣୀଙ୍କର ସୁରକ୍ଷା ତଥା ଯତ୍ନ କଥା ପ୍ରାୟତଃ ଭୁଲିଯାଇଥାନ୍ତି । କିନ୍ତୁ ବନ୍ୟା ସମୟରେ ଏହି ପ୍ରାଣୀଙ୍କର ଠିକ୍ ପରିଚାଳନା କରାଯାଇପାରିଲେ, ବନ୍ୟା ପରେ ଏହି ପ୍ରାଣୀ ସମ୍ପଦ ଜୀବନ ଜୀବିକାର ଆଧାର ହୋଇପାରିବ । ତେଣୁ ପ୍ରାଣୀ ସମ୍ପଦର ସୁରକ୍ଷା ପାଇଁ ବନ୍ୟା ପୂର୍ବରୁ, ପରେ ତଥା ବନ୍ୟା ସମୟରେ ଆବଶ୍ୟକ ପଦକ୍ଷେପମାନ ନେଇପାରିଲେ ଚାଷୀମାନଙ୍କର ଆର୍ଥିକ ଅଭିବୃଦ୍ଧିରେ ସହାୟକ ହୋଇପାରିବ ।

ବନ୍ୟା ପୂର୍ବର ପ୍ରସ୍ତୁତି

ଗୁହାଳ ନିର୍ମାଣ ସମୟରେ ବିଭିନ୍ନ ଦିଗ ପ୍ରତି ଧ୍ୟାନ ଦେବା ଦରକାର । ଗୁହାଳଟିର ଚଟାଣ ଯଥେଷ୍ଟ ଉଚ୍ଚ । ଜାଗାରେ ହେବା ଆବଶ୍ୟକ ଯେପରିକି ବନ୍ୟା ପାଣି ପ୍ରବେଶ କରିପାରୁ ନ ଥବ । ଯଦି ଏହା  ସମ୍ଭବ ନ ହୁଏ ତେବେ ବନ୍ୟା ପୂର୍ବରୁ କିଛି ଆଶ୍ରୟସ୍ଥଳୀ ଚୟନ କରିନେବା ଦରକାର । ଆଶ୍ରୟସ୍ଥଳୀକୁ ପ୍ରାଣୀ ସ୍ଥାନାନ୍ତରଣ କରାଯିବାର ପରିକଳ୍ପନା ପ୍ରସ୍ତୁତ କରିନେବା ପ୍ରୟୋଜନ । ଗୁହାଳର ଚାଳ ବା ଛାତ କାନ୍ଥ ଠାରୁ ୨ରୁ ୩ ଫୁଟ୍ ଅଧିକା ଓ ନୁଆଣିଆ ହେଲେ ବର୍ଷା ପାଣି ଗୁହାଳ ଭିତରେ ପ୍ରବେଶ କରିପାରି ନ ଥାଏ । ଗୁହାଳ ଠାରୁ ଖତଗଦା ଓ ନଡା ଗଦା ଦୂରରେ ରହିବା ନିହାତି ଦରକାର। ଗୁହାଳର ଚାରି ପାଖରେ କୌଣସି ନୀଚା ବା ପାଣି ଜମି ରହୁଥିବା ଯାଗା ନ ରହିବା ବିଧେୟ । ଚାଳ ଛପର ଘର ହୋଇଥିଲେ ବର୍ଷାଦିନ ପୂର୍ବରୁ ଛିଆଣି କାମ ସାରିଦେବା ଆବଶ୍ୟକ । ମାଟି ଗୁହାଳ ହେଇଥିଲେ ବନ୍ୟା ପୂର୍ବରୁ ମୋଟା ପଲିଥିନଟିଏ କିଣି ରଖିଥିବା ଜରୁରୀ । ବନ୍ୟା ସମୟରେ ସାଧାରଣତଃ ପାଣି ଜମି ରହୁଥିବାରୁ ଗୋରୁଙ୍କର ଖାଦ୍ୟ ଅଭାବ ଦେଖାଯାଇଥାଏ । ତେଣୁ ବନ୍ୟା ପୂର୍ବରୁ କିଛି ଘାସ ଜାତୀୟ ଖାଦ୍ୟ ଓ ପାଳ ବା ନଡା ସାଇତି ରଖିନେବା ଦରକାର । ବନ୍ୟା ସମୟରେ ପ୍ରାଣୀଙ୍କର ରୋଗ ପ୍ରତିରୋଧକ ଶକ୍ତି କମ୍ ହୋଇଯିବାଫଳରେ ବହୁ ମାରାତ୍ମକ ତଥା ସଂକ୍ରମଣ ଜନିତ ରୋଗମାନ ବ୍ୟାପିଥାଏ । ତେଣୁ ବନ୍ୟାର ଯଥେଷ୍ଟ ପୂର୍ବରୁ ପ୍ରାଣୀ  ଚିକିତ୍ସକଙ୍କ ସହ ପରାମର୍ଶ କରି ଗୋରୁଗାଈମାନଙ୍କର ସାହାଣ, ବଜବଜିଆ ଓ ଫାଟୁଆ ରୋଗ ପାଇଁ ଟିକାକରଣ କରାଇଦିଅନ୍ତୁ । ନିକଟସ୍ଥ ପ୍ରାଣୀ ଚକିତ୍ସା କେନ୍ଦ୍ରରେ ଗୋବର ପରୀକ୍ଷାକରି  କୃମି ଚିହ୍ନଟ କରି ଔଷଧ ଖାଇବାକୁ ଦେବା ଦରକାର । ମୃତ୍ୟୁଜନିତ କ୍ଷତିରୁ ମୁକ୍ତି ପାଇବା ପାଇଁ ପ୍ରାଣୀବୀମାର ସହଯୋଗ ନିଅନ୍ତୁ । ପ୍ରାଣୀବୀମା କରିବା ପାଇଁ ପ୍ରାଣୀ ଚକିତ୍ସା କେନ୍ଦ୍ର ସହ ଯୋଗାଯୋଗ କରିବା ଦରକାର ।

ବନ୍ୟା ସମୟର ଯତ୍ନ

ବନ୍ୟା ଘେରରେ ଥିବା ପ୍ରାଣୀଙ୍କୁ ତୁରନ୍ତା ସ୍ଥାନାନ୍ତରଣ କରାଇବା ଦରକାର । ଗୋରୁଙ୍କୁ ବାହରକୁ ନ ଛାଡି ଗୁହାଳରେ ବାନ୍ଧିରଖିବା ଆବଶ୍ୟକ । ଗୁହାଳରୁ ପାଣି ସଫା କରି ବିଶୋଧତ ଦ୍ରବ୍ୟ ଯଥା ବ୍ରିଟି ପାଉଡର, ଚୂନ ପାଉଡର, ଫିନାଇଲ, ପୋଟାସିୟମ୍ ପରମାଂଗାନେଟ୍ ଦ୍ରବଣ ଆଦିରେ ଭଲଭାବରେ ଧୋଇବା ବିଧେୟ । ଧୋଇସାରିବା ପରେ ଯଦି ଚଟାଣ ଓଦା ଥାଏ ତେବେ ପାଉଁଶ, ବାଲି, କରତ ଗୁଣ୍ଡ ବା ଶୁଖିଲା। ଅଖା ପକାଇଦେବା ଦରକାର । ବର୍ଷାରେ ଗୋରୁଙ୍କୁ ଓଦା କରନ୍ତୁ ନାହିଁ । ବର୍ଷା ପାଣି ଛିଟାରୁ ପ୍ରାଣୀମାନଙ୍କୁ ଦୂରେଇ ରଖିବା ପାଇଁ ଗୁହାଳ ଘରଟିର ଖାଲିଥିବା ଜାଗା ଗୁଡିକୁ ଶୁଖିଲା। ଅଖା, ବା ମୋଟା ପଲିଥିନରେ ଘୋଡେଇ ରଖିବା ପ୍ରୟୋଜନ । ପାଣି ଜମି ରହିଥିବାରୁ ମଶା, ମାଛି, ଡାଆଶ ତଥା ଅଣୁଜୀବମାନଙ୍କ ବଂଶ ବୃଦ୍ଧି ଘଟିଥାଏ । ଏହି ଅଣୁଜୀବମାନେ ଯଥା ଜୀବାଣୁ, ଭୂତାଣୁ, କବକ ଓ ଅନ୍ୟାନ୍ୟ ପରଜୀବୀମାନେ ଗୋସମ୍ପଦରେ ରୋଗର କାରକ ଓ ବାହକ ହିସାବରେ କାମ କରିଥାନ୍ତି ।

ପାଣି ଓ ଖାଦ୍ୟର ସୁପରିଚାଳନା

ବନ୍ୟା ସମୟରେ ମୁଖ୍ୟତଃ ପିଇବା ପାଣି ଓ ଖାଦ୍ୟର ସୁପରିଚାଳନା କରାଯିବା ନିହାତି ଜରୁରୀ । କାରଣ ଏହି ଦୁଇଟି ମାଧ୍ୟମରେ ରୋଗ ବ୍ୟାପିବାର ଅଧିକ ଆଶଙ୍କା ଥାଏ । ପାଣି ପିଇବାକୁ ଦେବା ପୂର୍ବରୁ ଉଭୟ ପାଣି ଓ ପାଣି ଯାତ୍ରକୁ ବିଶୋଧିତ କରାଇନେବା ବିଧେୟ । ପାଣି ପାତ୍ରକୁ ପାଉଁଶରେ ମାଢି ସଫା କରାଯାଇପାରିବ ଓ ପାଣି ବିଶୋଧନ ପାଇଁ ବିଭିନ୍ନ ରାସାୟନିକ ପଦାର୍ଥ ଯଥା ବିଚି' ପାଉଡର, ଚୂନ ପାଉଡର, ଫଟିକିରି ପାଉଡର , ଗ୍ଲୋରିନ୍ ବଟିକା, ହାଲୋଜିନ୍ ବଟିକା ଆଦି ବ୍ୟବହାର କରାଯାଇଥାଏ । ଏହାର ମାତ୍ରା ବ୍ୟବହାର ହେବାକୁଥିବା ଜଳର ଗୁଣାମ୍ବକ ମୂଲ୍ୟ, ରାସାୟନିକ ଉପାଦାନର ମାତ୍ରା ଓ ପ୍ରକ୍ରିୟାକରଣ ବିଧା ଉପରେ ନିର୍ଭର କରିଥାଏ । ଅନୁମାନ ହିସାବରେ ଗୋଟିଏ ବାଲଟି ପାଣିରେ ୫ରୁ ୭ଟି କ୍ଲୋରିନ୍ ବା ହାଲୋଜେନ୍ ବଟିକା ବା ୪୫ ରୁ ୬୦ ଗ୍ରାମ୍ ଚୂନ ପାଉଡର ବା ୧୦୦ ଗ୍ରାମ୍ ଫି ଟିକିରି ପାଉଡର ବା ୫ ରୁ ୧୦ ଗ୍ରାମ୍ ବ୍ଲିଚିଂ ପାଉଡର ପକାଇ ବିଶୋଧିତ କରାଇନେବା ଆବଶ୍ୟକ । ପାଣିକୁ ଫୁଟାଇବା ପରେ ଛାଣି ପିଇବାକୁ ଦିଆଯାଇପାରିବ । ଗଭୀର ନଳକୂପର ପରିଷ୍କାର ପାଣି ମଧ୍ୟ ପାନୀୟ ଜଳ ହିସାବରେ ବ୍ୟବହାର କରାଯାଇପାରିବ ।

ସାଧାରଣତଃ ବନ୍ୟା ପୂର୍ବରୁ ରଖିଥିବା ଶୁଖିଲା। ଖାଦ୍ୟ, ଘାସ, ନଡା, ପରିବା ଚୋପା ଆଦି ବନ୍ୟା ସମୟରେ ଖାଇବାକୁ ଦିଆଯାଇଥାଏ । ବର୍ଷା ପାଣି ଯୋଗୁଁ ସାଇତି ରଖିଥିବା ଖାଦ୍ୟ ପଦାର୍ଥରେ ଫିମ୍ପି ଲାଗିଯାଇଥିଲେ ତାହା ଖାଇବାକୁ ଦେବା ଅନୁଚିତ୍ । ଏହାକୁ ଖାଇବା ଫଳରେ ତରଳ ଝାଡ଼ା ହୋଇଥାଏ । ଘାସକୁ କାଟି ଛୋଟ ଛୋଟ କରି ଖାଇବାକୁ ଦିଅନ୍ତୁ । ଘାସ ଖାଇବାକୁ ଦେବାବେଳେ ସେଥିରୁ ଅନାବନା ଓ ଖାଦ୍ୟ ଅନୁପଯୋଗୀ ଘାସ ବାଛି ଦିଅନ୍ତୁ । ଓଦା ବା ଫିମ୍ପି ହୋଇଯାଇଥିବା ତଥା ବାସି ବା ରନ୍ଧା ଖାଦ୍ୟ ଖାଇବାକୁ ନ ଦେବା ଭଲ । ଚିଲିଫ୍ରେ ମିଳୁଥିବା ଦାନାକୁ ସାଇତି ରଖି ଅଳ୍ପ ଅଳ୍ପ କରି ଖାଇବାକୁ ଦେବା ଦିଅନ୍ତୁ ।

ବନ୍ୟା ସମୟରେ ପ୍ରାଣୀଙ୍କର ବିଭିନ୍ନ ରୋଗ ପ୍ରତି ସଚେତନତା

ବନ୍ୟା ସମୟରେ ପ୍ରାଣୀଙ୍କର ରୋଗ ପ୍ରତିରୋଧକ ଶକ୍ତି କମିଯିବା ଫଳରେ ବିଭିନ୍ନ ରୋଗ ଯଥା ସାହାଣା, ବଜବଜିଆ, ଅଢେଇଦିନିଆ  ଜୁର, ଫାଟୁଆ, ଗୋମଡକ, ଥନହରା, କାଶ, ସଦି, ଗଳାଫୁଲା ଆଦି ଦେଖାଯାଇଥାଏ । ତା ଛଡା କୃମି ଓ ଚିଙ୍କ ଜନିତ ସଂକ୍ରାମକ ରୋଗ ମୁଖ୍ୟତଃ ଗୋପାଳକଙ୍କ ପାଇଁ ଅତ୍ୟନ୍ତ କଷ୍ଟକର ପରିସ୍ଥିତି ସୃଷ୍ଟି କରିଥାଏ । ପାଣି ଜମି ରହିବା ଫଳରେ କୃମିମାନଙ୍କ ବଂଶ ବୃଦ୍ଧି ପାଇଁ ଅନୁକୂଳ ପରିବେଶ ସୃଷ୍ଟି କରିଥାଏ । ବର୍ଷାଦିନରେ ସନ୍ତସନ୍ତିଆ ସ୍ଥାନ କୃମିଙ୍କ ଅଣ୍ଡାରୁ ଲାର୍ଭାରେ ପରିଣତ ହେବା ସହିତ ଘାସ ପତ୍ରରେ ବା ଜଳର ଉପର ସ୍ତରରେ ଲାଗି ରହିଥାନ୍ତି । ପ୍ରାଣୀଟି ସେଇ ଘାସ ଖାଇବା, ମାଟି ଚାଟିବା, ଚାରଣ ଭୂଇଁରେ ଖାଇବା ବା ପାଣି ପିଇବା ଦ୍ଵାରା କୃମି ଶରୀରରେ ପ୍ରବେଶ କରିଥାନ୍ତି । କୃମି ମୁକ୍ତ କରିବା ପାଇଁ କୃମି ନାଶକ ଔଷଧ ଖାଇବାକୁ ଦିଅନ୍ତୁ । ତରଳ ଝାଡା ହେଉଥଲେ ହଠାତ୍ କୃମି ଔଷଧ ଦିଅନ୍ତୁ ନାହିଁ । ବନ୍ୟା ସମୟରେ କୌଣସି ରୋଗର ଲକ୍ଷଣ ଦେଖାଯିବା ମାତ୍ରେ ନିକଟସ୍ଥ ପ୍ରାଣୀ ଚିକିତ୍ସକଙ୍କ ସହ ପରାମର୍ଶ କରନ୍ତୁ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବା ପାଇଁ ପ୍ରାଣୀ ଚିକିତ୍ସକଙ୍କ ପରାମର୍ଶରେ ଔଷଧ ଖାଇବାକୁ ଦିଅନ୍ତୁ । ନିମପତ୍ର, ହଳଦୀ ପାଉଡର୍ ଓ ତୁଳସୀ ପତ୍ର ଦିନକୁ ଦୁଇଥର କରି ସାତଦିନ ଯାଏ ଖାଇବାକୁ ଦେବା ଫଳରେ ରୋଗ ପ୍ରତିରୋଧକ ଶକ୍ତି ବୃଦ୍ଧି ସହିତ କୃମି ନାଶକ ହିସାବରେ ମଧ୍ୟ କାମ କରିଥାଏ । ବନ୍ୟା ପୂର୍ବରୁ ଟିକାକରଣ କରି ନ ଥିଲେ ପ୍ରାଣୀ ଚିକିତ୍ସକଙ୍କ ସହ ପରାମର୍ଶ କରି ଶୀଘ୍ର ଟିକା ଦେଇଦିଅନ୍ତୁ । ପ୍ରାଣୀ ଚିକିତ୍ସା ଶିବିରର ଲାଭ ନିଅନ୍ତୁ । ବନ୍ୟା ସମୟରେ କିଛି ରୋଗ ପ୍ରାଣୀଙ୍କ ଠାରୁ ମଣିଷଙ୍କୁ ବ୍ୟାପି ମହାମାରିର ରୂପ ନେଇଥାଏ। ତେଣୁ ଏ ସବୁ ବିଷୟରେ ସଚେତନ ହେବା ନିହାତି ଦରକାର ।

ବନ୍ୟାର ଭୟାବହତା ସମୟ ସମୟରେ ମହାମାରିର ରୂପନେବା ସହିତ ଅପମୃତ୍ୟୁର ମଧ୍ୟ କାରଣ ହୋଇଥାଏ । ପ୍ରାଣୀ ମୃତଦେହଗୁଡିକୁ ଏଣେ ତେଣେ ନ ପକାଇ ଏକ ଗଭୀର ଗାତ କରି ପୋତି ଦେବାର ବ୍ୟବସ୍ଥା କରନ୍ତୁ । ଗାତଟିକୁ ମାଟିଦେଇ ବନ୍ଦ କରିବା ପୂର୍ବରୁ ୨ ଇଞ୍ଚ ବହଳର ମୋଟା ଚୁନ ଧାର ପକାନ୍ତୁ । ଗାତକରୁଥିବା ଜାଗାଟି ଏକ ଉଚ୍ଚା ସ୍ଥାନରେ ହେବା ନିହାତି ଦରକାର ଯେମିତି ଗାତ ଭିତରେ ବନ୍ୟା ପାଣି ପ୍ରବେଶ କରିପାରୁନଥିବ । ପ୍ରାଣୀର ଆକାରକୁ ନେଇ ଗାତର ମାପ ଅନୁମାନ କରନ୍ତୁ । ଗାତର ଗଭୀରତା ୪ରୁ ୫ ଫୁଟ୍ ହେବା ଦରକାର । ଗୋ-ମୃତ୍ର ଓ ମଳକୁ ପରିଷ୍କାର ଭାବରେ ନିଷ୍କାସିତ ହେବାର ବ୍ୟବସ୍ଥା କରନ୍ତୁ ।

ବନ୍ୟା ସମୟରେ ପାଣିର ଉଚ୍ଚତା ବୃଦ୍ଧି ହେତୁ ବିଭିନ୍ନ କୀଟ, ଜନ୍ତୁ ଓ ସରୀସୃପ ଉପରକୁ ଉଠି ଆସିଥାନ୍ତି । ସେମାନେ ଆଶ୍ରା ପାଇଁ ଗୁହାଳ ଭିତରକୁ ପଶି ଆସି ଗୋରୁଙ୍କ ଶରୀରରେ କ୍ଷତ ସୃଷ୍ଟି କରିଥାନ୍ତି । ବେଳେବେଳେ ଏହା ବିଷକ୍ରିୟା ଜନିତ ଆଘାତ ହେବା ଫଳରେ ଜୀବନ ହାନି ଘଟିଥାଏ । ତେଣୁ ଏଥିପ୍ରତି ଯନୁବାନ ରୁହନ୍ତୁ ।

ବନ୍ୟା ପରର ସଚେତନତା

ବନ୍ୟା ପାଣି ଛାଡିଗଲାପରେ ପଚା ଘାସ, ଅପରିଷ୍କାର ମାଟି ଓ ଅନ୍ୟାନ୍ୟ ବର୍ତ୍ତ୍ୟବସ୍ତୁମାନ ଚାରଣ ଭୂମି ଉପରେ ମାଡ ଯାଇଥାଏ। ତେଣୁ ବନ୍ୟାର ଛାଡିବାର ୧୦ରୁ ୧୫ ଦିନ ଯାଏ ଗୋରୁଙ୍କୁ ବାହାରକୁ ଚରିବାକୁ ନ ଛାଡିବା ଭଲ। । ପାଣି ବୁଡି ରହିଥିବା ଘାସ ବୁଦା ଅଞ୍ଚଳରେ ଗେଣ୍ଡାଙ୍କ ସଂଖ୍ୟା ବୃଦ୍ଧି ଘଟି କେତେକ କଲିଜା କୃମିଙ୍କ ବଂଶ ବୃଦ୍ଧିରେ ସହାୟକ ହୋଇଥାନ୍ତି । ପାଣି ଛାଡିଗଲା ପରେ ନୂଆ ଘାସ କିଆଳିଲା ପରେ ଚରିବାକୁ ଗଲେ କିଛି ଅସୁବିଧା ନାହିଁ । ଗୁହାଳର ଭିତର ଚାରି କାନ୍ଥ ଚୁନ ରଙ୍ଗ ଓ ବାହାର କାନ୍ଥ ଡିଡିଟି ସ୍ନେ କରନ୍ତୁ । ମଶା, ମାଛି, ଡାଆଁଶ ନିରାକରଣ ପାଇଁ ଧୂଆଁ ଦିଅନ୍ତୁ । ପିଇବା ପାଣିକୁ ବିଶୋଧିତ କରି ବ୍ୟବହାର କରନ୍ତୁ । ଖାଦ୍ୟସାର, ଏ.ସି.ଡି.ଇ ଆଦି ଥିବା ଭିଟାମିନ୍ ପାଉଡର, ରୋଗ ପ୍ରତିରୋଧକ ଶକ୍ତି ବୃଦ୍ଧି ଓ କୃମି ନାଶକ ଔଷଧ ଖୁଆଇବାର ବ୍ୟବସ୍ଥା କରନ୍ତୁ ।

ସଂଗୃହିତ - ଡା. ସାରଦା ପ୍ରସନ୍ନ ସାହୁ,ପ୍ରଣୀଧନ ଅଧିକାରୀ, ପ୍ରାଣୀ ପାଳନ, ଦୁଗ୍ଧ ଓ ମତ୍ସ୍ୟ ଉତ୍ପାଦନ ବିଭାଗ, କୃଷି ମନ୍ତ୍ରଣାଳୟ

3.17647058824
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Has Vikaspedia helped you?
Share your experiences with us !!!
To continue to home page click here
Back to top