ହୋମ / କୃଷି / ମୃତ୍ତିକା / ମୃତ୍ତିକାରେ ଉଦ୍ଭିଦ ଖାଦ୍ୟସାର ଲାଭ ଓ କ୍ଷତି
ସେଆର କରନ୍ତୁ

ମୃତ୍ତିକାରେ ଉଦ୍ଭିଦ ଖାଦ୍ୟସାର ଲାଭ ଓ କ୍ଷତି

ମୃତ୍ତିକା ବିଭିନ୍ନ ପ୍ରକାର ଉଦ୍ଭିଦର ଖାଦ୍ୟସାରର ଭଣ୍ଡାର ।

ଉପକ୍ରମ

ମୃତ୍ତିକା  ବିଭିନ୍ନ   ପ୍ରକାର   ଉଦ୍ଭିଦ   ଖାଦ୍ୟ  ସାରର   ଭଣ୍ଡାର   । ମୃତ୍ତିକାରେ  ଯେ କୌଣସି   ଖାଦ୍ୟସାରର  ଗଚ୍ଛିତ  ପରିମାଣ   ସେହି  ଖାଦ୍ୟସାରର   ମୃତ୍ତିକାକୁ  ମିଳୁଥିବା   ପରିମାଣ   ଏବଂ   ମୃତ୍ତିକାରୁ  ବାହାରି  ଯାଉଥିବା   ପରିମାଣର  ସନ୍ତୁଳନ  ଉପରେ  ନିର୍ଭର   କରେ   ।  ମୃତ୍ତିକାକୁ   ମିଳୁଥିବା   ପରିମାଣ, ମୃତ୍ତିକାରୁ   ବାହାରି  ଯାଉଥିବା  ପରିମାଣଠାରୁ  ଅଧିକ  ହେଲେ   ମୃତ୍ତିକାରେ  ମିଶୁଥିବା   ପରିମାଣଠାରୁ   ଅଧିକ  ହୋଇଥାଏ   ତେବେ   ମୃତ୍ତିକାର   ଗଚ୍ଛିତ   ପରିମାଣ  ହ୍ରାସ  ପାଏ  ଏବଂ   କାଳକ୍ରମେ   ମୃତ୍ତିକା  ଅନୁର୍ବର   ହୋଇଯାଏ   ।

ଖାଦ୍ୟସାର  ଲାଭର   ବିଭିନ୍ନ  ଉତ୍ସ

ବାୟୁମଣ୍ଡଳ

ଯବକ୍ଷାର  ଓ  ଗନ୍ଧକ  ଏହି  ୨ଟି  ଉଦ୍ଭିଦ  ଖାଦ୍ୟସାର   ବାୟୁମଣ୍ଡଳରୁ   ମୃତ୍ତିକା   ମଧ୍ୟକୁ   ଆସେ   ବିଭିନ୍ନ  ଜୈବ  ପଦାର୍ଥ   ବିଘଟ  ଦ୍ଵାରା  ଆକାଶରେ   ବିଜୁଳି  ମାରିଲେ   ବାୟୁମଣ୍ଡଳରେ   ଯବକ୍ଷାରଜାନ ଓ  ଅମ୍ଳଜାନ ସହିତ   ମିଶି  ନାଇଟ୍ରେଟ  ରେ  ପରିଣତ  ହୁଏ   । କଳକାରଖାନାରୁ  ନିର୍ଗତ   ଧୂଆଁରେ   ସଲଫର୍  ଅକସାଇଡ   ଗ୍ୟାସ  ଥାଏ   । ଏଗୁଡିକ   ବୃଷ୍ଟିଜଳ   ସହିତ   ମିଶି   ମୃତ୍ତିକାରେ   ମିଶେ   ଉଷ୍ମ  ମଣ୍ଡଳୀୟ  ଅଞ୍ଚଳରେ   ବାର୍ଷିକ  ହେକ୍ଟର  ପିଛା  ୫– ୭  କି.ଗ୍ରା.  ଯବକ୍ଷାର  ଏହି  ଉପାୟରେ   ଲାଭ  ହୁଏ  । ମୃତ୍ତିକା   ମଧ୍ୟରେ  ଥିବା   ଯବକ୍ଷାର  ନିବନ୍ଧନ  କାରୀ  ଶାକାଣୁ , ନୀଳହରିତ   ଶୈବାଳ   ମଧ୍ୟ   ବାୟୁମଣ୍ଡଳୀୟ  ଯବକ୍ଷାରକୁ  ଜୈବ   ଯବକ୍ଷାରରେ  ନିବନ୍ଧନ   କରି  ମୃତ୍ତିକାରେ  ମିଶାନ୍ତି   । ସହଜୀବୀ  ଏବଂ  ଅସହଜୀବୀ   ଅଣୁଜୀବମାନଙ୍କ   ଦ୍ଵାରା   ଯବକ୍ଷାର  ନିବନ୍ଧନ  ବିଷୟରେ   ପୂର୍ବ   ଅଧ୍ୟାୟରେ   ଆଲୋଚନା   କରାଯାଇଛି  ।

ମୃତ୍ତିକା  ସୃଜନକାରୀ  ଶିଳା

ଶିଳାରେ  ଥିବା  ବିଭିନ୍ନ  ଖଣିଜଗୁଡିକ  ଫସଫରସ୍ , ପଟାସ୍ , କାଲସିଅମ, ମାଗ୍ନେସିଅମ  ପ୍ରଭୃତି   ଖାଦ୍ୟ   ଉପାଦାନର   ମୂଳ  ଉତ୍ସ   । ଶିଳାର  ଭୌତିକ  ଓ  ରାସାୟନିକ   ପରିବର୍ତ୍ତନ   ହେତୁ  ମୃତ୍ତିକା  ସୃଷ୍ଟି  ହେବା  ବେଳେ   ଅନେକ   ଖଣିଜର  ରାସାୟନିକ   ବିଘଟନ  ହୁଏ  ଏବଂ  କେତେକ   ଖଣିଜର  ରାସାୟନିକ  ପରିବର୍ତ୍ତନ   ଘଟେ   । ମୂଳ  ଖଣିଜରୁ   ଦାନା  ପ୍ରକାର   ଉପାଦାନର  ଉତ୍ପତ୍ତି  ହୁଏ   ।ଏହି  ପ୍ରକ୍ରିୟାରେ  ଶିଳା ଓ  ମୂଳ  ଖଣିଜରୁ  ଉଦ୍ଭିଦ  ଖାଦ୍ୟ  ଉପାଦାନ   ନିର୍ଗତ   ହୁଏ  ଓ  ମୃତ୍ତିକା   ସହିତ  ମିଶି  ରହେ   ଓ  ମୃତ୍ତିକାରେ  ସେହି  ଖାଦ୍ୟ   ଉପାଦାନଗୁଡିକର  ପରିମାଣ  ବୃଦ୍ଧିପାଏ   । ଉପମୃତ୍ତିକା  ତଳସ୍ତରରେ   ଥିବା  ଆଂଶିକ   ଅପକ୍ଷୟୀଭୂତ  ଶିଳାରୁ   ଖାଦ୍ୟ  ଉପାଦାନ  ନିର୍ଗତ   ହୋଇ  ଉପରସ୍ତର  ମୃତ୍ତିକାକୁ  ଆସିଥାଏ   ।

ଖତ ଓ  ସାର  ପ୍ରୟୋଗ

ଜମିକୁ  ଉର୍ବର  ରଖିବା  ପାଇଁ  ଏବଂ  ଅଧିକ  ଉତ୍ପାଦନ  କରିବା  ପାଇଁ   ଖତ  ଓ  ରାସାୟନିକ  ସାର  ଏବଂ  ସ୍ଥଳ  ବିଶେଷରେ   ମୃତ୍ତିକା   ଶୋଧନକାରୀ   ପଦାର୍ଥ  ପ୍ରୟୋଗ   କରାଯାଏ   । ଖତସାର  ମାଧ୍ୟମରେ  ମୃତ୍ତିକାରେ  ମିଶୁଥିବା   ଉଦ୍ଭିଦ  ଖାଦ୍ୟ   ଉପାଦାନର   ପରିମାଣ , ଖତସାରର  ପ୍ରକାର  ଓ  ପ୍ରୟୋଗ   ପରିମାଣ  ଉପରେ   ନିର୍ଭର   କରେ   ।

ପଟୁ ଓ  ଧୂଳି

ବନ୍ୟା  ଜଳରେ  ସୂକ୍ଷ୍ମ  ପଟୁ  ଓ  କର୍ଦ୍ଦମ  କଣିକା  ଭାସମାନ   ଅବସ୍ଥାରେ  ଏହା  ଗୋଳିଆ  ଦେଖାଯାଏ । ବନ୍ୟାଜଳ  କୌଣସି  ଜମିରେ  କିଛିଦିନ  ଜମିରହିଲେ   ବା  ମନ୍ଥର  ଗତିରେ   ପ୍ରବାହିତ  ହେଲେ   ଭାସମାନ  ପଟୁ  ଓ  କର୍ଦ୍ଦମ  ତଳକୁ  ବସିଯାଏ  ଓ  ପାଣି  ଛାଡିଗଲେ   ମୃତ୍ତିକା  ପୃଷ୍ଠରେ   ଗୋଟିଏ   ପଟୁ  ସ୍ତର   ଜମି   ରହିଥିବାର   ଦେଖାଯାଏ   । ଏହି  ପଟୁ  ସ୍ତରରେ  ବହୁତ  ପରିମାଣର  ଉଦ୍ଭିଦ   ଖାଦ୍ୟସାର  ରହିଥାଏ  ।  ତେଣୁ   ବନ୍ୟା   ପ୍ଲାବିତ  ମୃତ୍ତିକାଗୁଡିକ  ସାଧାରଣତଃ  ଅଧିକ  ଉର୍ବର   । ଝଡ  ପବନରେ   ଧୂଳି  ଗୋଟିଏ   ସ୍ଥାନରୁ  ଉଡିଆସି  ଅନ୍ୟ  ଜମିରେ   ପଡେ   । ଏହି  ଧୂଳିରେ   କିଛି   ଖାଦ୍ୟସାର  ମଧ୍ୟ  ଥାଏ   ।

ଜଳସେଚନ

ଜଳସେଚନ  ପାଇଁ  ନଦୀ, କେନାଲ, ପୁଷ୍କରିଣୀ ଓ  ଭୂତଳ  ଜଳ   ବ୍ୟବହାର   କରାଯାଏ   । ଏହି  ଜଳରେ   ନାଇଟ୍ରେଟ, ସଲଫେଟ,  କ୍ଳୋରାଇଡ, କାଲସିଅମ, ମାଗ୍ନେସିଅମ, ପୋଟାସିୟମ  ପ୍ରଭୃତି   ଖାଦ୍ୟସାର  ଦ୍ରବୀଭୂତ  ଅବସ୍ଥାରେ   ରହିଥାଏ   । ଅବଶ୍ୟ   ଏହାର  ମାତ୍ରା   ବା  ପରିମାଣ  ଯଥେଷ୍ଟ   କମ୍  ।  ସହରର  ନାଳ  ନର୍ଦ୍ଦମାରେ   ବହିଯାଉଥିବା  ପାଣି   ମଧ୍ୟ  ଜଳସେଚନ   ପାଇଁ   ବ୍ୟବହାର   କରାଯାଏ   । ଏଥିରେ   ଦ୍ରବୀଭୂତ   ଖାଦ୍ୟସାରର  ମାତ୍ରା  ଅପେକ୍ଷାକୃତ  ଅଧିକ  । ତେଣୁ   ନର୍ଦ୍ଦମା  ପାଣି   ମାଡୁଥିବା   ଜମିର   ମୃତ୍ତିକା  ଅଧିକ  ଉର୍ବର  ।

ଆଧାର  - ଶିକ୍ଷକ  ଶିକ୍ଷା  ନିର୍ଦ୍ଦେଶାଳୟ ଓ ରାଜ୍ୟ  ଶିକ୍ଷା  ଗବେଷଣା  ଓ  ପ୍ରଶିକ୍ଷଣ  ପରିଷଦ

3.15384615385
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top