ହୋମ / କୃଷି / ଶସ୍ୟ ଉତ୍ପାଦନ / ବିଭିନ୍ନ ପ୍ରକାର ଚାଷ
ସେଆର କରନ୍ତୁ

ବିଭିନ୍ନ ପ୍ରକାର ଚାଷ

ପିଆଜ,ଆଳୁ ଅମଳ ପାଇଁ କେଉଁ ସମୟ କେତେବେଳେ କରିବ କଥା ଓ ରସୁଣରେ ଥିବା ପତ୍ରପୋଡା ରୋଗ ବିଷୟରେ ଜାଣିବା କଥା ।

ପିଆଜ

କିସମ ଅନୁଯାୟୀ ପିଆଜ ଗଛ ଲଗାଇବାର ୧୧୦ରୁ୧୧୫ ଦିନ ମଧ୍ୟରେ ଅମଳ କରାଯାଇଥାଏ । ପିଆଜ ଗଛ ପୂରାପୂରି  ଶୁଖିଯିବା ପୂର୍ବରୁ ଫସଲରେ ଶତକଡା ୬୦-୭୦ ଭାଗ ପତ୍ର ହଳଦିଆ ହୋଇ ଝୁଲି ପଡିଲେ ପିଆଜ ଅମଳ କରାଯାଇଥାଏ । ଗଛ ହଳଦିଆ  ପଡିବା ପୂର୍ବରୁ ଅମଳ କଲେ ପିଆଜ ସହଜରେ ଗଜା ହୋଇଥାଏ । ଶୁଷ୍କ ଖରାଟିଆ ଗରମ ପାଗ ଦେଖି ଅମଳ କରନ୍ତୁ । ବେକ ଉପରୁ ୨.୫ ସେମି ରଖି ଅଗ ଓ ସମୁଦାୟ ଚେର କାଟି ଦିଅନ୍ତୁ । ପିଆଜକୁ ଭଲ ଭାବେ ଶୁଖାଇ ରଖିଲେ ବହୁତ ଦିନ ଯାଏ ସାଇତି ରଖିହୁଏ । ଅମଳ ପରେ ପାଗ ଭଲ ଥିଲେ ଜମିରେ ବା ଅଳ୍ପ ଛାଇ ଜାଗାରେ  ଶୁଖାଯାଏ । ପାଗ ଥଣ୍ଡା ଥିଲେ ଜମିରେ ଓ ପାଗ ଗରମ ଥିଲେ ଛାଇରେ ଶୁଖାଇବା ଉଚିତ୍ । ଭଲ  ପବନ ବାଜୁଥିବା ସିମେଣ୍ଟ ଚଟାଣ କୋଠରିରେ ପିଆଜକୁ ଶୁଖାଇ ମଝିରେ ମଝିରେ ଓଲଟପାଲଟ କଲେ ପିଆଜ ଶୀଘ୍ର ଶୁଖି ଯାଇଥାଏ । ପାଗ ଉପରେ ନିର୍ଭର କରି ଶୁଖାଇବାକୁ ୩-୪ ସପ୍ତାହ ସମୟ ଲାଗିଥାଏ । ଭଲଭାବରେ ଶୁଖିଥିଲେ ଓ ଠିକ୍ ସମୟରେ ଅମଳ ହୋଇଥିଲେ ପିଆଜର ଅଗ୍ରଭାଗକୁ ସରୁ ହୋଇଥାଏ ଓ ବହୁତ ଦିନ ସାଇତି ରଖିହୁଏ । ଭଲଭାବରେ ଶୁଖିଥିବା ପିଆଜକୁ କାର୍ବେଣ୍ଡାଜିମ୍ ଦ୍ରବଣ (ପ୍ରତି ଲିଟର  ପାଣିରେ ଏକ ଗ୍ରାମ୍) ସିଞ୍ଚନ କରି ଶୀତଳ ଭଣ୍ଡାରରେ ୦-୧.୫ ଡିଗ୍ରୀ ସେଲ୍ସିୟସ୍ ତାପମାତ୍ରା ଓ ଶତକଡା ୬୦ ଭାଗ ଆପେକ୍ଷିକ ଆର୍ଦ୍ରତାରେ  ରଖିଲେ ପିଆଜ ଗଜା ନ ହୋଇ ଅଧିକ ଦିନ ରହିଥାଏ ।

ଆଳୁ ଅମଳ

ଆଗରୁ ଲଗାଯାଇଥିବା ବିଳମ୍ବ କିସମର ଆଳୁ ଅମଳ କରନ୍ତୁ । ଆଳୁ ଅମଳ ପରେ ଆଳୁ ବିହନ ପାଇଁ ପଚା, କଟା ଆଳୁସବୁ ବାଛି ଭଲ ଆଳୁ ରଖନ୍ତୁ । ସେଥିରୁ ୨୫-୩୦ ଗ୍ରାମ୍ ଓଜନର ଆଳୁ ସବୁ ବାଛି ସଫା ପାଣିରେ ଧୋଇଦିଅନ୍ତୁ ।

ପରେ ପ୍ରତି ଲିଟର ପାଣିରେ ୩୦ଗ୍ରାମ୍ ବୋରିକ୍ ଅମ୍ଳ ମିଶାଇ ବିହନ ଆଳୁଗୁଡିକୁ ୩୦ ମିନିଟ୍ ପାଇଁ ଭିଜାଇବା ପରେ ସେଗୁଡିକୁ ଛାଣି ଛାଇରେ ଶୁଖାଇ ଦିଅନ୍ତୁ । ତା’ପରେ ବିହନ ଆଳୁକୁ  ଅଖା ବସ୍ତାରେ ଭର୍ତ୍ତିକରି ଶୀତଳ ଭଣ୍ଡାରରେ ୪ଡିଗ୍ରୀ ସେଲ୍ସିୟସ୍ ରେ ରଖନ୍ତୁ ।

ଲେମ୍ବୁ

ଅଗଷ୍ଟ ଶେଷ ପର୍ଯ୍ୟନ୍ତ ଲେମ୍ବୁ ଲଗାଇପାରିବେ । କାଗଜିଲେମ୍ବୁ, ମେକ୍ସିକାନ୍ ଲାଇମ୍, ସରବତୀ ଲାଇମ୍, ଚାହିଦା, ୟୁରେକା, ଲିସ୍ଵନ୍, ଲିଭା ଫ୍ରାଙ୍କ ଆଦି କିସମ ଲଗାନ୍ତୁ ।

୫ମି *୫ମି ଦୂରତାରେ ୦.୭୫*୦.୭୫*୦.୭୫ମିଟର ଗାତ କରି ଲଗାନ୍ତୁ । ୦.୩୫ ରୁ ୦.୭୫ ଉଚ୍ଚର କେନାନ ଥିବା ସୁସ୍ଥ – ସବଳ କଲମି ଗଛ କିମ୍ବା ନିରୋଗ ମଞ୍ଜି ଲଗାନ୍ତୁ । ଲଗାଇବା ବେଳେ ଗଛ ପ୍ରତି ଦୁଇ ଝୁଡି କମ୍ପୋଷ୍ଟ ପ୍ରୟୋଗ କରନ୍ତୁ ।

ଆଧାର – ଦୈନିକ ଧରିତ୍ରୀ

2.66666666667
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top