ହୋମ / ଇ-ଗଭର୍ଣ୍ଣ।ନ୍ସ / ମୋବାଇଲ ପ୍ରଶାସନ / ଡଷ୍ଟବିନ୍ ଓ ଟଏଲେଟ୍ କୁ ରାସ୍ତା ଦେଖାଇବ ମୋବାଇଲ୍ ଆପ
ସେଆର କରନ୍ତୁ

ଡଷ୍ଟବିନ୍ ଓ ଟଏଲେଟ୍ କୁ ରାସ୍ତା ଦେଖାଇବ ମୋବାଇଲ୍ ଆପ

ଡଷ୍ଟବିନ୍ ଓ ଟଏଲେଟ୍ କୁ ରାସ୍ତା ଦେଖାଇବ ମୋବାଇଲ୍ ଆପ ସୁଚନା ମିଳିବା

ଉପକ୍ରମ

ସହରରେ କେଉଁଠି ଡଷ୍ଟବିନ୍ ଅଛି । ଆଉ ଶୌଚ ହେବାକୁ କେଉଁ ସ୍ଥାନରେ ଟଏଲେଟ୍ ଅଛି? ଏସବୁର ରାସ୍ତା ବତାଇଦେବ ମୋବାଇଲ୍ ଆପ । ରାଜଧାନୀର ଦୁଇ ଆଇଆଇଆଇଟି ଛାତ୍ର ଅବିନାଶ ଓ କମଲ୍ ଏଭଳି ଅଭିନବ ମୋବାଇଲ ଆପ ‘Where is the Dustbin’ ତିଆରି କରି ଦେଖାଇଛନ୍ତି । ଦୁହେଁ ସ୍ମାର୍ଟ ସିଟି ଭୁବନେଶ୍ୱର ପାଇଁ ଏଭଳି ସ୍ମାର୍ଟ ଆପସ୍ ପ୍ରସ୍ତୁତ କରିଛନ୍ତି । ଏହି ଆପସ୍ ସହରରେ ବିଭିନ୍ନ ସ୍ଥାନରେ ଥିବା ଡଷ୍ଟବିନ୍ ଦେଖାଇ ଦେଉଛି । ଖାଲି ଡଷ୍ଟବିନ୍ ନୁହେଁ ଆପଣ ଶୌଚ ହେବାକୁ ଚାହୁଁଥିଲେ ଆପ ଆପଣଙ୍କ ନିକଟତମ ସ୍ଥାନରେ କେଉଁଠି ଶୌଚାଳୟ ବା ପବ୍ଲିକ ଟଏଲେଟ୍ ଅଛି ତା କହି ଦେଉଛି ।

ମୋବାଇଲ୍ ଆପସ୍ ର Home Screen

ଅବିନାଶ ଓ କମଲ୍ ଦୀର୍ଘ ଦିନ ଧରି ପ୍ରୟାସ କରିବା ପରେ ଏପରି ଅଭିନବ ମୋବାଇଲ୍ ଆପ ତିଆରି କରିବାରେ ସକ୍ଷମ ହୋଇଛନ୍ତି । ଏହି ଆପ ଡିଜାଇନ୍ ର ମୂଳ ଉଦ୍ଦେଶ୍ୟ ହେଉଛି, ଅନେକ ଲୋକ କେଉଁଠି ଡଷ୍ଟବିନ୍ ଅଛି, ତା ଜାଣିନାହାନ୍ତି । ଏଥିପାଇଁ ସେମାନେ ବାହାରେ ଅଳିଆ ଫିଙ୍ଗୁଛନ୍ତି। ପରିବେଶ ପ୍ରଦୂଷିତ ହେଉଛି । ଆହୁରି ମଧ୍ୟ ସହରର କେଉଁ ଜାଗାରେ ପବ୍ଲିକ୍ ଟଏଲେଟ୍ ଅଛି, ତାକୁ ଖୋଜିବାକୁ ନୟାନ୍ତ ହେଉଛନ୍ତି । ଏଭଳି ସମସ୍ୟା ସବୁକୁ ଦୂର କରିବାକୁ ଏହି ଆପ କାମ କରୁଛି ।

ଡଷ୍ଟବିନ୍ ର ଦିଗ ଦେଖାଉଛି ଆପସ୍

ଦୁଇ ସାଙ୍ଗ ମିଶି ଗତ କିଛି ଦିନ ତଳେ ଏହି ଆପସ୍ କୁ ପ୍ରସ୍ତୁତ କରି ଡାଉନଲୋଡ୍ ପାଇଁ ଇଣ୍ଟରନେଟ୍ ରେ ଛାଡିଛନ୍ତି । ଆଣ୍ଡ୍ରଏଡ୍ ପ୍ଲେ ଷ୍ଟୋର୍ ରେ ଏବେ ଏହା ଉପଲବ୍ଧ । ଏହାକୁ ମାଗଣାରେ ଡାଉନଲୋଡ୍ କରି ହେଉଛି । ଏହି ଆପସ୍ କୁ ଡାଇନଲୋଡ୍ କରି ଇନଷ୍ଟଲ୍ କଲେ ଏହା ନାଁ, ଇ-ମେଲ୍ ଓ ପାସ୍ ୱାର୍ଡ ଭଳି ମାତ୍ର ଅଳ୍ପ କିଛି ତଥ୍ୟ ମାଗୁଛି । ତଥ୍ୟ ଦେଇ ଲଗ୍ ଇନ୍ କଲେ ଏହା ଆପଣଙ୍କ ଲୋକେସନ୍ ଦେଖାଇବ ସହ ପାଖରେ ଥିବା ଡଷ୍ଟବିନ୍ ଓ ଆପଣଙ୍କ ଲୋକେସନ୍ ଠାରୁ ଏହାର ଦୂରତା ଦେଖାଇ ଦେଉଛି ।

ଡଷ୍ଟବିନ୍ ର ଲୋକେସନ୍ ତଥ୍ୟ

ସେହିପରି ଅନ୍ୟ ଏକ ଅପସନ୍ ରେ ପବ୍ଲିକ ଟଏଲେଟର ସ୍ଥାନ ଓ ନିଜ ଲୋକେସନ୍ ଠାରୁ ଏହାର ଦୂରତା ମଧ୍ୟ ସୂଚାଇ ଦେଉଛି । ଏହାବାଦ୍ ୟୁଜର ବା ବ୍ୟବହାରୀଙ୍କ ପାଇଁ ସଜେଷ୍ଟ୍ ବା ମତାମତ ଅପସନ୍ ରହିଛି । ଏଥିରେ ଯେଉଁ ଅଞ୍ଚଳର ଡଷ୍ଟବିନ୍ ର ତଥ୍ୟ ନାହିଁ ୟୁଜର ନିଜେ ଫଟୋ ଉଠାଇ ଏହାର ଫଟୋ ଅପଲୋଡ୍ କରିପାରିବେ । ମାତ୍ର ତିନି ମେଗା ବାଇଟ୍ ବିଶିଷ୍ଟ ଏହି ଆପ ରେ ଅନେକ ବୈଶିଷ୍ଟ୍ୟ(ଫିଚର୍) ରହିଛି । ରାଜଧାନୀର ବହୁ ଛକ, ଗଳି, କଲୋନୀ ଓ ବସ୍ତିରେ ଥିବା ଡଷ୍ଟବିନ୍ ର ଲୋକେସନ ଓ ସୂଚନା ଏହି ଆପସ୍ ରେ ରହିଛି । ଅବିନାଶ ଓ କମଲ ଦୁହେଁ ମିଶି ଏହି ଡଷ୍ଟବିନର ଫଟୋ ଓ ସୂଚନା ଆପ ରେ ଅପଲୋଡ୍ କରିଛନ୍ତି ।

ଆପ ଡିଜାଇନ୍ ବିଷୟରେ ଅବିନାଶ କୁହନ୍ତି

ଅନେକ ଲୋକେ ଭୁବନେଶ୍ୱରକୁ ନୂଆ କରି ଆସୁଛନ୍ତି । ସେମାନେ ଅଳିଆ ପକାଇବାକୁ ଚାହିଁଲେ, କେଉଁଠି ଡଷ୍ଟବିନ୍ ଅଛି ଜାଣିନାହାନ୍ତି । ଡଷ୍ଟବିନ୍ ନ ପାଇଲେ ଇଚ୍ଛା ନଥାଇ ମଧ୍ୟ ବାଧ୍ୟରେ ଖୋଲାରେ ଅଳିଆ ଫିଙ୍ଗୁଛନ୍ତି । ଫଳରେ ସହର ଦୂଷିତ ହେଉଛି । ଏହାଛଡା ଅନେକ ଲୋକେ ସହରରେ କେଉଁଠି ପବ୍ଲିକ ଟଏଲେଟ୍ ଅଛି ଜାଣନ୍ତିନି । ଏହାକୁ ଖୋଜି ପାଇବାରେ ଅସୁବିଧା ସାମ୍ନା କରନ୍ତି । ଏହାର ସମାଧାନ ପାଇଁ ଏହି ‘Where is the Dustbin’ ମୋବାଇଲ ଆପ ତିଆରି କରିବା ଚିନ୍ତା ମୁଣ୍ଡକୁ ଜୁଟିଲା ।

କେବଳ ସ୍ୱଚ୍ଛତା ଭଳି ମହତ୍ ଉଦ୍ଦେଶ୍ୟ ପାଇଁ ଦୁଇ ସାଙ୍ଗ ଚାକିରୀ ଛାଡି ଏହି ଆପ କୁ ସମସ୍ତଙ୍କ ପାଖରେ ପହଞ୍ଚାଇବାକୁ ଲାଗି ପଡିଛନ୍ତି । ଏଥିପାଇଁ ସ୍କୁଟିରେ ବୁଲି ବୁଲି ଓ ନିଜ ପକେଟରୁ ଟଙ୍କା ଖର୍ଚ୍ଚ କରି ଦୁହେଁ ବିଭିନ୍ନ ଜାଗାର ଡଷ୍ଟବିନ୍ ଓ ଟଏଲେଟ ବାବଦରେ ସୂଚନା ହାସଲ କରିଛନ୍ତି।

ଆପସ୍ ର ଦୁଇ ପ୍ରତିଷ୍ଠାତା ଅବିନାଶ ଓ କମଲ୍

ଆଣ୍ଡ୍ରଏଡ୍ ପ୍ଲେ ଷ୍ଟୋରର୍ ଉପଲବ୍ଧ ହେବାର ୧୫ ଦିନ ଭିତରେ ପ୍ରାୟ ଶହେରୁ ଅଧିକ ଲୋକେ ଏହାକୁ ଡାଉନଲୋଡ କରି ସାରିଲେଣି । ଏହି ଆପ କୁ ଯେପରି ଅଧିକରୁ ଅଧିକ ଲୋକେ ବ୍ୟବହାର କରିବେ ସେଥିପାଇଁ ବିଏମସି ଏଥିରେ ସହଯୋଗ କରିବ ବୋଲି ଜଣାପଡିଛି । ଏ ନେଇ ଆପ ର ଦୁଇ ପ୍ରତିଷ୍ଠାତାଙ୍କ ସହ ବିଏମସି ର ଆଲୋଚନା ହୋଇଛି । ବିଏମସି ମେୟର ମଧ୍ୟ ଆପ କୁ ଦେଖି ପ୍ରଂଶସା କରିଛନ୍ତି । ଖାଲି ଭୁବନେଶ୍ୱର ନୁହେଁ କଟକ, ପୁରୀ, ରାଉରକେଲା ଓ ସମ୍ବଲପୁରରେ ମଧ୍ୟ ଏହି ଆପ କାର୍ଯ୍ୟକ୍ଷମ କରିବାକୁ କାମ ଚାଲିଛି । ଓଡିଶା ବାହାରେ ତାମିଲନାଡୁ ଓ ବାଙ୍ଗାଲୋରର ଲୋକଙ୍କ ବ୍ୟବହାର ପାଇଁ ଏହି ଆପ ଆଣିବାକୁ ଦୁହେଁ ପ୍ରୟାସ ଚଳାଇଛନ୍ତି । ଭବିଷ୍ୟତରେ ସେମାନେ ସରକାର ଓ ଅନ୍ୟ ଚାରିଟେବଲ୍ ଟ୍ରଷ୍ଟ ସହ ମିଶି ପୂରା ଦେଶରେ ଏହି ଆପ କାର୍ଯ୍ୟକ୍ଷମ କରିବାକୁ ଯୋଜନା ରଖିଛନ୍ତି ।

ଆଧାର :Smrutiranjan Biswal

3.04761904762
ତାରକା ଚିହ୍ନ ଉପରେ କ୍ଲିକ କରି ପୃଷ୍ଟାଟିକୁ ମୂଲ୍ୟାଙ୍କନ କରନ୍ତୁ
Anonymous Jun 10, 2016 02:12 PM

ଅତ୍ୟନ୍ତ ଉପାଦେୟ ଅପ୍ପ l ଆଶା ଏହାକୁ ବହୁଳ ବ୍ୟବହାର କରା ଯିବ l

Asutosh Behera May 18, 2016 10:54 AM

ସହରରେ ବସବାସ କରୁଥିବା ଲୋକଙ୍କ ପାଇଁ ଏହା ଅତ୍ୟନ୍ତ ଗୁରୁତ୍ଵପୁର୍ଣ

ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Has Vikaspedia helped you?
Share your experiences with us !!!
To continue to home page click here
Back to top