ହୋମ / ଶିକ୍ଷା / କ୍ୟାରିୟର ମାର୍ଗଦର୍ଶକ / ଗ୍ରୁପ୍ ପାଠପଢା ସହ ଶିଖନ୍ତୁ ସାମାଜିକ ମୂଲ୍ୟବୋଧ
ସେଆର କରନ୍ତୁ

ଗ୍ରୁପ୍ ପାଠପଢା ସହ ଶିଖନ୍ତୁ ସାମାଜିକ ମୂଲ୍ୟବୋଧ

ସମାଜର ସାଙ୍ଗମାନେ ଓ ଅନ୍ୟ ଅଚିହ୍ନା ଲୋକଙ୍କ ସହ ମିଶିବା ଆଉ ସେମାନଙ୍କ ସହ ଭଲ ସମ୍ପର୍କ ରକ୍ଷା କରିବା ସାମାଜିକ ମୂଲ୍ୟବୋଧର ପରିଚୟ ଦେଇଥାଏ ।

ଉପକ୍ରମ

କେବଳ ସାଙ୍ଗସାଥୀ ନୁହେଁ ସମାଜରେ ଅନ୍ୟ ଅଚିହ୍ନା ଲୋକଙ୍କ ସହ ମିଶିବା ଆଉ ସେମାନଙ୍କ ସହ ଭଲ ସମ୍ପର୍କ ରକ୍ଷା କରିବା ସାମାଜିକ ମୂଲ୍ୟବୋଧର ପରିଚୟ ଦେଇଥାଏ । ଛାତ୍ର ଜୀବନାରେ ଏସବୁ ଶିକ୍ଷା କରିବାକୁ ହୋଇଥାଏ ।

ଷ୍ଟଡି ଗ୍ରୁପ୍

ସମାଜରେ ଲୋକଙ୍କ ସହ ମିଶିବା, ସେମାନଙ୍କ ସହ ସୁସମ୍ପର୍କ ରକ୍ଷା କରିବା ଯେଉଁଭଳି ଏକ ଆବଶ୍ୟକତା, ବନ୍ଧୁମାନଙ୍କ ସହ ଗ୍ରୁପ୍ ରେ ରହି ପାଠ ପଢିବା ମଧ୍ୟ ସେଇଭଳି ଏକ ବଡ ଆବଶ୍ୟକତା । ସାମାଜିକ ମୂଲ୍ୟବୋଧ ଶିକ୍ଷା କରିଥିବା ଛାତ୍ରଛାତ୍ରୀ ଡାଇନାମିକ୍ ହୋଇଥାନ୍ତି । ସେମାନେ ସହଜରେ ବନ୍ଧୁ ସୃଷ୍ଟି କରି, ସେମାନଙ୍କ ସହ ପାଠ ପଢିପାରନ୍ତି । ଜଣେ ଏକା ଏକା ବସି ଭଲ ଅଧ୍ୟୟନ କରିପାରନ୍ତି । ମାତ୍ର ଶିକ୍ଷାର୍ଜନ ସାମୁହିକ ଭାବରେ ହିଁ ହୋଇଥାଏ । ଏଥିପାଇଁ ମେଧାବୀ ଛାତ୍ରଛାତ୍ରୀ ଅନ୍ୟ ମେଧାବୀ ଛାତ୍ରଛାତ୍ରୀଙ୍କ ସହ ମିଶିଥାନ୍ତି ।  ଭଲ ପାଠ ପଢିବା ପାଇଁ ଏହି କାରଣରୁ ମହାବିଦ୍ୟାଳୟ / ବିଶ୍ଵବିଦ୍ୟାଳୟରେ ଅଧ୍ୟାପକ/ ଅଧ୍ୟାପିକା ତଥା ପ୍ରଫେସରମାନଙ୍କ ସହ ଭଲ ସମ୍ପର୍କ ରକ୍ଷା କରିଥାନ୍ତି । ଚିହ୍ନା ହୁଅନ୍ତୁ ଅବା ଅଚିହ୍ନା ଅନ୍ୟମାନଙ୍କ ସହ ଭଲ ସମ୍ପର୍କ ରକ୍ଷା କରିବା ସାମାଜିକ ମୂଲ୍ୟବୋଧର ପରିଚୟ ଦେଇଥାଏ ।

ସବୁବେଳେ ଏକା ପାଠପଢା ଅନେକ ସମୟରେ ବୋରିଂ ହୋଇଥାଏ । ଏଥିପାଇଁ ଗ୍ରୁପ୍ ର  ଆବଶ୍ୟକତା ଅଛି । କିଛି ମେଧାବୀ ଛାତ୍ରଛାତ୍ରୀଙ୍କୁ ନେଇ ଗୋଟିଏ ଷ୍ଟଡି  ଗ୍ରୁପ୍ ତିଆରି କରନ୍ତୁ । ନିୟମିତ ଭାବେ ଗ୍ରୁପ୍ ରହି ପାଠ ପଢନ୍ତୁ । ଏହାଦ୍ଵାରା ଆପଣ ଅନ୍ୟ ପିଲାଙ୍କୁ ଶୁଣିପାରିବେ, ସେମାନେ ଯାହା ପଢିଛନ୍ତି, ଯେଉଁ ପାଠ ମନେରଖିଛନ୍ତି ହୁଏତ ସେଇ ପାଠ ଯଦି ଆପଣ ବୁଝିପାରି ନଥିବେ, ସେତେବେଳେ ଚୁଟ୍କିରେ ଅନ୍ୟ ଛାତ୍ରଛାତ୍ରୀ ଆପଣଙ୍କ ସମସ୍ୟା ସମାଧାନ କରି ଦେଇ ପାରିବେ ।  ଆଉ ଗୋଟିଏ କଥା ଅଧିକାଂଶ ନିଯୁକ୍ତିଭିତ୍ତିକ ପ୍ରତିଯୋଗୀତାର ମୂଳକ ପରୀକ୍ଷାଗୁଡିକର ଇଣ୍ଟରଭ୍ୟୁରେ ଗୋଷ୍ଠୀଗତ ଆଲୋଚନା ରହୁଛି ।  ଆପଣ ଷ୍ଟଡି ଗ୍ରୁପ୍ ତିଆରି କରି ଗ୍ରୁପ୍ ରେ ପାଠ ଆଲୋଚନା କରି ପଢାପଢି କରୁଥିଲେ ସହଜରେ ଗୋଷ୍ଠୀଗତ ଆଲୋଚନାରେ ଭାଗ ନେଇପାରିବେ। ଗ୍ରୁପ୍ ଡ଼ିସକସନ୍ ରେ ଆଲୋଚନା କରିବାକୁ ଆପଣଙ୍କୁ ଆଉ ଡର ବି ଲାଗିବ ନାହିଁ ।

ସବଜେକ୍ଟ ବିଷୟରେ ଜାଣିବା, ପ୍ରୋବ୍ଲେମ୍ ସମାଧାନ ପାଇଁ ନୂଆନୂଆ କୌଶଳ ଆଦି ବିଷୟରେ ଜାଣିବା ପାଇଁ ହେଲେ ଅନ୍ୟମାନଙ୍କ ସହ ସାଙ୍ଗ ହେବାକୁ ହିଁ ପଡିବ । ସେମାନଙ୍କ ସହ ମିଶି ପାଠ ପଢିଲେ କେତେବେଳେ ସମୟ କଟିଯିବ ଜାଣି ବି ପାରିବେ ନାହିଁ । କେବେ କେମିତି ଥକ୍କା ଲାଗିଲେ ସାଙ୍ଗଙ୍କ ସହ ହସଖୁସି ବି କରିପାରିବେ । ଜଣେ ଗୋଟିଏ ବିଷୟ ପଢି ଯାହା ବୁଝିବେ, ପାଞ୍ଚ ଜଣ ସାଙ୍ଗ ଏକାଠି ସେଇ ବିଷୟଟିକୁ ନିଜ ନିଜ ଭିତରେ ଆଲୋଚନା କରି ପଢିଲେ ନିଶ୍ଚିତ ଅଧିକ ବୁଝି ହେବ । ପାଠଟି ସହଜରେ ମନେ ବି ରହିବ ।

ଗୁଣର ବିକାଶ

ବନ୍ଧୁ ଗ୍ରୁପ୍ ରେ ମିଶିବା, ସାମାଜିକ ଭାବେ ଅନ୍ୟ ଲୋକମାନଙ୍କ ସହ ମିଶିବା ପାଇଁ ହେଲେ ନିଜକୁ ଶିକ୍ଷା ଦେବାକୁ ହୋଇଥାଏ । ଏଥିପାଇଁ ସ୍ମାର୍ଟ ତଥା ଡାଇନାମିକ୍ ହେବାକୁ ପଡିବ ।  ନିଜ ଭିତରେ ବିଭିନ୍ନ ଭଲ ଗୁଣର ବିକାଶ କରିବାକୁ ପଡ଼ିବ । ଏହା ହେଲେ ଅନ୍ୟମାନେ ଆକୃଷ୍ଟ ହେବେ । ଏଇ ସୁଯୋଗରେ ଆପଣ ସେମାନଙ୍କ ସହ ଭଲରେ ମିଶିପାରିବେ । ମହାବିଦ୍ୟାଳୟ ହେଉ ଅବା ବିଶ୍ଵବିଦ୍ୟାଳୟ ଅନେକ ପ୍ରକାର ଛାତ୍ରଛାତ୍ରୀ ପାଠ ପଢୁଥାନ୍ତି । ନିଜ ବିଭାଗର ଛାତ୍ରଛାତ୍ରୀଙ୍କ ଛଡା ଅନ୍ୟ ବିଭାଗର ଛାତ୍ରଛାତ୍ରୀଙ୍କ ସହ ମିଶିଲେ ଭଲ ଅଧ୍ୟୟନ କରିବା ସହ କେମିତି ସମାଜ ସହ ସମ୍ପର୍କ ରକ୍ଷା  କରିବାକୁ ହେବ ସେ ପ୍ରକାର ଆଚରଣ ବି ଶିକ୍ଷା କରିପାରିବେ ।

ଆଧାର – ଦୈନିକ ପ୍ରମେୟ

3.33333333333
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top