ଚାହିଦାରେ ପାଠ୍ୟକ୍ରମ ଏଥ୍ନୋମ୍ୟୁଜିକୋଲୋଜୀ

ଉପକ୍ରମ

ଏଥ୍ନୋମ୍ୟୁଜିକୋଲୋଜୀ ପାଠ ପଢିଲେ ଭଲ ରୋଜଗାର କରିବା ସହ ସାରା ବିଶ୍ଵ ଭ୍ରମଣ କରି ବିଭିନ୍ନ ଦେଶର ଭିନ୍ନ ଭିନ୍ନ ଜାତିର ଲୋକଙ୍କ ସଂସ୍କୃତି, ସଙ୍ଗୀତ, ବାଦ୍ୟଯନ୍ତ୍ର ବାଦନ, ଅଧ୍ୟୟନ କରିପାରିବେ । ଭଲ ଦରମା ସହ ବାହାର ଦେଶରେ ଲୋକ ସଂସ୍କୃତି, ସଂଗୀତ ଓ ସେମାନଙ୍କ ବାଦ୍ୟଯନ୍ତ୍ର ଶିକ୍ଷା କରି ବଜାଇବା, ସେମାନଙ୍କ ସହ ମିଶିବାର ସୌଭାଗ୍ୟ ଆଉ କେଉଁ ଚାକିରିରେ ଅଛି ।

ଏଥ୍ନୋମ୍ୟୁଜିକୋଲୋଜୀ ପାଠ୍ୟକ୍ରମ

ଅନ୍ତର୍ଜାତୀୟ କ୍ଷେତ୍ରିରେ ପ୍ରସିଦ୍ଧି ଲାଭ କରିଛି ଏଥ୍ନୋମ୍ୟୁଜିକୋଲୋଜୀ (Ethnomusicology) ପାଠ୍ୟକ୍ରମ । ବିଶ୍ଵ ସଂସ୍କୃତି, ସଙ୍ଗୀତ ତଥା ସମାଜ ଆଦି କ୍ଷେତ୍ରକୁ ନେଇ ତିଆରି ହୋଇଥିବା ଏହି ବିଶେଷ ପାଠ୍ୟକ୍ରମରେ ଛାତ୍ରଛାତ୍ରୀଙ୍କ ପାଇଁ ପର୍ଯ୍ୟନ୍ତ ନିଯୁକ୍ତି ସୁଯୋଗ ରହିଛି ଏଥ୍ନୋମ୍ୟୁଜିକୋଲୋଜୀ କହିଲେ ସାମାଜିକ, ସାଂକୃତି କ୍ଷେତ୍ରକୁ ନେଇ ହେଉଥିବା ସଙ୍ଗୀତର ଅଧ୍ୟୟନ । ସଙ୍ଗୀତ କ’ଣ ଓ କାହିଁକି, ବାଦ୍ୟଯନ୍ତ୍ର ଏବଂ ଏଥିରୁ ସୃଷ୍ଟି ହେଉଥିବା ଧ୍ୱନି ଆଡିକୁ ସାମାଜିକ ପ୍ରକ୍ରିୟା ମଧ୍ୟ ଦେଇ ଅଧ୍ୟୟନ କରିବା ହେଉଛି ଜଣେ ଏଥ୍ନୋମ୍ୟୁଜିକୋଲୋଜିଷ୍ଟଙ୍କ କାମ । ଗାୟକ ପାଇଁ ସଙ୍ଗୀତର ଅର୍ଥ କ’ଣ ? ଶ୍ରୋତାଙ୍କ ପାଇଁ ବି ଏହାର କ’ଣ ଅର୍ଥ ହୋଇପାରେ ଏସବୁର ସଂଯ ନିର୍ଦ୍ଧାରଣ କରିଥାନ୍ତି ଏଥ୍ନୋମ୍ୟୁଜିକୋଲୋଜିଷ୍ଟ , ସ୍ପଷ୍ଟ ଭାବରେ କହିଲେ ପୃଥିବୀରେ ପ୍ରତିଟି ଜାତି, ଜନଜାତିଙ୍କର ରହିଛି ନିଜସ୍ଵ ସଂସ୍କୃତି ସଂଗୀତ, କଳା – ଏସବୁର ତୁଳନାତ୍ଜକ ଅଧ୍ୟୟନ ସହ ପର୍ଯ୍ୟବେକ୍ଷଣ କରିବାରେ ଜଣେ ଏଥ୍ନୋମ୍ୟୁଜିକୋଲୋଜିଷ୍ଟର ରହିଛି ଗୁରୁତ୍ୱପୂର୍ଣ୍ଣ ଭୂମିକା ।

ବ୍ୟାଚଳର ଡିଗ୍ରୀ ଏବଂ ମାଷ୍ଟର ଡିଗ୍ରୀ କରିଥିବା ଛାତ୍ରଛାତ୍ରୀଏହି ପାଠ ପଢିପାରିବେ । ଛାତ୍ରଛାତ୍ରୀଙ୍କ ଲୋକସାହିତ୍ୟ, ଲୋକ କଥା, ପୌରାଣିକ କାହାଣୀ, ଲୋକୋକ୍ତି, ସାଂସ୍କୃତି ସମାଜବିଜ୍ଞାନ (Cultural Sociology) ଏବଂ ନୃତତ୍ତ୍ଵ ବିଜ୍ଞାନ (Cultural Anthropology) ଆଦି ପାଠ ୩ରୁ ୪ ବର୍ଷ ପଢିବାକୁ ହୋଇଥାଏ । ଜଣେ ଏଥ୍ନୋମ୍ୟୁଜିକୋଲୋଜିଷ୍ଟ ସାରା ପୃଥିବୀର ଯେକୌଣସି ଅଞ୍ଚଳରେ ନିଯୁକ୍ତି ପାଇପାରିବେ, କାମ କରିପାରିବେ । ଜାତୀୟ / ଆନ୍ତର୍ଜାତୀୟ ବିଶ୍ୱବିଦ୍ୟାଳୟଗୁଡିକରେ ଅଧ୍ୟାପନା, ନିଜ ଅଞ୍ଚଳରେ ରହି ଗବେଷଣା କରିପାରିବ କିମ୍ବା ବିଦେଶରେ କୌଣସି ଅଞ୍ଚଳକୁ ନେଇ ଅଧ୍ୟୟନ କରିପାରିବେ । ଏତଦ୍ ଭିନ୍ନ ବଡ ବଡ କଳା, ସାଂସ୍କୃତିକ ଅନୁଷ୍ଠାନ (ଏନ୍ଜିଓ) ଗୁଡିକରେ ବି କାମ କରିପାରିବ । ଯଦି ଏସିଆ ମହାଦେଶରେ ଏହି ପାଠ୍ୟକ୍ରମ କରିବାକୁ ଚାହୁଁଥାନ୍ତି ତେବେ ହଙ୍ଗ୍ କଙ୍ଗ୍, ଇଣ୍ଡୋନେସିଆ, ନେପାଲ, ମାଲେସିଆ, ଫିଲିପାଇନ୍ସ ଆଦି ଦେଶରେ ଥିବା ବଡ ବିଶ୍ୱବିଦ୍ୟାଳୟଗୁଡିକରେ ଏହି ପାଠ ପାଢୀ ପାରିବେ । ଆମେରିକାରେ ଅଧ୍ୟାପନା କାଲେ ବର୍ଷକୁ ୨୨ ରୁ ୮୮ ଲକ୍ଷ ପର୍ଯ୍ୟନ୍ତ ଦରମା ପାଇବେ । ଏଥିରେ ମାଷ୍ଟର ଡିଗ୍ରୀ ପରେ ଚାହିଁଲେ ଡକ୍ଟରେଟ୍ ବି କରିପାରିବେ । ଗବେଷଣା କରିବା ଆପଣଙ୍କୁ ଚମତ୍କାର ଅନୁଭାବ ଦେବା । ଏହି ପାଠ ପଢିବା ପାଇଁ ବିଦେଶରେ ବହୁତ ସୁବିଧା ସୁଯୋଗ ଯୋଗାଇ ଦିଆଯାଉଛି ।

ଆଧାର

ପ୍ରମେୟ