ଚାହା ଉତ୍ପାଦନ, ବିକ୍ରୟ ଏବଂ ପାନୀୟ କ୍ଷେତ୍ରରେ ଭାରତର ସ୍ଥାନ ବିଶ୍ଵରେ ପ୍ରଥମ । ନୂତନ ବୈଷୟିକ ଜ୍ଞାନ କୌଶଳ ପ୍ରୟୋଗ ଏବଂ ପରିଚାଳନାଗତ ଦକ୍ଷତା ଯୋଗୁ ଏହା ସମ୍ଭବ ହୋଇପାରିଛି। ବ୍ୟାବସାୟିକ ସଫଳତାରେ ମଧ୍ୟ ଉନ୍ନତି ଘଟୁଛି। ଆମ ଦେଶରେ ଅଧିକ ଚାହା ଚାଷ କରାଯାଉଥିବା ଅଞ୍ଚଳଗୁଡ଼ିକ ହେଲା ଆସାମ ଦାର୍ଜିଲିଂ ଏବଂ କର୍ନାଟକା । ଏହି ପରିପ୍ରେକ୍ଷୀରେ ଟିମ୍ୟାନେଜମେଣ୍ଟ(ଚାହା ପରିଚାଳନା) କ୍ଷେତ୍ରରେ ଆଜିର ଯୁବଗୋଷ୍ଠୀଙ୍କ ପାଇଁ ନୂତନ କ୍ୟାରିଅର୍ ଗଢ଼ିବାର ଭଲ ସୁଯୋଗ ରହିଛି। ଯୋଗ୍ୟତା ; ଟି ମ୍ୟାନେଜମେଣ୍ଟ ରେ କୋର୍ସ କରିବା ପାଇଁ ସର୍ବନିମ୍ନ ଯୋଗ୍ୟତା ହେଉଛି ସ୍ନାତକ ଡିଗ୍ରି । ସାର୍ଟିଫିକେଟ୍ ଡିପ୍ଲୋମା, ବିଏସସି, ଏମ୍ଏସ ଡିଗ୍ରି କରବାର ସୁଯୋଗ ମଧ୍ୟ ଉପଲବ୍ଧ। ତେବେ ଖାଦ୍ୟ ପ୍ରକ୍ରିୟାକରଣ, କୃଷି ବିଜ୍ଞାନ, ହର୍ଟିକଲଚର, ଉଦ୍ଭିଦ ବିଜ୍ଞାନ ଆଦି ବିଷୟରେ ସ୍ନାତକ ଡିଗ୍ରି ହାସଲ କରିଥିବା ପ୍ରାର୍ଥିଙ୍କୁ ଏଥିରେ କାର୍ଯ୍ୟ କରିବାର ଅଧିକ ସୁବିଧା ହୁଏ ।
ଡିପ୍ଲୋମା ଓ ଡିଗ୍ରି କୋର୍ସରେ ନାମ ଲେଖାଇବା ପାଇଁ ପ୍ରବେଶିକା ପରୀକ୍ଷା ଦେବାକୁ ପଡ଼ିଥାଏ ।
ପାଠ୍ୟକ୍ରମ : ଟି ମ୍ୟାନେଜମେଣ୍ଟ ପାଠ୍ୟକ୍ରମରେ ଛାତ୍ରଛାତ୍ରୀଙ୍କୁ ଉନ୍ନତ ତଥା ବୈଷୟିକ ଜ୍ଞାନ କୌଶଳ ପ୍ରୟୋଗ ମାଧ୍ୟମରେ ଶିକ୍ଷା ଓ ତାଲିମ ପ୍ରଦାନ କରାଯାଏ । ଚାହା ଉତ୍ପାଦନ, ବ୍ୟବସାୟ ଖର୍ଚ୍ଚ, ମାର୍କେଟିଂ, ବିକ୍ରି ଆଦି ବିଷୟରେ ତାଲିମ୍ ଦିଆଯାଏ । ଚାରା ରୋପଣ, ଉନ୍ନତ କିସମ ଚୟନ, ମାଟିର ଉର୍ବରତା ନିରୂପଣ, ଚାହା ସଂଗ୍ରହ, ରକ୍ଷଣାବେକ୍ଷଣ, ପ୍ୟାକିଂ ତଥା ଖୁଚୁରା ବିକ୍ରି ସମ୍ବନ୍ଧରେ ମଧ୍ୟ ଶିକ୍ଷାଦାନ କରାଯାଏ । ଟି
ମ୍ୟାନେଜମେଣ୍ଟ କୋର୍ସଗୁଡ଼ିକର ଅବଧି ସାଧାରଣତଃ ସ୍ୱଳ୍ପ ସମୟର ହୋଇଥାଏ ।
ନିଯୁକ୍ତି ସୁଯୋଗ : ଉଭୟ ସରକାରୀ ଏବଂ ଘରୋଇ ଚାହା କମ୍ପାନୀରେ ନିଯୁକ୍ତି ଯୁଯୋଗ ରହିଛି। ଏଠାରେ ଫାଇନାନ୍ସସିଆଲ କନସୁଲ୍ଟାଣ୍ଟ, ଇଷ୍ଟେଟ୍ ମ୍ୟାନେଜର ଫାଇନାନ୍ସସିଆଲ୍ ହେଉ, ପ୍ଳାଣ୍ଟେସନ୍ ମ୍ୟାଜେର, ଟି-ଟେଷ୍ଟର, ଟି ବ୍ରୋକର, ଟି-କନ୍ସୁଲ୍ଟାଣ୍ଟ, ଟି- ବ୍ରୋକର ଆଦି ପଦବୀରେ ନିଯୁକ୍ତି ପାଇପାରିବେ ।
ବେତନ : ପ୍ରାଥମିକ ସ୍ତରରେ ଟ୍ରେନି ବା ଶିକ୍ଷାନବୀଶମାନେ ମାସିକ ପାଞ୍ଚ ହଜାର ଟଙ୍କା ଦରମାରେ କାର୍ଯ୍ୟ ଆରମ୍ଭ କରିପାରିବେ । ବରିଷ୍ଠ ତଥା ଦକ୍ଷତା ଭିତ୍ତିରେ ପଚିଶ ହଜାର ଟଙ୍କା ବେତନ ରହିଛି। ଏପରିକି ବଡ଼ ବଡ଼ କମ୍ପାନୀର ଦକ୍ଷ ପରିଚାଳକମାନଙ୍କୁ ଚାଳିଶ/ ପଚାଶ ହଜାର ଟଙ୍କାରେ ନିଯୁକ୍ତି ପ୍ରଦାନ କରାଯାଉଛି ।
ତାଲିମକେନ୍ଦ୍ର/ଶିକ୍ଷାନୁଷ୍ଠାନ : ଆସାମ କୃଷି ବିଶ୍ଵବିଦ୍ୟ।ଳୟ ( କୋର୍ସ: ବିଏସି, ଏମଏସି ଇନ୍ ଟି- ହଜବେଣ୍ଡାରି ଏଣ୍ଡ ଟେକନୋଲୋଜି)
ସଂଗୃହିତ: ପ.କ୍ ପ୍ରମାନିକ
Last Modified : 12/31/2019