ବିଜନେସ ମିଟିଂ ଆୟୋଜନ କରୁଥିଲେ
ବିଜନେସ ମିଟିଂ ଆୟୋଜନ କରୁଥିଲେ
ବିଜନେସ ମିଟିଂ
ପ୍ରସିଦ୍ଧି ଲାଭ କରିଥିବା ବଡ଼ ବଡ଼ କମ୍ପାନୀ ଅନେକ ସମୟରେ ସାଧାରଣ ବୈଠକ କରନ୍ତି । ସେମାନଙ୍କ ସାମଗ୍ରୀ ବା ସେବା ଉପଯୋଗ କରୁଥିବା ସଂସ୍ଥା, ବ୍ୟକ୍ତିବିଶେଷ ତଥା କ୍ଷୁଦ୍ର ବ୍ୟବସାୟୀଙ୍କୁ ଏଥିରେ ଭାଗ ନେବା ପାଇଁ ଆମନ୍ତ୍ରଣ କରିଥାଆନ୍ତି । ଉଦାହରଣ ସ୍ୱରୂପ କୌଣସି ଏକ ପ୍ଲାଏଉଡ୍ କମ୍ପାନୀ କାର୍ପେଣ୍ଟର, ସୁପରଭାଇଜର, ରିଟେଲ ଆଉଟ୍ଲେଟ୍ ମାଲିକମାନଙ୍କ ସହ ବୈଠକ କରିଥାଏ । ସେଥିରେ ନିଜ କମ୍ପାନୀ ସମ୍ପର୍କରେ ସୂଚନା ଦେଇଥାଏ । ନିଜ ସାମଗ୍ରୀ ଓ ସେବା କିପରି ଅଧିକ ଲୋକ ପସନ୍ଦ କରିବେ, ବ୍ୟବହାର କରିବେ ଏବଂ ଅନ୍ୟମାନଙ୍କୁ ଏହାର ଉପକାରିତା ଜଣାଇବେ । ତାହା ସେମାନଙ୍କର ଲକ୍ଷ୍ୟ ଥାଏ ।
ଟିପ୍ସ
ଏଭଳି ବୈଠକ କରୁଥିଲେ କେତୋଟି ନିର୍ଦ୍ଦିଷ୍ଟ ଦିଗ ପ୍ରତି ଧ୍ୟାନ ଦେବା ନିହାତି ଜରୁରୀ । ତାହା ଏଠାରେ ଉପସ୍ଥାପନ କରାଗଲା
- ନିର୍ଦ୍ଦିଷ୍ଟ ଲକ୍ଷ୍ୟ ରଖନ୍ତୁ
- ମିଥ୍ୟ ତଥ୍ୟ ଦିଅନ୍ତୁ ନାହିଁ
- ସମ୍ପୁର୍ଣ୍ଣ ଟେକ୍ନୋଲୋଜି ବ୍ୟବହାର କରନ୍ତୁ
- ପ୍ରଶ୍ନର ଉତ୍ତର ଦିଅନ୍ତୁ
- ପରାମର୍ଶ ଗ୍ରହଣ କରନ୍ତୁ
- ଉପହାର ପ୍ରଦାନ କରନ୍ତୁ
ଏଭଳି କାର୍ଯ୍ୟକ୍ରମ ବହୁ ସମୟ ଧରି ଚାଲିଥାଏ । ତେଣୁ କେଉଁ କେଉଁ ବିଷୟ ଉପରେ ଆଲୋଚନା କରିବାର ଅଛି, ଅଂଶଗ୍ରହଣକାରୀଙ୍କୁ କ'ଣ ଜଣାଇବାର ଅଛି ତାହା ସରଳ ଓ ପ୍ରାଞ୍ଜଳ ଭାବେ ପ୍ରଥମରୁ କୁହନ୍ତୁ। ଏହାର ଏକ ଏଜେଣ୍ଡା ପୂର୍ବରୁ ପ୍ରସ୍ତୁତ କରନ୍ତୁ । ନିର୍ଦ୍ଦିଷ୍ଟ ଲକ୍ଷ୍ୟ ସ୍ପଷ୍ଟଭାବେ ଅବଗତ କରାନ୍ତୁ ।
ନିଜ କମ୍ପାନୀ ସମ୍ପର୍କରେ ମିଥ୍ୟ ଏବଂ ଭୂଲ ତଥ୍ୟ ଦିଅନ୍ତୁ ନାହିଁ । ଲୋକଙ୍କୁ ଆକୃଷ୍ଟ କରିବା ଆଶାରେ ଏପରି କିଛି କୁହନ୍ତୁ ନାହିଁ, ଯାହାକି ପର ମୁହୁର୍ତ୍ତରେ ସେମାନଙ୍କୁ ନିରାଶ କରିବା ଏବଂ କମ୍ପାନୀ ଉପରୁ ସେମାନଙ୍କ ଭରସା ତୁଟିବ । ଏହି ଦିଗ ପ୍ରତି ଯଥେଷ୍ଟ ଧାନ ଦିଅନ୍ତୁ । l
ପଢ଼ିବା ଏବଂ ଶୁଣିବା ଦ୍ଵାରା ବୁଝିବା ଯେତେ ସହଜ ହୋଇ ନ ଥାଏ । ଉଦାହରଣ ଦ୍ଵାରା ତାହା ବେଶି ସହଜ ହୋଇଥାଏ । ତେଣୁ ଅଡିଓ ଭିଜୁଆଲ ପ୍ରେଜେଣ୍ଡେଶନ ଦ୍ଵାରା ଛୋଟ ଛୋଟ ଡକ୍ୟୁମେଣ୍ଟାରି ପ୍ରଦର୍ଶନ କରି ବୈଠକକୁ ସକ୍ରିୟ କରିବା ଉଚିତ । ନିଜ ଉତ୍ପାଦ ଓ ସେବା ସମ୍ପର୍କିତ ସଫଳ କାହାଣୀ ମଧ୍ୟ ପ୍ରଦର୍ଶନ କରାଯାଇପାରିବ ।
ଆପଣ ନିଜ କମ୍ପାନୀ ସମ୍ପର୍କରେ ଯାହା ସୂଚନା ଦେବେ ତାହା ନୂତନ ହେବା ଉଚିତ । ସେହିପରି ଯାହା ସେମାନଙ୍କ ପାଇଁ ଅଧିକ ଉପଯୋଗୀ ଏବଂ ଅଜଣା ଥିବ ତାହା ଉପରେ ବିଶେଷ ଧ୍ୟାନ ଦିଅନ୍ତୁ । ସେସବୁକୁ ନେଇ ଲୋକଙ୍କ ମନରେ ଯାହା ପ୍ରଶ୍ନ ରହିବ ତାହାକୁ ସ୍ଵାଗତ କରିବା ସହ ଠିକ୍। ଉତ୍ତର ରଖନ୍ତୁ ।
ଆପଣଙ୍କ ସାମଗ୍ରୀ ଓ ସେବା ଯିଏ କ୍ରୟ କରୁଛି, ଆପଣଙ୍କ ପାଇଁ ସେ ସବୁକିଛି । ତେଣୁ ଆପଣଙ୍କ ଉତ୍ପାଦକୁ ନେଇ ଉପଭୋକ୍ତାଙ୍କର କ'ଣ ଆଶା ବା ଫିଡବ୍ୟାକ ରହିଛି ତାହା ସେମାନଙ୍କଠାରୁ ଜାଣିବାକୁ ଚେଷ୍ଟା କରନ୍ତୁ । ଏଥିରେ କ’ଣ ପରିବର୍ତ୍ତନ ଆବଶ୍ୟକ, କ’ଣ ଲୋକମାନେ ବେଶି ଚାହୁଁଛନ୍ତି ସେ ସମ୍ପର୍କରେ ପରାମର୍ଶ ଗ୍ରହଣ କରନ୍ତୁ ।
ନିମନ୍ତ୍ରଣ ରକ୍ଷା କରି ସେମାନେ ଆପଣଙ୍କୁ ସମୟ ଦେଇଛନ୍ତି । ଆପଣଙ୍କ ବୈଠକକୁ ଆସି ସେମାନଙ୍କର ସମୟ ନଷ୍ଟ ହୋଇଛି ବୋଲି ସେମାନେ ଭାବିବା ଅନୁଚିତ । ତେଣୁ ଉତ୍ତମ ଆତିଥେୟତା ପ୍ରଦାନ କରି ଯଥାସମ୍ଭବ ନିଜ ଉତ୍ପାଦ ବା ସେବାର ପ୍ରଚାର ପ୍ରସାର ପାଇଁ ସେମାନଙ୍କୁ ଉପହାର ପ୍ରଦାନ କରିବା ଏକ ସୁଚିନ୍ତିତ ବ୍ୟବସାୟିକ ରଣକୌଶଳ ବୋଲି ଧରିନିଅନ୍ତୁ ।
ଆଧାର: ପ.କ୍ ପ୍ରମାନିକ
Last Modified : 12/10/2019
