ହୋମ / ଶିକ୍ଷା / କ୍ୟାରିୟର ମାର୍ଗଦର୍ଶକ / ବ୍ୟକ୍ତିତ୍ଵ ବିକାଶରେ ବାଧକ
ସେଆର କରନ୍ତୁ

ବ୍ୟକ୍ତିତ୍ଵ ବିକାଶରେ ବାଧକ

ବ୍ୟକ୍ତିତ୍ଵ ଉପରେ ପ୍ରଭାବ ପକାଉଥିବା ନକାରାତ୍ମକ ଗୁଣାବଳୀ ବିଷୟରେ ଆଲୋଚନା କରାଯାଇଛି ।

ଉପକ୍ରମ

ସେ କର୍ମକ୍ଷେତ୍ରର ହେଉ କିମ୍ବା କୌଣସି ସାଧାରଣ ସଭା ଆମର ବ୍ୟକ୍ତିତ୍ଵ ଏଠାରେ ପ୍ରମୁଖ ଭୂମିକା ଗ୍ରହଣ କରିଥାଏ । ଏଚ୍ଆର୍ ଏକ୍ସପର୍ଟ ପ୍ରତ୍ୟେକ ନିଯୁକ୍ତି ଆଶାୟୀଙ୍କ ଇଣ୍ଟର୍ଭ୍ୟୁ ନେବା ସମୟରେ ବ୍ୟକ୍ତିତ୍ଵ କୁ ହିଁ ଅଗ୍ରାଧିକାର ଦେଇଥାନ୍ତି । ପ୍ରତ୍ୟେକଙ୍କ ବ୍ୟକ୍ତିତ୍ଵ ସେମାନଙ୍କ ବିଶେଷତ୍ଵ ଏବଂ ଗୁଣାବଳୀ ମାଧ୍ୟମରେ ମାପାଯାଇଥାଏ । ଏହି ଗୁଣାବଳୀ ଗୁଡିକୁ ଆମେ ହାସଲ କରିଥାଉ କିମ୍ବା ଶିଖି ଥାଉ ଅବା ଏ ଗୁଡିକୁ ନିଜ ମାଧ୍ୟମରେ ବିକଶିତ କରିଥାଉ । ଏହି ଗୁଣାବଳୀ ବା ବିଶେଷତ୍ଵ ଗୁଡିକ ସକାରାତ୍ମକ କିମ୍ବା ନକରାତ୍ମକ ହୋଇପାରେ । ଆମେ ସମସ୍ତେ ନିଜକୁ ଅନ୍ୟମାନଙ୍କ ଠାରୁ ସ୍ଵତନ୍ତ୍ର ବୋଲି ଭାବିଥାଉ । କେତେକ ସକାରାତ୍ମକ ଗୁଣାବଳୀ ଆମର ପ୍ରୋଫାଇଲ କୁ ପ୍ରଭାବସିଳ କରିଥାଏ । ଅନ୍ୟ ପକ୍ଷରେ ନକରାତ୍ମକ ଗୁଣାବଳୀ ଦ୍ଵାରା ଜଣେ ପ୍ରଫେସ୍ନାଲ ଭାବେ ଆମେ ନିଜର ଫେସ ଭ୍ୟାଲ୍ୟୁ ହରାଇଥାଉ । ସମସ୍ତେ ଜାଣିଥାଆନ୍ତି ଯେ, ବ୍ୟକ୍ତିତ୍ୱ  ଆମର ଲୁକ, ଉଚ୍ଛତା, ଶରୀର, ରଙ୍ଗ ଏବଂ ଅନ୍ୟାନ୍ୟ ନିହିତ ଗୁଣାବଳୀ ଦ୍ଵାରା ମପା ଯାଇଥାଏ । ଏହା ଜାଣିବାକୁ ହେବଜେ ଅନ୍ୟ ଜଣଙ୍କ ସହ ଡିଲ୍ କରିବା ସମୟରେ କିମ୍ବା ଭାବର ଆଦାନ ପ୍ରଦାନ ବେଳେ ଆମେ କିପରି ଭାବେ ନିଜକୁ ଆଡ୍ ଜଷ୍ଟ କରୁଛୁ ତାହା ଗୁରୁତ୍ଵପୂର୍ଣ୍ଣ । ଏଠାରେ ଏକ ବଡ ପ୍ରଶ୍ନ ହେଉଛି ବ୍ୟକ୍ତିତ୍ୱକୁ ଆମେ ନିର୍ଦ୍ଧାରିତ ସମୟରେ ବିକଶିତ କରିପାରିବା କି  ?  ଏହାର ଉତ୍ତର ହେଉଛି ହଁ । ତାଲିମ ଏବଂ ଓଋଏଣ୍ଟେସନ୍ ପ୍ରୋଗ୍ରାମ ମାଧ୍ୟମରେ ଜଣେ ନିଜ ପ୍ରୋଫାଇଲ, ବ୍ୟକ୍ତିତ୍ତ୍ୱ ଏବଂ ବ୍ୟବହାରରେ ପରିବର୍ତ୍ତନ ଆଣି ପାରିବେ । ଏହା ମାଧ୍ୟମରେ ଜଣେ ସାଧାରଣ ବ୍ୟକ୍ତି ଏକ ଅସାଧାରଣ ବ୍ୟକ୍ତିତ୍ଵ ଧାରଣ କରିପାରିବେ ଏଥିରେ କୌଣସି ସନ୍ଦେହ ନହିଁ । କେତେକ ନେଗେଟିଭ୍ ଗୁଣାବଳୀ ଅଛି ଯେଉଁ ଗୁଡିକୁ ବାଦ ଦେଇ ଜଣେ ପ୍ରଫେସନାଲ ଆକର୍ଷଣୀୟ ବ୍ୟକ୍ତିତ୍ଵର ଅଧିକାରୀ ବା ଅଧିକାରିଣୀ ହୋଇପାରିବେ । ଏହି   ନେଗେଟିଭ୍ ଗୁଣାବଳୀ ଗୁଡିକ କ୍ୟାରିୟର ଅଭିବୃଦ୍ଧିରେ ବାଧକ ସାଜି ଥାନ୍ତି । କ୍ୟାରିୟର କ୍ଷେତ୍ରରେ ବାଧକ ସାଜିଥିବା ତଥା ବ୍ୟକ୍ତିତ୍ଵ ଉପରେ ନକାରାତ୍ମକ ପ୍ରଭାବ ପକାଉଥିବା ନେଗେଟିଭ୍ ଗୁଣାବଳୀ ବିଷୟରେ ନିମ୍ନରେ ବିବରଣୀ ପ୍ରଦାନ କରୁଛୁ ।

ସମ୍ମୁଖ ବ୍ୟକ୍ତିଙ୍କୁ ନକାରାତ୍ମକ ବ୍ୟବହାର

  • ଏହା ହେଉଛି ଏପରି ଏକ ଗୁଣାବଳୀ ଯାହାକି କୌଣସି ନିଯୁକ୍ତିଦାତା ଗ୍ରହଣ କରିବେ ନାହିଁ । କୌଣସି କମ୍ପାନୀରେ ଚାକିରି ମିଳିବ ପରେ ଆମକୁ ସାଧାରଣତଃ ଏକ ଗୋଷ୍ଠୀ ବା ଗ୍ରୁପରେ ରହି କାର୍ଯ୍ୟ କରିବା ପାଇଁ ପଡିଥାଏ । ତେଣୁ ଆମର ବ୍ୟବହାର ଯଦି ସେମାନଙ୍କ ପାଇଁ ଭଲ ନ ରୁହେ ତେବେ ଯେକୌଣସି କାର୍ଯ୍ୟରେ ପାରସ୍ପରିକ ସହଯୋଗୀତାର ଆଭାବ ଦେଖାଦେଇଥାଏ । ତେଣୁ କୌଣସି ନିଯୁକ୍ତିଦାତା ଏପରି ବ୍ୟକ୍ତିକୁ ନିଜ କମ୍ପାନୀରେ ସାମିଲ କରିବେ ନାହିଁ ଯାହାଙ୍କର ବ୍ୟବହାର ସହକର୍ମୀଙ୍କ ପାଇଁ ଭଲ ନ ରହିବ । କାରଣ ଏହି ଗୁଣାବଳୀ ଦ୍ଵାରା କମ୍ପାନୀକୁ ହିଁ କ୍ଷତି ସହିବାକୁ ପଡିବ । ଏଭଳି ବ୍ୟକ୍ତି କମ୍ପାନୀ ପାଇଁ ଲାଭକାରୀ ସାବ୍ୟସ୍ତ ହୋଇ ନ ଥାନ୍ତି ବୋଲି କମ୍ପାନୀ ଭାବିଥାନ୍ତି ।
  • କେତେ ଜଣ ବ୍ୟକ୍ତି ବା ପ୍ରଫେସ୍ନାଲ୍ କୌଣସି କାର୍ଯ୍ୟର ଫଳାଫଳ କୁ ନେଇ ଆଶଙ୍କିତ ଥାନ୍ତି । ବିନା କାରଣରେ ଏମାନେ  ଫଳାଫଳ ନକାରାତ୍ମକ ରହିବ ବୋଲି ଆଶଙ୍କା କରିଥାନ୍ତି । ଏଭଳି ଆଶଙ୍କିତ ବ୍ୟକ୍ତିମାନଙ୍କୁ କୌଣସି ନିଯୁକ୍ତିଦାତା କମ୍ପାନୀରେ ସାମିଲ କରିବା ପାଇଁ ପସନ୍ଦ କରିନଥାନ୍ତି । କାରଣ ଏଭଳି ବ୍ୟକ୍ତିବିଶେଷ କମ୍ପାନୀ ମଧ୍ୟରେ ଆଶଙ୍କର ବାତାବରଣ ସୃଷ୍ଟି କରିବେ ବୋଲି ନିଯୁକ୍ତିଦାତା ଭାବିଥାନ୍ତି ।
  • ଆତ୍ମସମ୍ମାନ ରଖିବା ନିତ୍ୟାନ୍ତ ଆବଶ୍ୟକ । କିନ୍ତୁ ଯେତେବେଳେ ଆମେ ଅନ୍ୟର ଅସମ୍ମାନ କରୁ ସେତେବେଳେ ନିଜ ସମ୍ମାନ ହରାଇବସୁ ।  କାର୍ଯ୍ୟ କ୍ଷେତ୍ରରେ ମଧ୍ୟ ଏହା ହୋଇଥାଏ । ଯେଉଁ ବ୍ୟକ୍ତି ବା ପ୍ରଫେସ୍ନାଲ ସମସ୍ତଙ୍କୁ ନେଇ କାର୍ଯ୍ୟ କରନ୍ତି ସେ ଆକର୍ଷଣୀୟ ବ୍ୟକ୍ତିତ୍ଵର ଅଧିକାରୀ ହୋଇଥାନ୍ତି । ନିଜର ପଦବୀ ପାଇଁ ଗର୍ବ କରୁଥିବା ବ୍ୟକ୍ତି କେବେବି ଅନ୍ୟମାନଙ୍କ ନିକଟରେ ଗ୍ରହଣୀୟ ହୋଇ ନ ଥାନ୍ତି ।
  • ସ୍ଵାର୍ଥପର ମନୋଭାବ ଯୋଗୁଁ ଆମ ମାନଙ୍କ ବ୍ୟକ୍ତିତ୍ଵ ଉପରେ ପ୍ରଭାବ ପଡିଥାଏ । ଅନ୍ୟ ମାନଙ୍କ ମନରେ ଆମ ପ୍ରତି ଏକ ଖରାପ ଧାରଣା ଆସିଯାଏ । ଆମ ନିକଟରେ ଯଦି କିଛି ଜ୍ଞାନ ଥାଏ ତାହାକୁ ଶେୟାର କରି ଆମେ ଅନ୍ୟମାନଙ୍କ ପ୍ରିୟା ପାତ୍ର ହୋଇପାରିବ ଏବଂ ସେମାନେ ମଧ୍ୟ ଆମକୁ ପ୍ରଶଂସା କରିବା ପାଇଁ ପଛ ଘୁଞ୍ଚା ଦେବେ ନାହିଁ । ଏହା ସହିତ ଆକର୍ଷଣୀୟ ରେଟିଂ ମଧ୍ୟ ପ୍ରଦାନ କରିବେ ।
  • ଅନ୍ୟମାନଙ୍କ ବିଶ୍ଵାସର ପତ୍ର ହେବା  ପାଇଁ ଚେଷ୍ଟା କରନ୍ତୁ । ଏଭଳି ଲିଡର କିମ୍ବା ସହକର୍ମୀଙ୍କୁ କେହି ଗ୍ରହଣ କରିବେ ନହିଁ ଯିଏ କି ଅନ୍ୟର ବିଶ୍ଵାସ ହରାଇଥାନ୍ତି । ଯଦି ଆମେ ପ୍ରଶଂସାର ପାତ୍ର ହେବା ପାଇଁ ଚାହୁଁଛୁ ତାହେଲେ ନିଜ ନିମ୍ନସ୍ଥ କର୍ମଚାରୀଙ୍କୁ ଦେଇଥିବା ପ୍ରତିଶ୍ରୁତି ପୁରଣ କରି ଆମେ ସେମାନଙ୍କ ବିଶ୍ଵାସ ଭାଜନ ହୋଇପାରିବା ଏବଂ ସେମାନଙ୍କ ଆଗରେ ଏକ ଦୃଢ ବ୍ୟକ୍ତିତ୍ଵ ଭାବେ ପରିଚୟ ସୃଷ୍ଟି କରିପାରିବା ।
  • ଅହଂବାଦୀ ବ୍ୟକ୍ତିମାନେ କଦାପି ଅନ୍ୟମାନଙ୍କୁ ଭଲ ବ୍ୟବହାର ଦେଖାଇପାରନ୍ତି ନାହିଁ । ଏହା ହେଉଛି ଏକ ନକାରାତ୍ମକ ଗୁଣାବଳୀ ଯାହାକୁ ବାଦ ଦେବାକୁ ପଡିବ । ଏହାକୁ ଧ୍ୟାନରେ ରଖି ଆମେ ଜଣେ ସଫଳ ବ୍ୟକ୍ତିତ୍ଵ  ଭାବେ ପରିଚୟ ସୃଷ୍ଟି କରିପାରିବା ।
  • ଅନେକ ପ୍ରଫେସନାଲ ଅଛନ୍ତି ଯେଉଁମାନେ ଛୋଟ ଛୋଟ କଥାରେ ବିଚଳିତ ହୋଇପଡନ୍ତି । ଜେନ ପ୍ରଫେସନାଲ ଭାବେ ଆମକୁ ମାନସିକ ସ୍ତରରେ ଶକ୍ତ ହେବାକୁ ପଡିବ । ନହେଲେ ଏ ଗ୍ରୁପରେ କାର୍ଯ୍ୟ କରିବାରେ ସମସ୍ୟା ସୃଷ୍ଟି ହେବ ।
  • ଆମେ ସମସ୍ତେ ପ୍ରାୟ ଏବହଳି ବ୍ୟକ୍ତିକୁ ପସନ୍ଦ କରିଥାଉ, ଯିଏ କି ସୁସଂଗଠିତ ଏବଂ ସ୍ଵଚ୍ଛ ହୋଇଥିବେ । କାର୍ଯ୍ୟକ୍ଷେତ୍ରର ମଧ୍ୟ ଏଭଳି ବ୍ୟକ୍ତି ଗ୍ରହଣୀୟ ହୋଇଥାନ୍ତି । ଅନସଙ୍ଗଠିତ ବ୍ୟକ୍ତିକୁ କୌଣସି ସହକର୍ମୀ କିମ୍ବା କମ୍ପାନୀ ଚାହାନ୍ତି ନାହିଁ । ଉପରୋକ୍ତ ନକରାତ୍ମକ ଗୁଣାବଳୀକୁ ବାଦ ଦେଇ ଜଣେ ସଫଳ ବ୍ୟକ୍ତିତ୍ଵର ଅଧିକାରୀ ବା ଅଧିକାରିଣୀ ହୋଇପାରିବେ ।

ଆଧାର - ସମାଜ  କାଗଜ

3.0
Sagarika Bardhan Mar 04, 2016 11:10 AM

ମଣିଷ ନିଜର ବ୍ୟକ୍ତିତ୍ଵ ବିକାଶରେ ବିଭିନ୍ନ ବାଧକ ର ସମ୍ମୁଖୀନ କ୍ଷିନ ହେଉଛନ୍ତି । ଏହି ବାର୍ତ୍ତା ଦ୍ଵାରା ବ୍ୟକ୍ତିତ୍ଵ ବିକାଶରେ ସାହାଯ୍ୟ କରିବ ।

ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top