ବ୍ୟାଙ୍କ ପିଓ
ସବୁ ମାତାପିତା ଏବଂ ଅଭିଭାବକ ଚାହିଥାନ୍ତି ଯେ, ତାଙ୍କ ପିଲା ଏଭଳି କ୍ଷେତ୍ରରେ ନିଯୁକ୍ତି ଯାଉ, ଯେଉଁଠି କ୍ୟାରିୟର ସୁଯୋଗ ଭଲ ରହିଥିବା ସହ ଚାକିରିରେ କୌଣସି ପ୍ରକାର ଆଞ୍ଚ ଆସିବାର ସମ୍ଭାବନା ନ ଥାଉ । ସମାନ ଭାବେ ଜଣେ ନିଯୁକ୍ତି ଆଶାୟୀ ମଧ୍ୟ ଏଭଳି କ୍ଷେତ୍ରରେ କ୍ୟାରିୟର କରିବାକୁ ଚାହିଥାନ୍ତି ଯେଉଁଠି ସେ ନିଜ ଚାକିରିକୁ ଉପଭୋଗ କରିବା ସହ ଭବିଷ୍ୟତକୁ ସୁରକ୍ଷିତ କରିପାରିବେ । ୨୦ରୁ ୧୫% ଟପ୍ ଗ୍ୟାଙ୍କଧାରୀ ଛାତ୍ରୀ ଛାତ୍ରମାନେ ପ୍ରଶାସନିକ ସେବା କ୍ଷେତ୍ରରେ କିମ୍ବା ଆଇଆଇଏମ୍ ଭଳି ଆଗଧାଡିର ବି-ସ୍କୁଲ୍ରେ ନାମଲେଖାଇ କ୍ୟାରିୟର ଦିଗରେ ଆଗକୁ ବଢିଥାନ୍ତ । ସେହିଭଳି ଏଥିମଧ୍ୟରୁ ଅଧକାଂଶ କ୍ୟାଟ୍, ମ୍ୟାଚ୍, ଏଆଇଇଇଇ କିମ୍ବା ଏନ୍ଇଇଟି ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ଆଇଆଇଟି ଭଳି ପ୍ରମୁଖ ଶିକ୍ଷାନୁଷ୍ଠାନରେ ନାମ ଲେଖାଇ କ୍ୟାରିୟର ଦିଗରେ ଆଗକୁ ବଢ଼ନ୍ତି । ଅବଶିଷ୍ଟ ଛାତ୍ରୀଛାତ୍ରଙ୍କ ମଧ୍ୟରୁ ହାରାହାରି କିମ୍ବା ଏହାଠାରୁ ଅଧିକ ବ୍ୟାଙ୍କ ପିଓ କିମ୍ବା ଏହା ସହିତ ସମାନ କ୍ୟାରିୟରକୁ ପସନ୍ଦ ଭାବେ ନେଇଥାନ୍ତି । କାରଣ ଏସବୁ କ୍ଷେତ୍ରରେ ଚାକିରିର ସ୍ଥାୟିତ୍ର ଅଧିକ ରହିଥାଏ । ସରକାର ସାଧାରଣତଃ ବ୍ୟାଙ୍କିଙ୍ଗ ସେବା ଉପରେ ସର୍ବୋଚ୍ଚ ପ୍ରାଥମିକତା ଦେଉଛନ୍ତି । କାରଣ କୌଣସି ଅର୍ଥନୀତିରେ ଏହା ମେରୁଦଣ୍ଡ ସଦୃଶ । ଏବେ ଡିଜିଟାଲାଇଜେଶନ୍ ଉପରେ ଗୁରୁତ୍ନ ଦିଆଯାଉଛି । ଏହି କ୍ରମରେ ମୋବାଇଲ ବ୍ୟାଙ୍କିଙ୍ଗ ଏବଂ ଅନ୍ଲାଇନ୍ ବ୍ୟାଙ୍କିଙ୍ଗ ବ୍ୟବସ୍ଥା ବ୍ୟାପକ ହେଉଛି । ଏବେ ଗ୍ରାମୀଣ ଭାରତରେ ବ୍ୟାଙ୍କ ସେବାର ପ୍ରସାର ଲାଗି ସରକାର ତତ୍ପରତା ପ୍ରକାଶ କରୁଥିବାବେଳେ ଏ ଦିଗରେ ବ୍ୟାଙ୍କଗୁଡିକ ଦୁତ ଗତିରେ ଅଗ୍ରସର ହେଉଛନ୍ତି । ଗ୍ରାମୀଣ ଭାରତରେ ପହଞ୍ଚିବା ଲାଗି ସେମାନେ ଅବିରତ ଉଦ୍ୟମ ଚଳାଇଛନ୍ତି । ତେଣୁ ଏହି କ୍ଷେତ୍ରରେ ଯୁବପିଢ଼ିଙ୍କ ଲାଗି ସୁଯୋଗର ଅଭାବ ନାହିଁ । ଆମେ ଦୃଢ଼ ଆମ୍ବବିଶ୍ଵାସର ସହ କହିପାରିବା ଯେ, ଆଗାମୀ ୨୦ ବର୍ଷ ପାଇଁ ଏହା କ୍ୟାରିୟରର ଏକ ନିରାପଦ ବିକଳ୍ପ ହୋଇ ରହିବ । ଯେତେବେଳେ ଆପଣ ପ୍ରୋବେଶନାରୀ ଅଫିସର(ପିଓ ) କିମ୍ବା ଏମ୍.ଟି. କିମ୍ବା ସ୍ପେସିଆଲ ଅଫିସର ଭାବେ କ୍ୟାରିୟର ଆରମ୍ଭ କରୁଛନ୍ତି ଜାଣିରଖନ୍ତୁ ଯେ, ଆପଣଙ୍କ ଭବିଷ୍ୟତ ଅତ୍ୟନ୍ତ ଉଜ୍ଜଳ ରହିଛି। ଏପରିକି ଆପଣଙ୍କୁ ବ୍ୟାଙ୍କର ସିଇଓ, ସିଏଫ୍ଓ କିମ୍ବା ନିର୍ଦ୍ଦେଶକ ପଦକୁ ଉନ୍ନତ ହେବାର ସୁଯୋଗ ମଧ୍ୟ ମିଳିପାରେ।
- ଆରମ୍ଭରୁ ଅଫିସର ଭାବେ ନିଯୁକ୍ତି ପାଇଥିବା ପିଓ ତଥା ଏମ୍ଓମାନଙ୍କୁ ୨ ବର୍ଷର ପ୍ରୋବେଶନ ବା ଟ୍ରେନିଙ୍ଗ ପିରିୟଡରେ କାର୍ଯ୍ୟ କରିବାକୁ ହୋଇଥାଏ । ଏହିଠାରୁ ଆସିଷ୍ଟାଣ୍ଟ ମ୍ୟାନେଜର ସ୍କେଲ୍
୧. ମ୍ୟାନେଜର ସ୍କେଲ,
୨. ସିନିୟର ମ୍ୟାନେଜର ସ୍କେଲ
୩, ଚିଫ୍ ମ୍ୟାନେଜର ସ୍କେଲ
୪, ଆସିଷ୍ଟାଣ୍ଟ ଜେନେରାଲ ମ୍ୟାନେଜର ସ୍କେଲ ୫. ଡେପୁଟି ଜିଏମ୍ ସ୍କେଲ
୬ ଏବଂ ଜିଏମ୍/ସି.ଏଫ୍ ଓ ଏବଂ ସିଇଓ ପଦ ନିମନ୍ତେ ଯାତ୍ରା ଆରମ୍ଭ ହୋଇଥାଏ । ଆଭ୍ୟନ୍ତରୀଣ ପରୀକ୍ଷା ଜେଏଆଇଆଇବି, ସିଏ ଆଇଆଇବି ଆଦି ମାଧ୍ୟମରେ ସ୍କ୍ରିନିଂ କରାଯାଇ ଅଫିସରମାନଙ୍କୁ ବ୍ୟାଙ୍କିଙ୍ଗ ସିଷ୍ଟମ୍ ରେ ଉଚ୍ଚ ଦାୟିତ୍ୱ ଦିଆଯାଇଥାଏ । ଶୀର୍ଷ ପଦବୀ ପାଇଁ ସରକାରଙ୍କ ପରାମର୍ଶରେ ବୋର୍ଡ ନିଷ୍ପତ୍ତି ନେଇଥାଏ । ତେବେ ଏଠାରେ ଏହା କୁହାଯାଇପାରିବ ଯେ, ଶୀର୍ଷ ପଦବୀକୁ ଉନ୍ନତ ହେବା ପାଇଁ ବ୍ୟାଙ୍କ ପିଓ ହେଉଛି ପ୍ରଥମ ସୋପାନ । ଏହା ବର୍ତ୍ତମାନ ଏକ ଆକର୍ଷଣୀୟ ଏବଂ ପସନ୍ଦ ଯୋଗ୍ୟ କନ୍ୟାରିୟର ବିକଳ୍ପ ଭାବେ ଉଭା ହୋଇଛି ।
- ବ୍ୟାଙ୍କ ଏବଂ ପୋଷ୍ଟିଂ ଏରିଆ ଅନୁସାରେ ପିଓଙ୍କ ମାସିକ ବେତନ 45,000 ଟଙ୍କାର 50.000 ଟଙ୍କା ମଧ୍ୟରେ ରହିଥାଏ ।
- ଶିକ୍ଷାଗତ ଯୋଗ୍ୟତା ସହ ବୟସ ଏବଂ ଅନ୍ୟାନ୍ୟ ଆବଶ୍ୟକତା ପରିପୂରଣ କରି ଅନ୍ଲାଇନ୍ ପରୀକ୍ଷା ଦେଇ ଉତ୍ତାର୍ଣ୍ଣ ହୋଇଥିବା ଯେକୌଣସି ଭାରତୀୟ ନାଗରିକ ପିଓ ହୋଇପାରିବେ । ଯୋଗ୍ୟତା ମୁତାବକ ସେ ଯେକୌଣସି ଷ୍ଟିମରେ ଗ୍ରାଜୁଏଶନ୍ ଡିଗ୍ରୀ ହାସଲ କରିଥିବା । ତାଙ୍କର ବୟସ ୨୦ରୁ ୩୦ ବର୍ଷ ମଧ୍ୟରେ ହୋଇଥବ । ଏସ୍ସି. ଏସଟି ପ୍ରାର୍ଥୀମାନଙ୍କୁ ୫ ବର୍ଷର ବୟସ ରିହାତି, ଓବିସି ବର୍ଗଙ୍କୁ ୩ ବର୍ଷ, ପିଡବ୍ଲ୍ୟଡି କ୍ଷେତ୍ରରେ ୧୦ ବର୍ଷ ଏବଂ ଏକ୍ସ ସର୍ଭିସ୍ ମେନ୍ମାନଙ୍କ ପାଇଁ ୫ ବର୍ଷର ବୟସ ରିହାତି ପ୍ରଦାନ କରାଯାଇଥାଏ ।
- ପ୍ରତି ୬ ମାସରେ ବ୍ୟାଙ୍କ ପିଓ ପରୀକ୍ଷା ହୋଇଥାଏ । ୨୧ରୁ ଉର୍ଦ୍ଧ୍ଵ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ପାଇଁ ଇନ୍ଷ୍ଟିଚ୍ୟୁଟ୍ ଫର୍ ବ୍ୟାଙ୍କିଙ୍ଗ୍ ପର୍ସୋନେଲ୍ ସର୍ଭିସେସ୍(ଆଇବିପିଏସ୍) ପରୀକ୍ଷାର ଆୟୋଜନ କରିଥାଏ । ଏସବିଆଇ ଏହାର ନିଜର ପରୀକ୍ଷା ଆୟୋଜନ କରିଥାଏ । ସାଧାରଣତଃ ଆଇବିପିଏସ୍ କ୍ଲରିକାଲ କ୍ୟାଡର, ପିଓ, ସ୍ପେସିସଆଲ ଅଫିସରମାନଙ୍କୁ ନିଯୁକ୍ତି ଦେବା ପାଇଁ ଅନ୍ଲାଇନ୍ ପରୀକ୍ଷାର ଆୟୋଜନ କରିଥାଏ । ପ୍ରାକ୍ ବିଜ୍ଞପ୍ତି ପ୍ରକାଶ କରିବା ପରେ ଯାଇ ପରୀକ୍ଷା ହୋଇଥାଏ । ଆଞ୍ଚଳିକ ଗ୍ରାମୀଣ ବ୍ୟାଙ୍କ(ଆରଆରବି)ଗୁଡିକ ସେମାନଙ୍କର ବିଭିନ୍ନ ମାନବସମ୍ବଳ ଆବଶ୍ୟକତା ପୁରଣ ପାଇଁ ୨ରୁ ୩ଟି ପର୍ଯ୍ୟାୟରେ ସ୍କ୍ରିନିଂ ପ୍ରୋସେସର ଆୟୋଜନ କରିଥାଏ ।
- ସମ୍ପ୍ରତି କ୍ଲରିକାଲ, ପିଓ ଏବଂ ସ୍ପେସିଆଲ ଅଫିସର (ଯେପରି ଲିଗାଲ, ଏଚ୍ ଆର୍ ଏବଂ ଆଇଟି ଅଫିସର) ପଦବୀ ପାଇଁ ଆଇବିଯିଏସ୍ ପରବର୍ତ୍ତୀ ପରୀକ୍ଷାର ଆୟୋଜନ କରିବାକୁ ଯାଉଛି । ଛାତ୍ରୀଛାତ୍ରମାନେ www. Ibps.in ୱେବ୍ସାଇଟ୍କୁ ଯାଇ ସମସ୍ତ ଅପଡେଟ ପାଇପାରିବେ । ଦେଶର ବିଭିନ୍ନ ପ୍ରାନ୍ତରେ ଆରଆରବି ଅଫିସର ସ୍କେଲ ୧ ପ୍ରିଲିମିନାରୀ ପରୀକ୍ଷା ଆସନ୍ତା ସେପ୍ଟେମ୍ବର ୯ରୁ ଆରମ୍ଭ ହେବ । ବିଭିନ୍ନ ସ୍ଥାନରେ ଏହା ସେପ୍ଟେମ୍ବର ୯, ୧୦, ୧୬, ୧୭, ୨୩, ଏବଂ ୨୪ ତାରିଖରେ ହେବ । ଅଫିସରମାନଙ୍କ ପାଇଁ ସିଙ୍ଗିଲ୍ ମେନ୍ ପରୀକ୍ଷା ନଭେମ୍ବର ୫ରେ ହେବ । ଅଫିସ୍ ଆସିଷ୍ଟାଣ୍ଟମାନଙ୍କ ପାଇଁ ଏହା ନଭେମ୍ବର ୧୨ ଧାର୍ଯ୍ୟ କରାଯାଇଛି ।
- ସେହିଭଳି ପିଓ/ଏମଟି ଏବଂ ସ୍ପେସିଆଲିଷ୍ଟ, ଅଫିସର ଯେପରି ଲିଗାଲ୍ ଏଚ୍ଆର୍ ଏବଂ ଆଇଟି ଅଫିସର ପାଇଁ ପରୀକ୍ଷାର ତାରିଖ ଧାର୍ଯ୍ୟ କରାଯାଇଛି । ଦେଶର ବିଭିନ୍ନ ପ୍ରାନ୍ତରେ ପିଓ ଏବଂ ଏମ୍ଓ ପ୍ରିଲିମିନାରୀ ପରୀକ୍ଷା ପାଇଁ ତାରିଖ ଯଥାକ୍ରମେ ଅକ୍ଟୋବର ୭, ୮, ୧୦ ଏବଂ ୧୫ ଧାର୍ଯ୍ୟ କରାଯାଇଛି । ମେନ୍ ପରୀକ୍ଷା ୨୦୧୭ ନଭେମ୍ବର ୨୬ରେ ହେବ । ମେନ୍ ପରୀକ୍ଷାରେ ଉତ୍ତାର୍ଣ୍ଣ ପ୍ରାର୍ଥୀଙ୍କୁ ହିଁ ବ୍ୟକ୍ତିଗତ ଇଣ୍ଟରଭ୍ୟୁ ପାଇଁ ଡକାଯାଇଥାଏ ।
- ଆଇଟି, ଏଚ୍ଆର୍ କିମ୍ବା ଲିଗାଲ ତଥା ଏଗ୍ରିକଲ୍ଚରାଲ ଅଫିସରମାନଙ୍କର ପ୍ରିଲିମିନାରୀ ପରୀକ୍ଷା ୨୦୧୭ ଡିସେମ୍ବର ୩୦ରେ ହେବ । ଏହାର ମେନ୍ ପରୀକ୍ଷା ୨୦୧୮ ଜାନୁୟାରୀ ୨୮ରେ ହେବ ।
- ଚଳିତ ଆର୍ଥକବର୍ଷ ପାଇଁ ଭାରତୀୟ ଷ୍ଟେଟ୍ ବ୍ୟାଙ୍କ(ଏସିବିଆଇ) ୨୩୧୩ ଅଫିସରଙ୍କୁ ନିଯୁକ୍ତି ଦେବାକୁ ଯୋଜନା ରଖିଛି । ଅନ୍ୟପକ୍ଷରେ ଅନ୍ୟ ବ୍ୟାଙ୍କଗୁଡିକ ପାଇଁ ଆଇବିପିଏସ୍ ପାଖାପାଖି ୮୮୨୨ ନିଯୁକ୍ତି ପ୍ରଦାନ କରିବ । ଏସସି ଏସଟିଙ୍କ ପାଇଁ ସିଟ୍ ସଂଖ୍ୟା ପାଖାପାଖି ୨୦୦୦ ରହିଥିବାବେଳେ ଓବିସିଙ୍କ ପାଇଁ ଏହା ୨୩୨୦, ସାଧାରଣ ବର୍ଗଙ୍କ ପାଇଁ ୪୫୦୦ ଏବଂ ପିଡବ୍ଲ୍ୟୁଡିଙ୍କ ପାଇଁ ୩୭୦ ରହିଛି ।
କିପରି କରିବେ ପ୍ରସ୍ତୁତି
ଏହି ପଦବୀଗୁଡିକ ପାଇଁ ବୃହତ୍ ସଂଖ୍ୟାରେ ପ୍ରାର୍ଥୀ ଆବେଦନ କରୁଥିବାରୁ ଏଥିରେ ବିନା ପରିଶ୍ରମରେ ଉତ୍ତାର୍ଣ୍ଣ ହେବା ଚିନ୍ତା କରିବା ବୋକାମି । ରିଜନିଂ, କ୍ଲାଣ୍ଟିଟେଟିଭ୍ ଆପ୍ଟିଚ୍ୟୁଡ, ଜେନେରାଲ ଆୱେରନେସ୍ ଏବଂ କମ୍ପ୍ୟୁଟର ଦକ୍ଷତା ଆଦି ଉପରେ ପରୀକ୍ଷା ହୋଇଥାଏ । ସୀମିତ ସମୟ ମଧ୍ୟରେ ସବୁ ପ୍ରଶ୍ନର ଉତ୍ତର ଠିକ୍ ଭାବେ ଦେଇପାରିଲେ ସଫଳତା ନିଶ୍ଚିତ ମିଳିବ ।
- ପ୍ରାର୍ଥୀମାନେ ଗାଇଡ୍ବୁକ୍ଗୁଡିକୁ କିଣିବା ଦରକାରୀ ପୁରୁଣା ୫ ବର୍ଷର ପ୍ରଶ୍ନପତ୍ରକୁ ନେଇ ପ୍ରସ୍ତୁତ ହେବା ଉଚିତ ।
- ଅଧିକାଂଶ ଚତୁର ପ୍ରଶ୍ନ ରହିଛି ଯାହାର ଉତ୍ତର ବାହାର କରିବାର ଶର୍ଟକର୍ଟ ଫମୁର୍ଲା ରହିଛି । ଏହି ଫର୍ମୁଲାଗୁଡିକୁ ଜାଣି ନ ଥିଲେ ଠିକ୍ ସମୟରେ ଉତ୍ତର ଦେବା ସମ୍ଭବ ହୋଇ ନ ଥାଏ । ଏଥଯାଇଁ ବାହ୍ୟ ଗାଇଡ୍ବୁକ୍ କିମ୍ବା କୋଟିଂ, ଇନ୍ଷ୍ଟିଚ୍ୟୁଟ୍ର ସାହାଯ୍ୟ ନେଇପାରିବେ । ତେବେ ନେଗେଟିଭ ମାର୍କ ଥିବାରୁ ଏଥପ୍ରତି ପ୍ରାର୍ଥୀମାନେ ଯଥେଷ୍ଟ ଯତ୍ନବାନ ହେବା ଦରକାର ।
- ବିଶେଷଜ୍ଞଙ୍କ କହିବାନୁଯାୟୀ ପିଲାମାନେ ଅତିକମରେ ୪୫ ଦିନ ପାଇଁ ପାଖାପାଖି ୧୨୦୦ ରୁ ୧୫୦୦ ସମ୍ଭାବ୍ୟ ପ୍ରଶ୍ନର ଉତ୍ତରକୁ ପ୍ରାକ୍ଟିସ୍ କରିବା ଦରକାର । ଏଭଳି ପ୍ରଯୁତ ହୁଅନ୍ତୁ ଯେପରି ୧୩୦ ମିନିଟ୍ରେ ଆପଣ ସମସ୍ତ ପ୍ରଶ୍ନର ଉତ୍ତର ଦେଇପାରିବେ ଏବଂ ରିଭିଜନ୍ ପାଇଁ କିଛି ସମୟ ରହିବ ।
- ବ୍ୟାଙ୍କ ପରୀକ୍ଷାର ସମ୍ପୂର୍ଣ୍ଣ ସିଲାବସ୍ ଏବଂ ବିଗତ ୫ ବର୍ଷର ପ୍ରଶ୍ନପତ୍ର ସଂଗ୍ରହ କରନ୍ତୁ ।
- ପରୀକ୍ଷା ପୂର୍ବରୁ କଠିନ ପରିଶ୍ରମ କରନ୍ତୁ । ୬ରୁ ୮ ମାସ ପାଇଁ ଦିନକୁ ପାଖାପାଖି ୬ ଘଣ୍ଟା ମନଧ୍ୟାନ ଦେଇ ପଢ଼ନ୍ତୁ ।
- ବ୍ୟକ୍ତିଗତ ଇଣ୍ଟରଭ୍ୟୁ ପାଇଁ ନିଜର ଉପସ୍ଥାପନା ଶୈଳୀରେ ଉନ୍ନତି ଆଣନ୍ତୁ । ଭାରତୀୟ ବ୍ୟାଙ୍କିଙ୍ଗ ବ୍ୟବସ୍ଥା, ଆର୍ଥିକ ନୀତି ଏବଂ ବ୍ୟାଙ୍କିଙ୍ଗ ସିଷ୍ଟମ୍ ଆଗରେ ଥିବା ଚ୍ୟାଲେଞ୍ଜିଗୁଡିକ ଉପରେ ସ୍ପଷ୍ଟ ଜ୍ଞାନ ରହିଥିବା ଦରକାର ।
- ଏହାସହିତ ଆପଣଙ୍କ ଡ୍ରେସ ଅପ୍ ସ୍ମାର୍ଟ ହୋଇଥିବା ଦରକାର । କମ୍ୟୁନିକେଶନ ଏବଂ ବଡି ଲାଙ୍ଗୁଏଜ୍ ଉପରେ ଯଥେଷ୍ଟ ଧ୍ୟାନ ଦିଅନ୍ତୁ । କୌଣସି ପ୍ରଶ୍ନର ଯଦି ଭୁଲ ଉତ୍ତର ଦେଇଛନ୍ତି ତା'ହେଲେ ଏହାକୁ ପ୍ରମାଣ କରିବା ପାଇଁ ଇଣ୍ଟରଭ୍ୟୁ ପ୍ୟାନେଲ୍ ରେ ବସିଥିବା ବ୍ୟକ୍ତିମାନଙ୍କ ସହ ଅଯଥା ଯୁକ୍ତି କରନ୍ତୁ ନାହିଁ। ବରଂ ଭୁଲ ମାନିନେବା ଦରକାର । ଏଭଳି କିଛି ପଏଣ୍ଟଗୁଡିକୁ ଧ୍ୟାନରେ ରଖି ଆପଣ ନିଜର ସମ୍ଭାବନାକୁ ଅଧିକ ଦୃଢ଼ କରିପାରିବେ ।
ସଂଗୃହିତ: ପି.କ୍ ପ୍ରମାନିକ, କ୍ୟାରିୟର କୋଂଶଳଟାଣ୍ଟ