ହୋମ / ଶିକ୍ଷା / କ୍ୟାରିୟର ମାର୍ଗଦର୍ଶକ / ସଫଳ ଟିମ୍ ଲିଡର ହେବେ କିପରି
ସେଆର କରନ୍ତୁ

ସଫଳ ଟିମ୍ ଲିଡର ହେବେ କିପରି

ସଫଳ ଟିମ୍ ଲିଡର ହେବେ କିପରି ର ସୂଚନା

ଉପକ୍ରମ

ଜଣେ ଟିମ୍  ଲିଡରଙ୍କ  ନିକଟରେ  ଆକର୍ଷଣୀୟ  ବ୍ୟକ୍ତିତ୍ଵ  ରହିଥାଏ   । ନିଜର  ବ୍ୟକ୍ତିତ୍ଵ , କାର୍ଯ୍ୟଦକ୍ଷତା  ଏବଂ  ଜ୍ଞାନ  ବଳରେ   ଟିମ୍ ର  ସମସ୍ତ  ସଦସ୍ୟଙ୍କୁ  ସେ  ନିଜ  ଆଡକୁ  ଆକର୍ଷିତ   କରିଥାନ୍ତି   । ତେବେ   ଜଣେ   ସଫଳ   ଟିମ୍  ଲିଡର   ହେବା  ସହଜ  କଥା  ନୁହେଁ   । ସମସ୍ତେ   ଟିମ୍  ଲିଡର  ହୋଇପାରିବ  ନାହିଁ   । ସଫଳ  ଟିମ୍  ଲିଡର  କିପରି  ହେବେ , କେଉଁ  କେଉଁ  ଗୁଣାବଳୀ  ରହିବା  ଦରାକାର   ଏସବୁ  ନେଇ  ଅନେକ  ଲେଖା , ବହି ଏବଂ  ରସର୍ଚ୍ଚ  ମାଟେରିଆଲ   ରହିଛି   ।  ଆମେ  ସମସ୍ତେ  ନିଜ ନିଜ  କ୍ଷେତ୍ରରେ  ସଫଳ  ହେବା  ପାଇଁ  ଚାହିଁଥାଉ   । ନେତୃତ୍ୱ  ନେଇ  କାର୍ଯ୍ୟ   କରିବାର  ଜିଜ୍ଞାସା  ସମସ୍ତଙ୍କର  ଥାଏ   ।  ଏଲ୍ କେଜିଠାରୁ  ଆରମ୍ଭ  କରି  ବିଶ୍ଵବିଦ୍ୟାଳୟ  ପର୍ଯ୍ୟନ୍ତ  ମାତାପିତା , ଅଭିଭାବକ  ନିଜ  ପିଲାକୁ  ସର୍ବଦା  ଆଗରେ  ରଖିବା  ପାଇଁ  ଚାହିଁଥାନ୍ତି   । ପେସାଗତ  ଜୀବନରେ  ମଧ୍ୟ  କର୍ତ୍ତୃପକ୍ଷଙ୍କ  ନଜରରେ   ଆମେ  ନିଜକୁ  ଲିଡର  ଭାବେ   ଉପସ୍ଥାପନ  କରିବା  ପାଇଁ   ଇଚ୍ଛା  ରଖିଥାଉ   ।

ବିଶ୍ଵରେ  ୨ଟି  ବର୍ଗର  ଲୋକ  ଥାଆନ୍ତି   । ଗୋଟିଏ  ଶ୍ରେଣୀରେ   ଥିବା  ଲୋକମାନଙ୍କ   ନିକଟରେ  ନେତୃତ୍ୱ   ନେବାର   ଗୁଣାବଳୀ   ଥାଏ  । ଏମାନଙ୍କ  ସଂଖ୍ୟା  ଅତ୍ୟନ୍ତ  କମ୍  ରହିଥାଏ   । ଦ୍ଵିତୀୟ  ଶ୍ରେଣୀୟ  ଲୋକମାନେ  ଅନ୍ୟମାନଙ୍କ   ଅଧୀନରେ  ରହିବାକୁ   ଚାହିନଥାନ୍ତି   । ସେମାନଙ୍କ  ମଧ୍ୟରେ  ନେତୃତ୍ୱ  ନେବାର   ଗୁଣାବଳୀର   ଅଭାବ  ଥାଏ  ସବୁ  କାର୍ଯ୍ୟରେ  ସେମାନେ  ପ୍ରସ୍ତୁତ  ଥାଆନ୍ତି   । କେତେକଙ୍କ  ନିକଟରେ   ଜନ୍ମରୁ  ଲିଡରଶିପ୍  କ୍ୱାଲିଟି  ଥିବାବେଳେ  କେତେକ  ପରିସ୍ଥିତିରେ  ପଡି  ନେତୃତ୍ୱ  ନେବା  ପାଇଁ  ଆଗେଇ  ଆସନ୍ତି   ।  ମହାତ୍ମା  ଗାନ୍ଧୀ , ନେଲସନ୍  ମାଣ୍ଡେଲା  ଏବଂ  ଆଙ୍ଗ ସାଙ୍ଗ  ସୁ  କିଙ୍ଗ  କଥା  ଉଦାହରଣକୁ   ନେଇପାରିବା   । ଏମାନେ  ସମସ୍ତେ  ପରିସ୍ଥିତିର  ସାମ୍ନା  କରିବା  ପରେ  ଯାଇ  ଏମାନେ  ଜଣେ  ଜଣେ  ଲିଡର   ହୋଇପାରିଥିଲେ   । ଚ୍ୟାଲେଞ୍ଜକୁ  ଗ୍ରହଣ  କରି  ଗ୍ରହଣ  କରି   ଏବଂ  ନିଜ  ବ୍ୟକ୍ତିଗତ   ଖୁସିକୁ  ଜଳାଞ୍ଜଳି  ଦେଇ  ଅନ୍ୟମାନଙ୍କୁ  ଖୁସି  ପ୍ରଦାନ   କରି  ଏମାନେ  ଶହ ଶହ   ଲୋକଙ୍କ  ମନରେ  ସ୍ଥାନ  ପାଇଛନ୍ତି   ।

ସଫଳ  ଲିଡର  ହେବା  ପାଇଁ   ଗୁଣାବଳୀ

ତେବେ  କାର୍ଯ୍ୟାଳୟରେ  ଜଣେ  ସଫଳ  ଲିଡର  ହେବା  ପାଇଁ  କି ପ୍ରକାର  ଗୁଣାବଳୀ  ରହିବା  ଦରକାର  ତାହା  ଆଜିର  ବିଷୟବସ୍ତୁ   ।

  • ଖାଲି  ଶିକ୍ଷାଗତ  ଯୋଗ୍ୟତା  ଥିଲେ  ଯେ  ଜଣେ  ଟିମ୍  ଲିଡର  ହୋଇଯିବେ  ତାହା  ନୁହେଁ   । ଆମ  ମଧ୍ୟରେ  ଅନେକ  ସକାରାତ୍ମକ  ଗୁଣାବଳୀ  ରହିଥିବା   ଦରକାର   । ଭଲ  ହେଉ  କିମ୍ବା  ଖରାପ   ପରିସ୍ଥିତି , ଜଣେ  ଲିଡର  ସର୍ବଦା  ଆଗରେ  ରହିବା  ଦରକାର   । କଠିନ  ପରିସ୍ଥିତିରେ  ସେ ପଛଘୁଞ୍ଚା  ଦେବା  ଆଦୌ  ଉଚିତ   ନୁହେଁ   । ଦୃଢ   ଆତ୍ମବିଶ୍ଵାସର  ଶହ  ସେ  ପରିସ୍ଥିତିର  ସାମ୍ନା  କରିବା  ଦରକାର   ।
  • ନିଜ  ଭିତରେ  ଅମବିଶ୍ଵାସ  ରହିବା  ସହ   ସହକର୍ମୀଙ୍କ  ବିଶ୍ଵାସ  ଜିତିବା  ମଧ୍ୟ  ଦରକାର  । ଅନ୍ୟମାନଙ୍କୁ  ସାହାଯ୍ୟ  କରି  ଆପଣ  ସେମାନଙ୍କ  ମନ  ଜିତିପାରିବେ   । ସେମାନେ  ମଧ୍ୟ  ଆପଣଙ୍କ  ନିର୍ଦ୍ଦେଶକୁ  ପାଳନ   କରିବା  ସହ  ଆପଣଙ୍କୁ  ସମ୍ମାନ  ଦେବେ   ।  ଆପଣ  କେବଳ  ନିଜ  ଅନୁସାରେ  କାର୍ଯ୍ୟ  କରିବା   ମଧ୍ୟ  ଠିକ୍  ନୁହେଁ   । ଅନ୍ୟମାନଙ୍କ  ମତ  ବା  ପରାମର୍ଶ   ଉପରେ  ମଧ୍ୟ  ବିଚାର   କରିବା  ଦରକାର    ।
  • ଜଣେ  ବ୍ୟକ୍ତିଙ୍କୁ  ଆମେ  ସେତେବେଳେ  ସମ୍ମାନ  ଦେଇଥାଉ  ଯେତେବେଳେ  ତାଙ୍କ  ଭିତରେ  ପ୍ରଖର  ଜ୍ଞାନ  ରହିଥିବ   । ସବୁ  ବିଷୟରେ  ସେ  ଅପ୍ ଡେଟ୍  ଥିବେ   । ସଫଳ  ଟିମ  ଲିଡର ହେବା  ପାଇଁ  ଆପଣଙ୍କ  ଜ୍ଞାନର  ସ୍ଥିର  ଅଧିକ  ହୋଇଥିବା   ଦରକାର  । ବିଷୟବସ୍ତୁ , କରେଣ୍ଟ  ଆଫେୟାର , ନିୟମ  କାନୁନ  ଉପରେ  ଆପଣଙ୍କର  ପ୍ରଖର  ଜ୍ଞାନ  ରହିଥିବା  ଉଚିତ   । ଏହାଦ୍ଵାରା  ସହକର୍ମୀମାନେ  ଆପଣଙ୍କୁ   ଲିଡର  ଭାବେ  ଗ୍ରହଣ  କରିବେ  ଏବଂ  ଦରକାର  ବେଳେ  ଆପଣଙ୍କ  ପରାମର୍ଶ  ନେବା  ପାଇଁ  ଆଗଭର   ହେବେ   ।
  • ଜଣେ  ଲିଡର  ଜଣେ  ଭଲ  କମ୍ୟୁନିକେଟର  ମଧ୍ୟ  ହେବା  ଦରକାର   । ଉନ୍ନତ  କମ୍ୟୁନିକେଶନ  ଦକ୍ଷତା  ନ  ଥିଲେ  ଆପଣ  ଅନ୍ୟମାନଙ୍କୁ  ନିଜ  ଆଡକୁ  ଆକର୍ଷିତ  କରିପାରିବେ  ନାହିଁ    । ଏହାକୁ  ବିକଶିତ  କରି  ଆପଣ  ନିଜକୁ  ଜଣେ  ସଫଳ  ଟିମ୍  ଲିଡର  ଭାବେ  ଗଢି  ତୋଳିବେ   । ଏହା  ମାଧ୍ୟମରେ  ଆପଣ  ଭିଡ  ମଧ୍ୟରେ  ଭିନ୍ନ  ଲାଗିବେ   ।
  • ଭଦ୍ରତା  ମଧ୍ୟ  ଟିମ୍ ଲିଡରଙ୍କ  ନିକଟରେ   ଏକ  ପ୍ରଧାନ  ଗୁଣାବଳୀ  ଆପଣ  ଯଦି  ଭାଦ୍ର  ହୋଇ ନ ଥିବେ କିମ୍ବା   ସ୍ଵାର୍ଥପର ହୋଇଥିବେ  ସହକର୍ମୀଙ୍କଠାରୁ  ସମ୍ମାନ  ଆଶା  କରିବା  ବୃଥା   ।
  • ପରିସ୍ଥିତିକୁ  ଦେଖି  ତଦନୁଯାୟୀ  ତୁରନ୍ତ  ଠିକ୍  ନିଷ୍ପତି  ନେଇପାରୁଥିବା  ଦରକାର  । ଜଣେ  ଲିଡର  ଖାଲି   ଯେ ଭଲ  ପରିସ୍ଥିତି  ଦେଇ  ଗତି  କରିବେ  ତାହା  ନୁହେଁ  । ତାଙ୍କୁ  ନିଶ୍ଚିତ  ଭାବେ  ଚ୍ୟାଲେଞ୍ଜର ସାମ୍ନା  କରିବାକୁ   ପଡିବ  । କଠିନ  ପରିସ୍ଥିତିର  ସାମ୍ନା  କରିବା  ପାଇଁ  ମାନସିକ  ଏବଂ  ଶାରୀରିକ  ଦୃଷ୍ଟିରୁ   ସେ  ଦୃଢ  ହୋଇଥିବା  ଦରକାର  । ଏହାସହିତ  ଅଧିକ  ସମୟ  ନଷ୍ଟ ନ  କରି  ଉପଯୁକ୍ତ  ସମାଧାନ  ବାହାର  କରିପାରୁଥିବା   ଦରକାର  । ସେ  ନିଜେ  ସେତିକି  ସକ୍ଷମ  ହୋଇଥିବା  ଦରକାର  ଅନ୍ୟ  କାହାର  ସାହାଯ୍ୟ  ବିନା  ସମାଧାନ   ବାହାର  କରିପାରୁଥିବେ   ।
  • ଜଣେ  ଲିଡର  ଅନ୍ୟମାନଙ୍କୁ   ସମ୍ମାନ  ଦେବା  ସହ  କମ୍ପାନୀ  ଦ୍ଵାରା  ଧାର୍ଯ୍ୟ  ହୋଇଥିବା  ନୀତି  ନିୟମର  ଅନୁପାଳନ  କରୁଥିବା  ଦରକାର  । କାରଣ  ଟିମ୍  ଲିଡରଙ୍କୁ  ଟିମ୍ ର  ଅନ୍ୟ  ସଦସ୍ୟମାନେ   ଅନୁକରଣ   କରିଥାନ୍ତି   ।
ପ୍ରତିଶ୍ରୁତି  ରକ୍ଷା  କରିବାରେ  ସେ  ଦୃଢମନା  ହୋଇଥିବା  ଦରକାର  । ପ୍ରତିଶ୍ରୁତି  ଦେଇ  ପର  ମୁହୂର୍ତ୍ତରେ  ଏଥିରୁ  ଓହରିଯିବା  ଜଣେ  ସଫଳ  ଟିମ୍  ଲିଡରଙ୍କ  ପରିଚୟ  ନୁହେଁ   । ଏସବୁ  ସହ  ସମୟାନୁବର୍ତ୍ତିତା , ଅନ୍ୟ  କର୍ମଚାରୀଙ୍କ  ସହ  ସୁବ୍ୟବହାର  , ଭଦ୍ରତା   ଆଦି  ଗୁଣାବଳୀ   ମଧ୍ୟ   ଜଣେ  ଟିମ୍  ଲିଡରଙ୍କ   ନିକଟରେ   ରହିଥିବା  ଦରକାର  । ଆପଣଙ୍କ  ନିକଟରେ  ଏସବୁ  ଗୁଣାବଳୀ  ଥିଲେ  ଆପଣ   ଜଣେ  ଲିଡର   ହୋଇପାରିବେ   ।

ସଂଗୃହିତ : ପି . କେ . ପ୍ରାମାଣିକ

4.5
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top