ପରଷ୍ପର ସହାୟତାରେ ସାମାଜିକ ଓ ଆର୍ଥିକ ସ୍ତରରେ ସ୍ଵାବଲମ୍ବୀ ହେବା ପାଇଁ ୧୦-୨୦ ଜଣ ସଭ୍ୟଙ୍କୁ ନେଇ ସ୍ଵୟଂ ସହାୟକ ଗୋଷ୍ଠୀ ଗଠନ କରାଯାଇଥାଏ । ଏମାନେ ସ୍ଵଳ୍ପ ପରିମାଣର ଋଣ ନେଇ ଏକାଠି କାମ କରି ନିଜେ ନିଜକୁ ଆର୍ଥିକ ସ୍ଵଚ୍ଛଳତା ଦିଗରେ ଆଗେଇ ନେବାରେ ସାହାଯ୍ୟ କରନ୍ତି । ପ୍ରଶିକ୍ଷଣ, ସୂଚନା ଓ ପାରସ୍ପରିକ ସାହାଯ୍ୟ ଦ୍ଵାରା ସେମାନଙ୍କର ରୋଜଗାର କ୍ଷମତା ବୃଦ୍ଧି ହୋଇଥାଏ ।
ଜଙ୍ଗଲ ନିକଟବର୍ତ୍ତୀ ଅଞ୍ଚଳରେ ସ୍ତ୍ରୀଲୋକମାନେ ପରିବାରର ରୋଜଗାର ପାଇଁ ଯଥେଷ୍ଟ ସାହାଯ୍ୟ କରିଥାନ୍ତି । ସେମାନେ ଜଙ୍ଗଲର ବିଭିନ୍ନ ଦ୍ରବ୍ୟ ସଂଗ୍ରହ କରି ନିଜ ବ୍ୟବହାରରେ ଲାଗାଇବା ସଙ୍ଗେ ସଙ୍ଗେ ବଜାରରେ ବିକ୍ରୟ କରି ଅର୍ଥ ଉପାର୍ଜନ କରିଥାନ୍ତି । ତେଣୁ ଗ୍ରାମାଞ୍ଚଳ ଓ ଆଦିବାସୀ ବହୁଳ ଅଞ୍ଚଳରେ ସ୍ୱୟଂ ସହାୟିକା ଗୋଷ୍ଠୀ ଗଠନ କରାଯାଇ ମହିଳା ମାନଙ୍କୁ ବନଜାତ ଦ୍ରବ୍ୟର ସଂଗ୍ରହ, ପ୍ରକ୍ରିୟାକରଣ ଓ ବଜାର ବିଷୟରେ ସୂଚନା ଦିଆଯାଇ ପାରିବ ।
ସ୍ଵୟଂ ସହାୟକ ଗୋଷ୍ଠୀଗୁଡ଼ିକୁ ସଂଗଠିତ କରି ଜଙ୍ଗଲ ଉପରେ ନିର୍ଭରଶୀଳ ପରିବାର ମାନଙ୍କ ପାଇଁ ବିକଳ୍ପ ଜୀବିକା ନିର୍ବାହ ପଦ୍ଧତି ଅବଲମ୍ବନ କରାଯାଇ ପାରିବ ଯଦ୍ୱାରା ସେମାନେ କର୍ମସଂସ୍ଥାନ ପାଇପାରିବେ । ବନ ସଂରକ୍ଷଣ ସମିତି ଗୁଡ଼ିକ ଏ ଦିଗରେ । ଆର୍ଥିକ ସହାୟତା ଯୋଗାଇ ଦେବେ । ସ୍ଵୟଂ ସହାୟକ ଗୋଷ୍ଠୀର ସଭ୍ୟ ଓ ଗରିବ ସ୍ତ୍ରୀ ଲୋକ ମାନେ ବନ ସଂରକ୍ଷଣ ସମିତି ସଭା ଗୁଡ଼ିକରେ ଉପସ୍ଥିତ ରହି ସମିତିର କାର୍ଯ୍ୟକ୍ରମ ସଂପର୍କିତ ନିଷ୍ପତ୍ତି ନେବାରେ ସହାୟତା କରିବେ ।
ଗୋଟିଏ ସ୍ଵୟଂ ସହାୟକ ଗୋଷ୍ଠୀରେ ୧୦ ରୁ ୨୦ ଜଣ ସଭ୍ୟ ରହନ୍ତି । ସେମାନେ ନିଜର ରୋଜଗାର ବୃଦ୍ଧି ସାଧାରଣ କାମ ପାଇଁ ଆଗ୍ରହୀ ହେବା ଦରକାର । ବନଜାତ ଦ୍ରବ୍ୟ ସଂଗ୍ରହ ଓ ସଦୁପଯୋଗ ତଥା ତହିଁରୁ କିପରି ଆର୍ଥୀକ ଅଭିବୃଦ୍ଧି କରାଯାଇ ପାରିବ ତତ୍ ସଂପର୍କରେ ସଚେତନ ଥିବା ଉଚିତ । ପୁରୁଷ ଓ ସ୍ତ୍ରୀ ଲୋକମାନଙ୍କର ଅଲଗା ଗୋଷ୍ଠୀ ହେବା ଉଚିତ । କିନ୍ତୁ ଛୋଟ ଛୋଟ ଗ୍ରାମ ଗୁଡ଼ିକରେ ମିଳିତ ଗୋଷ୍ଠୀ ମଧ୍ୟ କରାଯାଇ ପାରିବ । ଜନସଂଖ୍ୟା ବେଶୀ ଥିଲେ ଏକାଧିକ ଗୋଷ୍ଠୀ ମଧ୍ୟ ଗଠନ କରାଯାଇପାରେ ।
ପୁରୁଣା ସ୍ଵୟଂ ସହାୟକ ଗୋଷ୍ଠୀଗୁଡ଼ିକର ଚୟନ
ଯଦି ଗୋଟିଏ ଗ୍ରାମରେ ଅନେକ ସ୍ଵୟଂ ସହାୟକ ଗୋଷ୍ଠୀ ଥାଏ ତେବେ ବନ ସଂରକ୍ଷଣ ସମିତି ସେମାନଙ୍କର ପ୍ରକଳ୍ପ ଦ୍ଵାରା ନିର୍ଦ୍ଧାରିତ ଚୟନ ପ୍ରକ୍ରିୟାରେ ଅଗ୍ରାଧିକାର ଭିତ୍ତିରେ ଉପଯୁକ୍ତ ଗୋଷ୍ଠୀକୁ ଠିକଣା କରିବେ ।
ନୂଆ ସ୍ଵୟଂ ସହାୟକ ଗୋଷ୍ଠୀ ଗଠନ
ଆବଶ୍ୟକସ୍ଥଳେ ସେଚ୍ଛାସେବୀ ସଂଗଠନ, କ୍ଷେତ୍ର ପରିଚାଳନା ସଂସ୍ଥା ଓ ବନ ସଂରକ୍ଷଣ ସମିତିର କାର୍ଯ୍ୟକାରୀ କମିଟି ସହାୟତାରେ ନୂତନ ସ୍ଵୟଂ ସହାୟକ ଗୋଷ୍ଠୀ ଗଠନ କରାଯିବ । ଗୋଷ୍ଠୀର ସମସ୍ତ ସଭ୍ୟ ଉପଯୁକ୍ତ ମାନଦଣ୍ଡ ପୂରଣ କରୁଥିବା ଆବଶ୍ୟକ । ବନ ସଂରକ୍ଷଣ ସମିତି ଏହି ସମସ୍ତ ପରିବାର ଗୁଡ଼ିକୁ ଚିହ୍ନଟ କରି ସଭ୍ୟ ଚୟନ କରିବେ । ସ୍ଵେଚ୍ଛାସେବୀ ସଂଗଠନ ସଭ୍ୟମାନଙ୍କୁ ଗୋଷ୍ଠୀ ଗଠନର ଉଦ୍ଦେଶ୍ୟ ବୁଝାଇବେ ।
ସ୍ଵୟଂ ସହାୟକ ଗୋଷ୍ଠୀର ଅନ୍ତତଃ ଜଣେ ସଭ୍ୟଙ୍କୁ ବନ ସଂରକ୍ଷଣ ସମିତିର କାର୍ଯ୍ୟକାରୀ କମିଟିରେ ନିଆଯିବ ।
ନିମ୍ନ ବ୍ୟବସ୍ଥା ଦ୍ଵାରା ସଭ୍ୟପଦ ରଦ୍ଦ ହୋଇପାରିବ :
ସେହି ସଭ୍ୟଙ୍କର ଜମାକୁ ବିନା ସୁଧରେ ଗୋଷ୍ଠୀ ତରଫରୁ ଫେରାଇ ଦିଆଯିବ । ତା ପରେ ଗୋଷ୍ଠୀର ଆୟ ଉପରେ ଉକ୍ତ ସଭ୍ୟଙ୍କର ଅଧିକାର ରହିବ ନାହିଁ । ଉକ୍ତ ସଭ୍ୟଙ୍କୁ ଦିଆଯାଇଥିବା ଋଣକୁ ଆଦାୟ କରିବା ପାଇଁ ସଂଗଠିତ ଉଦ୍ୟମ କରାଯିବ ।
ଗୋଷ୍ଠୀର ଜଣେ ସଭାପତି, ଜଣେ ଉପସଭାପତି, ସଂପାଦକ ଓ କୋଷାଧ୍ୟକ୍ଷ ରହିବେ ।
କର୍ମଚାରୀ ଚୟନ ଓ ପରିବର୍ତ୍ତନ ନିୟମାବଳୀ
ସଭ୍ୟମାନେ ଗୋଷ୍ଠୀ ଗଠନର ଉଦ୍ଦେଶ୍ୟ, କାର୍ଯ୍ୟାବଳୀ ଓ ଦାୟିତ୍ଵ ବିଷୟରେ ଜାଣିବା ପରେ ଗୋଷ୍ଠୀ ପରିଚାଳନା ସମିତିକୁ ମନୋନୀତ ହେବେ । ନେତୃତ୍ଵ ନେବା ପାଇଁ ଆବଶ୍ୟକ ଅଭିଜ୍ଞତା ନଥିଲେ ସେମାନଙ୍କୁ ଅସ୍ଥାୟୀ ଭାବେ ମନୋନୟନ କରାଯିବ ।
ଚୟନ ନିୟମାବଳୀ
କର୍ମକର୍ତ୍ତାମାନଙ୍କର ଭୂମିକା ଓ ଦାୟିତ୍ଵ
କାର୍ଯ୍ୟଭାର |
ଦାୟିତ୍ଵ |
ସଭାପତି
|
ନିୟମିତ ସଭା ପରିଚାଳନା କରିବା ଓ ସହମତିକ୍ରମେ ନିଷ୍ପତ୍ତି ନେବା । ନିଷ୍ପତ୍ତି ଓ ରିଜୋଲ୍ୟୁସନ୍ ଅନୁମୋଦନ କରିବା । ନୂଆ ସଭ୍ୟଗ୍ରହଣ ଓ ବିଦାୟୀ ସଭ୍ୟଙ୍କ ଉପରେ ନିଷ୍ପତ୍ତିରେ ସହାୟତା । ସଭ୍ୟମାନଙ୍କୁ ସଂପୂର୍ଣ୍ଣ ଋଣ ପରିଶୋଧ କରିବା ପାଇଁ ପ୍ରବର୍ତ୍ତାଇବା । ଋଣ ପରିଶୋଧରେ ସହାୟତା । ଅନ୍ୟ କର୍ମକର୍ତ୍ତାଙ୍କ ସହାୟତାରେ ଗୋଷ୍ଠୀର ସମସ୍ୟା ସମାଧାନ କରିବା । ସଂପାଦକ ଓ କୋଷାଧ୍ୟକ୍ଷଙ୍କ ମଧ୍ୟରେ ସମନ୍ଵୟ ରକ୍ଷା କରିବା । ଗୋଷ୍ଠୀର ଆୟବ୍ୟୟର ଯାଞ୍ଚ କରିବା । ବ୍ୟାଙ୍କରୁ ଅର୍ଥ ଉଠାଣ ପାଇଁ ଯୌଥ ଦାୟିତ୍ଵ । ଗୋଷ୍ଠୀ ଉନ୍ନୟନ ଦିଗରେ ଧ୍ୟାନ । ଜୀବିକା ନିର୍ବାହ ପାଇଁ ଋଣ ଯୋଗାଣ । ଗୋଷ୍ଠୀ ତରଫରୁ ପ୍ରତିନିଧିତ୍ଵ କରିବା । |
ଉପସଭାପତି |
ସଭାପତିଙ୍କ ଅନୁପସ୍ଥିତିରେ କାର୍ଯ୍ୟନିର୍ବାହ କରିବା । ସଂଘସ୍ତରୀୟ ପ୍ରତିନିଧିତ୍ଵ କରିବା । ନିୟମିତ ଭାବେ ଗୋଷ୍ଠୀ ସଭାରେ ଉପସ୍ଥିତ ରହିବା । |
ସଂପାଦକ
|
ବୈଠକ ଆୟୋଜନ କରିବା । ବୈଠକର କାର୍ଯ୍ୟସୂଚୀ ପ୍ରସ୍ତୁତ କରିବା ଓ ନିଷ୍ଠଭି ଗୁଡ଼ିକୁ ଲିପିବଦ୍ଧ କରିବ । ପ୍ରକଳ୍ପ କର୍ମଚାରୀଙ୍କ ଅନୁପସ୍ଥିତିରେ ବୈଠକ ପରିଚାଳନା କରିବା । ସମସ୍ତ ହିସାବ ଓ ଆଲୋଚ୍ୟ ବିଷୟ ସଭ୍ୟଙ୍କୁ ଅବଗତ କରାଇବା । ଗୋଷ୍ଠୀର ଆର୍ଥିକ ବିବରଣୀ ସଭ୍ୟମାନଙ୍କୁ ଅବଗତ କରାଇବା । ବ୍ୟାଙ୍କ ବା ଡାକଘର ଜମା ଖାତା ପାଇଁ ସଭାପତିଙ୍କ ସହିତ ଯୁଗ୍ମ ଦାୟିତ୍ଵ ନେବା । |
କୋଷାଧ୍ୟକ୍ଷ |
ସମସ୍ତ ହିସାବ ରଖିବା । ହିସାବ ଖାତାରେ ସଭାପତି ବା ସଂପାଦକଙ୍କ ସହାୟତା ନେଇ ଠିକ୍ ଭାବେ ସମସ୍ତ ହିସାବ ରଖିବା । ବ୍ୟାଙ୍କରେ ଟଙ୍କା ପଇଠ ଓ ଉଠାଣ କରିବା । ଋଣ ବଣ୍ଟନ ଓ ପଇଠ ଅର୍ଥ ଗ୍ରହଣ କରିବା । ସଭ୍ୟମାନଙ୍କୁ ସବୁ ବୈଠକରେ ଜମା ସଂପର୍କରେ ଅବଗତ କରାଇବା । ବ୍ୟାଙ୍କ ବା ଡାକଘର ଜମା ଖାତାରେ ଜଣେ ଦସ୍ତଖତକାରୀ ହେବା । ଆୟବ୍ୟୟ ସମୀକ୍ଷା ବେଳେ ସାହାଯ୍ୟ କରିବା । ଗୋଷ୍ଠୀ ସ୍ତରୀୟ ଜମାଖାତା, ଦଲିଲ ଓ କାଗଜାତ ଆଦିର ଦାୟିତ୍ଵ ନେବା । |
ସଭ୍ୟ |
ବନ ସଂରକ୍ଷଣ ସମିତି ବା ଓଡ଼ିଶା ବନାଞ୍ଚଳ ଉନ୍ନୟନ ପ୍ରକଳ୍ପ ଦ୍ଵାରା ଆୟୋଜିତ ସଭାରେ ଭାଗନେବା। ନିଜର ଜମାଗୁଡ଼ିକ ନିୟମିତ ପଇଠ କରିବା । ଗୋଷ୍ଠୀର ସମସ୍ତ ନିୟମ କାର୍ଯ୍ୟକାରୀ କରିବା । ଗୋଷ୍ଠୀର ସମସ୍ତ କାର୍ଯ୍ୟକ୍ରମରେ ଭାଗନେବା । ସମସ୍ତଙ୍କ ସହ ମିଳିମିଶି କାମ କରିବା । |
ପ୍ରକଳ୍ପର ରୋଜଗାର ସୃଷ୍ଟିକାରୀ କାର୍ଯ୍ୟକ୍ରମ ପାଇଁ ସ୍ଵୟଂ ସହାୟକ ଗୋଷ୍ଠୀ ମୁଖ୍ୟ ଭୂମିକା ଗ୍ରହଣ କରିବ । ବନ ସଂରକ୍ଷଣ ସମିତି ଏଥିପାଇଁ ଆର୍ଥିକ ସହାୟତା ଯୋଗାଇ ଦେବେ ।
ସ୍ଵୟଂ ସହାୟକ ଗୋଷ୍ଠୀର ନିଜସ୍ଵ ନିୟମ ରହିବ ଓ ଏହାସବୁ ସଭ୍ୟ ପାଳନ କରିବେ । ପ୍ରତ୍ୟେକ ମାସିକ ଦେୟ ପଇଠ କରିବେ ଓ ଅତି କମ୍ରେ ମାସିକ ଦେୟ ଟ ୫/- ରହିବ ।
ସଭ୍ୟମାନେ ନିୟମିତ ଜମା କରିବେ, ଋଣରୁ ଆସୁଥିବା ସୁଧ ଗୋଷ୍ଠୀର ଆୟବୃଦ୍ଧିରେ ସହାୟକ ହେବ ଓ ବଳକା ପଇସା ଅସୁବିଧା ବେଳେ କାମରେ ଲାଗିବ ।
ସଂଚୟ ନୀତି
ଅଭ୍ୟନ୍ତରୀଣ ଋଣ ନୀତି
ମୂଳ ଋଣ ପରିଶୋଧ
ସୁଧ ପରିଶୋଧ
ମାସକୁ ଥରେ ଏକ ନିର୍ଦ୍ଦିଷ୍ଟ ତାରିଖରେ ସ୍ଵୟଂ ସହାୟକ ଗୋଷ୍ଠୀର ମିଟିଙ୍ଗ୍ କରାଯିବ, ଏହା ଗୋଷ୍ଠୀ ଦ୍ଵାରା ସ୍ଥିରିକୃତ ସ୍ଥାନ ଓ ସମୟରେ କରାଯିବ । ଗୋଷ୍ଠୀର ଉନ୍ନତି ପାଇଁ ନିମ୍ନଲିଖିତ ବିଷୟମାନ ମିଟିଙ୍ଗରେ ଆଲୋଚନା କରାଯିବ ।
ରୋଜଗାର ସୃଷ୍ଟିକାରୀ କାର୍ଯ୍ୟକ୍ରମ ପରିଚାଳନା (ଆଇ.ଜି.ଏ)
ରୋଜଗାର ସୃଷ୍ଟିକାରୀ କାର୍ଯ୍ୟକ୍ରମ ପ୍ରଣାଳୀ -
ରୋଜଗାର ସୃଷ୍ଟିକାରୀ କାର୍ଯ୍ୟକ୍ରମ ଗୁଡ଼ିକର ଚିହ୍ନଟ
ଉପଯୁକ୍ତ ରୋଜଗାର ସୃଷ୍ଟିକାରୀ କାର୍ଯ୍ୟଗୁଡ଼ିକ ସ୍ୱେଚ୍ଛାସେବୀ ସଂଗଠନ ଦ୍ଵାରା ମନୋନୀତ ହୋଇ ନିର୍ଦ୍ଧାରିତ ଗ୍ରାମଗୁଡ଼ିକରେ କାର୍ଯ୍ୟକାରୀ କରାଯିବ । ଉନ୍ନତ ଆୟକାରୀ ଉତ୍ସଗୁଡ଼ିକୁ ଚିହ୍ନଟ କରାଯିବ ଯାହାକି ନିମ୍ନ ସର୍ତ୍ତାବଳୀ ପୂଋଣ କରୁଥିବେ ।
ଆବଶ୍ୟକ କଞ୍ଚାମାଲ ଓ ବଜାର ସୁବିଧା ଆଦି ବିଚାର କରି ଏ ସବୁକୁ ସ୍ଥିର କରାଯିବ ।
ରୋଜଗାର ସୃଷ୍ଟିକାରୀ କାର୍ଯ୍ୟକ୍ରମ ପ୍ରଶିକ୍ଷଣ
ସଭ୍ୟମାନଙ୍କୁ ପ୍ରଶିକ୍ଷଣ ଓ ପରିଦର୍ଶନ ମାଧ୍ୟମରେ ଉପଯୁକ୍ତ କାର୍ଯ୍ୟକ୍ରମ ସ୍ଥିର କରିବା ପାଇଁ ପ୍ରକଳ୍ପ ତରଫରୁ ଉଦ୍ୟମ କରାଯିବ ।
ବାଣିଜ୍ୟିକ ଯୋଗାଯୋଗ
ସ୍ଵୟଂ ସହାୟକ ଗୋଷ୍ଠୀ ହିତାଧିକାରୀମାନେ ପ୍ରସ୍ତୁତ କରୁଥିବା ଦ୍ରବ୍ୟଗୁଡ଼ିକୁ ସ୍ଥାନୀୟ, ଆଞ୍ଚଳିକ ଓ ଜାତୀୟ ସ୍ତରରେ ବିକ୍ରୟ କରିବା ପାଇଁ ଆବଶ୍ୟକ ବ୍ୟବସ୍ଥା କରାଯିବ ।
ସ୍ଵୟଂ ସହାୟକ ଗୋଷ୍ଠୀ ଗୁଡ଼ିକ ଥରେ ଗଠନ ହେଲାପରେ ସେମାନଙ୍କର ନିୟମିତ ପାକ୍ଷିକ / ମାସିକ ମିଟିଙ୍ଗ କରିବେ । ଋଣ, ବନୌଷଧି ତଥା ପ୍ରାଥମିକ ସ୍ଵାସ୍ଥ୍ୟ ସମସ୍ୟା ପ୍ରସଙ୍ଗରେ ଗୋଷ୍ଠୀଗୁଡ଼ିକ ଆଲୋଚନା କରିବେ । ଏହି ସଭା ଗୁଡ଼ିକରେ ବିକଳ୍ପ ଆୟ ପନ୍ଥା ବିଷୟ ରେ ମଧ୍ୟ ଆଲୋଚନା ହେବ ଓ ନିମ୍ନଲିତ କାର୍ଯ୍ୟଗୁଡ଼ିକୁ ଅଗ୍ରାଧିକାର ଦିଆଯିବ ।
ରୋଜଗାର ସୃଷ୍ଟି କାର୍ଯ୍ୟକ୍ରମ ପାଇଁ କେତେଗୁଡ଼ିଏ ସମ୍ଭାବ୍ୟ ପନ୍ଥା ନିମ୍ନରେ ଉଲ୍ଲେଖ କରାଯାଇଛି । ଆଞ୍ଚଳିକ ଭିତ୍ତିରେ ବନ ସଂରକ୍ଷଣ ସମିତି ମାନେ ମିଳିମିଶି ଉଦ୍ୟମ କଲେ ବିକ୍ରି ପାଇଁ ଅଧିକ ମୂଲ୍ୟ ମିଳିପାରିବ ।
ରୋଜଗାର ସୃଷ୍ଟିକାରୀ କାର୍ଯ୍ୟକ୍ରମ ନିରୂପଣ ବିଧି
ଆର୍ଥିକ ଦୃଷ୍ଟିରୁ ଲାଭଜନକ ହେଲାଭଳି କାର୍ଯ୍ୟଗୁଡ଼ିକୁ ଚୟନ କରାଯିବ ଓ ସେଥିପାଇଁ ସହାୟତା ପ୍ରଦାନ କରାଯିବ ।
ସ୍ଵୟଂ ସହାୟକ ଗୋଷ୍ଠୀ ସଭାପତି ବନ ସଂରକ୍ଷଣ ସମିତି ସହ ଯୋଗାଯୋଗ ରକ୍ଷା କରି ପ୍ରକଳ୍ପ ଦ୍ଵାରା ଗ୍ରାମରେ କରାଯାଉଥିବା ବିଭିନ୍ନ କାର୍ଯ୍ୟକ୍ରମ ଗୁଡ଼ିକୁ ସଂପାଦନ କରିପାରିବେ । ଏଥିପାଇଁ ଏକ ଚୁକ୍ତିନାମା ସ୍ଵାକ୍ଷରିତ ହେବ ।
ନଥିପତ୍ର ରଖିବା
ସ୍ଵୟଂ ସହାୟକ ଗୋଷ୍ଠୀ ଗୁଡ଼ିକ ସେମାନଙ୍କ କାର୍ଯ୍ୟ ସଂପାଦନ ପାଇଁ ନିମ୍ନଲିଖିତ ନଥିପତ୍ର ରଖିବେ।
ନଥିପତ୍ର ସମ୍ବନ୍ଧୀୟ ନିୟମାବଳୀ
ସ୍ଵୟଂ ସହାୟକ ଗୋଷ୍ଠୀ ପାଇଁ ଆବଶ୍ୟକ ନଥିପତ୍ର ।
ସ୍ଵୟଂ ସହାୟକ ଗୋଷ୍ଠୀ କେତେକ ମୌଳିକ ନଥିପତ୍ର ପ୍ରସ୍ତୁତ କରିବେ ଓ ସେଗୁଡ଼ିକୁ ନିୟମିତ ଭାବରେ ତଦାରଖ କରିବେ । ସାଧାରଣ ଭାବେ ରଖାଯାଉଥିବା ନଥିପତ୍ରର ଉଦାହରଣ ନିମ୍ନରେ ଦିଆଗଲା ।
କ୍ରମାଙ୍କ |
ନଥିର ନାମ |
ଉଦ୍ଦେଶ୍ୟ |
1 |
ସଭାବହି |
ସଭା ଗୁଡ଼ିକରର ବିବରଣୀ ଓ ଗୋଷ୍ଠୀର କାର୍ଯ୍ୟାବଳୀ ଯାହାକି ଗୋଷ୍ଠୀ ଗଠନ ସମୟରୁ କରାଯିବ । |
2 |
ଜମା ଓ ଦୈନିକ ଉପସ୍ଥାନ ଖାତା |
ପ୍ରତ୍ୟେକ ସଭ୍ୟଙ୍କ ଜମାଖାତାର ବିବରଣୀ । |
3 |
ହିସାବ ଖାତା (କ୍ୟାସ୍ ବହି) |
ଗୋଷ୍ଠୀର ସମସ୍ତ ଆୟବ୍ୟୟର ହିସାବ ଏହି ଖାତାରେ ଉଲ୍ଲେଖ କରାଯିବ । ଖାତାର ବାମ ପାଖରେ ଆଦାୟ ଟିପ୍ପଣି ଓ ଡାହାଣ ପାଖରେ ବ୍ୟୟ ଓ ଋଣର ବିବରଣୀ ଲେଖାଯିବ । ପ୍ରତ୍ୟେକ ଦିନର ଆୟ ବ୍ୟୟର ହିସାବ କରାଯାଇ କେତେ ବଳକା ଟଙ୍କା ରହିଲା ତାହା ତଦାରଖ କରାଯିବ । ଟଙ୍କାର ହିସାବ ଯେପରି ଭୁଲ ନହୁଏ ସେଥିପ୍ରତି ଧ୍ୟାନ ଦିଆଯିବ । ଆଦାୟ ଟଙ୍କା ମଧ୍ୟରେ ସଭ୍ୟମାନଙ୍କ ଦେୟ, ଜମା, ଋଣ ପରିଶୋଧ, ଜୋରିମାନା, ସୁଧ ଆଦାୟ, ଋଣ ଅନୁଦାନ ଫିସ୍, ବ୍ୟାଙ୍କରୁ ଟଙ୍କା ଉଠାଣ ଆଦି ରହିବ । ଋଣ ଦେବା, ସଭ୍ୟ ଜମାଖାତାର ସୁଧ, ବ୍ୟାଙ୍କ ଋଣ ପରିଶୋଧ, ପରିବହନ ଖର୍ଚ୍ଚ ଓ ବ୍ୟାଙ୍କ ଜମା ଇତ୍ୟାଦି ବ୍ୟୟ ହିସାବରେ ଲେଖାଯିବ । |
4 |
ଲେଜର ଖାତା |
ବିଭିନ୍ନ ସଂସ୍ଥା ସହିତ ନେଣଦେଣ କାରବାର ପାଇଁ ଅଲଗା ପୃଷ୍ଠାରେ ହିସାବ ରଖାଯିବ । |
5 |
ଋଣ ଖାତା |
କେତେ ଜଣଙ୍କୁ ଋଣ ଦିଆଗଲା, ଋଣ ପରିମାଣ ଓ ଶୁଳ୍କ ଇତ୍ୟାଦି ଲେଖାଯିବ । |
6 |
ସଭ୍ୟଙ୍କ ପାସ ବହି ଓ ଜମା ବିବରଣୀ |
ସଭ୍ୟମାନଙ୍କରର ବ୍ୟକ୍ତିଗତ ସଞ୍ଚୟର ହିସାବ ରଖାଯିବ । ଗୋଷ୍ଠୀର ପ୍ରତ୍ୟେକ ସଭାରେ ସଭ୍ୟଙ୍କ ଜମା ପରିମାଣ, ସୁଧ, ଋଣ ଇତ୍ୟାଦି ହିସାବ କରାଯିବ ଓ ସମସ୍ତଙ୍କୁ ଅବଗତ କରାଯିବ ।
|
7 |
ସଭ୍ୟଙ୍କ ଋଣ ହିସାବ ବହି |
କେଉଁ ସଭ୍ୟ କେତେ ଋଣ ନେଲେ, କେତେ ସୁଧ ହେଲା, କେତେ ପରିଶୋଧ କଲେ ତାହା ଲେଖାଯିବ । ପ୍ରତ୍ୟେକ ସଭାରେ ଏହା ସମସ୍ତଙ୍କୁ ଜଣାଇ ଦିଆଯିବ । |
8 |
ଆୟବ୍ୟୟ ହିସାବ ଖାତା
|
ସ୍ଵୟଂ ସହାୟକ ଗୋଷ୍ଠୀର ଆୟ ଓ ବ୍ୟୟର ବିବରଣୀ ଲେଖାଯିବ । |
9 |
ପରିଦର୍ଶନ ପୁସ୍ତିକା
|
ସ୍ଵୟଂ ସହାୟକ ଗୋଷ୍ଠୀର କାର୍ଯ୍ୟକ୍ରମକୁ ଦେଖିବାକୁ ଆସୁଥିବା ବ୍ୟକ୍ତିମାନଙ୍କର ମତାମତ ଉଲ୍ଲେଖ କରାଯିବ । |
Last Modified : 1/26/2020