ବିଶ୍ଵର ପ୍ରଥମ ସୌରବିମାନ

ଉପକ୍ରମ

ବିଶ୍ଵର ପ୍ରଥମ ସୌରବିମାନ ଦୀର୍ଘ ୪୦ ହଜାର କିମି ଯାତ୍ରା କରିବା ପରେ ୨୬ ତାରିଖରେ ଆବୁଧାବିଠାରେ ଅବତରଣ କରିଛି  । ଉକ୍ତ ବିମାନ ମାର୍ଚ୍ଚ ୨୦୧୫ରେ ଯାତ୍ରା ଆରମ୍ଭ କରିଥିଲା   । ତେବେ ଏହା କେବଳ ସୌରଶକ୍ତି ବଳରେ ଉଡାଣ କରି ଇତିହାସ ସୃଷ୍ଟି କରିଛି   । ସୁଇସ ଜ୍ଞାନକୌଶଳରେ ନିର୍ମିତ ବିମାନ ଏହାର ଯାତ୍ରା କାଳରେ ୧୬ ଟି ସ୍ଥାନରେ ରହଣି କରିଥିଲା   । ଆଦୌ ଜୈବ ଇନ୍ଧନ ବ୍ୟବହାର ନ କରି ପ୍ରମାଣ କରିଦେଇଛି ଯେ, ଏହା ବିଶ୍ଵଶକ୍ତିର ଅର୍ଦ୍ଦେକ ସଞ୍ଚୟ କରିବା ସହ ପ୍ରାକୃତିକ ସମ୍ବଳକୁ ରକ୍ଷା କରିବା ଏବଂ ଜୀବନରେ ନାମରେ ଉନ୍ନତି ଆଣିବା  ।

ସୋଲାର ସେଲ ଶକ୍ତି

ଆବୁଧାବିଠାରେ ବିମାନ ଅବତରଣ କରିବାର କିଛି ସମୟ ପୂର୍ବରୁ ସୋଲାର ଇମ୍ଫଲ୍ସ ଅଧ୍ୟକ୍ଷ ତଥା ପାଇଲଟ  ପିକାର୍ଡ ଏକ ବିବୃତ୍ତିରେ କହିଛନ୍ତି “ ଆମ ମିଶନ ଭଳି ସ୍ଥଳଭାଗ ସୌର ଶକ୍ତିର ବହୁଳ ବ୍ୟବହାର ହେଲେ ପ୍ରାକୃତିକ ସମ୍ବଳ ସଞ୍ଚୟହେବ ସହ ବାୟୁମଣ୍ଡଳ ପ୍ରଦୂଷଣ ରୋକାଯାଇପାରିବ । ବିମାନରେ ଖଞ୍ଜା ଯାଇଥିବା ୧୭,୨୪୮ଟି ସୋଲାର ସେଲ ଶକ୍ତି ଯୋଗାଉଛି  । ଏହା ୪ ଟି ବୈଦ୍ୟୁତିକ ମୋଟରରୁ ଶକ୍ତି ଯୋଗାଇ ବିମାନର ପ୍ରପେଲର କୁ କାର୍ଯ୍ୟକ୍ଷମ କରେ  । ବିମାନଟି ରାତିରେ ୪ ଟି ଲିଥିଅମ ପଲିମର ବ୍ୟାଟେରୀ ଦ୍ଵାରା ଚାଳିତ ହେବ   । ବିମାନତେ ଡେଣା ପାଖାପାଖି ୨୩୬ ଫୁଟ ବସ୍ତରିତ ହୋଇପାରେ   । ବିମାନର ଓଜନ ପାଖାପାଖି ୨୩୦୦. କିଗ୍ରା   । ଜାପାନରୁ ହାୱାଇ ଯାତ୍ରା କରୁଥିବାବେଳେ ବ୍ୟାଟେରୀ ଅଚଳ ହୋଇଯିବାରୁ ପାଇଲଟଙ୍କୁ ୯ ମାସ ବିଳମ୍ବ ସହ୍ୟ କରିବାକୁ ପଡୁଥିଲା   । ଅବୁଧାବିଠାରେ ଚୁଡାନ୍ତ ଅବତରଣ କରିବା ପୂର୍ବରୁ କାଏରୋଠାରେ ମଧ୍ୟ ସପ୍ତାହକରୁ ଅଧିକ ସମୟ ବିଳମ୍ବ ହୋଇଥିଲା   ।

ବିମାନଟି ଓମାନ, ଭାରତ ,ମ୍ୟାନମାର , ଚାଇନା , ଜାପାନ, ଆମେରିକା , ସ୍ପେନ , ଇଟାଲୀ , ଇଜିପ୍ଟ  ଏବଂ ୟୁନାଇଟେଡ ଆରବ ଏମିରେଟ୍ସ ରେ ରହଣି କରିଥିଲା   । ସେହିଭଳି ଉତ୍ତର ଆମେରିଆର କାଲିଫର୍ଣ୍ଣିଆ ,  ଆରୋଜୋନା ଏବଂ ନ୍ୟୁୟର୍କରେ ମଧ୍ୟ ଅବତରଣ କରିଥିଲା   ।

ଆଧାର: ସମାଜ