ହୋମ / ଶକ୍ତି / ଶକ୍ତି ଉତ୍ପାଦନ / ଗୋବର ଗ୍ୟାସ ପ୍ଳାଣ୍ଟର ବ୍ୟବହାର
ସେଆର କରନ୍ତୁ

ଗୋବର ଗ୍ୟାସ ପ୍ଳାଣ୍ଟର ବ୍ୟବହାର

ଗୋବର ଗ୍ୟାସ ବ୍ୟବହାର କରି ରୋଷେଇ କରାଯିବା ସହିତ ଆଲୁଅ ଓ ପଙ୍ଖା ବ୍ୟବହାର କରାଯାଇ ପାରିବ ।

ଗୋବର ଗ୍ୟାସ ପ୍ଳାଣ୍ଟ

ଗୋବର ଗ୍ୟାସ ରେ ୫୫ – ୭୫ ପ୍ରତିଶତ ମିଥେନ୍ ସହିତ ଉଦ୍ଜାନ ଓ ଅଙ୍ଗାରକାମ୍ଳ ଗ୍ୟାସଥାଏ । ଏହି ଗ୍ୟାସ ବ୍ୟବହାର କରି ରୋଷେଇ କରାଯିବା ସହିତ ଆଲୁଅ ଓ ପଙ୍ଖା ବ୍ୟବହାର କରାଯାଇ ପାରିବ ।

କାର୍ଯ୍ୟାକାରିତା

  • ଗୋଟିଏ ପାତ୍ରରେ ଗୋବର,ଘରୋଇ ଆବର୍ଜନା ଓ ପାଣିକୁ ମିଶାଯାଏ।
  • ଏହି ମିଶ୍ରଣିକୁ ଏକ ପ୍ରବେଶ ନଳୀ ଦେଇ ବହନ ଟ୍ୟାଙ୍କକୁ ପଠାଯାଏ ।
  • ଏହି ଜୈବ ପଦାର୍ଥ ଅମ୍ଳଜାନ ଅନୁପସ୍ଥିରେ ପଚିଲେ ଏଥିରୁ ବାୟୋ ଗ୍ୟାସ ବାହାରେ ।
  • ଏହି ଗ୍ୟାସକୁ ନିର୍ଗମ ନଳୀ ଦେଇ ସଂଗ୍ରହ କରି ବ୍ୟବହାର କରାଯାଏ ।
  • ପଚିଥିବା ଜୈବ ପଦାର୍ଥ ହାଲୁକା ହୋଇ ଭାସେ ଏବଂ ଟ୍ୟାଙ୍କ ରୁ ନିର୍ଗମ ନଳୀ ଦେଇ ବାହାରକୁ ବାହାରିଯାଏ ଯାହାକୁ ଉତ୍କୃଷ୍ଟ ଖତ ରୂପେ ବ୍ୟବହାର କରାଯାଇଥାଏ ।

ପ୍ଳାଣ୍ଟର ଆକାର

ପ୍ଳାଣ୍ଟର ଆକାର (ଘନ ମିଟର)

ଦୈନିକ ଗୋବର ଚାହିଦା (କି.ଗ୍ରା )

ଗାଈଗୋରୁ ସଂଖ୍ୟା

କେତେଜଣ ଲୋକଙ୍କ ପାଇଁ ରୋଷେଇ ହେବ

କେ. ଭି.ଆଇ. ସି ମଡେଲ ଖର୍ଚ୍ଚ ଟଙ୍କା

୨୫

୨ – ୩

୩-୪

୮୦୦୦

୫୦

୪ – ୫

୫-୬

୧୧୦୦୦

୭୫

୬ – ୭

୮-୧୨

୧୪୦୦୦

୧୦୦

୮ – ୯

୧୨ -୧୬

୧୬୫୦୦

ସ୍ଥାନ ନିରୂପଣ

  • ଏକ ଖୋଲା, ଉଚ୍ଚ ଏବଂ ସୂର୍ଯ୍ୟାଲୋକ ପାଉଥିବା ସ୍ଥାନରେ ଗୋବର ଗ୍ୟାସ ପ୍ଳାଣ୍ଟ ସ୍ଥାପନ କରନ୍ତୁ ।
  • ଏହାରୋଷେଇ ଘର ଏବଂ ଗାଈ ଗୁହାଳର ନିକଟରେ ଥିବା ଭଲ ।
  • ଭୂମିର ଜଳ ପତନ ୨ ମିଟର ତଳେ ରହିବା ଆବଶ୍ୟକ ।
  • ପିଇବା ପାଣି ଯୋଗାଉଥିବା କୂଅଠାରୁ ୧୫ ମିଟର ଦୂରରେ ଗ୍ୟାସ  ପ୍ଳାଣ୍ଟ ବସାଇବା ଭଲ ।

ରୋଷେଇ ସମୟରେ ଶକ୍ତି ସଂରକ୍ଷଣ -

ଉନ୍ନତ ପ୍ରଣାଳୀରେ ରୋଷେଇ କଲେ ଶକ୍ତି ସଂରକ୍ଷଣ ହେବା ସହିତ ଖାଦ୍ୟ ଗୁଣ ସଂରକ୍ଷିତ ରହେ ।

ଉତ୍ତମ ପାତ୍ର

  • ଗୋଳାକୃତି ପାତ୍ର ଚଟକା ପାତ୍ର ଅପେକ୍ଷା ଭଲ । କାରଣ ଗୋଲାକାର ପାତ୍ରରେ ତାପ ସଂଚାର ସବୁଆଡେ ଭଲଭାବରେ ହୋଇଥାଏ ।
  • ପାତ୍ରର ବ୍ୟାସ ଚୁଲି ମୁହଁ ବ୍ୟାସର ଦେହରୁ ୨ ଗୁଣ ହେବା ଆବଶ୍ୟକ ।
  • ପାତ୍ରର ତଳ ଅଂଶ ସଫାକରି ରୋଷେଇ କରିବା ଭଲ ।

ଶକ୍ତି  ସଂରକ୍ଷଣ କୌଶଳ

  • ଯଥା ସମ୍ଭବ କମ ପାଣିରେ ରୋଷେଇ କରନ୍ତୁ ।
  • ସର୍ବଦା ପାତ୍ରରେ ଢାଙ୍କୁଣୀ ଦେଇ ରୋଷେଇ କରନ୍ତୁ ।
  • ଡାଲି, ଚାଉଳ ଇତ୍ୟାଦି ରାନ୍ଧିବା ପୂର୍ବରୁ ଅଧଘଣ୍ଟା ପାଣିରେ ବତୁରାଇ ରାନ୍ଧନ୍ତୁ । ବୁଟ ଓ ମଟରକୁ ରାତିସାରା ପାଣିରେ ଭିଜାଇ ରାନ୍ଧନ୍ତୁ ।
  • ଚୂଳିରୁ ଜାଳ ଯେପରି ବାହାରି ନ ଯାଏ ସେଥିପ୍ରତି ଦୃଷ୍ଟି ଦିଅନ୍ତୁ ।
  • ପାଣି ଜୋର ରେ ଫୁଟିଲେ ଜାଳ କମାଇ ଦିଆନ୍ତୁ । ରୋଷେଇ ସାରିଲେ ତୁରନ୍ତ ଜଳ କାଠ ବାହାରି କରି ପାଣିରେ ନିଆଁ  ଲିଭାଇ ଦିଅନ୍ତୁ ।
  • ନଡାକୁ ଛୋଟ ଛୋଟ କାଟନ୍ତୁ ଓ ଅଧିକ ମାତ୍ରାରେ ଚୂଲିଜଳାନ୍ତୁ ନାହିଁ ।
  • ସର୍ବଦା ଶୁଖିଲା କାଠ ବ୍ୟବହାର କରନ୍ତୁ ।
  • ନଡାକୁ ଛନ୍ଦି ରଖନ୍ତୁ ଯେପରି ଏହା ମଧ୍ୟରେ  ବି ବାୟୁ ପ୍ରବେଶ କରିପାରିବେ ।
  • ସେତେବେଳେ କାଠ ସହିତ ପତ୍ର, ନଡା ଇତ୍ୟାଦି ଜଳାଯାଏ  , ପ୍ରଥମେ କାଠ ଜଳିବା ପରେ ପତ୍ର ଓ ନଡା କୁ ବ୍ୟବହାର କରନ୍ତୁ ।
  • ଯଦି ବାଧ୍ୟ ହୋଇ ଗୋବର ଜାଳୁଥାନ୍ତି ତେବେ ଲମ୍ବା ବାଡି ଉପରେ ଗୋବର ବୋଳି ଶୁଖାଇ ଜାଳନ୍ତୁ ।

ଆଧାର – ଶକ୍ତି ବିଭାଗ

3.0
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top