ହୋମ / ଶକ୍ତି / ଶକ୍ତି ଉତ୍ପାଦନ / ମାଛକଣ୍ଟାରୁ ସବୁଜ ଶକ୍ତି
ସେଆର କରନ୍ତୁ

ମାଛକଣ୍ଟାରୁ ସବୁଜ ଶକ୍ତି

ମାଛର କଣ୍ଟା ଏବଂ ବିଭିନ୍ନ ବର୍ଜ୍ୟବସ୍ତୁର ପୁନଃ ପ୍ରକ୍ରିୟାକରଣ କରି ଗବେଷକମାନେ ସବୁଜ ଶକ୍ତି ଉତ୍ପାଦନ କରିବାରେ ସମର୍ଥ ହୋଇଛନ୍ତି ।

ଉପକ୍ରମ

ମାଛର କଣ୍ଟା ଏବଂ ବିଭିନ୍ନ ବର୍ଜ୍ୟବସ୍ତୁର ପୁନଃ ପ୍ରକ୍ରିୟାକରଣ  କରି କଲିକତାର ଯାଦବପୁର ବିଶ୍ଵବିଦ୍ୟାଳୟର ଗବେଷକମାନେ  ସବୁଜ ଶକ୍ତି ଉତ୍ପାଦନ କରିବାରେ ସମର୍ଥ ହୋଇଛନ୍ତି ।  ଏହାକୁ ଭବିଷ୍ୟତରେ ନିରନ୍ତର ସବୁଜ ଶକ୍ତିର ଉତ୍ସ ଭାବେ ବ୍ୟବହାର କରାଯାଇପାରେ ବୋଲି  ବିଶେଷଜ୍ଞମାନେ ଆଶାପ୍ରକାଶ କରିଛନ୍ତି । ବ୍ୟକ୍ତିଗତ ପୋର୍ଟେବୁଲ୍ ବୈଦ୍ୟୁତିକ ସାମଗ୍ରୀ ପାଇଁ ଏହା ଗୁରୁତ୍ଵପୂର୍ଣ୍ଣ । ଏହାସହିତ ଇ-ବର୍ଜ୍ୟବସ୍ତୁ ହ୍ରାସ କରିବାରେ ଏହା ସମର୍ଥ ହେବ । ମାଛର କଣ୍ଟା ସାଧାରଣତଃ ଲୋକେ ଫୋପାଡ଼ି ଦେଇ ଥାଆନ୍ତି । ଏଥିରେ କୋଲାଜେନ୍ ଫାଇବର୍ ଭରପୂର ଥାଏ । ଏହି ଫାଇବର୍ ରେ ପିଏଜୋ ଇଲେକ୍ଟ୍ରିକ୍ ପ୍ରପର୍ଟି ଭରପୂର ଥାଏ ।  ଏଥିରେ ମେକାନିକାଲ୍ ପ୍ରୟୋଗ ଦ୍ଵାରା ତାହା ମଧ୍ୟରୁ ବିଦ୍ୟୁତ୍  ତରଙ୍ଗ ଉତ୍ପାଦନ କରାଯାଇ  ପାରିବ ।

ସବୁଜ ଶକ୍ତି

ଏହି ବାୟୋ ୱେଷ୍ଟରୁ ବିଶେଷଜ୍ଞମାନେ ଫ୍ଲେକ୍ସିବୁଲ୍ ବାୟୋ-ପିଏଜୋଇଲେକ୍ଟ୍ରିକ୍ ନନୋ ଜେନେରେଟର୍ (ବିପିଏମ୍ଜି) ସୃଷ୍ଟି କରିଥିଲେ । ଏ ସମ୍ପର୍କରେ ସୂଚନା ଦେଇ ବିଶ୍ଵବିଦ୍ୟାଳୟର ନାନୋ-ପିଏଜୋଇଲେକ୍ଟ୍ରିକ୍ ଡିଭାଇସ୍ ଲାବ୍ର ସହଯୋଗୀ ପ୍ରାଧ୍ୟାପକ ଦୀପଙ୍କର ମଣ୍ଡଳ କହିଛନ୍ତି ଯେ, ମାଛ ପ୍ରକ୍ରିୟାକରଣ ବଜାରରୁ ପ୍ରଥମେ ଏଥିଲାଗି ସେମାନେ ମାଛର ବର୍ଜ୍ୟବସ୍ତୁ ସଂଗ୍ରହ କରିଥିଲେ । ଏହାପରେ ସେଗୁଡ଼ିକୁ ବିଭିନ୍ନ ପ୍ରକ୍ରିୟା ଦେଇ ସ୍ଵଚ୍ଛ ଏବଂ ଫ୍ଲେକ୍ସିବୁଲ୍ ଭାବେ ପ୍ରସ୍ତୁତ କରାଯାଇଥିଲା । ଏଭଳି ଭାବେ ଏକ ବାୟୋ –ପିଏଜୋଇଲେକ୍ଟ୍ରିକ୍ ନାନୋ ଜେନେରେଟର୍ ବା ବିଦ୍ୟୁତ୍ ଉତ୍ପାଦନକାରୀ ଉପକରଣ ପ୍ରସ୍ତୁତ କରାଯାଇଥିଲା । ଉକ୍ତ ଉପକରଣରୁ ଉତ୍ପାଦିତ ଶକ୍ତିକୁ ଅତି ସହଜରେ ବ୍ୟବହାର କରାଯାଇ ପାରିବ । ଏହି ଆବିଷ୍କାର ବର୍ତ୍ତମାନ ସମୟରେ ବୃଦ୍ଧି ପାଉଥିବା ଇ-ବର୍ଜ୍ୟବସ୍ତୁର ମାତ୍ରା ହ୍ରାସ କରିବ ବୋଲି ମଣ୍ଡଳ ଆଶାବ୍ୟକ୍ତ କରିଛନ୍ତି ।  ଏହା ପ୍ରଦୂଷଣ ରୋକିବାରେ ମଧ୍ୟ ବିଶେଷ ଭାବେ ସହାୟକ ହେବ ବୋଲି ସେ କହିଛନ୍ତି । ଯାଦବପୁର ବିଶ୍ଵବିଦ୍ୟାଳୟର ଗବେଷକଙ୍କ ଏହି ଗବେଷଣା ସମ୍ପର୍କରେ ଜର୍ନାଲ୍ ଏପ୍ଲାଏଡ୍ ଫିଜିକ୍ସ ଲେଟର୍ସରେ ରିପୋର୍ଟ ପ୍ରକାଶ ପାଇଛି ।

ଆଧାର – ଦୈନିକ ଧରିତ୍ରୀ

2.5
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top