ହୋମ / ଶକ୍ତି / ଶକ୍ତି ସାମର୍ଥ / ସୋଲାର ସେଲରେ ଲାଗିବ ସିଲିକନର ବିକଳ୍ପ
ସେଆର କରନ୍ତୁ

ସୋଲାର ସେଲରେ ଲାଗିବ ସିଲିକନର ବିକଳ୍ପ

ବୈଜ୍ଞାନିକମାନେ ସୋଲାର ସେଲରେ ସିଲିକନ ବଦଳରେ ଆଉ ଏକ ମ୍ୟାଟେରିଆଲ ବ୍ୟବହାର କରିବାକୁ ଯାଉଛନ୍ତି ।

ସୋଲାର ସେଲ  ତିଆରି ପାଇଁ  ସହଜ

ବୈଜ୍ଞାନିକମାନେ ସୋଲାର ସେଲରେ ସିଲିକନ ବଦଳରେ  ଆଉ ଏକ  ମ୍ୟାଟେରିଆଲ  ବ୍ୟବହାର  କରିବାକୁ  ଯାଉଛନ୍ତି । ଏହା  ଅପେକ୍ଷାକୃତ  ଶସ୍ତା ଏବଂ ସୋଲାର ସେଲ  ତିଆରି ପାଇଁ  ସହଜ ହେବ ବୋଲି ବୈଜ୍ଞାନିକମାନେ  କହୁଛନ୍ତି    । ଏହି ବିକଳ୍ପ  ପଦାର୍ଥକୁ  ପେରୋସ୍କାଇଟ  କୁହାଯାଉଛି   । ଏହା ପୂର୍ବାପେକ୍ଷା  ଅଧିକ ଦକ୍ଷ ଏବଂ  ଗ୍ରହଣୀୟ  ହେବ  । ସିଙ୍ଗାପୁରସ୍ଥିତ ମ୍ୟାଟେରିଆଲସ  ରିସର୍ଚ୍ଚ  ଆଣ୍ଡ  ଇଞ୍ଜିନିୟରିଂ  ପ୍ରତିଷ୍ଠାନର  ଲିନ ଲିଓଙ୍ଗ  କହନ୍ତି    ।“ସିଲିକନ ଦ୍ଵାରା ପ୍ରସ୍ତୁତ  ସୋଲାର  ସେଲ  ଦୀର୍ଘ ଦିନ  ହେଲା  ଏହାର ଅସ୍ତିତ୍ଵ  ଜାହିର  କରିଆସୁଛି   ।

ଅଧିକ ଦକ୍ଷତା ରଖୁଥିବା ସୋଲାର ସେଲ

ତେବେ  ଏହା ଅପେକ୍ଷା  ଶସ୍ତା ଏବଂ ଅଧିକ ଦକ୍ଷତାର ସହ  କାର୍ଯ୍ୟ  କରୁଥିବା ଏକ ସୋଲାର ସେଲ  ପ୍ରସ୍ତୁତି ପାଇଁ  ବୈଜ୍ଞାନିକମାନେ  ପ୍ରୟାସ  କରୁଛନ୍ତି   ।” ସିଲିକନ ସୋଲାର ସେଲ  ପ୍ରସ୍ତୁତି  ଅଧିକ ଶ୍ରମସାପେକ୍ଷ   । ଏହା କାର୍ଯ୍ୟକ୍ଷମ ହେବାକୁ  ଅଧିକ  ତାପମାତ୍ରା  ଆବଶ୍ୟକ  କରେ   । ଅପରପକ୍ଷରେ  ପେରୋସ୍କାଇଟ  ସୋଲାର ସେଲରେ  ପ୍ରକ୍ରିୟା ଆପେକ୍ଷିକ  ଭାବେ  ସହଜ ଏବଂ ଏହାକୁ  ତିଆରି କରିବା  ସହଜ  । କିନ୍ତୁ ଏହାର ଦକ୍ଷତା  ସିଲିକନ ଦକ୍ଷତାର  ପାଖାପାଖି  । ଅର୍ଥାତ  ସିଲିକନ  ସେଲର  ଦକ୍ଷତା  ୨୫ ପ୍ରତିଶତ ହୋଇଥିବା ବେଳେ ସେତୁଳନାରେ  ପେରୋସ୍କାଇଟର ଦକ୍ଷତା ୨୨ ପ୍ରତିଶତ ଆକିନ୍ତୁ ଗବେଷକ  ମାନଙ୍କ  କହିବା ଅନୁଯାୟୀ ସିଲିକନ ସୋଲାର  ସେଲର ପ୍ରଭୁତ୍ଵ  ଏତେ  ଅଧିକ  ଯେ  , ଏହାର ବିକଳ୍ପ  ପ୍ରତି ଗବେଷକ ଓ ବ୍ୟବସାୟୀମାନଙ୍କୁ  ମନେଇବା କଷ୍ଟକର  ହୋଇପଡୁଛି  । ଏହି ନୂଆ  ଶ୍ରେଣୀର  ସୋଲାର   ସେଲ ମାତ୍ର  ୪ ବର୍ଷ ତଳର   । ବିଭିନ୍ନ ତାପମାତ୍ରା  ଏବଂ ଆଲୋକର  ବ୍ୟାପକତାରେ  ପେରୋସ୍କାଇଟ ସୋଲାର ସେଲର  ଦକ୍ଷତା  ମାପ କରି  ଗବେଷକମାନେ  ଏହାର ଗଠନ  ପଦ୍ଧତି  ଉପରେ  ସୂଚନା  ଦେଇଛନ୍ତି  । ଏହାକୁ  କେବଳ   ସାଧାରଣ ତାପମାତ୍ରାରେ  ପରୀକ୍ଷା  କରାଯାଇଛି  । ତେବେ ଛାତ  ଉପରେ  ସିଧାସଳଖ  ସୂର୍ଯ୍ୟକିରଣ ପାଇ ଅତି ଉଚ୍ଚ ତାପମାତ୍ରାରେ  ଏହା କାର୍ଯ୍ୟ କରିବ କି  ନା  ସେ ସମ୍ପର୍କରେ  ଲୋକମାନେ  ସନ୍ଦିହାନ  ଅଛନ୍ତି  ବୋଲି ଲିଓଙ୍ଗ  କହିଛନ୍ତି    ।

ଆଧାର : ଧରିତ୍ରୀ

3.5
ରୋଲ୍ଲ ଓଵେର ସ୍ତର୍ସ, ଅନ୍ଦ ଥେନ ଲିକ ତୋ ରତେ
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
Back to top