ହୋମ / ସ୍ଵାସ୍ଥ୍ୟ / ଜୀବନର ସନ୍ଦେଶ / କ୍ଷତରୁ ରକ୍ଷା ପାଇଁ ସାବଧାନତା
ସେଆର କରନ୍ତୁ

କ୍ଷତରୁ ରକ୍ଷା ପାଇଁ ସାବଧାନତା

କ୍ଷତରୁ ରକ୍ଷା ପାଇଁ ସାବଧାନତା ସୂଚନା ।

ଉପକ୍ରମ

ପ୍ରତି ବର୍ଷ ଶହ ଶହ ଶିଶୁ କ୍ଷତାକ୍ତ ହୋଇ ମୃତ୍ୟୁ ମୁଖରେ ପଡିଥାନ୍ତି । ଏହାଛଡା ହଜାର ହଜାର ଶିଶୁ ସାଂଘାତିକ ଭାବରେ କ୍ଷତାକ୍ତ ହୋଇଯାଆନ୍ତି । ବିଭିନ୍ନ ପ୍ରକାର କ୍ଷତର କାରଣରୁ ଶିଶୁ ସବୁଦିନ ପାଇଁ ଅକ୍ଷମ ହୋଇଯାଆନ୍ତି ଏବଂ ଏଥି ପାଇଁ ସେମାନଙ୍କ ମସ୍ତିଷ୍କକୁ କ୍ଷତି ପହଞ୍ଚିଥାଏ ।

କ୍ଷତାକ୍ତ ହେବା ହେଉଛି କମ୍ ବୟସର ଶିଶୁଙ୍କର ମୃତ୍ୟୁ ଓ ଅକ୍ଷମତାର ଏକ ମୁଖ୍ୟ କାରଣ । ପଡିଯିବା, ଜଳିଯିବା, ବୁଡିଯିବା କିମ୍ବା ଦୁର୍ଘଟଣାରୁ ଅଧିକାଂଶ କ୍ଷତ ହୋଇଥାଏ । ଏ ଭିତରୁ ଅଧିକାଂଶ କ୍ଷତ ଘର ଭିତରେ କିମ୍ବା ପାଖାପାଖି ସ୍ଥାନରେ ହୋଇଥାଏ । ପ୍ରାୟତଃ ଏ ସବୁଠାରୁ ଶିଶୁକୁ ସୁରକ୍ଷା ଦିଆଯାଇପାରିବ । ଯଦି ବାପା ମାଆଙ୍କୁ ଜଣାଥିବା, ଯେ କ୍ଷତ ହେଲେ କଣ କରାଯିବା ଉଚିତ୍ ତେବେ ଏଥିରୁ କ୍ଷତର ପ୍ରଭାବ କମ୍ କରାଯାଇପାରିବ ।

ମୁଖ୍ୟ ସୂଚନା

  • ଯଦି ପିତାମାତା ବା ଯତ୍ନ ନେଉଥିବା ବ୍ୟକ୍ତି ଛୋଟ ପିଲା ଉପରେ ଅତି ସାବଧାନତାର ସହ ନଜର ରଖିବେ ଏବଂ ତାଙ୍କର ଚତୁଃପାର୍ଶ୍ଵର ଅବସ୍ଥାକୁ ସୁରକ୍ଷିତ ରଖିବେ, ତେବେ ଶିଶୁକୁ ସାଂଘାତିକ କ୍ଷତରୁ ବଞ୍ଚାଯାଇପାରିବା ।
  • ଶିଶୁଙ୍କୁ ନିଆଁ, ଖାଦ୍ୟ ରନ୍ଧା ଯାଉଥିବା ଷ୍ଟୋଭ, ଲଣ୍ଠଣ, ଡିଆସିଲି କିମ୍ବା ବିଦ୍ୟୁତ ଉପକରଣ ଠାରୁ ଦୂରେଇ ରଖିବା ଉଚିତ୍ ।
  • ଛୋଟ ଶିଶୁକୁ ଉଚ୍ଚ ସ୍ଥାନ ଉପରେ ଚଢିବାକୁ ଭଲ ଲାଗେ । ତେଣୁ ସିଡି ଛାତ, ଝରକା ଏବଂ ପିଲାଙ୍କ ଖେଳିବା ସ୍ଥାନକୁ ସୁରକ୍ଷିତ ରଖିବା ଉଚିତ୍, ଯେମିତି କି ସେ ପଡି ନଯିବ
  • ଛୁରୀ, କଇଁଚି ବା ଧାର ଥିବା ଜିନିଷ କିମ୍ବା ଭଙ୍ଗା କାଚ ଗଭୀର କ୍ଷତ ପହଞ୍ଚାଇ ଥାଏ । ଏସବୁ ଜିନିଷକୁ ଶିଶୁ ଠାରୁ ଦୂରରେ ରଖିବା ଦରକାର, ଯାହାଫଳରେ କି ସେମାନେ ଏଗୁଡ଼ିକୁ ଗିଳି ପାରିବେ ନାହିଁ ।
  • ବିଷ ଔଷଧ, ଏସିଡ୍ ଏବଂ କିରୋସିନୀ ଯେମିତିକି ତରଳ ଇନ୍ଧନ, କେବେ ବି ପିଉଥିବା ପାଣି ବୋତଲରେ ରଖିବା ନାହିଁ । ଏହିସବୁ ତରଳପଦାର୍ଥକୁ ଡବାରେ ଚିହ୍ନ ଦେଇ ଶିଶୁଙ୍କ ନଜର ଠାରୁ ଦୂରରେ ରଖିବା ଦରକାର ।
  • ପିଲାମାନେ ଅଳ୍ପ ପାଣିରେ ଅଳ୍ପ ସମୟ ମଧ୍ୟରେ ବୁଡିଯାଇପାରନ୍ତି । ସେମାନଙ୍କୁ ପାଣି ଭିତରେ କିମ୍ବା ପାଣି ପାଖରେ ଏକୁଟିଆ ଛାଡିବା ଉଚିତ୍ ନୁହେଁ ।
  • ସାଧାରଣତଃ ପାଞ୍ଚ ବର୍ଷରୁ ଛୋଟ ପିଲାଙ୍କୁ ରାସ୍ତାରେ କ୍ଷତ ହେବାରେ ଅଧିକ ସମ୍ଭାବନା ଥାଏ । ତାଙ୍କ ସହିତ ସର୍ବଦା ବଡ ଲୋକ ରହିବା ଦରକାର । ସେମାନେ ଯେତେବେଳେ ଚାଲିବା ଶିଖିବା ଆରମ୍ଭ କରିବେ, ସେମାନଙ୍କୁ ରାସ୍ତାରେ ସାବଧାନରେ ଚାଲିବା ଶିଖାଇବା ଦରକାର ।

ସମସ୍ତେ ଜାଣିବା ଦରକାର

  • ଯଦି ପିଲାମାନେ ବିଷ ପିଇ ଦେଇଥାନ୍ତି ତେବେ ତାଙ୍କୁ ବାନ୍ତି କରାଇବା ନାହିଁ । ଏଥି ଯୋଗୁଁ ଶିଶୁ ଆହୁରି ଅସୁସ୍ଥା ହୋଇଥାଏ ।
  • ଶିଶୁକୁ ଶୀଘ୍ର ସ୍ୱାସ୍ଥ୍ୟ କେନ୍ଦ୍ର ବା ଡାକ୍ତରଖାନା ନେଇଯିବ, ଯଦି ସମ୍ଭବ ହୁଏ ତା ହେଲେ ନିଜ ସହିତ ବିଷ ବା ଔଷଧ ନମୁନା କିମ୍ବା ତାର ଡବା ମଧ୍ୟ ନେଇଯିବ । ଶିଶୁକୁ ସ୍ଥିର ରଖିବା ଯେତେଦୂର ସମ୍ଭବ ତାକୁ ଦୋହଲାଇବେ ନାହିଁ ।

ଆଧାର - ନ୍ୟାସନାଲ ହେଲଥ ମିଶନ

2.88888888889
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top