ହୋମ / ସ୍ଵାସ୍ଥ୍ୟ / ଜୀବନର ସନ୍ଦେଶ / ନିୟନ୍ତ୍ରଣରେ ରହିବ ମଧୁମେହ
ସେଆର କରନ୍ତୁ

ନିୟନ୍ତ୍ରଣରେ ରହିବ ମଧୁମେହ

ନିୟନ୍ତ୍ରଣରେ ରହିବ ମଧୁମେହ ର ସୂଚନା

ଖାଦ୍ୟପେୟ

ଥରେ ମଧୁମେହ  ରୋଗ   ଚିହ୍ନଟ  ହେଲେ  ଖାଦ୍ୟପେୟରେ  କିଛିଟା  ପରିବର୍ତ୍ତନ  କରିବାକୁ  ପଡିଥାଏ   । ଏହି  ରୋଗୀମାନେ ମଧ୍ୟ  ସୁସ୍ଥ  ଲୋକଙ୍କ  ଭଳି  ସମସ୍ତ  ଖାଦ୍ୟ  ଖାଇପାରିବେ   । କିନ୍ତୁ  ଖାଇବା  ବେଳେ  କିଛିଟା  ଦିଗପ୍ରତି  ନିଶ୍ଚିତ  ରୂପେ  ଧ୍ୟାନ  ଦେବା  ଆବଶ୍ୟକ   ।

-          ଠିକ୍ ସମୟରେ  ଖାଆନ୍ତୁ   ।

-          ପେଟ  ଭର୍ତ୍ତି  କରି  ନଖାଇ  ଅଳ୍ପ  ଅଳ୍ପ  କରି  ଖାଆନ୍ତୁ   ।

-          ନିଜ  ରକ୍ତରେ  ଶର୍କରା  ପରିମାଣ  ଅନୁସାରେ  ଡାକ୍ତରଙ୍କ  ସହ  ପରାମର୍ଶ  କରି   କେଉଁ  ଖାଦ୍ୟ  କେତେ  ପରିମାଣରେ  ଖାଇବେ   ଏହାର  ତାଲିକା  ପ୍ରସ୍ତୁତ  କରନ୍ତୁ   ।

-          ଆଦୌ  ଉପବାସ  କରନ୍ତୁ  ନାହିଁ   ।

-          ଅଧିକ  ଶର୍କରାଯୁକ୍ତ  ଖାଦ୍ୟ  ସମେତ  ତେଲ  ମସଲା  ଯୁକ୍ତ  ଖାଦ୍ୟ  ଖାଆନ୍ତୁନାହିଁ   ।

-          ଖାଇବାରେ  ଅଧିକ  ପରିମାଣର  ସବୁଜ  ପନିପରିବା   ଖାଇବା  ଉଚିତ  ।

ଜୀବନଶୈଳୀ

ଡାକ୍ତରୀ  ଔଷଧ  ଏବଂ  ଖାଦ୍ୟପେୟରେ  ନିୟନ୍ତ୍ରଣ  କରିବା  ସହିତ  ସଠିକ୍  ଜୀବନଶୈଳୀ  ଅତିବାହିତ  କଲେ  ମଧୁମେହ  ରୋଗ  ଆପେ  ନିୟନ୍ତ୍ରଣରେ  ରହିଥାଏ   ।

-          ପ୍ରତିଦିନ  ବ୍ୟାୟାମ  କରିବା  ସହ  ଓଜନ  ଅଧିକ  ଥିଲେ  ତୁରନ୍ତ  କମାନ୍ତୁ    ।

-          ପ୍ରତିଦିନ  ୩୦ ମିନିଟ  ଚାଲିବାର  ଅଭ୍ୟାସ  କରନ୍ତୁ   ।

-          ମାନସିକ  ଚାପଠାରୁ  ଯଥାସମ୍ଭବ  ଦୂରେଇ   ରୁହନ୍ତୁ   ।

-          ଧୂମପାନ  ଏବଂ  ମଦ୍ୟପାନ  ସମ୍ପୂର୍ଣ୍ଣ  ବନ୍ଦ   କରନ୍ତୁ   ।

ଔଷଧ

ମଧୁମେହ  ରୋଗକୁ   ନିୟନ୍ତ୍ରଣରେ  ରଖିବା  ପାଇଁ  ଡାକ୍ତର  ବଟିକା  କିମ୍ବା  ଇନ୍ ସୁଲିନ  ଇଞ୍ଜେକସନ  ନେବାକୁ  ପରାମର୍ଶ  ଦେଇଥା’ନ୍ତି  । ରକ୍ତରେ  ଶର୍କରା  ପରିମାଣ  ଅଧିକ  ଥିଲେ  କିମ୍ବା  ଅନ୍ୟ  କୌଣସି  ସ୍ୱାସ୍ଥ୍ୟଗତ   ସମସ୍ୟା  ଥିଲେ  ଡାକ୍ତର  ଇନସୁଲିନ  ଇଞ୍ଜେକସନ  ନେବାକୁ   ପରାମର୍ଶ   ଦେଇଥାନ୍ତି    । ଯଦି  ଆପଣ  ଇନସୁଲିନ  ଇଞ୍ଜେକସନ   ନେଉଛନ୍ତି  ତେବେ

-          ପ୍ରତିଦିନ  ଏକ  ଠିକ୍  ସମୟରେ  ଏହାକୁ  ନିଅନ୍ତୁ

-          ଇନସୁଲିନ  ନେବା  ପରେ  ଅଧିକ  ସମୟ  ଖାଲି  ପେଟରେ   ନରହି  ଖାଇ   ଦିଅନ୍ତୁ

-          ଦୂର  ଯାତ୍ରା  କରୁଥିଲେ  କିମ୍ବା  ବାହାରେ  ଥିଲେ  ଇନସୁଲିନ  ଇଞ୍ଜେକସନ  ସାଙ୍ଗରେ  ନେଇ  କରି  ଯାଆନ୍ତୁ , କିନ୍ତୁ  ସୂର୍ଯ୍ୟ  କିରଣ  ବା  ଖରା  ଠାରୁ  ଏହାକୁ  ଦୂରେଇ   ରଖନ୍ତୁ    ।

ଡାକ୍ତରୀ  ପରୀକ୍ଷା

ଦୀର୍ଘଦିନ  ଧରି  ମଧୁମେହ  ରୋଗରେ  ପୀଡିତ  ହେବା  ଫଳରେ  କିମ୍ବା  ଅନିୟନ୍ତ୍ରିତ  ମଧୁମେହ  କାରଣରୁ  ଏହା  ଧୀରେ ଧୀରେ  ଆମ  ଶରୀରର  ରକ୍ତହୀନତା  ଗୁଡିକୁ  ପ୍ରଭାବିତ  କରିଥାଏ   । ଯେହେତୁ  ରକ୍ତନଳୀ  ଆମ  ଶରୀରର   ସମସ୍ତ  ଅଙ୍ଗପ୍ରତ୍ୟଙ୍ଗ  ସହ  ଜଡିତ , ସେଥିପାଇଁ  ମଧୁମେହ  ରୋଗର  କୁପ୍ରଭାବ  ମୁଣ୍ଡଠାରୁ  ଆରମ୍ଭ  କରି  ପାଦ  ଯାଏଁ  ସମସ୍ତ  ଅଙ୍ଗ  ଉପରେ  ପଡିଥାଏ   । ସେଥିପାଇଁ   ଡାକ୍ତରଙ୍କ  ପରାମର୍ଶରେ  ସ୍ୱାସ୍ଥ୍ୟ  ପରୀକ୍ଷା  କରାଇବା  ଉଚିତ   ।

୧. ରକ୍ତଚାପ  ପରୀକ୍ଷା - ଡାକ୍ତରଙ୍କ  ପାଖକୁ   ଯିବା  ବେଳେ  ନିଶ୍ଚିତ  ଭାବରେ  ରକ୍ତଚାପ   ପରୀକ୍ଷା   କରାଇ  ନିଅନ୍ତୁ   ।

୨. ଏଚ୍ ବିଏୱାନସି  ପରୀକ୍ଷା  - ଡାକ୍ତରଙ୍କ  ପରାମର୍ଶରେ  ୩ ମାସରେ  ଥରେ   ଏଚ୍ ବିଏୱାନସି  ପରୀକ୍ଷା  କରାଇ  ନିଅନ୍ତୁ   ।

୩. ଚକ୍ଷୁ  ପରୀକ୍ଷା – ବର୍ଷକୁ  ଥରେ  ଆଖିର  ରକ୍ତନଳୀର  ପରୀକ୍ଷା  କରାଇ  ନିଅନ୍ତୁ   ।

୪. ପାଦ  ପରୀକ୍ଷା  - ପ୍ରତିଦିନ  ନିଜେ  ନିଜର  ପାଦ   ଦ୍ଵାରା  ଏବଂ  ବର୍ଷକୁ  ଥରେ  ଡାକ୍ତରଙ୍କ   ଦ୍ଵାରା  ପାଦ  ପରୀକ୍ଷା  କରାନ୍ତୁ   ।

୫. ବୃକକ୍ ପରୀକ୍ଷା  - ଡାକ୍ତରଙ୍କ  ପରାମର୍ଶରେ  ବର୍ଷକୁ  ଥରେ  ବୃକକ୍  ପରୀକ୍ଷା   କରାଇ  ନିଅନ୍ତୁ  ।

୬. ହୃତ୍ ପିଣ୍ଡ  ପରୀକ୍ଷା  - ବର୍ଷକୁ  ଥରେ  ହୃତ୍ ପିଣ୍ଡର  ପରୀକ୍ଷା  କରନ୍ତୁ  । ମଧୁମେହ   ରୋଗୀମାନେ   ଏହିସବୁ   ଛୋଟ  ଛୋଟ  କିନ୍ତୁ  ଗୁରୁତ୍ଵପୂର୍ଣ୍ଣ   ଦିଗପ୍ରତି   ଯଥେଷ୍ଟ  ମାତ୍ରାରେ   ଧ୍ୟାନ   ଦିଅନ୍ତୁ  ଫଳରେ  ଏହି  ରୋଗକୁ   ନିୟନ୍ତ୍ରଣରେ  ରଖାଯାଇପାରିବ   ।

ସଂଗୃହିତ: ଡାକ୍ତର  ସମ୍ବିତ  ଦାସ

2.84
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top