ହୋମ / ସ୍ଵାସ୍ଥ୍ୟ / ଶିଶୁ ସ୍ଵାସ୍ଥ୍ୟ / ତରଳ ଝାଡାର ଉପଚାର
ସେଆର କରନ୍ତୁ

ତରଳ ଝାଡାର ଉପଚାର

ତରଳ ଝାଡା ହେଳେ କଣ କରିବେ ସେ ସମ୍ବନ୍ଧରେ ସୂଚନା ।

ଉପକ୍ରମ

ତରଳ ଝାଡା ହେବା ଯୋଗୁଁ ଶରୀରର ଜଳୀୟ ଅଂସ କମିଯାଇଥାଏ ଏବଂ ଶିଶୁ ପୁଷ୍ଟିହୀନତାର ଶିକାର ହୋଇଥାଏ । ଏହି କାରଣରୁ ସମଗ୍ର ବିଶ୍ଵରେ ପ୍ରତିବର୍ଷ ଦଶ ଲକ୍ଷରୁ ଅଧିକ ଶିଶୁଙ୍କର ମୃତ୍ୟୁ ଘଟିଥାଏ । ତରଳ ଝାଡା ହେବା ଦ୍ଵାରା ବଡ ଲୋକଙ୍କ ତୁଳନାରେ ଶିଶୁଙ୍କର ମୃତ୍ୟୁ ବରଣ କରିବାର ଅଧିକ ଆଶଙ୍କା ରହିଥାଏ, କାହିଁକି ନା ଶିଶୁଙ୍କ ଶରୀରର ବହୁତ ଶୀଘ୍ର ଜଳୀୟ ଅଂସ କମିଯାଏ ।

ପାଟି ପଟେ ଶରୀରକୁ ଯାଉଥିବା କୀଟାଣୁ ଦ୍ଵାରା ତରଳ ଝାଡା ବ୍ୟାପି ଥାଏ । ଯେଉଁସବୁ ସ୍ଥାନରେ ସଠିକ୍ ଭାବେ ମଳମୂତ୍ର ନିଷ୍କାସନ ହେବାର ବ୍ୟବସ୍ଥା ନଥାଏ, ପରିଷ୍କାର ଏବଂ ସ୍ଵଚ୍ଛ ପାନୀୟ ଜଳର ଅଭାବ ରହିଥାଏ, ସାଧାରଣତଃ ସେହିସବୁ ସ୍ଥାନରେ ତରଳ ଝାଡା ଅଧିକ ବ୍ୟାପିବାର ଆଶଙ୍କା ଥାଏ । କେବଳ ସ୍ତନ୍ୟପାନ କରୁଥିବା ଶିଶୁମାନଙ୍କୁ ପ୍ରାୟତଃ ତରଳ ଝାଡା ହେବାର ସମ୍ଭାବନା ନଥାଏ ।

ମୁଖ୍ୟ ସୂଚନା

  • ତରଳ ଝାଡା ଶିଶୁର ଶରୀରରୁ ଜଳୀୟ ଅଂଶ ହ୍ରାସକରି ତା’ର ଜୀବନ ନେଇଯାଏ । ଏଥିପାଇଁ ତରଳ ଝାଡା ହେବା ମାତ୍ରେ ଶିଶୁକୁ ଅଳ୍ପ ମାତ୍ରାରେ ଖାଦ୍ୟ ପାନୀୟ ଦେବା ସହ କିଛି ଅଧିକ ମାତ୍ରାରେ ତରଳ ପଦାର୍ଥ ପିଆଇବା ଦରକାର ।
  • ଯଦି ଏକ ଘଣ୍ଟା ମଧ୍ୟରେ ଶିଶୁଟିର ବହୁବାର ତରଳ ଝାଡା ହୋଇଯାଏ ବା ତା’ର ମାଳରେ ରକ୍ତ ପଡେ ତାହା ହେଲେ ତା’ର ଜୀବନ ପ୍ରତି ବିପଦ ଆସିପାରେ । ପ୍ରଶିକ୍ଷିତ ସ୍ୱାସ୍ଥ୍ୟକର୍ମୀଙ୍କ ଠାରୁ ତୁରନ୍ତ ସାହାଯ୍ୟ ନେବା ଉଚିତ୍ ।
  • ଶିଶୁର ତରଳ ଝାଡା ଆରମ୍ଭ ହେବା ମାତ୍ରେ ସ୍ତନ୍ୟପାନ କରାଇଲେ ସାଧାରଣତଃ ତରଳଝାଡାର ମାରାତ୍ମକ ପ୍ରଭାବ କମିଯାଏ ଏବଂ କମ୍ ଥର ତରଳ ଝାଡା ହୋଇଥାଏ ।
  • ତରଳ ଝାଡା ହେବା ସତ୍ତ୍ୱେ ଶିଶୁକୁ ନିୟମିତ ଭାବେ ଖାଦ୍ୟ ଖୁଆଇବା ଦରକାର । ତରଳ ଝାଡା ବନ୍ଦ ହେବାପରେ, ଶିଶୁକୁ ଅତିକମ୍ ରେ ଦୁଇ ସପ୍ତାହ ପର୍ଯ୍ୟନ୍ତ ପୂର୍ବାପେଷା ଦୈନିକ ଅତି କମ୍ ରେ ଏକ ଥର ଅଧିକ ଖାଦ୍ୟ ଖୁଆଇବା ଦରକାର ।
  • ବହୁତ ଅଧିକ ବା ବରମ୍ଭାର ତରଳ ଝାଡା ହେବା କାରଣରୁ ଯଦି ଶିଶୁର ଶରୀରରେ ଜଳୀୟ ଅଂଶ ହ୍ରାସ ପାଏ ତେବେ କେବଳ ପାଣି, ଲୁଣ ଏବଂ ଚିନିର ମିଶ୍ରଣ (ଜୀବନ ରକ୍ଷକ ମିଶ୍ରଣ ) ବା ପ୍ରଶିକ୍ଷିତ ସ୍ୱାସ୍ଥ୍ୟକର୍ମୀଙ୍କର ପରାମର୍ଶ ଅନୁଯାୟୀ ଔଷଧ ଦେବା ଦରକାର । ସାଧାରଣତଃ ଅନ୍ୟ ଔଷଧଗୁଡିକ କୌଣସି ପ୍ରଭାବ ପକାଇ ନଥାଏ ବରଂ ଶିଶୁକୁ କ୍ଷତି ପହଞ୍ଚାଇବାର ଆଶଙ୍କା ଥାଏ ।
  • ତରଳ ଝାଡା ଣ ବ୍ୟାପିବା ପାଇଁ ପାଇଖାନା/ ଶୌଚାଳୟାରେ ମଳତ୍ୟାଗ କରିବା ଉଚିତ୍ ବା ମାଟିରେ ପୋତିଦେବା ଦରକାର ।
  • ପରିଚ୍ଛନ୍ନତାର ସୁରକ୍ଷିତ ଅଭ୍ୟାସ ଆପଣେଇବା ଦ୍ଵାରା ତରଳ ଝାଡାରୁ ରକ୍ଷା ମିଳେ । ମଳ ସଫା କରିବା ପରେ ଏବଂ ଖାଦ୍ୟକୁ ଛୁଇଁବା ଅଥବା ଶିଶୁଙ୍କୁ ଖାଦ୍ୟ ଖୁଆଇବା ପୂର୍ବରୁ ହାତକୁ ସାବୁନ ଏବଂ ପାଣି କିମ୍ବା ପାଉଁଶ ଓ ପାଣିରେ ଭଲ ଭାବରେ ଢୋଇବା ଦରକାର ।

ସମସ୍ତେ ଜାଣିବା ଦରକାର

ଓଆରଏସ୍ – ଓଆରଏସ୍ ଶୁଷ୍କ ଲବଣର ଏପରି ଏକ ମିଶ୍ରଣ, ଯାହାକୁ ସ୍ଵଚ୍ଛ ପାଣିରେ ସଠିକ୍ ଅନୁପାତରେ ଗୋଳାଇକରି ପିଇଲେ ତରଳ ଝାଡା ଯୋଗୁଁ ଶରୀରରେ ସୃଷ୍ଟି ହୋଇଥିବା ଜଳୀୟ ଅଂଶର ଅଭାବକୁ ପୂରଣ କରାଯାଇପାରେ । ଏହି ପ୍ୟାକେଟ୍ ସ୍ୱାସ୍ଥ୍ୟକେନ୍ଦ୍ର, ଔଷଧ ଦୋକାନ ଏବଂ ଅନ୍ୟ କେତେକ ଦୋକାନଗୁଡିକରେ ମଧ୍ୟ ମିଳେ ।

ଓଆରଏସ୍ ମିଶ୍ରଣ କିପରି ପ୍ରସ୍ତୁତ କରିବା ?

ଓଆରଏସ୍ ପ୍ୟାକେଟ୍ ର ଗୁଣ୍ଡକୁ ଏକ ସ୍ଵଚ୍ଛ ପାତ୍ରରେ ଢାଳନ୍ତୁ । ପ୍ୟାକେଟ୍ ଉପରେ ଲେଖାଯାଇଥିବା ନିର୍ଦ୍ଦେଶାବଳୀ ଅନୁଯାୟୀ ଏଥିରେ ସଠିକ ଅନୁପାତରେ ସ୍ଵଚ୍ଛ ପାଣି ମିଶାନ୍ତୁ । ମିଶ୍ରଣକୁ ଭଲଭାବରେ ଗୋଳାଇକରି ଏକ ପରିଷ୍କାର ପାତ୍ରରେ ଶିଶୁଙ୍କୁ ପିଆନ୍ତୁ ।

ଓଆରଏସ୍ ଗୁଣ୍ଡକୁ କେବଳ ପାଣିରେ ହିଁ ଗୋଳାନ୍ତୁ । ଓଆରଏସ୍ କୁ କ୍ଷୀର, ସୁପ୍ , ଫଳରସ ବା ଥଣ୍ଡା ପାନୀୟରେ ଗୋଳାନ୍ତୁ ନାହିଁ । ଏଥିରେ ଚିନି ମିଶାନ୍ତୁ ନାହିଁ । ଓଆରଏସ୍ ମିଶ୍ରଣକୁ ବୋତଲରେ ନପିଆଇ ଏକ ସଫା କପ୍ ରେ ଶିଶୁଙ୍କୁ ପିଆନ୍ତୁ । ଯଦି ତରଳ ଝାଡା ଏକ ସପ୍ତାହ ପରେ ମଧ୍ୟ ନକମେ ତେବେ ତାଲିମ୍ ପ୍ରାପ୍ତ ସ୍ୱାସ୍ଥ୍ୟକର୍ମୀଙ୍କର ପରାମର୍ଶ ନେବା ଉଚିତ୍ । ଶରୀରରେ ଜଳୀୟ ଅଂଶର ପରିମାଣ ବହୁତ କମ୍ ହୋଇଗଲେ ଶିଶୁର ଅବସ୍ଥା ଖରାପ ହୋଇପାରେ ।

ତେବେ ପରିମାଣର ଓଆରଏସ୍ ମିଶ୍ରିଣ ପିଆଇବେ ?

ଶିଶୁକୁ ଅଧିକରୁ ଅଧିକ ମିଶ୍ରଣ ପିଆଇବା ଦରକାର । ପ୍ରତି ତରଳ ଝାଡା ହେବା ପରେ ଦୁଇ ବର୍ଷରୁ ଛୋଟ ଶିଶୁଙ୍କୁ ଅତିକମ୍ ରେ ଏକ ଚତୁର୍ଥାଂଶ ବା ବଡ କପ୍ ର ଅଧା ଓଆରଏସ୍ ମିଶ୍ରଣ ପିଆଇବା ଜରୁରୀ । ଦୁଇବର୍ଷ ବା ତଦୁର୍ଦ୍ଧ୍ଵ ଶିଶୁଙ୍କୁ ପ୍ରତି ତରଳ ଝାଡା ହେବାପରେ ଅତିକମ୍ ରେ ଅଧା ବା ପୂର୍ଣ୍ଣ ବଡ କପ୍ ଓଆରଏସ୍ ମିଶ୍ରଣ ପିଆଇବା ଜରୁରୀ ଅଟେ ।

ତରଳ  ଝାଡା  ଯୋଗୁଁ  ଜଳଶୂନ୍ୟତା  ଏବଂ  ମନ୍ଦପୁଷ୍ଟି  ହେବା  ଫଳରେ  ପ୍ରତି  ବର୍ଷ  ପ୍ରାୟ  ଏକ  ନିୟୁତ  ଶିଶୁ  ମରୁଛନ୍ତି   । ବଡଙ୍କ  ଅପେକ୍ଷା  ଶିଶୁମାନେ  ବେଶୀ  ମରନ୍ତି, କାରଣ  ସେମାନଙ୍କ  ଦେହ  ଜଳଶୂନ୍ୟ  ହୋଇଯାଏ   । କେବଳ  ତରଳ  ଝାଡାରୁ  ହେଉଥିବା  ଜଳଶୂନ୍ୟତା  ଯୋଗୁଁ  ଦୁଇଶହ  ଶିଶୁଙ୍କ  ଭିତରୁ  ଜଣକର  ମୃତ୍ୟୁ  ହୋଇଥାଏ ।  ତରଳ  ଝାଡା  ଜୀବାଣୁ  ଦ୍ଵାରା  ହୋଇଥାଏ ଓ ଏହି  ଜୀବାଣୁ  ମଳ  ବାଟ  ଦେଇ  ଆସିଥାଏ  । ମୁଖ୍ୟତଃ  ଏଠି  ସେଠି  ଖୋଳାରେ  ଝାଡା  ଫେରିବା, ଅସ୍ଵାସ୍ଥ୍ୟକର  ଅଭ୍ୟାସ, ପରିଷ୍କାର ପିଇବା  ପାଣିର  ଅଭାବ  ଏବଂ  ଶିଶୁକୁ  ମା’କ୍ଷୀର  ଦିଆଯାଉ ନଥିଲେ  ତରଳ  ଝାଡା  ହୋଇଥାଏ । ମା’କ୍ଷୀର  ଖାଉଥିବା  ଶିଶୁକୁ  ପ୍ରାୟ  ତରଳ  ଝାଡା  ହୁଏନାହିଁ ।

ଯଦି  ସରକାରଓ  ବେସରକାରୀ  ସଂସ୍ଥାଙ୍କ  ସହ  ପରିବାର  ଏବଂ  ଗୋଷ୍ଠୀ  ଏକାଠି  ମିଶି  କାମ  କରିବେ  ତେବେ  ଅବସ୍ଥାକୁ   ଅନେକ  ପରିମାଣରେ  ସୁଧାରି  ପାରିବେ ।

ପ୍ରତ୍ୟକ  ପରିବାର  ଓ  ଗୋଷ୍ଠୀର  ଅଧିକାର ପାଇଁ ସୂଚନା

  1. ଦେହର  ଜଳୀୟ  ଅଂଶ  ଚାଲିଯିବା  ବା  ଜଳଶୂନ୍ୟତା  ଯୋଗୁଁ  ତରଳ  ଝାଡାରେ  ଶିଶୁର  ମୃତ୍ୟୁ  ହୁଏ   । ତେଣୁ  ତରଳ  ଝାଡା  ଆରମ୍ଭ  ହେବା  ମାତ୍ରେ  ଶିଶୁକୁ  ଅଧିକ  ପରିମାଣର  ପାଣି  ଏବଂ  ନିୟମିତ  ଖାଦ୍ୟ  ଓ  ପାନୀୟ  ଦିଆଯିବା  ଉଚିତ   ।
  2. ଯଦି  ଘଣ୍ଟାକ  ଭିତରେ  ଅନେକ  ଥର  ତରଳ  ଝାଡା  ହୁଏ  କିମ୍ବା  ଝାଡାରେ  ରକ୍ତ  ପଡେ  ତେବେ  ଶିଶୁର  ଜୀବନ  ପ୍ରତି  ବିପଦ  ଆସିଥାଏ   । ସାଙ୍ଗେ  ସାଙ୍ଗେ  ଜଣେ  ପ୍ରଶିକ୍ଷିତ  ସ୍ଵାସ୍ଥ୍ୟକର୍ମୀଙ୍କ  ସହାୟତା  ନେବା  ଦରକାର   ।
  3. ମା’କ୍ଷୀର  ଦେଲେ  ତରଳ  ଝାଡା  ହେବା  ଏବଂ  ତା’ର  ତୀବ୍ରତା  ଅନେକ  ପରିମାଣରେ  କମି  ଯାଇପାରେ   ।
  4. ତରଳ  ଝାଡା  ଫେରୁଥିବା  ଶିଶୁ  ତା’ର  ସାଧାରଣ  ଖାଦ୍ୟ  ଖାଇବା  ଜରୁରୀ  । ତରଳ  ଝାଡାର  ଚିକିତ୍ସା  ସମୟରେ  ଦୁଇ  ସପ୍ତାହ  ଯାଏଁ ଶିଶୁକୁ  ଦିନକୁ  ଅନ୍ତତଃ  ଗୋଟିଏ  ଥର  ଅଧିକା  ଖାଦ୍ୟ  ଦେବା  ଆବଶ୍ୟକ   ।
  5. ତରଳ ଝାଡା  ଯୋଗୁଁ  ଶିଶୁ  ଦେହରେ  ଜଳଶୂନ୍ୟତା  ଦେଖାଦିଏ  ତେବେ  କେବଳ  ପ୍ରଶିକ୍ଷିତ  ସ୍ଵାସ୍ଥ୍ୟକର୍ମୀଙ୍କ  ପରାମର୍ଶ  ଅନୁସାରେ  ତରଳ  ପାନୀୟ  ଏବଂ  ଔଷଧ  ଦିଆଯିବା  ଦରକାର  । ତରଳା  ଝାଡାର  ଅନ୍ୟ  ଔଷଧଗୁଡିକ  ସାଧାରଣତଃ  କାମ  କରେନାହିଁ   ଏବଂ  ତାହା  ଶିଶୁ  ପାଇଁ  କ୍ଷତିକାରକ  ମଧ୍ୟ  ହୋଇପାରେ    ।
  6. ତରଳ ଝାଡା  ପ୍ରତିରୋଧ  ପାଇଁ  ପାଇଖାନା  ବ୍ୟବହାର  କରିବା  କିମ୍ବା  ମଳକୁ  ପୋତିଦେବା  ଦରକାର । ସ୍ଵାସ୍ଥ୍ୟକର ଜୀବନ  ଧାରଣ  ପ୍ରକ୍ରିୟା  ତରଳ  ଝାଡାରୁ  ବଞ୍ଚାଇ  ଥାଏ  । ଝାଡା  ଫେରିବା  ପରେ  ଓ  ଖାଦ୍ୟ  ଖାଇବା  ବା  ଛୁଆକୁ  ଖୁଆଇବା  ଆଗରୁ ହାତକୁ  ସାବୁନ , ପାଉଁଶ  ଆଦିରେ  ଭଲ  କରି  ଧୋଇବା  ଜରୁରୀ   ।
  7. ଦେହର  ଜଳୀୟ  ଅଂଶ  ଚାଲିଯିବା  ବା  ଜଳଶୂନ୍ୟତା  ହେବା  ଯୋଗୁଁ  ତରଳ  ଝାଡାରେ  ଶିଶୁର  ମୃତ୍ୟୁ  ହୁଏ  । ତେଣୁ  ତରଳ  ଝାଡା  ଆରମ୍ଭ  ହେବା  ମାତ୍ରେ  ଶିଶୁକୁ  ଅଧିକ  ପରିମାଣର  ପାଣି  ଏବଂ  ନିୟମିତ  ଖାଦ୍ୟ  ଓ  ପାନୀୟ  ଦିଆଯିବା  ଉଚିତ  ।
  8. ଯଦି  ଜଣେ  ଶିଶୁର  ଦିନକୁ  ତିନି  ବା  ତା’ଠାରୁ  ଅଧିକ  ଥର  ପାଣିଆ  ଝାଡା  ହୁଏ  ତେବେ  ଆମେ  ଜାଣିବା  ଯେ  ତାକୁ  ତରଳ  ଝାଡା  ହୋଇଛି   ।

କେତେକ  ଲୋକ  ବିଶ୍ଵାସ  କରନ୍ତି  ଯେ  ତରଳ ଝାଡା  ସମୟରେ  ପାଣି  ପିଇଲେ  ଅଧିକ  କ୍ଷତି  ହୁଏ  । କିନ୍ତୁ  ଏହା  ଠିକ୍ ନୁହେଁ  ।  ଝାଡା  ବନ୍ଦ  ହେବା  ଯାଏଁ  ପିଲାକୁ  ଯେତେ  ଥର  ସମ୍ଭବ  ତରଳ  ପାନୀୟ  ଦେବା  ଦରକାର   । ଯଥେଷ୍ଟ  ପାଣି  ପିଇବା  ଯୋଗୁଁ  ତରଳ  ଝାଡା  ସମୟରେ  ଦେହରୁ  ଚାଲି  ଯାଇଥିବା  ଜଳୀୟ  ଅଂଶ  ପୁଣି  ଥରେ  ଭରଣା   ହୋଇଯାଏ   ।

ତରଳ ଝାଡା  ସମୟରେ  ଶିଶୁକୁ  ଦେବା  ପାଇଁ  ପାନୀୟ

  • ମା’କ୍ଷୀର (ମା’ ସାଧାରଣ  ସମୟ  ଅପେକ୍ଷା  ଅଧିକ  ଥର  କ୍ଷୀର ଖୁଆଇବା  ଦରକାର)
  • ଝୋଳ
  • ତୋରାଣୀ
  • ଫଳରସ
  • ଅଳ୍ପ ଚିନି  ପକାଇ ହାଲୁକା  ଚା
  • ପଇଡ  ପାଣି
  • ପରିଷ୍କାର  ପିଇବା ପାଣି । ପାଣି  ପରିଷ୍କାର  ନଥିଲେ  ତାକୁ  ଫୁଟାଇ, ଛାଣି ପରିଷ୍କାର  କରିବା  ଜରୁରୀ  ।
  • ଠିକ  ପରିମାଣରପାଣିରେ  ଆବଶ୍ୟକ  ଲବଣ  ମିଶା  ପାନୀୟ ବା  ଓ.ଆର.ଏସ୍.
  • ଜଳଶୂନ୍ୟତା  ନହେବା  ପାଇଁ  ଶିଶୁ  ଯେତେ  ଥର  ସମ୍ଭବ  ମା’କ୍ଷୀର ଖାଇବା  ଦରକାର   । ମା’କ୍ଷୀର  ଖାଉନଥିବା  ଶିଶୁ  ପ୍ରତି  ଥର  ଝାଡା  ଯିବା  ପରେ  ତଳ  ଲେଖା  ଅନୁସାରେ  ପାନୀୟ  ପିଇବା  ଉଚିତ   ।
  • ଗୋଟିଏ  ପରିଷ୍କାର  କପ୍ ରେ  ପିଇବାକୁ ଦେବା  ଉଚିତ   । ଦୁଧଖିଆ  ବୋତଲ  ସଫା  କରିବା  ସହଜ  ନୁହେଁ , ତେଣୁ  ସେଥିରେ  ପିଇବାକୁ   ଦେବା  ଠିକ  ନୁହେଁ   । ଭଲ  କରି  ଧୁଆ  ହୋଇନଥିବା  ବୋତଲରୁ   ତରଳ  ଝାଡାର  ଜୀବାଣୁ  ଆସିପାରେ
  • ଦୁଇ  ବର୍ଷରୁ କମ୍  ବୟସର  ଶିଶୁ : ଗୋଟିଏ  ବଡ  କପ୍ ର ଏକ  ଚତୁର୍ଥାଂଶରୁ  ଅଧା  ଯାଏଁ
  • ଦୁଇବର୍ଷ  ବା ତା’ଠାରୁ  ଅଧିକ ବୟସର  ଶିଶୁ : ଗୋଟିଏ  ବଡ କପ୍ ର  ଅଧାରୁ  ପୂରା  ଯାଏଁ
  • ଶିଶୁର  ବାନ୍ତି  ହେଉଥିଲେ  ଦଶ  ମିନିଟ  ଅପେକ୍ଷା  କରି  ତା’ ପରେ  ଧୀରେ  ଧୀରେ  ଅଳ୍ପ  ଅଳ୍ପ  କରି  ପିଇବାକୁ  ଦେବା  ଦରକାର   ।
  • ତରଳ  ଝାଡା  ବନ୍ଦ  ହେବା  ଯାଏଁ  ଶିଶୁକୁ  ଅଧିକ  ତରଳ  ପାନୀୟ  ଦେବା  ଜରୁରୀ   ।
  • ସାଧାରଣତଃ  ତିନି  ଚାରି ଦିନ  ପରେ  ତରଳ  ଝାଡା  ବନ୍ଦ  ହୋଇଯାଏ   । ଯଦି  ଏହା  ସପ୍ତାହରୁ  ଅଧିକ  ଦିନ  ଧରି  ଲାଗିରହେ  ତେବେ ଡାକ୍ତରଙ୍କ  ପରାମର୍ଶ  ନେବା  ଆବଶ୍ୟକ    ।
  • ଯଦି  ଘଣ୍ଟାକ  ଭିତରେ  ଅନେକ  ଥର  ତରଳ  ଝାଡା  ହୁଏ କିମ୍ବା  ଝାଡାରେ  ରକ୍ତ  ପଡେ  ତେବେ  ଶିଶୁର  ଜୀବନ  ପ୍ରତି  ବିପଦ  ଆସିଥାଏ   । ସାଙ୍ଗେ  ସାଙ୍ଗେ  ଜଣେ  ପ୍ରଶିକ୍ଷିତ  ସ୍ୱାସ୍ଥ୍ୟକର୍ମୀଙ୍କ  ସହାୟତା  ନେବା  ଦରକାର   ।

ଯଦି  ଶିଶୁର  ନିମ୍ନଲିଖିତ  ଲକ୍ଷଣମାନ  ଦେଖାଯାଏ  ତେବେ  ତାକୁ  ସାଙ୍ଗେ ସାଙ୍ଗେ ଡାକ୍ତର  ଦେଖାଇବା  ଦରକାର ।

  • ଘଣ୍ଟାଏ  ଦୁଇଘଣ୍ଟା  ଭିତରେ  ଅନେକ  ଥର  ତରଳ  ଝାଡା  ହେଉଥାଏ
  • ଝାଡାରେ  ରକ୍ତ  ପଡୁଥାଏ
  • ଅନେକ  ଥର  ବାନ୍ତି  ହେଉଥାଏ
  • ଦେହରେ  ଜ୍ଵର  ଥାଏ
  • ବହୁତ  ଶୋଷ  ଲାଗୁଥାଏ
  • ପିଲା  କିଛି  ତରଳ  ଜିନିଷ  ପିବାକୁ  ଇଚ୍ଛା  କରିନଥାଏ
  • ଖାଇବାକୁ  ମନା  କରୁଥାଏ
  • ଆଖି  ଭିତରକୁ  ପଶି  ଯାଇଥାଏ
  • ଦୁର୍ବଳ  ଦେଖା  ଯାଉଥାଏ  ବା  ମାନ୍ଦା  ଲାଗୁଥାଏ
  • ସପ୍ତାହରୁ  ଅଧିକ  ସମୟ  ଧରି  ତରଳ  ଝାଡା  ହେଉଥାଏ

ଉପର  ଲିଖିତ  ଯେକୌଣସି  ଲକ୍ଷଣ  ଦେଖାଗଲେ  ସାଙ୍ଗେ  ସାଙ୍ଗେ  ଡାକ୍ତରଙ୍କୁ   ଦେଖାଇବା   ଦରକାର  । ଏହି  ସମୟ  ଭିତରେ  ଶିଶୁକୁ  ଓ.ଆର.ଏସ୍. ବା  ଅନ୍ୟ  ତରଳ  ପାନୀୟ  ଦେବା  ଜରୁରୀ   ।

ଯଦି  ଘଣ୍ଟାକ   ଭିତରେ  ଅନେକ  ଥର  ତରଳ  ଝାଡା  ହେବା  ସହିତ  ବାନ୍ତି  ମଧ୍ୟ  ହୁଏ  ତେବେ  ବିପଦର  ସମ୍ଭାବନା  ରହିଛି  । କାରଣ  ଏହା  ହେଉଛି  ହାଇଜାର  ଲକ୍ଷଣ   ।  ହାଇଜାରେ  ଅଳ୍ପ  କେତେ  ଘଣ୍ଟା  ଭିତରେ  ଶିଶୁର  ମୃତ୍ୟୁ  ହୋଇପାରେ   । ତେଣୁ  ସାଙ୍ଗେ  ସାଙ୍ଗେ  ଡାକ୍ତରୀ  ସହାୟତା  ନେବା  ଜରୁରୀ   ।

  • ସଂକ୍ରମିତ  ଖାଦ୍ୟ ଓ  ପାନୀୟ  ଯୋଗୁ  ହଇଜା  ସାରା  ଗୋଷ୍ଠୀରେ   ବହୁତ  ଶୀଘ୍ର  ବ୍ୟାପି  ଯାଇପାରେ ।ସାଧାରଣତଃ  ଅସ୍ଵାସ୍ଥ୍ୟକର  ପରିବେଶ  ଓ  ଅଧିକ  ଜନଗହଳି  ଅଞ୍ଚଳରେ   ହଇଜା  ବ୍ୟାପିଥାଏ  ।
  • ହଇଜା  ବା  ତରଳ  ଝାଡା  ପ୍ରତିରୋଧ  କରିବା  ପାଇଁ  ତଳ  ଲିଖିତ  ଚାରୋଟି  ପଦକ୍ଷେପ  ନେବା  ଦରକାର ।
  • ପାଇଖାନାରେ  ଝାଡା  ବସିବା  କିମ୍ବା  ଝାଡା  ବସିବା  ପରେ   ତାକୁ  ପୋତି  ଦେବା
  • ଝାଡା  ଯିବା  ପରେ  ହାତକୁ  ସାବୁନ  କିମ୍ବା  ପାଉଁଶ ଓ  ପାଣିରେ  ଭଲ  କରି  ଧୋଇବା
  • ପରିଷ୍କାର  ପିଇବା  ପାଣି  ବ୍ୟବହାର  କରିବା
  • ଖାଦ୍ୟକୁ  ଭଲ  କରି  ଧୋଇବା , ଚୋପା ଛଡାଇବା  କିମ୍ବା  ରାନ୍ଧିବା
  • ମା’କ୍ଷୀର ଦେଲେ  ତରଳ  ଝାଡା ଏବଂ  ତା’ର ତୀବ୍ରତା  ଅନେକ   ପରିମାଣରେ  କମି  ଯାଇପାରେ।
  • ତରଳ  ଝାଡା  ହେଉଥିବା  ଶିଶୁ  ପାଇଁ  ମା’କ୍ଷୀର  ହେଉଛି  ସବୁଠାରୁ  ଭଲ  ଖାଦ୍ୟ  ଓ  ପାନୀୟ   । ଏହା  ପୁଷ୍ଟିକର ଓ  ପରିଷ୍କାର  ଏବଂ ରୋଗ  ସଂକ୍ରମଣରୁ  ରକ୍ଷା  କରିଥାଏ  । କେବଳ  ମା’କ୍ଷୀର  ଖାଉଥିବା  ଶିଶୁକୁ  ତରଳ  ଝାଡା ପ୍ରାୟ  ହୁଏନାହିଁ   ।

    ମା’କ୍ଷୀର  ଜଳଶୂନ୍ୟତା  ଏବଂ  ମନ୍ଦପୁଷ୍ଟିରୁ  ରକ୍ଷା  କରିଥାଏ ଏବଂ  ଦେହରୁ  ଚାଲିଯାଇଥିବା  ଜଳୀୟ  ଅଂଶକୁ  ଭରଣା  କରିଥାଏ  । ଶିଶୁକୁ  ତରଳ  ଝାଡା  ହେଉଥିଲେ  ମା’କ୍ଷୀର  ଖୁଆଇବା  କମାଇ  ଦେବାକୁ  କେହି  କେହି  କହନ୍ତି  । କିନ୍ତୁ  ଏହା  ଭୁଲ   । ବରଂ  ତରଳ  ଝାଡା  ହେଉଥିଲେ  ଅନ୍ୟ  ସମୟ  ଅପେକ୍ଷା   ଅଧିକ  ଥର  ଖୁଆଇବା  ଦରକାର   ।

  • ତରଳ  ଝାଡା  ଫେରୁଥିବା  ଶିଶୁ  ତା’ର  ସାଧାରଣ  ଖାଦ୍ୟ  ଖାଇବା  ଜରୁରୀ   । ତରଳ ଝାଡାର  ଚିକିତ୍ସା ସମୟରେ  ଦୁଇ  ସପ୍ତାହ  ଯାଏଁ  ଶିଶୁକୁ  ଦିନକୁ  ଅନ୍ତତଃ  ଗୋଟିଏ  ଥର  ଅଧିକା  ଖାଦ୍ୟ  ଦେବା  ଆବଶ୍ୟକ   ।
  • ତରଳ  ଝାଡା  ହେଲେ  ଶିଶୁର  ଓଜନ  କମିଯାଏ  ଓ  ସେ  ମନ୍ଦପୁଷ୍ଟ ହୋଇଯାଏ  । ତେଣୁ  ତା’ର ଅଧିକ  ଖାଦ୍ୟ  ଓ  ପାନୀୟ  ଦରକାର  । ଠିକ୍  ଭାବରେ  ଖାଦ୍ୟ  ଖାଇଲେ  ଝାଡା  ବନ୍ଦ   ହୋଇ  ଯାଇପାରେ  ଓ  ଶିଶୁ  ଶୀଘ୍ର  ଭଲ  ହୋଇ  ଯାଇପାରେ   ।

    ତରଳ  ଝାଡାରେ  ଆକ୍ରାନ୍ତ  ଶିଶୁ  ଖାଇବାକୁ  ଇଚ୍ଛା  କରେନାହିଁ  କିମ୍ବା  ତା’ର  ବାନ୍ତି  ମଧ୍ୟ  ହୋଇପାରେ  । ତେଣୁ  ତାକୁ  ଖୁଆଇବା  କଷ୍ଟକର   ହୋଇପଡେ   । ଶିଶୁର  ବୟସ  ଛଅମାସ  ବା  ତା’ଠାରୁ  ଅଧିକ  ହୋଇଥିଲେ  ସେ  ଯେତେ  ବେଶୀ  ଖାଇବ  ଭଲ   । ଖାଦ୍ୟରେ  ଅଳ୍ପ  ଲୁଣ  ପଡି  ତାହା  ନରମ  ହୋଇ  ଚକଟା  ହୋଇଥିବା  ବା  ଶିଶୁକୁ  ଭଲ  ଲାଗୁଥିବା  ଦରକାର   । କଠିନ  ଖାଦ୍ୟ  ଅପେକ୍ଷା  ନରମ  ଖାଦ୍ୟ  ଖାଇବାକୁ  ସୁବିଧା  ହୁଏ  ଓ  ସେଥିରେ  ଅଧିକ  ପରିମାଣର   ତରଳ  ରହିଥାଏ  ।

    ତରଳ  ଝାଡା  ହେଉଥିଲେ  ଶିଶୁକୁ  ସିଝା  ଡାଲି  ଓ  ବିନ୍  ଚକଟା , ମାଛ , ଭଲ  କରି  ରନ୍ଧା  ହୋଇଥିବା  ମାଂସ , ଦହି  ଓ  ଫଳ  ଦିଆଯାଇ  ପାରିବ   । ଡାଲି ଓ  ପରିବାରେ  ଛାମୁଚେ   ଦୁଇ  ଚାମଚ  ତେଲ   ପକାଯାଇ  ପାରିବ   । ଖାଦ୍ୟ  ସାଙ୍ଗେ ସାଙ୍ଗେ   ରାନ୍ଧି  ଦିନକୁ  ଅନ୍ତତଃ   ପାଞ୍ଚ   ଥର  ଦେବା  ଦରକାର   ।

    ତରଳ  ଝାଡା ବନ୍ଦ  ହେବା  ପରେ  ପୂରା  ସୁସ୍ଥ  ହେବା  ପାଇଁ  ଅଧିକ  ଖାଇବା  ଜରୁରୀ   । ଏହି  ସମୟରେ  ଶିଶୁକୁ  ଅନ୍ତତଃ  ପକ୍ଷେ  ଦୁଇ  ସପ୍ତାହ  ଯାଏଁ  ଅଧିକ  ଥର  ଖାଦ୍ୟ  କିମ୍ବା  ମା’କ୍ଷୀର  ଖାଇବାକୁ  ଦେବା  ଦରକାର   । ଏହା  ଦ୍ଵାରା  ତରଳ  ଝାଡା  ସମୟରେ  ଦେହରୁ  ଚାଲିଯାଇଥିବା  ଶକ୍ତି  ଓ  ପୋଷଣ  ଭରଣା   ହୋଇପାରେ

    ଶିଶୁର  ଦେହ  ଖରାପ  ହେବା  ଆଗରୁ  ଥିବା  ଓଜନ  ସହ  ସମାନ  ନହେବା  ଯାଏଁ  ସେ  ପୂରା  ସୁସ୍ଥ  ହୋଇନାହିଁ  ବୋଲି  ଧରାଯିବ   ।

    ଜୀବସାର କ ବଟିକା ଓ ଜୀବସାର  କ  ଥିବା  ଖାଦ୍ୟ  ଶିଶୁକୁ  ଶୀଘ୍ର  ଭଲ ହେବାରେ  ସାହାଯ୍ୟ  କରେ  । ମା’କ୍ଷୀର , କଲିଜା, ମାଛ, ଦହି ଓ କ୍ଷୀରଜାତ ଅନ୍ୟ  ଜିନିଷ, କମଳା ଓ ଅନ୍ୟ  ହଳଦିଆ  ଫଳ  ଓ  ପାରିବା , ଶାଗ  ଆଦିରେ   ବହୁତ  ପରିମାଣର  ଜୀବସାର  କ  ରହିଛି  ।

  • ଯଦି ତରଳ  ଝାଡା  ଯୋଗୁଁ  ଶିଶୁ  ଦେହରେ  ଜଳଶୂନ୍ୟତା  ଦେଖାଦିଏ  ତେବେ  କେବଳ   ପ୍ରଶିକ୍ଷିତ  ସ୍ୱାସ୍ଥ୍ୟକର୍ମୀଙ୍କ  ପରାମର୍ଶ  ଅନୁସାରେ  ତରଳ  ପାନୀୟ  ଏବଂ  ଔଷଧ  ଦିଆଯିବା  ଦରକାର  । ତରଳ  ଝାଡାର  ଅନ୍ୟ ଔଷଧଗୁଡିକ  ସାଧାରଣତଃ   କାମ  କରେନାହିଁ   ଏବଂ  ତାହା  ଶିଶୁ  ପାଇଁ  କ୍ଷତିକାରକ  ମଧ୍ୟ  ହୋଇପାରେ ।
  • କିଛି  ଦିନ  ଭିତରେ  ତରଳ  ଝାଡା  ଆପେ ଆପେ  ଭଲ  ହୋଇଯାଏ  । ଦେହରୁ ଜଳୀୟ  ଅଂଶ  ଓ  ପୋଷଣ  ଚାଲିଯିବା ହିଁ  ହେଉଛି  ସବୁଠାରୁ  ବିପଦଜନକ   ।

    ତରଳ  ଝାଡା  ହେଉଥିବା  ଶିଶୁକୁ  ଡାକ୍ତରୀ  ପରାମର୍ଶ  ବିନା  କୌଣସି  ବଟିକା  କିମ୍ବା  ଔଷଧ  ଦେବା  ଉଚିତ  ନୁହେଁ   ।

    ତରଳ  ଝାଡାର  ସବୁଠାରୁ  ଭଲ  ଚିକିତ୍ସା  ହେଉଛି   ପ୍ରଚୁର  ପରିମାଣର   ତରଳ  ପାନୀୟ  ଏବଂ  ଠିକ  ପରିମାଣର  ପରିଷ୍କାର  ପାଣିରେ  ଓ.ଆର.ଏସ୍. ମିଶାଇ  ତିଆରି  ହୋଇଥିବା  ଘୋଳ  ପିଇବା   ।

    ଓ.ଆର.ଏସ୍. ପୁଡିଆ ମିଳୁନଥିଲେ  ଏକ  ଲିଟର  ପରିଷ୍କାର  ପାଣିରେ  ଚାରି  ଚାମଚ  ଚିନି  ଓ  ଅଧା  ଚାମଚ  ଲୁଣ  ମିଶାଇ  ଏହି  ଘୋଳ  ତିଆରି  କରାଯାଇ  ପାରିବ  । ଘୋଳ  ତିଆରି  ବେଳେ  ଜିନିଷର  ପରିମାଣ  ଯେପରି  ଠିକ  ରହେ   । କାରଣ  ଅଧିକ  ଚିନି  ଜଳଶୂନ୍ୟତାକୁ   ବଢାଇ   ଦେଇପାରେ  ଏବଂ  ଅଧିକ  ଲୁଣ  ମଧ୍ୟ  ଶିଶୁ  ପାଇଁ ବହୁତ  କ୍ଷତିକାରକ   । ଘୋଳଟି  ଟିକିଏ  ପାନିଆ  ହୋଇଗଲେ   ବିଶେଷ  କ୍ଷତି  ନାହିଁ   ।

    ମିଳିମିଳା  ହେଲେ  ତରଳ ଝାଡା  ମଧ୍ୟ  ହୁଏ  । ମିଳିମିଳା  ପାଇଁ  ପ୍ରତିଷେଧକ  ଟୀକା  ନେଇଥିବା  ଶିଶୁକୁ  ଏହି  ପ୍ରକାର  ତରଳ  ଝାଡା  ହେବାର  ସମ୍ଭାବନା   ନଥାଏ   ।

ଓ.ଆର.ଏସ୍ ତରଳ ଝାଡା  ପାଇଁ  ବିଶେଷ  ପାନୀୟ

ଓ.ଆର.ଏସ୍ . କ’ଣ  ?

ତରଳ  ଝାଡାରେ  ଚାଲି  ଯାଇଥିବା   ଲବଣ  ଓ  ଜଳୀୟ  ଅଂଶକୁ  ଭରଣା  କରିବା  ପାଇଁ   ପରିଷ୍କାର   ପାଣିରେ  ମିଶା  ଯାଉଥିବା  ସ୍ଵତନ୍ତ୍ର   ପ୍ରକାରର  ଲବଣ   ।

ଓ.ଆର.ଏସ୍. କେଉଁଠାରୁ  ମିଳିପାରିବ ?

ଅଧିକାଂଶ  ଦେଶରେ  ଓ.ଆର.ଏସ୍. ପୁଡିଆ   ସ୍ଵାସ୍ଥ୍ୟକେନ୍ଦ୍ର , ଔଷଧ  ଦୋକାନ  ଆଦିରେ  ମିଳେ  ।

ଓ.ଆର.ଏସ୍ ଘୋଳ  ତିଆରି

  • ଓ.ଆର.ଏସ୍.ପୁଡିଆ  ଖୋଲି   ଗୋଟିଏ   ପରିଷ୍କାର  ପାତ୍ରରେ   ରଖନ୍ତୁ   । ପୁଡିଆର  ଲେଖା  ଅନୁସାରେ  ସେଥିରେ  ପାଣି  ମିଶାନ୍ତୁ । ପାଣି  ବେଶୀ  କମିଗଲେ  ଝାଡା  ବଢିଯାଇପାରେ ।
  • କେବଳ  ପାଣି  ମିଶାନ୍ତୁ  । କ୍ଷୀର , ଝୋଳ , ଫଳରସ  କିମ୍ବା  ମୃଦୁପାନୀୟରେ ଓ.ଆର.ଏସ୍. ମିଶାନ୍ତୁ  ନାହିଁ   । ଚିନି ମିଶାନ୍ତୁ   ନାହିଁ   ।
  • ଭଲ  କରି  ଘାଣ୍ଟନ୍ତୁ ଓ  ଗୋଟିଏ  ପରିଷ୍କାର  କପ୍ ରେ   ନେଇ  ଶିଶୁକୁ  ପିଆନ୍ତୁ   । ବୋତଲ  ବ୍ୟବହାର  କରନ୍ତୁ  ନାହିଁ   ।

କେତେ ପରିମାଣର  ଓ.ଆର.ଏସ୍.  ଦେବେ ?

  1. ଯେତେ  ପରିମାଣର  ସମ୍ଭବ  ପିଇବାକୁ   ଦିଅନ୍ତୁ   ।
  2. ଦୁଇ  ବର୍ଷରୁ  କମ୍  ବୟସର  ଶିଶୁ  ପ୍ରତି  ଥର  ଝାଡା  ହେବା  ପରେ  ଗୋଟିଏ  ବଡ  କପ୍ ରେ   ଏକ  ଚତୁର୍ଥାଂଶରୁ  ଅଧା  ଯାଏଁ  ପିଇବା   ଦରକାର  ।
  3. ଦୁଇ  ବର୍ଷରୁ  ଅଧିକ  ଶିଶୁ  ପ୍ରତି ଥର  ଝାଡା  ହେବା  ପରେ  ଗୋଟିଏ  ବଡ  କପ୍ ର  ଅଧାରୁ  ପୂରା  କପ୍  ଯାଏଁ  ପିଇବା  ଦରକାର
  4. ତରଳ ଝାଡା  ସାଧାରଣତଃ  ତିନି  ଚାରି  ଦିନରେ  ବନ୍ଦ  ହୋଇଯାଏ   ।
  5. ସପ୍ତାହେ ପରେ  ମଧ୍ୟ  ଝାଡା  ବନ୍ଦ  ନହେଲେ  ଡାକ୍ତରଙ୍କୁ  ପରାମର୍ଶ   କରନ୍ତୁ   ।
  6. ତରଳ  ପ୍ରତିରୋଧ  ପାଇଁ  ପାଇଖାନା  ବ୍ୟବହାର  କରିବା  ଉଚିତ  କିମ୍ବା  ମଳକୁ  ପୋତିଦେବା  ଦରକାର ।
  7. ପିଇବା  ପାଣି, ଖାଦ୍ୟ,ହାତ, ବାସନକୁସନ  ବା  ରନ୍ଧା  ଜାଗା   ମଇଳା  ହେଲେ  ଏସବୁ   ସଂକ୍ରମିତ  ହେବ  ଏବଂ  ଜୀବାଣୁ  ଶିଶୁ  ଓ  ବଡଙ୍କ  ଦେହକୁ  ଯିବ   । ମାଛି  ମଧ୍ୟ  ମଳରେ  ବସି  ଖାଦ୍ୟ  ଉପରେ  ବସିଲେ  ଜୀବାଣୁ   ସଂକ୍ରମିତ  ହୋଇଥାଏ  । ଖାଦ୍ୟ  ଓ ପିଇବା  ପାଣି  ଢାଙ୍କି  ରଖିଲେ  ମାଛି  ହେବେନାହିଁ   ।
  8. ସମସ୍ତଙ୍କ  ମଳ  ଏପରିକି  ଛୋଟ  ପିଲାଙ୍କ  ମଳରେ  ମଧ୍ୟ  ଜୀବାଣୁ  ଥାଏ  । ଶିଶୁ  ପାଇଖାନା  ବ୍ୟବହାର  କରୁନଥିଲେ  ତା’ର  ମଳକୁ  ସାଙ୍ଗେ ସାଙ୍ଗେ  ପାଇଖାନାରେ  ପକାଇବା  ବା  ପୋତି ଦେବା ଦରକାର  । ପାଇଖାନା  ସଫା  ରହିଲେ ଜୀବାଣୁ  ସଂକ୍ରମଣ   ହୁଏନାହିଁ  ।
  9. ଯଦି  ପାଇଖାନାର  ସୁବିଧା   ନଥାଏ, ତେବେ  ପିଲା  ଓ  ବଡ  ଘର, ରାସ୍ତା, ପିଇବା  ପାଣି, ପିଲାଙ୍କ  ଖେଳିବା  ଜାଗା  ଆଦିରୁ  ଦୂରରେ   ଝାଡା  ଯିବା  ଏବଂ  ମଳକୁ  ମାଟିରେ  ପୋତି  ଦେବା  ଉଚିତ   ।
  10. ପାଇଖାନା  ନଥିବା  ଗୋଷ୍ଠୀରେ  ସମସ୍ତେ  ଏକାଠି  ମିଶି  ପାଇଖାନା  ପାଇଁ  ବ୍ୟବସ୍ଥା  କରିବା  ଦରକାର   ।
  11. ପିଇବା  ପାଣିର  ଉତ୍ସକୁ  ମଣିଷ  ଓ  ପଶୁଙ୍କ  ମଳଠାରୁ  ଦୂରେଇ  ରଖିବା  ଜରୁରୀ   ।
  12. ସ୍ଵାସ୍ଥ୍ୟକର ଜୀବନ  ଧାରଣ  ପ୍ରକ୍ରିୟା  ତରଳ  ଝାଡାରୁ  ବଞ୍ଚାଇ  ଥାଏ  । ଝାଡା  ଫେରିବା  ପରେ ଓ ଖାଦ୍ୟ  ଖାଇବା  ବା  ଛୁଆକୁ  ଖୁଆଇବା  ଆଗରୁ  ହାତକୁ  ସାବୁନ, ପାଉଁଶ  ଆଦିରେ  ଭଲ  କରି  ଢୋଇବା  ଜରୁରୀ  ।
  13. ଝାଡା  ଯିବା  ପରେ , ଶିଶୁକୁ  ପରିଷ୍କାର  କରିବା  ପରେ, ଶିଶୁକୁ  ଖୁଆଇବା  ଆଗରୁ, ଖାଦ୍ୟ ଛୁଇଁବା ଓ  ଖାଇବା  ହାତ  ସାବୁନ  ବା  ପାଉଁଶ  ଓ  ପାଣିରେ  ଭଲ  କରି  ଧୋଇବା  ଦରକାର   ।
  14. ଛୋଟ  ପିଲା  ସବୁବେଳେ  ପାଟିରେ  ହାତ  ପୂରାଏ  । ତେଣୁ  ଘର  ସଫା  ରଖିବା  ଏବଂ  ପିଲାର  ହାତକୁ  ବାରମ୍ବାର, ବିଶେଷ  କରି  ଖାଇବା  ଆଗରୁ, ଭଲ  କରି  ଧୋଇବା  ଦରକାର   ।
  15. ଅନ୍ୟ  କିଛି  ପରିମଳ  ବ୍ୟବସ୍ଥା  ମଧ୍ୟ  ତରଳ  ଝାଡାର  ପ୍ରତିରୋଧ  କରିପାରେ   ।
  16. ଠିକ  ଖାଇବା  ଆଗରୁ  ଏବଂ  ଭଲ  ଭାବରେ  ଖାଦ୍ୟ  ରନ୍ଧାଯିବା  ଦରକାର । ଖୋଲା  ରହିଥିବା  ବଳକା  ଖାଦ୍ୟରେ  ଜୀବାଣୁ  ବଢି  ତରଳ  ଝାଡା  କରାଇପାରେ । ଖାଦ୍ୟକୁ  ଅତି  ଗରମ  ବା  ଥଣ୍ଡା  ଅବସ୍ଥାରେ  ରଖିନଥିଲେ  ରାନ୍ଧିବାର  ଦୁଇଘଣ୍ଟା  ପରେ  ତାହା  ଆଉ  ଖାଇବା  ଯୋଗ୍ୟ  ହୋଇ  ରହେନାହିଁ ।
  17. ମାଛି  ନହେବା  ପାଇଁ  ସବୁ  ପ୍ରକାରର  ଅଳିଆ  ପୋତାଯିବା , ପୋଡାଯିବା ବା  ନିରାପଦ ଭାବରେ  ଫିଙ୍ଗାଯିବା  ଜରୁରୀ   ।

ଆଧାର -

  • ନ୍ୟାସନାଲ ରୁରାଲ ହେଲ୍ଥ ମିଶନ
  • Unicef
2.96296296296
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top