ସେଆର କରନ୍ତୁ

ପୋଡା ଘା

ଯେକୌଣସି କାରଣରୁ ପୋଡିଗଲେ ତା'ର ଉପଚାର କିପରି କରାଯିବ ସେ ସମ୍ବନ୍ଧରେ ସୂଚନା ଏଠାରେ ଉପଲବ୍ଧ ।

ପୋଡ଼ିହୋଇ ସୃଷ୍ଟ ହୋଇଥିବା ଘା’ର କାରଣ

ଶୁଷ୍କ ଦାହ

ଜଳନ୍ତା ନିଆଁ, ଉତ୍ତପ୍ତ ଧାତୁ, ସୂର୍ଯ୍ୟଉତ୍ତାପ, ଉଚ୍ଚଶକ୍ତି ସମ୍ପନ୍ନ ବୈଦ୍ୟୁତିକ ପ୍ରବାହର ସ୍ପର୍ଶ ଏବଂ ଘର୍ଷଣରୁ ଉତ୍ପନ୍ନ ଉତ୍ତାପ ଦ୍ଵାରା ଶୁଷ୍କଦାହ ସୃଷ୍ଟି ହୋଇଥାଏ ।

ଆଦ୍ରଦାହ

ଗରମ ପାଣି, ପେଜ, କ୍ଷୀର ତେଲ ଓ ଆଲକାତରା ଇତ୍ୟାଦିର ସ୍ପର୍ଶରେ ଆଦ୍ରଦାହ ହୋଇଥାଏ ।

ରାସାୟନିକ ଦାହ

ସଲଫୁରିକ ଏସିଡ, ନାଇଟ୍ରିକ୍ ଏସିଡ, କଷ୍ଟିକ ସୋଢା, କଲିଚୂନ, କଷ୍ଟିକ ପଟାସ ଓ ଶକ୍ତିଶାଳୀ ଆମୋନିଆର ସ୍ପର୍ଶରେ ରାସାୟନିକ ଦାହ ହୋଇଥାଏ ।

ପରମାଣୁ ଜନିତ ଦାହ

ପରମାଣୁ ବିସ୍ଫୋରଣ ଯୋଗୁଁ ଉତ୍ପନ୍ନ ଉତ୍ତାପ ଏବଂ ବିକିରଣ ପ୍ରବାହରେ ଏହି ଦାହ ସୃଷ୍ଟି ହୋଇଥାଏ । ଏହି ବିକିରଣ ବହୁ ଦୂର ପର୍ଯ୍ୟନ୍ତ ହୋଇଥାଏ ଏବଂ ଏହାର ବିସ୍ତୃତି ମଧ୍ୟାରେ ଥିବା ବ୍ୟକ୍ତିର ଶରୀର ଏବଂ ଗୁରୁତ୍ଵପୂର୍ଣ୍ଣ ଅଙ୍ଗ ପୋଡ଼ି ଯାଇଥାଏ ।

ସୂର୍ଯ୍ୟର ଅତି ଉଚ୍ଚ ବାଇଗଣି ରଶ୍ମି

ରେଡିଓ ଆକ୍ଟିଭ ରଶ୍ମୀ ଇତ୍ୟାଦି ଚର୍ମର ସଂସ୍ପର୍ଶରେ ଆସିଲେ ଏହି ପ୍ରକାର ଦାହ ହୋଇଥାଏ ।

ବିତ୍ୟୁତ ଆଘାତ ଜନିତ ଦାହ

ଶରୀରରେ ବିଦ୍ୟୁତ ପ୍ରବାହ ଯୋଗୁଁ ଏହି ପୋଡା ସୃଷ୍ଟି ହୋଇଥିବା ଉତ୍ତାପ ଦ୍ଵାରା ହୋଇଥାଏ, ଏହାଛଡ଼ା ବିଜୁଳି ଉତ୍ତାପରୁ ମଧ୍ୟ ଏହି ଦାହ ହୋଇଥାଏ । ପୋଡା ଘା’ର ମାତ୍ରା : ଶରୀର ଚର୍ମର ସ୍ତର ଏବଂ ତନ୍ତୁମାନଙ୍କର କ୍ଷତର ପରିମାଣକୁ ବିଚାର କରି ପୋଡା ଘା’ର ମାତ୍ରା ନିର୍ଣ୍ଣୟ କରାଯାଏ ।

ପ୍ରଥମ ମାତ୍ରା

୧. ଚର୍ମ ଲାଲ ଦେଖାଯାଏ ।

୨. ଅତ୍ୟଧିକ କଷ୍ଟ ବା ଯନ୍ତ୍ରଣା ହୁଏ ।

୩. ଚର୍ମ ଫୁଲିଯାଏ ।

୪. ସାମାନ୍ଯ ସ୍ପର୍ଶରେ ଚର୍ମରେ ଅତ୍ୟଧିକ ଯନ୍ତ୍ରଣା ଅନୁଭୂତ ହୁଏ ।

ଦ୍ଵିତୀୟ ମାତ୍ରା

ପ୍ରଥମ ମାତ୍ରାର ସମସ୍ତ ଚିହ୍ନ ଓ ଲକ୍ଷଣ ଦେଖାଯିବା ସହିତ ଚର୍ମରେ ଫୋଟକା ଦେଖାଯାଏ ।

ତୃତୀୟ ମାତ୍ରା

ଚର୍ମ ଗଭୀର ଭାବେ ପୋଡିବା ସହିତ ମାଂସପେଶୀ ଓ ତନ୍ତୁ ପୋଡିଯାଏ । ପୋଡା ଘା ଆକାର ଅନୁସାରେ ଅଧିକ ବିପଦଜ୍ଜନକ ହୋଇଥାଏ । ଯଦି କୌଣସି ବ୍ୟକ୍ତି ଶରୀରର ଏକ ନିର୍ଦ୍ଦିଷ୍ଟ ଅଂଶରେ ଗଭୀର ପୋଡା କ୍ଷତ ହୋଇଥାଏ, ତାହା ତୃତୀୟ ମାତ୍ରା ପୋଡା ଅଟେ । ତାହା ଅଧିକ ବିୟଜ୍ଜନକ । ଏହି ପରିସ୍ଥିତିରେ ଜୀବାଣୁ ସଂକ୍ରମଣ ହେବାର ସମ୍ଭାବନା ଅଧିକ ଥାଏ ଓ ଏହାର ଉପାଚାର ପ୍ରତିଅଧିକ ଗୁରୁତ୍ଵ ଦେବାକୁ ହୁଏ ।

ପୋଡା ଘା’ର ମାତ୍ରା ମଧ୍ୟରେ ଥିବା ପ୍ରଭେଦକୁ ସରଳରେଯାନୀହୁଏ ନାହିଁ । ଶରୀରର ତେକେ ପରିମାଣ ଅଂସ ପୋଡ଼ି ଯାଇଅଛି, ତାହା ମାତ୍ରାଠାରୁ ଅଧିକ ଗୁରୁତ୍ଵ ହୋଇଥାଏ । ଏହାଦ୍ଵାରା ସକ୍ ସୃଷ୍ଟି ହୋଇଥାଏ । ଏହାକୁ ସରଳରେ ନିର୍ଣ୍ଣୟ କରିବା ପାଇଁ ଧାରା ୯ ବା Rule of Nine ବ୍ୟବହାର କରାଯାଏ । ଏହିଭଳି ୧୧ଟି ୯ ଦ୍ଵାରା ଅନେଶ୍ଵତ ଭାଗ ହୋଇଥାଏ ଏବଂ ଯୌନାଙ୍ଗକୁ ୧ ଭାଗ ଭାବେ ଗ୍ରହଣ କରି ଶରୀରର ସଂପୂର୍ଣ୍ଣ ପୃଷ୍ଠକୁ ୧୦୦ ଭାଗ ଧରାଯାଏ (ମୁଣ୍ଡ – ୯%, ଛାତି – ୯%। ପେଟ- ୯%, ପିଠିର ଉପରାଭାଗ – ୯%, ପିଚା – ୯%, ଦୁଇ ଜଙ୍ଘ – ୯*୨=୧୮%, ଦୁଇ ହାତ – ୯*୨=୧୮% ଦୁଇ ଗୋଡ – ୯*୨ = ୧୮%, ଯୌନାଙ୍ଗ – ୧% ) । ଜରୁରୀ ପରିସ୍ଥିତିରେ ଏହି ଅବସ୍ଥା ମାନେ ନ ପଡିଲେ ଆହତ ବ୍ୟକ୍ତିର ହାତ ପାପୁଲି ଆକାରକୁ ୧% ଭାବେ ଗ୍ରହଣ କରି ପୋଡା ଘା’ର ପରିମାଣକୁ ନିର୍ଣ୍ଣୟ କରାଯାଏ । ପୋଡା ଘା’ର ଆକାର ଯେତେ ଅଧିକ ହୋଇଥାଏ ସେହି ଅନୁସାରେ ଶରୀରରୁ ତରଳ ପଦାର୍ଥ କ୍ଷୟ ହୁଏ ଏବଂ ସେତେ ଚଞ୍ଚଳ ସକ୍ ସୃଷ୍ଟି ହୋଇଥାଏ । ତେଣୁ ପ୍ରାୟ ୧୦% ଅଂସ କିମ୍ବା ତାହାଠାରୁ ଅଧିକ ପରିମାଣର ଅଂସ ପୋଡିଯାଇଥିଲେ ଆହତ ବ୍ୟକ୍ତିଙ୍କୁ ଶୀଘ୍ର ଡାକ୍ତରଖାନା ପଠାଇବାକୁ ହୁଏ ।

କେଉଁ ଅବସ୍ଥାରେ ଡାକ୍ତରଖାନାକୁ ନେବା ଅତ୍ୟନ୍ତ ଜରୁରୀ

• ସମସ୍ତ ତୃତୀୟ ମାତ୍ରାର ପୋଡା ।

• ସମସ୍ତ ଦ୍ୱିତୀୟ ମାତ୍ରାର ପୋଡା ଯାହାକି ଶତକଡା ୧ ଭାଗରୁ ଅଧିକ ପୋଡିଥାଏ (ଆହତ ବ୍ୟକ୍ତିର ହାତ ପାପୁଲି ଆକାରକୁ ଶତକଡା ୧ ହିସାବରେ ମପାଜାଇଥାଏ ) ।

• ସମସ୍ତ ପ୍ରଥମ ମାତ୍ରାର ପୋଡା ଯାହାକି ଶତକଡା ପାଞ୍ଚ ଭାଗରୁ ଅଧିକ ପୋଡା ଯାଇଥାଏ ।

• ହାତ କିମ୍ବା ଗୋଡର ଖଞ୍ଜା ପୋଡ଼ି ଯାଇଥିଲେ ।

• ମୁହଁ ଏବଂ ଯୌନାଙ୍ଗରେ ଯେକୌଣସି ମାତ୍ରାର ପୋଡା ହେଲେ ମଧ୍ୟ ଡାକ୍ତରଖାନା ନେବା ଅତ୍ୟନ୍ତ ଜରୁରୀ ।

ରାସାୟନିକ ଦାହର ଉପଚାର

୧. ଯଥେଷ୍ଟ ପରିମାଣର ପାଣି ବ୍ୟବହାର କରି ଦାହ ସ୍ଥାନକୁ ଭଲଭାବେ ଧୋଇ ରାସାୟନିକ ପଦାର୍ଥ ସେଠାରୁ ବାହାର କରିଦିଅ । ସେଥିପାଇଁ ପାଇପ୍ ତଳେ ସଂପୃକ୍ତ ଅଂଶକୁ ରାଖୀ ପ୍ରାୟ ୨୦ମିନିଟ୍ ପର୍ଯ୍ୟନ୍ତ ପାଣିରେ ଧୋଇଦେଲେ ସେଥିରେ ଲାଗିଥିବା ରାସାୟନିକ ବସ୍ତୁ ବାହାରିଯାଇଥାଏ ।

୨. ସଂଭବ ହେଲେ ସଂକ୍ରମିତ ହୋଇଥିବା ଲୁଗାକୁ କାଟି ଦେହର ସ୍ପର୍ଶରୁ ବାହାର କରିଦିଅ ।

୩. ରାସାୟନିକ ଦ୍ରବ୍ୟ ଆଖିରେ ପଡିଥିଲେ ଉକ୍ତ ଆଖିକୁ ସଙ୍ଗେ ସଙ୍ଗେ ବୋହିଜାଉଥିବା ପାଣିରେ ୧୦ ମିନିଟ୍ ପର୍ଯ୍ୟନ୍ତ ଧୋଇବା ଉଚିତ୍ । ଆଖି ଧୋଇବା ସମୟରେ ଧ୍ୟାନ ଦେବା ଉଚିତ୍ ଯେପରି ଥଣ୍ଡାପାଣି ସୁସ୍ଥ ଆଖିରେ ଲାଗିବ ନାହିଁ । ଆଖିକୁ ସଫା ପଟି ଦ୍ଵାରା ବାନ୍ଧି ଶୀଘ୍ର ଚକ୍ଷୁ ବିଶେଷଜ୍ଞଙ୍କ ପାଖକୁ ପାଠାଇ ଦିଅ ।

ପାଟି ଓ ଗଳାର ଦାହ

ଗରମ ପାଣିର ବାମ୍ଫ, ଗରମ ତରଳ ପଦାର୍ଥ ଯଥା – ଚା, କଫି, ଦୁଗ୍ଧ ଓ କ୍ଷୟକାରକ ରାସାୟନିକ ପଦାର୍ଥ ଏସିଡ କିମ୍ବା ଆଲକାଳି ଜାତୀୟ ଇତ୍ୟାଦି ପାଟି, ଜିଭ ଓ ଗଳାର ସଂସ୍ପର୍ଶରେ ଆସିଲେ ଉକ୍ତ ଅଂସ ପୋଡ଼ି ଯାଇଥାଏ । ଏହି ସଂସ୍ପର୍ଶରେ ଆସିଥିବା ଅଂସ ପୋଡିଯାଏ । ଏହିଭଳି ପରିସ୍ଥିତିରେ ସମୟ ନଷ୍ଟ ନକରି ଆହତ ବ୍ୟକ୍ତିକୁ ଯଥାଶୀଘ୍ର ଡାକ୍ତରଖାନାକୁ ପଠାଇଦିଅ ଏବଂ ଆବଶ୍ୟକ ହେଲେ ବରଫ ଖଣ୍ଡ ଚୁଚୁମିବାକୁ ବା ବରଫ ପାଣି ଢୋକେ ଢୋକେ କରି ପିଇବାକୁ ପରାମର୍ଶ ଦିଅ ।

ସୂର୍ଯ୍ୟରଶ୍ମୀ ଦ୍ଵାରା ଦାହ

ପ୍ରଚଣ୍ଡ ସୂର୍ଯ୍ୟରଶ୍ମୀ କିମ୍ବା ଉତ୍ତପ୍ତ ଝାଞ୍ଜି ପବନର ସଂସ୍ପର୍ଶରେ ଆସିଲେ ଶରୀରର ଚର୍ମ ଲାଲ ପଡିଯାଏ ଓ ଖୁବ୍ ଯନ୍ତ୍ରଣା ହୁଏ । ଏହା ଦ୍ଵାରା କେତେକ ସମୟରେ ଫୋଟକା ମଧ୍ୟ ହୋଇଥାଏ । ଏହିଭଳି ପରିସ୍ଥିତିରେ ଆହତ ବ୍ୟକ୍ତିକୁ ଥଣ୍ଡା ସ୍ଥାନକୁ ନେଇ ଥଣ୍ଡାପାଣି ଦ୍ଵାରା ଗୋଧୋଇ ଦିଅ । ପୋଡ଼ି ଯାଇଥିବା ସ୍ଥାନରେ ଶୁଖିଲା ଡ୍ରେସିଂ ଦେଇ ଡାକ୍ତରଖାନାକୁ ପଠାଇଦିଅ ।

ନିଆଁରୁ ଲୋକକୁ ଉଦ୍ଧାର କରିବା ପ୍ରଣାଳୀ

ନିଆଁ ଲାଗିଥିବା ଘର ମଧ୍ୟରୁ ଲୋକକୁ ବାହାର କରିବା ପାଇଁ ପ୍ରଥମ ପ୍ରବେଶ ରାସ୍ତା ଉପରେ ଇତଃସ୍ତତ ହୋଇ ପଡ଼ିଥିବା ବସ୍ତୁକୁ କାଢି ଦିଅ । ଉତ୍ତପ୍ତ ବାୟୁ ସବୁବେଳେ ଉପର ସ୍ତରରେ ରୁହେ । ତେଣୁ ଭୂଇଁରେ ଗୁରୁଣ୍ଡି ଗୁରୁଣ୍ଡି ଯାଇ ଆହତ ବ୍ୟକ୍ତିକୁ କିମ୍ବା ଅଚେତ ବ୍ୟକ୍ତିକୁ ଉଦ୍ଧାର କର । ଘର ଭିତରକୁ ପଶିବା ସମୟରେ ନିଜ ମୁହଁରେ ଗୋଟିଏ ସଫାଓଦା କନା କିମ୍ବା ରୁମାଲ ବାନ୍ଧ । ନିଆଁ ଲାଗିଥିବା ଘରେ କରବାନ୍ ମନୋକ୍ ସାଇଡ୍ (Carbon Monoxide) ଭଳି ଅତ୍ୟନ୍ତ ବିଷାକ୍ତ କ୍ଷତିକାରକ ବାଷ୍ପ ରହିଥାଏ, ତେଣୁ ଉଦ୍ଧାରକାରୀ ଦକ୍ଷତାର ସହ ତୁରନ୍ତ କାର୍ଯ୍ୟ ଶେଷ କରିବା ଉଚିତ୍ । ଝରକା କବାଟ ବନ୍ଦ ଥିଲେ ସେଗୁଡିକ ଖୋଲିବା ଉଚିତ୍ ନୁହେଁ କାରଣ ଏହାଦ୍ଵାରା ପବନ ଘର ମଧ୍ୟକୁ ପଶିଆସି ନିଆଁକୁ ଅଧିକ ଜୋରରେ ଜଳାଇଥାଏ ଏବଂ ନିଆଁ ଖୁବ୍ ଶୀଘ୍ର ଚାରିଆଡକୁ ବ୍ୟାପି ଯାଇଥାଏ ।

ଉପଚାର

୧. ଶ୍ଵାସକ୍ରିୟାରେ କଷ୍ଟ ହେଉଥିଲେ ଶ୍ଵାସନଳୀକୁ ଖୋଲା ରଖିବା ଚେଷ୍ଟା କର ଓ ଆବଶ୍ୟକ ହେଲେ କୃତ୍ରିମ ଶ୍ଵାସକ୍ରିୟା କିମ୍ବା CRP ପ୍ରଦାନ କର । ପୋଡା ସ୍ଥାନରେ ବରଫ କିମ୍ବା ବରଫ ପାଣି ଲଗାଅ ନାହିଁ । ଏହାଦ୍ଵାରା ସକ୍ ହେବାର ସମ୍ଭାବନା ଥାଏ ।

୨. ଆହତ ବ୍ୟକ୍ତିକୁ ସ୍ଥିର ଏବଂ ଶାନ୍ତ ରହିବାକୁ କୁହ ଓ ସାନ୍ତ୍ଵନା ଦିଅ ।

୩. ଦେହରେ ଲାଗିଯାଇଥିବା ପୋଡା ଲୁଗାକୁ କାଢିବାକୁ ଚେଷ୍ଟା କର ନାହିଁ । ଏହାଦ୍ଵାରା ପୋଡା ଘା’ର ଅଧିକ କଷ୍ଟ ହୋଇଥାଏ । ମୁହଁ ଛଡା ପୋଡିଯାଇଥିବା ଅନ୍ୟ ଅଙ୍ଗକୁ ପାଣିରେ ବୁଡାଇ ବା ଥଣ୍ଡା ପାଣି ଢାଳି ଥଣ୍ଡା କର । ଏହା ଅନ୍ତତଃ ୨୦ ମିନିଟ୍ ପର୍ଯ୍ୟନ୍ତ କିମ୍ବା ପୋଡାଜ୍ଵାଳା କରିବା ପର୍ଯ୍ୟନ୍ତ କରିବା ଦରକାର ।

୪. ହାତ ବା ଗୋଡ ପୋଡ଼ି ଯାଇଥିଲେ ଯଥାଶୀଘ୍ର ବ୍ୟକ୍ତିଙ୍କ ହାତ ମୁଦି, ଗୋଡ ମୁଦି ଚୁଡି, ବେଲଟ୍, ଜୋତା ଇତ୍ୟାଦିକୁ କାଢିନିଅ । ନଚେତ ପରବର୍ତ୍ତୀ ସମୟରେ ସଂପୃକ୍ତ ଅଂସ ଫୁଲିଗଲେ ତାହା ବାହାର କରିବା କଷ୍ଟକର ହୋଇଥାଏ ।

୫. ପୋଡ଼ିଯାଇଥିବା ସ୍ଥାନକୁ ବିଶୋଧନ ପତିଦ୍ବର ଘୋଡାଇ ରଖ । ପରିଷ୍କାର ପଲିଥିନ୍ ଜାରି କିମ୍ବା କିମ୍ବା ପୋଡା ଘା’ରେ ରେ ବ୍ୟବହାର ଉଦ୍ଦିଷ୍ଟ ସ୍ଵତନ୍ତ୍ର ଡ୍ରେସିଂ ପଟି ଦ୍ଵାରା ଘା’କୁ ଘୋଡାଇ ରଖ । ୬. ଆବଶ୍ୟକ ଅନୁସାରେ ସକ୍ ଚିକିତ୍ସା କର ।

୭. ଡାକ୍ତରଖାନା ପହଞ୍ଚାଇବା ପର୍ଯ୍ୟନ୍ତ ଶ୍ଵାସକ୍ରିୟା ଓ ହୃତ୍ପିଣ୍ଡ କ୍ରିୟା ପ୍ରତି ଧ୍ୟାନ ଦିଅ ।

୮. ଲୁଗାରେ ନିଆଁ ଲାଗିଥିଲେ, ରୋଗୀକୁ ଦୈଡିବାକୁ ଦିଅ । ନାହିଁ । ଦୈଡିଲେ ନିଆଁ ଅଧିକ ମାତ୍ରାରେ ଜଳେ ।

୯. ଠିଆ ହୋଇରହିଲେ ଧୂଆଁ ଶ୍ଵାସନଳୀରେ ପ୍ରବେଶ କରି ଶ୍ଵାସନଳୀର ଝୁଲ୍ଲିପରଦାକୁ ନଷ୍ଟ କରିଦିଏ । ତେଣୁ ରୋଗୀକୁ ତେଲେ ଶୁଆଇ ରଖ ।

୧୦. ପରିଶେଷରେ ସିଲ୍ ଭାରେକ୍ସ ଅଏଣ୍ଟମେଣ୍ଟ (Silverex Ointment) ପୋଡା କ୍ଷତରେ ଲଗାଅ ।

ସାଧାରଣ ଶୁଷ୍କ ଦାହ ଏବଂ ଏହାର ଉପଚାର

୧. ପୋଡ଼ିଯାଇଥିବା ସ୍ଥାନକୁ ସଫା ପାଣିରେ ଧୋଇ ଦିଅ ।

୨. ଥଣ୍ଡା ପାଣିରେ ପୋଡା ଅଂଶକୁ ବୁଡାଇ ରଖ ।

୩. ଶୁଖିଲା ଡ୍ରେସିଂ କନା ଦ୍ଵାରା ଘୋଡାଇ ରଖ ।

୪. ପୋଡା ଘା’ର ତୁଳା କିମ୍ବା ମଲମ ଲଗାଅ ନାହିଁ ।

୫.ଉଷୁମ ଚା ଓ କଫି, ଦ୍ରବଣ ORS ଦିଆଯାଇପାରେ ।

ପୋଡାକୁ ରକ୍ଷା କରିବା ପାଇଁ କେତେକ ଜରୁରୀଉପଦେଶ

୧. ସାଧାରଣତଃ ସ୍ତ୍ରୀ ଲୋକ ଓ ପିଲାମାନେ ରୋଷେଇଘର ନିଆଁ ଦ୍ଵାରା ପୋଡା ହେବାର ଯଥେଷ୍ଟ ସମ୍ଭାବନା ଥାଏ । ଶେଠୀପାଇଁ ଉପଯୁକ୍ତ ସତର୍କତା ଗ୍ରହଣ କରିବା ଆବଶ୍ୟକୀୟ ହୋଇଥାଏ । ଚୁଲି, ଷ୍ଟୋଭକିମ୍ବା ଅଭାନ୍ କୁ ଭୂମିଠାରୁ ଦୁଇ ଫୁଟ ଉପରେ ରଖ । ରୋଷେଇ କରିବା ସମୟରେ ନାଇଲନ୍ ଓ ସେହି ଜାତୀୟ ତିଆରି ଲୁଗା ପିନ୍ଧ ନାହିଁ କାରଣ ଏଥିରେ ଶୀଘ୍ର ନିଆଁ ଲାଗିଯାଇଥାଏ । ସୂତା ଲୁଗାରେ ସାଧାରଣତଃ ସହଜରେ ନିଆଁ ଲାଗେ ନାହିଁ ତେଣୁ ତାହା ପିନ୍ଧିବା ଉଚିତ୍ ।

୨. ଜଳୁଥିବା ଚୁଲି ଓ ଜଳୁଥିବା ମହମବତୀଠାରୁ ପିଲାମାନଙ୍କୁ ଦୂରେଇ ରଖ ।

୩. ଡିଆସିଲି, ଲାଇଟର ଆଦି ପିଲାମାନଙ୍କ ହାତ ନ ପହଞ୍ଚିବା ପରି ସ୍ଥାନରେ ରଖ ।

୪. ବିଛଣା ପାଖରେ ଡିବିରୀ, ମହମବତୀ କିମ୍ବା କିରୋସିନୀ ବ୍ୟବହୃତ ବସ୍ତୁ ରଖ ନାହିଁ ।

୫. ଚୁଲି କିମ୍ବା ଜଳନ୍ତା ବତୀ ପାଖରେ ଲୁଗା ଶୁଖାଅ ନାହିଁ କିମ୍ବା ଟାଙ୍ଗ ନାହିଁ ।

୬. ରୋଷେଇ ଘର ସବୁବେଳେ ଯଥେଷ୍ଟ ପରିମାଣର ପାଣି ରଖ ।

୭. ରୋଷେଇ ବେଳେ କିଚେନ୍ ଆପ୍ରୋନ୍ ବା ସୂତାଲୁଗା ବ୍ୟବହାର କର ।

୮. ରୋଷେଇ ସାରିବା ପରେ ଗ୍ୟାସ ଚୁଲାର ନଭ୍ ବନ୍ଦ କରି ଗ୍ୟାସ ସଂଯୋଗ ବିଚ୍ଛିନ୍ନ କର

କ’ଣ କରିବା ନାହିଁ

• ଫୋଟକା ଫେଟାନ୍ତୁ ନାହିଁ ।

• ଖାଲି ହାତରେ ପୋଡିଯାଇଥିବା ସ୍ଥାନକୁ ଛୁଆଁ ନାହିଁ ।

• ତୁଳା କିମ୍ବା ବ୍ୟାଣ୍ଡେଜ୍ ଘା’ ଉପରେ ଲଗାଅ ନାହିଁ ।

• ତେଲ କିମ୍ବା ଜାତୀୟ ବସ୍ତୁ ଲଗାଅ ନାହିଁ ।

ଆଧାର:ST. JOHN AMBULANCE, Bhubaneswar

3.06896551724
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top