ହୋମ / ସ୍ଵାସ୍ଥ୍ୟ / ମାନସିକ ସ୍ୱାସ୍ଥ୍ୟ / ଜ୍ଞାନ ହିଁ ମନକୁ ନିୟନ୍ତ୍ରଣ କରେ
ସେଆର କରନ୍ତୁ

ଜ୍ଞାନ ହିଁ ମନକୁ ନିୟନ୍ତ୍ରଣ କରେ

ଜ୍ଞାନ ଲାଭ ହେଲେ ଠିକ୍ କ’ଣ ଏବଂ ଭୁଲ କ’ଣ ବୁଝିହୋଇ ସଠିକ୍ ମାନସିକତା ବିକଶିତ ହୋଇଥାଏ । ହ୍ଵନ୍ଦ୍ଵର ପ୍ରଭାବ କମ୍ ହୋଇ ମନ ସ୍ଥିର ତଥା ନିୟନ୍ତ୍ରଣ ହୋଇଥାଏ ।

ମନକୁ ନିୟନ୍ତ୍ରଣ

ମନକୁ ନିୟନ୍ତ୍ରଣ କରି ଜୟକରିବା ନିମନ୍ତେ ଜ୍ଞାନ ଆହରଣ ଆବଶ୍ୟକ । ଜ୍ଞାନ ଲାଭ ହେଲେ ଠିକ୍ କ’ଣ ଏବଂ ଭୁଲ କ’ଣ ବୁଝିହୋଇ ସଠିକ୍ ମାନସିକତା ବିକଶିତ ହୋଇଥାଏ । ହ୍ଵନ୍ଦ୍ଵର ପ୍ରଭାବ କମ୍ ହୋଇ ମନ ସ୍ଥିର ତଥା ନିୟନ୍ତ୍ରଣ ହୋଇଥାଏ । ‘ଯୋଗସୂତ୍ର’ ମନଜୟ ନିମନ୍ତେ ସର୍ବାକୁଷ୍ଟ ସୃଷ୍ଟି ଓ ଏଥିରେ ଥିବା ଅଷ୍ଟାଙ୍ଗ ସାଧନାର ପ୍ରଥମଅଙ୍ଗ ‘ଯମ’ ରେ ସାମାଜିକ ଜୀବନରେ କିଭଳି ଚଳିବାକୁ ହେବ ଏବଂ ଏହାଦ୍ଵାରା ମନ ନିୟନ୍ତ୍ରଣ ହେବ ତାହା ଦର୍ଶାଯାଇଛି । ‘ଯମ’ ରେ ପାଞ୍ଚଟି ଅନୁଶାସନ ରହିଛି । ସେଥିରୁ ପ୍ରଥମଟି ହେଲା ଅହିଂସା । ଅହିଂସା କ୍ରୋଧ ଉପରେ ବିଜୟ ଦ୍ଵାରା ସମ୍ଭବ ହୋଇଥାଏ । ହିଂସା ମନୋବୃତ୍ତି, କ୍ରୋଧ, ଅହଂକାର ସହ ଲୋଭ ଓ ଈର୍ଷା ଭଳି ମାନସିକତାରୁ ସୃଷ୍ଟି ହୋଇଥାଏ ।

ବ୍ୟକ୍ତିଗତ ଓ ସାମାଜିକ ଅସନ୍ତୁଳନ

ହିଂସା ଦ୍ଵାରା ବ୍ୟକ୍ତିଗତ ଓ ସାମାଜିକ ଅସନ୍ତୁଳନ ସୃଷ୍ଟି ହୋଇ ଅନେକ କ୍ଷୟକ୍ଷିତ ହୋଇଥାଏ । ଜୀବହାନି, ଶତ୍ରୁତାଭୟ ଓ ଅଶାନ୍ତି ଆଦି ସୃଷ୍ଟି ହୋଇ ମନ ଅସ୍ଥିର ରହିବା ସହ ନିଜରଓ ଅନ୍ୟମାନଙ୍କ ଜୀବନ ଦୁର୍ବିସହ କରିଥାଏ । ଟିକେ ଚିନ୍ତା କରନ୍ତୁ ଯେ; ଗୋଟିଏ ହିଂସାତ୍ମକ ବ୍ୟକ୍ତି ପାଇଁ ତା’ର ପରିପାର୍ଶ୍ଵ କିପରି ଭୟପୂର୍ଣ୍ଣ ଓ ଖରାପ ହୋଇଥାଏ । କ୍ରୋଧ ହିଂସାର ମୂଳ ମଞ୍ଜି । କ୍ରୋଧ ଏକ ଭୟାନକ ମାନସିକ ବ୍ୟାଧି । ଏହି ବ୍ୟାଧିରୁ ମୁକ୍ତି ନିମନ୍ତେପ୍ରଥମେ କ୍ରୋଧ ଦ୍ଵାରା ଲାଭକ୍ଷତି ବୁଝିବା ସହ ସମସ୍ତଙ୍କୁ ଭଲ ପାଇବାର ଅଭ୍ୟାସ କରିବାକୁ ପଡିବ । ଅନ୍ୟମାନଙ୍କ ଭୁଲ ଆଚରଣକୁ କ୍ଷମା କରିବାର ଅଭ୍ୟାସ କରନ୍ତୁ ଓ ଜବରଦସ୍ତ ସମସ୍ତଙ୍କୁ ଭଲପାଇବାର ଅଭ୍ୟାସ କରନ୍ତୁ । କ୍ରୋଧ ଓ ହିଂସାତ୍ମକ ଆଚରଣ ଦ୍ଵାରା ଅନ୍ୟ ଅପେକ୍ଷା ନିଜର ଅଧିକ କ୍ଷତି ହୋଇଥାଏ । ଅଧିକ ଶତ୍ରୁ ସୃଷ୍ଟି ହେବା ସହ ଅଶାନ୍ତି ଓ ଭୟ ଅଧିକ ବଢିଥାଏ । କୌଣସି ହିଂସାତ୍ମକ ଆଚରଣ କଲେ ସମାଜ ଦ୍ଵାରା ଦଣ୍ଡିତ ହେବାର ପରିସ୍ଥିତି ମଧ୍ୟ ସୃଷ୍ଟି ହୋଇଥାଏ । ଏହାଦ୍ଵାରା ବ୍ୟକ୍ତିଗତ ସ୍ଵାଧୀନତା ନଷ୍ଟ ହୋଇ ଜୀବନ ବିକଶିତ ହେବା ପରିବର୍ତ୍ତେ ସଂକୁଚିତ ହୋଇଥାଏ; ତେଣୁ ସ୍ଵାଧୀନତା, ଶାନ୍ତି ସୁସ୍ଥତା ମାନ ସମ୍ମାନ ଓ ବିକାଶ ନିମନ୍ତେ ଅହିଂସାରେ ପ୍ରତିଷ୍ଠିତ ହେବାକୁ ପଡିବ ।

ହିଂସାକୁ କମ୍ କରିବା ଅହିଂସା

ଅହିଂସାର ଅର୍ଥ ନୁହେଁ ଯେ ହିଂସା ଆଦୌ ନ କରିବା ବରଂ ହିଂସାକୁ କମ୍ କରିବା ଅହିଂସା । ମନେରଖନ୍ତୁ ଆପଣ ଦୟାପୂର୍ବକ ଗୋଟିଏ ଆତଙ୍କବାଦିକୁ ଣ ମାରି ଛାଡିଦେଲେ; ପରେ ସେହି ଆତଙ୍କବାଦୀ ଅନେକ ଲୋକଙ୍କ ହତ୍ୟାର କାରଣ ହୋଇପାରେ । ଆପଣ ଗୋଟିଏ ଲୋକକୁ ମାରିଥିଲେ ଅନେକ ଲୋକଙ୍କମୃତ୍ୟୁକୁ ରୋକି ପାରିଥାନ୍ତି । ତେଣୁ ଆତଙ୍କବାଦୀକୁ ଛାଡି ଆପଣଅଧିକା ହିଂସା ଆଚରଣ କଲେ । ବାଘ ଯଦି ମଣିଷ ମାରିବ; ତେବେ ସେ ବାଘକୁ ମାରିଦେବା ଅହିଂସା ଏବଂ ରୋଗୀକୁ ଭଲ କରିବା ନିମନ୍ତେ ଅସ୍ତ୍ରାପଚାର କରୁଥିବାବେଳେ ରୋଗୀ ମରିଗଲେ ତାହା ହିଂସା ନୁହେଁ । କେବଳ କ୍ରୋଧଲାଭ ଅହଂକାର ଓ ଈର୍ଷାରୁ ଜନ୍ମ ନେଉଥିବା ହିଂସାର ଦମନ କରାଯିବା ଦରକାର ।

ତେଣୁକରି ଆପଣଙ୍କ ମନରେ କ୍ରୋଧ ଜାଗ୍ରତ ହେଲାମାତ୍ରେ; ତୁରନ୍ତ ଏହାକୁ ଦମନ କରନ୍ତୁ । ନିଜର ବୁଝାନ୍ତୁ ଯେ ଏହା ଆପଣଙ୍କର ନୁଯାର କୌଣସି ଦୁର୍ବଳତା ଯୋଗୁଁ ସୃଷ୍ଟି ହେଉଛି ଏବଂ ଏହା ଦ୍ଵାରା କେବଳ ଆପଣଙ୍କର ହିଁ କ୍ଷତି ହେବ । ଏହିପରି ବାରମ୍ଭାର କରିବା ଦ୍ଵାରା କ୍ରୋଧ ଦମନ ହେବ ।

ଏହାଛଡା ଧ୍ୟାନସ୍ଥ ହୋଇ ମନକୁ ଚିନ୍ତାମୁକ୍ତ ଓ ସ୍ଥିର କରି ହିଂସାର କୁପ୍ରଭାବ ଓ ଅହିଂସାରେ ପ୍ରତିଷ୍ଠିତ ହେଲେ କିଭଳି ଚିରନ୍ତନ ଶାନ୍ତି ମିଳିବ, ସେ ସମ୍ପର୍କରେ ଅନୁଧ୍ୟାନ କରିବା ଆବଶ୍ୟକ ।

ଆଧାର

ସମାଜ

3.0
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Has Vikaspedia helped you?
Share your experiences with us !!!
To continue to home page click here
Back to top