ସେଆର କରନ୍ତୁ

ଔଷଧ ବିନା ଆରୋଗ୍ୟ

ଅଧିକାଂଶ ଅସୁସ୍ଥତା ପାଇଁ ଔଷଧର ଆବଶ୍ୟକତା ନାହିଁ । ଔଷଧ ବିନା ଆରୋଗ୍ୟ ହୋଇପାରିବେ ।

ଅଧିକାଂଶ ଅସୁସ୍ଥତା ପାଇଁ ଔଷଧର ଆବଶ୍ୟକତା ନାହିଁ  । ଆମ ଶରୀରରେ ନିଜସ୍ଵ ପ୍ରତିରୋଧକ ଶକ୍ତି ବା ରୋଗ ବିରୁଦ୍ଧରେ ସଂଗ୍ରାମ କରିବାପାଇଁ ନିଜସ୍ଵ ଉପାୟ ରହିଛି  । ଅଧିକାଂଶ କ୍ଷେତ୍ରରେ ଅପେକ୍ଷା ଶରୀରର ପ୍ରାକୃତିକ ପ୍ରତିରୋଧକ ଯଥେଷ୍ଟ ବେଶୀ ମୂଲ୍ୟବାନ  ।

ବିନା ଔଷଧରେ ଲୋକମାନେ ଥଣ୍ଡା ଓ ଜ୍ଵର ଭଳି ଅଧିକାଂଶ ରୋଗରୁ ଆପେ ଆପେ ଭଲ ହୋଇଯାଆନ୍ତି ।

ରୋଗ ସହିତ ସଂଗ୍ରାମ କରି ଅସୁସ୍ଥତା ଦୂରେଇ ଦେବାପାଇଁ ଅଧିକାଂଶ ସମୟରେ ଶରୀର ପାଇଁ ଯାହା ପ୍ରୟୋଜନୀୟ

ଏପରିକି ଔଷଧ ଦରକାର କରୁଥିବା ସାଘାଂତିକ ଅସୁସ୍ଥତାରୁ ଦେହ ଆପେ ହିଁ ଭଲ ହୋଇଥାଏ, ଔଷଧ କେବଳ ସାହାଯ୍ୟ କରିଥାଏ  । ତେଣୁ ପରିଷ୍କାର ପରିଚ୍ଛନ୍ନତା, ବିଶ୍ରାମ ଓ ପୁଷ୍ଟିକାର ଖାଦ୍ୟ ଯଥେଷ୍ଟ ଗୁରୁତ୍ଵପୂର୍ଣ୍ଣ  ।

ଅନେକାଂଶରେ ସ୍ୱାସ୍ଥ୍ୟର ଯତ୍ନନେବା ଔଷଧ ପ୍ରୟୋଗ ଉପରେ ନିର୍ଭର କରେ ନାହିଁ-କରିବା ମଧ୍ୟ ଉଚିତ୍ ନୁହେଁ  । ଯଦି ଆପଣ ଆଧୁନିକ ଔଷଧ ମିଳୁନଥିବା କୌଣସି ଅଞ୍ଚଳରେ ରହୁଥାନ୍ତି, ସେଠାରେ ମଧ୍ୟ ଆପଣ ଅଧିକାଂଶ ସାଧାରଣ ଅସୁସ୍ଥତାର ପ୍ରତିରୋଧ ଓ ଚିକିତ୍ସା ସୂଚାରୁରୂପେ କରିପାରିବେ  । କିନ୍ତୁ ଏହା କିପରି କରିବାକୁ ହୁଏ  ତାହା ଜାଣିଥିବା ଦରକାର  ।

ବିନା ଔଷଧରେ ଅଧିକାଂଶ ରୋଗର ପ୍ରତିରୋଧ ଓ ଚିକିତ୍ସା କରାଯାଇପାରିବ ।

ଯଦି ଲୋକମାନେ କେବଳ ଜଳର ସଠିକ୍ ଉପଯୋଗ କରନ୍ତି, ତେବେ ଏହାଦ୍ଵାରା ହିଁ, ସେମାନେ, ସମ୍ପ୍ରତି ପ୍ରୟୋଗ ତଥା ଅପ୍ରୟୋଗ କରାଯାଉଥିବା ସମସ୍ତ ଔଷଧ ଅପେକ୍ଷା, ରୋଗର ଯଥେଷ୍ଟ ବେଶୀ ପ୍ରତିରୋଧ ତଥା ଉପଶମ କରିପାରିବେ  ।

ଜଳଦ୍ଵାରା ଆରୋଗ୍ୟ

ଅନେକ ଲୋକ ଔଷଧବିନା ବଞ୍ଚିପାରିବେ, କିନ୍ତୁ କେହିହେଲେ ବି ଜଳବିନା ବଞ୍ଚିପାରିବେ ନାହିଁ  । ପ୍ରକୃତପକ୍ଷେ, ଆମ ଶରୀରର ପଚାଶଭାଗରୁ ଅଧିକ ଅଂଶ (୫୭%) ହେଉଛି ଜଳ  । ଯଦି ଗାଁ ଗହଳିରେ ରହୁଥିବା ପ୍ରତ୍ୟକ ବ୍ୟକ୍ତି ଜଳର ଉପଯୁକ୍ତ ବ୍ୟବହାର କରନ୍ତି, ତେବେ ଅସୁସ୍ଥତା ଓ ମୃତ୍ୟୁ-ବିଶେଷତଃ ଛୋଟପିଲାଙ୍କ କ୍ଷେତ୍ରରେ-ଅଧା କମାଇ ଦିଆଯାଇପାରିବ  ।

ଉଦାହରଣସ୍ୱରୂପ, ଜଳର ସଠିକ୍ ଉପଯୋଗ, ତରଳଝାଡାର ପ୍ରତିରୋଧ ଓ ଚିକିତ୍ସା, ଉଭୟ ନିମନ୍ତେ ପ୍ରାଥମିକ ପଦକ୍ଷେପ  । ଅଧିକାଂଶ ଅଞ୍ଚଳରେ ପିଲାମାନଙ୍କର ଅସୁସ୍ଥତା ଓ ମୃତ୍ୟୁର ତରଳ ଝାଡା ବା ଡାଇରିଆ ଏକ ଅତି ସାଧାରଣ କାରଣ  । ଦୂଷିତ ଜଳ ଏହାର ଏକ ମୁଖ୍ୟ କାରଣ

ପିଇବା ପାଇଁ ଓ ଖାଦ୍ୟପ୍ରସ୍ତୁତ କରିବା ପାଇଁ ଫୁଟା ପାଣିର ବ୍ୟବହାର ତରଳଝାଡାର ପ୍ରତିରୋଧର ଏକ ଗୁରୁତ୍ୱପୂର୍ଣ୍ଣ ଅଂଶ  । ଛୋଟ ଛୁଆଙ୍କ କ୍ଷେତ୍ରରେ ଏହା ବିଶେଷ ଗୁରୁତ୍ଵପୂର୍ଣ୍ଣ  । ଛୋଟ ଛୁଆଙ୍କର ଖାଇବା ବାସନକୁ ଗରମପାଣିରେ ଧୋଇବା ଉଚିତ୍  । ଝାଡା ଯାଇସାରିବା ପରେ, ଖାଇବା ପୂର୍ବରୁ ଓ ଖାଇବା ଜିନିଷ ବଢାବଢିପୂର୍ବରୁ ହାତକୁ ସାବୁନ ଓ ଜଳଦ୍ଵାରା ପରିଷ୍କାର କରି ଧୋଇବା ଆବଶ୍ୟକ  ।

ଛୋଟଛୁଆଙ୍କ କ୍ଷେତ୍ରରେ ତରଳଝାଡା ହୋଇ ମରିଯିବାର ସାଧାରଣ କାରଣ ହେଉଛି ଶରୀରରୁ ଯଥେଷ୍ଟ ବେଶୀ ଜଳୀୟ ଅଂଶ କମିଯିବା ତରଳଝାଡା ହୋଇଥିବା ପିଲାଟିକୁ ଚିନି ବା ମହୁ, ଲେମ୍ବୁ ଓ ଲୁଣମିଶା ପାଣି ପ୍ରଚୁର ପରିମାଣରେ ପିଇବାକୁ ଦେବାଦ୍ଵାରା ଦେହର ଜଳୀୟ ଅଂଶ ଅଭାବ ଅବସ୍ଥାକୁ ପ୍ରତିରୋଧ ବା ଦୂର କରାଯାଇପାରିବ  ।

ତରଳଝାଡା ହେଉଥିବା ଛୋଟଛୁଆଙ୍କୁ ଯଥେଷ୍ଟ ପରିମାଣର ତରଳ ପଦାର୍ଥ ଦେବା ଯେକୌଣସି ଔଷଧ ଅପେକ୍ଷା ଯଥେଷ୍ଟ ବେଶୀ ଗୁରୁତ୍ୱପୂର୍ଣ୍ଣ  । ପ୍ରକୃତପକ୍ଷେ, ଯଥେଷ୍ଟ ତରଳ ପଦାର୍ଥ ଦିଆଗଲେ ତରଳଝାଡାର ଚିକିତ୍ସା ପାଇଁ ସାଧାରଣତଃ କୌଣସି ଔଷଧ ଦରକାର ହୁଏ ନାହିଁ ।

କେତେକ ପରିସ୍ଥିତିରେ ଜଳର ସଠିକ୍ ଉପଯୋଗ, ଔଷଧ ବ୍ୟବହାର ଅପେକ୍ଷା ଅଧିକ ଗୁରୁତ୍ୱପୂର୍ଣ୍ଣ  ।

କେତେବେଳେ ଜଳର ସଠିକ ଉପଯୋଗ ଔଷଧ ଅପେକ୍ଷା ଅଧିକ ଫଳପ୍ରଦ ହୁଏ

ପ୍ରତିଷେଧକ

ପ୍ରତିରୋଧ ନିମନ୍ତେ

ପାଣିର ବ୍ୟବହାର

ତରଳଝାଡା, କୃମି ଓ ଅନ୍ତ୍ର ସଂକ୍ରମଣ

ପାଣି ସିଝାଇକରି ପିଇବା, ହାତ ପରିଷ୍କାର କରି ଢୋଇବା ଇତ୍ୟାଦି

ଚର୍ମରୋଗ

ବହୁତଥର ଗାଧୋଇବା

କ୍ଷତସ୍ଥାନ ସଂକ୍ରମିତ ହେବା, ଧନୁଷ୍ଟଙ୍କାର

କ୍ଷତସ୍ଥାନକୁ ସାବୁନ ଓ ପାଣିଦ୍ଵାରା ପରିଷ୍କାର କରି ଧୋଇବା

ଉତ୍ତାପଜନିତ ଆଘାତ, ଗରମଯୋଗୁଁ କ୍ଲାନ୍ତି

ଖରାଦିନେ ଥଣ୍ଡାପାଣିରେ ଏକାଧିକଥର ଗାଧୋଇବା, ଦିନସାରା ପ୍ରଚୁର ପରିମାଣର ଲୁଣମିଶା ପାଣି ପିଇବା

ଚିକିତ୍ସା

ଚିକିତ୍ସା ନିମନ୍ତେ

ପାଣିର ବ୍ୟବହାର

ତରଳଝାଡା ଓ ଜଳୀୟଅଂଶର ଅଭାବ

ପ୍ରଚୁର ପରିମାଣର ତରଳ ପଦାର୍ଥ ପିଇବା

ଜ୍ଵରଜନିତ ଅସୁସ୍ଥତା

ପ୍ରଚୁର ପରିମାଣର ତରଳ ପଦାର୍ଥ ପିଇବା

ପ୍ରବଳ ଜ୍ଵର, ଉତ୍ତାପଜନିତ ଆଘାତ, ଗରମ ଯୋଗୁଁ କ୍ଲାନ୍ତି

ଥଣ୍ଡା ପାଣିରେ ଦେହକୁ ଭିଜାଇବା

ମୂତ୍ରାଶୟର ସାମାନ୍ୟ ସଂକ୍ରମଣ (ସାଧାରଣତଃ ସ୍ତ୍ରୀଲୋକମାନଙ୍କ କ୍ଷେତ୍ରରେ)

ପ୍ରଚୁର ପାଣି ପିଇବା

କାଶ, ଆଜମା, ବ୍ରୋଙ୍କାଇଟିସ ନିମୋନିଆ, ହୁପିଙ୍ଗକାଶ ବା ଲହରା କାଶ

ପ୍ରଚୁର ପାଣି ପିଇବା ଓ ଗରମପାଣିର ବାଷ୍ପ ଶୁଙ୍ଘିବା (କଫ ତରଳ କରିବା ପାଇଁ)

ଘା’, ଯନ୍ତ୍ରଣାହୀନ ସପୂୟ କ୍ଷୁଦ୍ରବରଣ, ମଳାଯାଦୁ, ମୁଣ୍ଡଯାଦୁ, ମୁଖ ବ୍ରଣ

ପାଣି ଓସାବୁନଦ୍ଵାରା ଘଷି ମାଜି ହୋଇ ଗାଧୋଇବା

ସଂକ୍ରମିତ କ୍ଷତ, ବଥ, ବାଳମୂଳିଆ

ଗରମପାଣି ସେକଦେବା

ମାଂସପେଶୀ ଓ ଗଣ୍ଠିରେ ରକ୍କା ଓ ଘା’

ଗରମପାଣି ସେକଦେବା

କୁଣ୍ଡେଇବା, ଜଳିବା ବା କୁଣ୍ଡେଇହୋଇ ରସ କ୍ଷରଣ ହେବା

ଥଣ୍ଡାପାଣି ବା ବରଫପଟି

ଅଳ୍ପ ପୋଡିଯିବା

ଥଣ୍ଡାପାଣିରେ ବୁଡାଇ ରଖିବା

ତଣ୍ଟି ଘା’ ବା ଟନସିଲ୍ ବଢିବା

ଲୁଣମିଶା ଗରମପାଣିକୁ ତଣ୍ଟିପାଖରେ ଘଡଘଡ କରି କୁଲି କରିବା

ଆଖିରେ ଅମ୍ଳ, କ୍ଷାରଯୁକ୍ତ ଜଳ, ଧୁଳି କିମ୍ବା ଆଖିକୁ କଷ୍ଟହେବାପରି କିଛି ପଡିଯିବା

ସଙ୍ଗେସଙ୍ଗେ ଥଣ୍ଡାପାଣି ଆଖିରେ ୩୦ ମିନିଟ୍ ପର୍ଯ୍ୟନ୍ତ ଢାଳିବା

ନାକ ଚୁଣ୍ଟି ହୋଇଯିବା

ଲୁଣମିଶା ପାଣିକୁ ନାକଦ୍ୱାରାଶୋଷିବା

କୋଷ୍ଠବଦ୍ଧତା, କଠିନ ମଳ

ପ୍ରଚୁର ପାଣି ପିଇବା (ଅବଶ୍ୟ ବିରେଚନ ଅପେକ୍ଷା ପିଚକାରୀକ୍ରିୟା ଅଧିକ ନିରାପଦ  । କିନ୍ତୁ ଅଧିକ ବ୍ୟବହାର କରନ୍ତୁ ନାହିଁ)

ଅର୍ଶ, ମଳକଣ୍ଟକ

ଗରମାପାନୀରେ ଟୋପାଏ ପଟାସିୟମ ପରମାଙ୍ଗାନେଟ୍ ପକାଇ, ସେଥିରେ ପିଚାକୁ ବୁଡାଇ ରଖିବା  ।

ଜ୍ଵର ଜନିତ ଘା’ ବା ଫୋଟକା

ବରଫ ଲଗାଇବା

ଆଧାର – ଓଡିଶା ଭଲ୍ୟୁଣ୍ଟାରୀ ହେଲଥ  ଆସୋସିଏସନ

3.14285714286
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top