ବିସର୍ପ
ବିସର୍ପ
ଉପକ୍ରମ
ଏହା ଚର୍ମ ଉପରର ଏକ ପୀଡାଦାୟକ ସଂକ୍ରମଣ ଅଟେ । ଏହା ବହୁ ସମୟରେ ମୁହଁ ଉପରେ ନାକ ଧାରରେ ଦେଖାଦେଇଥାଏ, ମନ୍ଦା ଆକାରରେ ଲାଲ ହୋଇ ଫୁଲିଯାଏ । ଭୀଷଣ ଗରମ ରହେ ଏବଂ ଏହାର ଚାରିପାଖ ଧାର ଫୁଲିଲା ଆକାରରେ ରହିଥାଏ । ଏହି ମନ୍ଦାଟି ଖୁବ୍ ଶୀଘ୍ର ଶିଘେଆ ଶରୀରର ଅନ୍ୟାନ୍ୟ ଅଂଶକୁ ମାଡିଯାଏ । ଏହି ରୋଗ ଯୋଗୁଁ ଲସୀକା ଗ୍ରନ୍ଥୀ ଫୁଲିଯାଏ ଏବଂ ଜ୍ଵର ହୁଏ ।
ସେଲ୍ୟୁଲାଇଟିସ ମଧ୍ୟ ଯନ୍ତ୍ରଣାଦାୟକ ସଂକ୍ରମଣ ଅଟେ । ଚର୍ମ ଫାଟିଯିବା ଦ୍ଵାରା ଏହା ହୋଇଥାଏ । ଏହି ସଂକ୍ରମଣରେ ସଂକ୍ରମଣର ଧାର ବିସର୍ପଠାରୁ କମ୍ ଫୁଲିଲା ଭଳି ରହିଥାଏ ।
ଚିକିତ୍ସା
ଏହି ରୋଗ ଦେଖା ଦେବା କ୍ଷଣି ସଙ୍ଗେ ସଙ୍ଗେ ଚିକିତ୍ସା ଆରମ୍ଭ କରନ୍ତୁ । ଜୀବାଣୁନାଶୀ ଔଷଧର ଏଥିପାଇଁ ପ୍ରଧାନ ଔଷଧ ପେନିସିଲିନ ବଟିକା ୪ ଲକ୍ଷ ୟୁନିଟ ଦିନକୁ ୪ ଥର ଖାଇବାକୁ ଦିଅନ୍ତୁ । ଅତ୍ୟଧିକ ପରିସ୍ଥିତିରେ ପ୍ରତିଦିନ ୮ ଲକ୍ଷ ୟୁନିଟବାଲା ପ୍ରୋକେନ ପେନିସିଲିନ ଇଞ୍ଜେକ୍ସନ ନିଅନ୍ତୁ ଓ ସଂକ୍ରମଣର ସମସ୍ତ ଲକ୍ଷଣ ଦୂର ହେଲା ପରେ ମଧ୍ୟ ଆହୁରି ଦୁଇଦିନ ପର୍ଯ୍ୟନ୍ତ ତାହା ଗ୍ରହଣ କରନ୍ତୁ । ଏହା ସହିତ ବିନ୍ଧା କମାଇବା ପାଇଁ ଗରମ ସେକ ଦିଅନ୍ତୁ ଓ ଆସ୍ପିରିନ ଖାଆନ୍ତୁ ।
କୋଥ (ମାଂସପଚିବା)
କୌଣସି କ୍ଷତର ଏହା ହେଛି ଏକ ଭୟଙ୍କର ସଂକ୍ରମଣ ଏଥିରେ ଘା’ ଭୀଷଣ ଦୁର୍ଗନ୍ଧ ହୁଏ ଓ ଏଥିରୁ ମାଟିଆ ବା ବାଦାମୀ ରଙ୍ଗର ନସା ବୁହେ । ଘା ପାଖର ଚର୍ମ ଉପରେ କଳା ବକଳା ବାନ୍ଧିଯାଏ ଓ ଚର୍ମ ତଳେ ମାଂସରେ ବାୟୁ ଫୋଟକା ହୋଇଯାଏ । କୌଣସି ଖଣ୍ଡିଆ ହେବାର ୬ ଘଣ୍ଟାରୁ ୩ ଦିନ ମଧ୍ୟରେ ଏହି ସଂକ୍ରମଣ ହୋଇଥାଏ । ଖୁବ୍ ଶୀଘ୍ର ଏହା ଭୟଙ୍କର ରୂପ ଧାରଣ କରେ ଓ ଜଲ୍ଦି ସଂପ୍ରସାରିତ ହୋଇଥାଏ, ଉପଯୁକ୍ତ ଚିକିତ୍ସା କରା ନ ଗଲେ ରୋଗୀ ଖୁବ୍ କମ୍ ଦିନରେ ମୃତ୍ୟୁ ମୁଖରେ ପଡେ ।
ଚିକିତ୍ସା
- ଘା’କୁ ଯେତେ ସମ୍ଭବ ମେଲା କରି ଦିଅନ୍ତୁ ଓ ଉଷୁମ ପାଣି ଓ ସାବୁନରେ ଭଲ ଭାବରେ ଧୁଅନ୍ତୁ । ତାହା ଭିତରେ ଥିବା ମୃତ ପଚା ମାଂସକୁ କାଢି ସଫା କରି ଦିଅନ୍ତୁ । ଯଦି ସମ୍ଭବ ହେଉଛି ପ୍ରତି ଦୁଇ ଘଣ୍ଟାରେ ହାଇଡ୍ରୋଜେନ ପେରକସାଇଡ ତା ଉପରେ ଢାଳନ୍ତୁ ।
- ପେନିସିଲିନ ଇଞ୍ଜେକ୍ସନ ଦିଅନ୍ତୁ ୧୦୦୦୦୦୦ ୟୁ ପ୍ରତି ୩ ଘଣ୍ଟାରେ
- ଘା’ରେ ପବନ ବାଜିବା ପାଇଁ ତାହାକୁ ଖୋଲା ରଖନ୍ତୁ ଓ ତୁରନ୍ତ ଡାକ୍ତରଙ୍କ ପରାମର୍ଶ ଗ୍ରହଣ କରନ୍ତୁ ।
କମ୍ ରକ୍ତ ସଞ୍ଚାଳନ କାରଣରୁ ସୃଷ୍ଟି ହେଉଥିବା ଚର୍ମ ଉପରର ଘା’
ଚର୍ମ ଅଲସର୍ ବା ଚର୍ମ ଉପରର ଖୋଲାମୁହଁ ବଡ ଅନେକ କାରଣରୁ ହୋଇଥାଏ । ବୟସାଧିକ ଲୋକମାନଙ୍କର ଗୋଡ ଗଣ୍ଠିରେ ଏହି ରୋଗ ଅନେକ ସମୟରେ ଦେଖାଦେଇଥାଏ । ବିଶେଷତଃ ବୁଢିମାନଙ୍କର କମ୍ ରକ୍ତ ସଞ୍ଚାଳନ କାରଣରୁ ଲସୀକା ଗ୍ରନ୍ଥୀ ଫୁଲିଯାଇ ଗୋଡ ଗଣ୍ଠିରେ ଦୀର୍ଘକାଳୀନ ଘା’ ସୃଷ୍ଟି ହୋଇଥାଏ । ଗୋଡ ମଧ୍ୟରେ ରକ୍ତ ଦ୍ରୁତ ସଞ୍ଚାଳିତ ହୋଇପାରେ ନାହିଁ ଏହି ନାଳୀ ଘା କ୍ରମଶଃ ଖୁବ୍ ବଡ ଆକାର ଧାରଣ କରିଥାଏ । ଅଲସର୍ ହୋଇଥିବା ଚର୍ମର ଚାରି ପାଖ ଘନନୀଳ ବର୍ଣ୍ଣ ଧାରଣ କରେ, ଉଜ୍ଜ୍ଵଳ ଦିଶେ, ଖୁବ୍ ପତଳା ହୋଇଯାଏ ଓ ବହୁ ସମୟରେ ପାଦ ଫୁଲିଯାଏ ।
ଚିକିତ୍ସା
- ଅତ୍ୟଧିକ ଯତ୍ନନେଲେ ଯାଇ ଏହି ନାଳୀ ଘା’ ଧୀରେ ଧୀରେ ଆରୋଗ୍ୟ ହୁଏ । ସବୁଠାରୁ ଗୁରୁତ୍ଵପୂର୍ଣ୍ଣ ହେଉଛି ପାଦକୁ ଯେତେ ଉପରକୁ ତଥା ଯେତେ ଥର ଅଧିକ ସମ୍ଭବ ଟେକି ରଖନ୍ତୁ । ଶୋଇବା ବେଳେ ପାଦତଳେ ତକିଆ ରଖନ୍ତୁ । ଦିନବେଳେ ବିଶ୍ରାମ ନେଉଥିବା ସମୟରେ ପ୍ରତି ୧୫ ମିନିଟ୍ ରେ ପାଦକୁ ଉଚ୍ଚକୁ ଟେକି ଆରାମ କରୁଥାନ୍ତୁ । ଚାଲିଲେ ରକ୍ତ ସଞ୍ଚାଳନ ଦ୍ରୁତତର ହୋଇଥାଏ । ଗୋଟିଏ ସ୍ଥାନରେ ବହୁ ସମୟ ଠିଆ ହେବା ବା ଗୋଡ ତଳକୁ ଝୁଲେଇ ବସିବା ଅତ୍ୟନ୍ତ କ୍ଷତିକାରକ ।
- ଏକ ଲିଟର ପାଣିରେ ଏକ ଚାମଚ ଲୁଣ ମିଶାଇ ତାହାକୁ ଗରମ କରି ଏହି ଗରମ ପାଣି ସେକ ଘା’ ଉପରେ ଦିଅନ୍ତୁ । ପରିଷ୍କୃତ ଗଜ କନା ଢିଲା କରି ଘା’ ଉପରେ ବାନ୍ଧି ଦିଅନ୍ତୁ ଓ ତା’କୁ ସର୍ବଦା ପରିଷ୍କାର ରଖନ୍ତୁ ।
- ଫୁଲିଥିବା ନାଗରା ଶିରାକୁ ଇଲାଷ୍ଟିକ ପଟା ବା ବ୍ୟାଣ୍ଡେଜ ଦ୍ଵାରା ବାନ୍ଧି ଦିଅନ୍ତୁ । ଅଲସର୍ ଠିକ୍ ହୋଇଗଲା ପରେ ମଧ୍ୟ ଏହାର ପ୍ରୟୋଗ ତଥା ଗୋଡ ଉପରକୁ ଟେକି ରଖିବା ଅଭ୍ୟାସ ଅବ୍ୟାହତ ରଖିଥାଆନ୍ତୁ । ମନେ ରଖନ୍ତୁ, ପାଦ ଗଣ୍ଠି ପାଖରେ ଯଦି କୌଣସି ବିଶେଷ ଧରଣର ଦାଗ ଦେଇଛି ତାହାକୁ ଆଦୌ ରାମ୍ପୁଡନ୍ତୁ ନାହିଁ ଅଥବା ଖଣ୍ଡିଆ କରନ୍ତୁ ନାହିଁ ।
ଶଯ୍ୟା କ୍ଷତ
ଏହି ଦୀର୍ଘକାଳୀନ ଖୋଲା ଘା’ ସେହିମାନଙ୍କୁ ହୁଏ, ଯେଉଁମାନେ ବହୁଦିନ ଧରି ବେମାର ପଡିଥାନ୍ତି ଓ ବିଛଣାରେ ଏକଡ ସେକଡ ନ ହୋଇ ପାରି ଏକ କରିକିଆ ହୋଇ ପଡି ରହନ୍ତି । ବିଶେଷତଃ ଅତ୍ୟନ୍ତ ଦୁର୍ବଳ ତଥା ପତଳା ବୃଦ୍ଧ ଲୋକମାନଙ୍କୁ ବିଛଣାରେ ପଡି ପଡି ଏହି ରୋଗର ଶିକାର ହେବାକୁ ପଡିଥାଏ । ପ୍ରାୟତଃ ଦେହର ହାଡୁଆ ଅଂଶମାନଙ୍କରେ ବିଛଣା ସହ ଘଷି ହେବା ଫଳରେ ବଡ ବଡ ଘା’ ମାନ ସୃଷ୍ଟି ହୋଇଥାଏ । ମୁଖ୍ୟତଃ ପିଚା ହାଡ, ପିଠି , ପିଠିର ଖୁଆ ହାଡ ଉପରେ ତଥା ପାଦ ଗଣ୍ଠି ଉପରେ ଏହି ଘା’ ମାନ ସୃଷ୍ଟି ହୁଏ ।
ଶଯ୍ୟା କ୍ଷତ କବଳରୁ କିପରି ରକ୍ଷା ମିଳିବ
- ରୋଗୀ ବା ବୃଦ୍ଧ ଲୋକଟିକୁ ପ୍ରତି ଘଣ୍ଟାରେ କଡ ବଦଳାଇ ଶୁଆନ୍ତୁ । ମୁହଁ ଉପରକୁ କରି ଶୋଇଥିଲେ ତଳ ମୁହାଁ କରିବା, ବାମ କଡା ମାଡି ଶୋଇଥିଲେ ଡାହାଣ କଡ କରି ଶୁଆନ୍ତୁ ।
- ପ୍ରତିଦିନ ତାଙ୍କୁ ଗାଧୋଇ ଦିଅନ୍ତୁ ଓ ଚର୍ମ ଉପରେ ମାଲିସ୍ କରନ୍ତୁ ।
- ନରମ ଗଦି ଓ ନରମ ବିଛଣା ଚଦର ଉପରେ ଶୁଆଇ ଦିଅନ୍ତୁ । ପ୍ରତିଦିନ ଏହି ବିଛଣା ଚଦର ପରିବର୍ତ୍ତନ କରନ୍ତୁ । ଯେତେଥର ବିଛଣା ଉପରେ ପରିସ୍ରା, ଝାଡା, ବାନ୍ତି ଇତ୍ୟାଦି ହୋଇଯିବ, ସେତେଥର ସେ ବିଛଣାକୁ ବଦଳାଇ ଦିଅନ୍ତୁ ।
- ରୋଗୀର ହାଡୁଆ ଅଙ୍ଗ ତଳେ ନରମ ଗଦି ବା ତକିଆ ରଖନ୍ତୁ । ଦେହର ହାଡୁଆ ଅଂଶ ଉପରିସ୍ଥ ଚର୍ମ ବିଛଣାରେ ବେଶୀ ଘଷି ହେବନାହିଁ ।
- ରୋଗୀକୁ ଯେତେ ଅଧିକ ସମ୍ଭବ ପୁଷ୍ଟିକର ଖାଦ୍ୟ ଖାଇବାକୁ ଦିଅନ୍ତୁ । ଯଦି ସେ ଠିକ୍ ରୂପେ ଖାଇ ପିଇ ପାରୁ ନ ଥାନ୍ତି ତେବେ ତାଙ୍କୁ ଭିଟାମିନ୍ ଔଷଧ ଖାଇବାକୁ ଦିଅନ୍ତୁ ।
- ଯଦି ଛୋଟ ଶିଶୁଟିଏ ଭୀଷଣ ରୋଗାକ୍ରାନ୍ତ ହୋଇଥାଏ ଓ ଉଠି ବସିବା କ୍ଷମତା ହରାଇଥାଏ ତେବେ ତାହାର ମା’ କୋଳରେ ଧରି ବସିବା ଉଚିତ୍ ।
ଚିକିତ୍ସା
- ଉପର ବର୍ଣ୍ଣିତ ସମସ୍ତ ନିୟମ ପାଳନ କରନ୍ତୁ । ଘା’କୁ ପ୍ରତିଦିନ ଲୁଣ ମିଶା ଫୁଟନ୍ତା ବା ହାଇଡ୍ରୋଜେନ ପେରୋଅକସାଇଡ ପାଣିରେ ମିଶାଇ ଘା’କୁ ଧୁଅନ୍ତୁ । ଘା’ ଉପରେ ପଟି ବାନ୍ଧି ରଖନ୍ତୁ ।
- ସଂକ୍ରମଣରୁ ରକ୍ଷା ପାଇବା ପାଇଁ ଘା’ରେ ମହୁ, ଚିନି, ଗୁଡ ପୁରାଇ ଦିଅନ୍ତୁ । ଏହିଭଳି ଦିନକୁ ୨ ଥର କରିବା ଉଚିତ୍ ।
- ଘରୋଇ ଚିକିତ୍ସା ପାଇଁ ଅମୃତଭଣ୍ଡା ।
ଶିଶୁମାନଙ୍କର ଚର୍ମ ସମସ୍ୟା
ଚଡି ଘଷା
ସାଧାରଣତଃ ଛୋଟ ଶିଶୁମାନେ ପିନ୍ଧିଥିବା ଚଡି ବା ବିଛଣା ଆଦିରେ ପରିସ୍ରା କରିଥାନ୍ତି । ଏହି ଚଡି ବା ବିଛଣାରେ ଲାଗିଥିବା ମୂତ୍ର ଚର୍ମରେ ଲାଗିବା ଫଳରେ ବେଳେବେଳେ ପିଲାର ଦୁଇ ଜଙ୍ଘ ସନ୍ଧି ବା ପିଚାରେ ଲାଲ ମନ୍ଦା ମନ୍ଦା ହୋଇ ଏହିପରି ଫଳିଥାଏ ।
ଚିକିତ୍ସା
- ଉଷୁମ ପାଣି ଓ ମୃଦୁ ସାବୁନରେ ଶିଶୁକୁ ପ୍ରତିଦିନ ଗାଧୋଇ ଦିଅନ୍ତୁ ।
- ଶିଶୁ ଦେହରେ ଏହିପରି ମନ୍ଦା ମନ୍ଦା ଘା’ ନ ହେବା ପାଇଁ ତାହାକୁ ଚଡି ନ ପିନ୍ଧାଇ ଖୋଲା ଦେହରେ ରଖନ୍ତୁ
- ଯଦି ଚଡି ପିନ୍ଧାଇ ଦେଉଛନ୍ତି ତେବେ ବାରମ୍ବାର ବଦଳାଉଥାନ୍ତୁ । ଚଡି କୁ ସଫା କରି ପରେ ଭିନେଗାର ମିଶା ପାଣିରେ ବୁଡାଇ ଦିଅନ୍ତୁ ।
- ଘା’ ଚାଲିଗଲା ପରେ ପ୍ରତିଦିନ ଶିଶୁ ଦେହରେ ପାଉଡର ପକାନ୍ତୁ ।
- ପ୍ଲାଷ୍ଟିକ ଚଡି ବା ପଟି ବ୍ୟବହାର କରନ୍ତୁ ନାହିଁ ।
ମୁଣ୍ଡ ଉପର ଘା’
ସମୟେ ସମୟେ କେତେକ ଶିଶୁଙ୍କ ମୁଣ୍ଡ ଖପୁରୀରେ ତେଲିଆ ବକଳା ବାନ୍ଧିଥିବା ଘା’ ହୋଇଥାଏ । ଏହି ଚମଡା ଫୁଲି ଲାଲ ଦେଖାଯାଏ । ଗାଧୋଇ ଦେବାବେଳେ ଶିଶୁର ମୁଣ୍ଡକୁ ଭଲ ଭାବରେ ସଫା କରୁ ନ ଥିଲେ ବା ସବୁବେଳେ ମୁଣ୍ଡ ଉପରେ ଟୋପି ବା ପଗଡି ପିନ୍ଧେଇ ମୁଣ୍ଡକୁ ଘୋଡାଇ ରଖିଲେ ଏହି ଘା’ ସୃଷ୍ଟି ହୁଏ ।
ଚିକିତ୍ସା
- ପ୍ରତିଦିନ ମୁଣ୍ଡକୁ ଧୁଅନ୍ତୁ । ଯଦି ପାରୁଛନ୍ତି ତେବେ ଶିଶୁମାନଙ୍କ ପାଇଁ ମିଳୁଥିବା ଡାକ୍ତରୀ ପରୀକ୍ଷିତ ସାବୁନରେ ଢୋଇବା ଭଲ ।
- ଧୀରେ ଧୀରେ ଶିଶୁର ଖପୁରୀ ଉପରର ମଲା ମାଂସ ଓ ବକଳାକୁ ଛଡାଇ ପରିଷ୍କାର କରି ଦିଅନ୍ତୁ । ଏହି ବକଳାକୁ ନରମ କରିବା ପାଇଁ ପ୍ରଥମେ ଶିଶୁର ମଥା ଉପରେ ନଖ ଉଷୁମ ପାଣିରେ ଭିଜା ହୋଇଥିବା ତଉଲିଆ ବାନ୍ଧନ୍ତୁ ।
- ଘରୋଇ ଚିକିତ୍ସା ପାଇଁ
- ଶିଶୁର ମୁଣ୍ଡରେ ସୂର୍ଯ୍ୟ କିରଣ ଓ ଖୋଲା ପବନ ବାଜିବା ପାଇଁ ମୁଣ୍ଡକୁ ଖୋଲା ରଖନ୍ତୁ ।
- ଯଦି ସଂକ୍ରମଣର ସୂଚନା ମିଳୁଛି, ତେବେ ଚର୍ମପୂୟ ସମ୍ବନ୍ଧୀୟ ଚିକିତ୍ସା କରନ୍ତୁ ।
ବିଇଞ୍ଚି
ଲକ୍ଷଣ
- ଛୋଟ ଛୋଟ ପିଲାମାନଙ୍କର ଗାଳରେ, ଖୁଆରେ ବା ହାତରେ ଲାଲ ରଙ୍ଗର ଦାଗ ହୋଇଯାଏ ବା ଅଗିଆ ବାତ ଭଳି ଫୁଲିଯାଏ । ଏହା ଉପରେ ଛୋଟ ଛୋଟ ଘା’ ହୁଏ ଓ ବକଳା ବାନ୍ଧିଯାଏ (ଫାଟି ନସା ବୁହେ) ।
- ବଡ ପିଲା ତଥା ବୟସ୍କ ଲୋକଙ୍କଠାରେ ବିଇଞ୍ଚି ହେଲେ ସେଥିରୁ ନସା ବୁହେ ନାହିଁ ଓ ସାଧାରଣତଃ ଶୁଖିଲା ରୁହେ । ଏହା ପ୍ରାୟତଃ ଆଣ୍ଠୁ ପଛ ପଟ ତଥା କହୁଣୀ ଭିତରେ ହୋଇଥାଏ ।
- ଏହା ସଂକ୍ରମଣ ପରି ଆରମ୍ଭ ନ ହୋଇ କୌଣସି ସମ୍ବେଦନ ପ୍ରତିକ୍ରିୟା ଭଳି ଆରମ୍ଭ ହୁଏ ।
ଚିକତ୍ସା
- ଫଳିଯାଉଥିବା ସ୍ଥାନରେ ଥଣ୍ଡା ଚାପ ଦିଅନ୍ତୁ ।
- ଯଦି ସଂକ୍ରମଣର ଲକ୍ଷଣ ପ୍ରକାଶ ପାଏ, ତେବେ ଚର୍ମପୂୟ ପରି ଚିକିତ୍ସା କରନ୍ତୁ ।
- ଘା’ ମନ୍ଦା ଉପରେ ସୂର୍ଯ୍ୟ କିରଣ ପଡିବାକୁ ଦିଅନ୍ତୁ ।
- ଅତ୍ୟଧିକ ଜଟିଳ ପରିସ୍ଥିତିରେ କର୍ଟିସୋନ ବା କର୍ଟିକୋଷ୍ଟିରଏଡ କ୍ରୀମ ଲଗାନ୍ତୁ ।
- ଯଦି ବିଇଞ୍ଚି ମନ୍ଦାରୁ ନସା ବୋହୁଥାଏ ତେବେ ତାହା ଉପରେ ଅଳସୀ ତେଲ ଲଗାନ୍ତୁ । କାରଣ ଏହା ଚର୍ମକୁ ଶୁଷ୍କ ହେବାକୁ ନ ଦେବା ସଙ୍ଗେ ସଙ୍ଗେ କୁଣ୍ଡେଇ ହେବା କମେଇ ଦିଏ । ମନେ ରଖନ୍ତୁ, ବିଇଞ୍ଚିରେ ସୋରିଷ ତେଲ ଆଦୌ ଲଗାଇବେ ନାହିଁ ।
ଚର୍ମ ପ୍ରଦାହ ରୋଗ
ଲକ୍ଷଣ
ଏହି ରୋଗରେ ଚର୍ମ ଲାଲ ବା ନୀଳ ଧୂଷର ବର୍ଣ୍ଣ ଧାରଣ କରିଥାଏ ଓ ତା ଉପରେ ବହଳିଆ ଅମସୃଣ ମନ୍ଦା ମନ୍ଦା ହୋଇ ଧଳା ବା ରୂପା ରଙ୍ଗର ଗାର ପଡିଲା ଭଳି ଦିଶୁଥାଏ । ଏହି ଚିହ୍ନମାନ ପ୍ରାୟତଃ ଚିତ୍ରରେ ଦେଖାଇ ଦିଆଯାଇଥିବା ସ୍ଥାନମାନଙ୍କରେ ଦେଖା ଯାଇଥାଏ ।
- ଏହି ଭଳି ଅବସ୍ଥା ଅନେକ ଦିନ ପର୍ଯ୍ୟନ୍ତ ରହିଥାଏ ବା ମଝିରେ ମଝିରେ ଭଲ ହୋଇଯାଇ ପୁନଶ୍ଚ ବାରମ୍ବାର ଲେଉଟିଲେ ମଧ୍ୟ ଏହା କୌଣସି ସଂକ୍ରମଣରୁ ସୃଷ୍ଟି ହୁଏ ନାହିଁ । ସୁତରାଂ କ୍ଷତିକାରକ ନୁହେଁ ।
ଚିକିତ୍ସା
- ଏହି ଘା’ ମନ୍ଦାରେ ସୂର୍ଯ୍ୟ କିରଣ ବାଜିଲେ ବହୁ ସମୟରେ ଉପକାର ମିଳିଥାଏ । ସମୁଦ୍ରରେ ଗାଧୋଇଲେ ଉପକାର ମିଳିଥାଏ । କର୍ଟିକୋଷ୍ଟିରଏଡ ମଲମ ବା ଆଲକାତରା ତେଲ ଲଗାଇଲେ ମଧ୍ୟ ଉପକାର ମିଳେ ।
ଆଧାର – ଓଡିଶା ଭଲ୍ୟୁଣ୍ଟାରୀ ହେଲଥ ଆସୋସିଏସନ
Last Modified : 6/9/2020
