ହୋମ / ସ୍ଵାସ୍ଥ୍ୟ / ଯେଉଁଠି ଡାକ୍ତର ନାହାଁନ୍ତି / ପ୍ରାଥମିକ ଚିକିତ୍ସା (ଉତ୍ତାପ ଜନିତ ଜରୁରୀ ଆବସ୍ଥା)
ସେଆର କରନ୍ତୁ

ପ୍ରାଥମିକ ଚିକିତ୍ସା (ଉତ୍ତାପ ଜନିତ ଜରୁରୀ ଆବସ୍ଥା)

ପ୍ରାଥମିକ ଚିକିତ୍ସା (ଉତ୍ତାପ ଜନିତ ଜରୁରୀ ଆବସ୍ଥା)ର ସୂଚନା ।

ଉତ୍ତାପ ଜନିତ ଟଣକା

ଗରମ  ଦିନରେ ଯେଉଁ ଲୋକମାନେ ପ୍ରଚୁର ଝାଳବୁହାଇ କଠିନ ପରିଶ୍ରମ କରନ୍ତି, ବେଳେବେଳେ ସେମାନଙ୍କର ଗୋଡ, ହାତ ଓ ପେଟ ଇତ୍ୟାଦି ଟଣକି ଯାଇ  ବହୁତ  କଷ୍ଟ  ପାଆନ୍ତି। ଦେହରେ ଲବଣାଂଶର ଅଭାବରୁ ଏହା ହୋଇଥାଏ।

ଚିକିତ୍ସା

ଗୋଟିଏ ଲିଟର ଫୁଟା ପାଣିରେ ଏକ ଚା ଚାମଚ ଲୁଣ ମିଶାଇ ପିଅନ୍ତୁ । ଏହା ସହିତ ଅଳ୍ପ ଚିନି ଓ ଲେମ୍ବୁ ରସ ମିଶାଇ ପାରନ୍ତି ।

ଉତ୍ତାପ ଜନିତ କ୍ଲାନ୍ତି

ଲକ୍ଷଣ

ଗରମ  ଦିନରେ ପ୍ରଚୁର ଝାଳ ବୁହାଇ କଠିନ ପରିଶ୍ରମ କରୁଥିବା ଲୋକ ମଳିନ ଓ ଦୁର୍ବଳ ହୋଇଯାଏ ଓ ମୂର୍ଚ୍ଛା  ହୋଇଗଲା  ପରି  ଅନୁଭବ କରେ। ଚର୍ମ ଥଣ୍ଡା ଓ ଝାଳୁଆ ହୋଇଯାଏ । ନାଡିର ଗତି  ପ୍ରଖର ଓ ଦୁର୍ବଳ ହୋଇଯାଏ । ବିଶେଷତଃ ଅତି ଗରମ ଦିନରେ ଚର୍ମ ଥଣ୍ଡା ଓ ଝାଳୁଆ ହେଲେ ମଧ୍ୟ ଶରୀରର ଉତ୍ତାପ ନ ବଢି ଠିକ୍ ଥାଏ।

ଚିକିତ୍ସା

ସେହି  ବ୍ୟକ୍ତିଙ୍କୁ  ଥଣ୍ଡା  ଜାଗାରେ ଶୁଆଇ ଦିଅନ୍ତୁ ଓ ତାଙ୍କ ପାଦକୁ  ଉପରକୁ  ଟେକି  ଘଷି  ଦିଅନ୍ତୁ । ଲୁଣପାଣି ପିଇବାକୁ  ଦିଅନ୍ତୁ  (ପୂର୍ବ ବର୍ଣ୍ଣିତ ଅନୁପାତରେ ଯଥା – ଗୋଟିଏ ଲିଟର ପାଣିରେ ୧ ଚାମଚ ଲୁଣ)। (ଜଣେ ଅଚେତ ଅବସ୍ଥାରେ  ଥିଲାବେଳେ ପାଟିବାଟେ କିଛି ଖାଇବାକୁ ଦିଅନ୍ତୁ ନାହିଁ )

ଉତ୍ତାପ ଜନିତ ଆଘାତ

ଉତ୍ତାପ ଜନିତ ଆଘାତ ଏକ ସାଧାରଣ ରୋଗ ହୋଇ ନଥିଲେ ମଧ୍ୟ ଅତ୍ୟନ୍ତ  ବିପଦଜନକ। ବିଶେଷତଃ ଗରମ  ଦିନରେ  ବୃଦ୍ଧଲୋକ ମାନଙ୍କୁ ଓ ମଦ୍ୟପାନ କରୁଥିବା ବ୍ୟକ୍ତି  ବିଶେଷଙ୍କୁ ଏହା ହୋଇଥାଏ।

ଲକ୍ଷଣ :

  • ଚର୍ମ ଲାଲ,ଗରମ ଓ ଶୁଷ୍କ ଅନୁଭୂତ ହୁଏ, ଏମିତିକି  କାଖ ତଳେ ମଧ୍ୟ ଓଦାଳିଆ ନ ଥାଏ । ଜ୍ଵର ଅଧିକ  ହୁଏ ।
  • ଅଧିକାଂଶ ସମୟରେ ରୋଗୀ ଅଜ୍ଞାନ  ହୋଇଯାଇଥାଏ ଇତ୍ୟାଦି।

ଚିକିତ୍ସା :

ଶରୀରର ଉତ୍ତାପକୁ ଖୁବ୍ ଶୀଘ୍ର  କମାଇ ଦେବାକୁ ହେବ।

  • ସେହି ବ୍ୟକ୍ତିଙ୍କୁ  ଛଡାଇ ପଡିଥିବା ଜାଗାରେ ରଖନ୍ତୁ ।
  • ଦେହରୁ ପୋଷାକ କାଢିଦେଇ ଦେହ ଉପରେ ଥଣ୍ଡାପାଣି ଢାଳନ୍ତୁ ।
  • ତାଙ୍କୁ ପଙ୍ଖା କରନ୍ତୁ।
  • ପିଚକାରୀ ପ୍ରଣାଳୀରେ ମଳଦ୍ଵାର ବାଟେ ବରଫ ପାଣି ଭର୍ତ୍ତି କରନ୍ତୁ ।
  • ପ୍ରତି ୧୫  ମିନିଟକୁ ଥରେ ଉତ୍ତାପ ମାପନ୍ତୁ। ଶରୀରର ଉତ୍ତାପ ସେଣ୍ଟିଗ୍ରେଡରୁ କମିଗଲେ ଦେହ ଉପରେ  ଥଣ୍ଡାପାଣି  ଢାଳିବା ବନ୍ଦ କରିଦେଇ,ଡାକ୍ତରୀ ସାହାଯ୍ୟ ନିଅନ୍ତୁ ।

ଅତ୍ୟଧିକ  ଉତ୍ତାପଠାରୁ ଦୂରରେ ରହିବା ପାଇଁ ଖରାଦିନେ ପାଣିରେ ଅଳ୍ପ ଲୁଣ ମିଶାଇ ପ୍ରଚୁର ପିଅନ୍ତୁ ।

ଆଧାର - ଓଡିଶା ଭଲ୍ୟୁଣ୍ଟାରୀ ହେଲଥ ଆସୋସିଏସନ

1.5
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top