ହୋମ / ସ୍ଵାସ୍ଥ୍ୟ / ଯେଉଁଠି ଡାକ୍ତର ନାହାଁନ୍ତି / ପ୍ରାଥମିକ ଚିକିତ୍ସା (ହୃଦୟଘଷା ବା ମାଲିସ କେମିତି କରିବେ)
ସେଆର କରନ୍ତୁ

ପ୍ରାଥମିକ ଚିକିତ୍ସା (ହୃଦୟଘଷା ବା ମାଲିସ କେମିତି କରିବେ)

ପ୍ରାଥମିକ ଚିକିତ୍ସା (ହୃଦୟଘଷା ବା ମାଲିସ କେମିତି କରିବେ) ସେ ସମ୍ବନ୍ଧରେ ସୂଚନା ।

ହୃଦୟଘଷା ବା ମାଲିସ କେମିତି କରିବେ ?

  • ଲୋକକୁ ପିଠି ପଟିଆ ଶୁଆଇ ଦିଅନ୍ତୁ । ଦେଖନ୍ତୁ ସେ ଯେଉଁ ଜାଗାରେ ଶୋଇଛି ତାହା କଠିନ ହେବା ଦରକାର ।
  • ତାର ମୁଣ୍ଡକୁ ଗୋଟିଏ କଡକୁ  କରିଦିଅନ୍ତୁ, ଆପଣ ନିଜେ ଆଣ୍ଠେଇ ପଡନ୍ତୁ । ରୋଗୀର ମୁଣ୍ଡକୁ ପଛକୁ ଟାଣି  ଧରି  ଅଧଃ  ହନୁହାଡକୁ ଭିଡି ଧରନ୍ତୁ ।
  • ଆପଣଙ୍କ ହାତର ପାପୁଲି  ଛାତିର ମଝିକୁ ରଖନ୍ତୁ ଓ  ଚିତ୍ରରେ ଦେଖାଯାଇଥିବା ଭଳି ଡାହାଣ ହାତ ଉପରେ ବାମ ହାତ  ରଖନ୍ତୁ ।
  • କହୁଣି ସିଧାକରି ଛାତି  ହାଡ ଦେଢ  ଇଞ୍ଚିରୁ  ଦୁଇ  ଇଞ୍ଚ  ଦବିବାଯାଏଁ  ଚାପ  ଦିଅନ୍ତୁ । ପରେ ହାତ ନ କାଢି ଢିଲା  କରିଦିଅନ୍ତୁ । ଏହିପରି  ପ୍ରତି  ମିନିଟ୍ ରେ ୬୦ରୁ ୮୦ ଥର କରନ୍ତୁ । ଛୋଟ ପିଲାମାନଙ୍କ କ୍ଷେତ୍ରରେ ମଝି  ଆଙ୍ଗୁଠି ଓ ବୁଢା  ଆଙ୍ଗୁଠି ବ୍ୟବହାର କରି ଘଷିବା  ଉଚିତ୍ ଏବଂ  ପ୍ରତିମିନିଟ୍ ରେ ୮୦ – ୧୦୦ ଥର କରନ୍ତୁ । ଯଦି ଏହାଦ୍ଵାରା  ବି ବ୍ୟକ୍ତି  ନିଶ୍ଵାସ ନେଉ ନାହିଁ  ବା ହୃଦସ୍ପନ୍ଦନ ହେଉନାହିଁ  ତେବେ  ପାଟିରୁ ପାଟି ନିଶ୍ଵାସ ପ୍ରଶ୍ଵାସ ନେବା  ସହିତ ହୃତପିଣ୍ଡକୁ ଚାପି ଦିଅନ୍ତୁ । ଗୋଟିଏ ଥର ପାଟିରେ ପାଟି ଲଗାଇ ଶ୍ଵାସକ୍ରିୟା କରିବା ବେଳକୁ ଚାରି ଥର ଛାତିରେ ଚାପ ଦିଆ ସରିଥିବା ଉଚିତ୍ ।

ଯଦି ପାଖରେ ୨ ଜଣ ବ୍ୟକ୍ତି  ଥାଆନ୍ତି ଜଣେ ପାଟିରେ ପାଟି ଲଗାଇ ନିଶ୍ଵାସ ନେଇପାରିବେ ଓ ଅନ୍ୟ ଜଣକ  ଛାତିରେ  ଚାପ ଦେଇପାରିବେ । ଏହିପରି କାମ  ରୋଗୀ  ନିଜେ ନିଶ୍ଵାସ ନେବା ପର୍ଯ୍ୟନ୍ତ କିମ୍ବା ରୋଗୀର ହୃଦସ୍ପନ୍ଦନ  ଆସିବା ପର୍ଯ୍ୟନ୍ତ  କିମ୍ବା ନିଃସନ୍ଦେହ ଭାବେ ରୋଗୀ  ମରିଯାଇଛି ବୋଲି ଧାରଣା ହେବା ପର୍ଯ୍ୟନ୍ତ କରିଚାଲନ୍ତୁ । ହୃଦୟଘଷା  କାମ କରିବାର  ଅଧଘଣ୍ଟା ମଧ୍ୟରେ ଯଦି କିଛି ଉନ୍ନତି ନ ହୁଏ ତେବେ ଏହା ବନ୍ଦ କରିଦିଅନ୍ତୁ ।

ହୃଦୟଘଷାରୁ ଉତ୍ପନ୍ନ ଜଟିଳତା

  • ଯେତେବେଳେ ଆପଣ ଛାତିରେ ଚାପ  ଦେଉଛନ୍ତି,  ଅତ୍ୟଧିକ ଚାପ ନ ଦେବା ପାଇଁ ଚେଷ୍ଟା କରନ୍ତୁ । କାରଣ ଅଧିକ  ଚାପ  ଦେବା ଦ୍ଵାରା  ପଞ୍ଜରା  ହାଡ  ଭାଙ୍ଗିଯାଇ ଯକୃତରେ କ୍ଷତ ସୃଷ୍ଟି କରିଥାଏ ।
  • ରୋଗୀକୁ ପ୍ରଘାତ ହୋଇଛି କି ? (ହଳଦିଆ, ନିସ୍ତେଜ  ଚର୍ମ, ଦୁର୍ବଳ, ତୀବ୍ର  ନାଡିଗତି ଥିବ) ଯଦିଥାଏ ତେବେ ତା’ର  ପୋଷାକ ଯଥାସମ୍ଭବ ଖୋଲି ଦିଅନ୍ତୁ । ମୁଣ୍ଡ ତଳକୁ ଓ  ପାଦ ସାମାନ୍ୟ ଉପରକୁ କରି ରଖନ୍ତୁ । ଯଦି ଅଜ୍ଞାନ ବ୍ୟକ୍ତି ଅଧିକ  ମାତ୍ରାରେ ଖଣ୍ଡିଆ  ଖାବରାର ସମ୍ଭାବନାଥାଏ ସେ ଜ୍ଞାନ ପାଇବା  ପର୍ଯ୍ୟନ୍ତ ତାକୁ  ଏପଟ  ସେପଟ କରନ୍ତୁ ନାହିଁ । ଯଦି ଅନ୍ୟ  ଜାଗାକୁ ନେବାର ଅତି ଦରକାର ତେବେ ଯତ୍ନର ସହିତ କରନ୍ତୁ । କାରଣ ତାଙ୍କର ବେକ ଯଦି  ଭାଙ୍ଗିଯାଇଥାଏ ତେବେ  ବ୍ୟକ୍ତିଙ୍କୁ ସ୍ଥାନାନ୍ତର କରିବାଦ୍ଵାରା ସେ ହୁଏତ ଅଧିକ ଆଘାତପ୍ରାପ୍ତ  ହୋଇପାରନ୍ତି ।
  • ବ୍ୟକ୍ତିଙ୍କର ହାଡ ଭାଙ୍ଗିଯାଇଛି ବା ଖଣ୍ଡିଆ ଖାବରା ହୋଇଛନ୍ତି  କି ନାହିଁ ଦେଖନ୍ତୁ ।
  • ଏହା ଉତ୍ତାପ ଜନିତ ଆଘାତ ଯୋଗୁଁ ହୋଇପାରେ (ଝାଳହୀନତା,ପ୍ରବଳ ଜ୍ଵର, ଗରମ  ଓ ନାଲି  ଚର୍ମ, ପୃଷ୍ଠା ୧୧୫ ଦେଖନ୍ତୁ)। ଯଦି  ଏମିତି  ହୋଇଥାଏ  ତାଙ୍କୁ  ସୂର୍ଯ୍ୟାଲୋକଠାରୁ  ଦୂରେଇ  ରଖନ୍ତୁ, ମୁଣ୍ଡ  ରହିଥିବା ଉଚ୍ଚତାଠାରୁ ଉର୍ଦ୍ଧ୍ଵରେ  ଗୋଡକୁ ରଖି ଶୁଆଇ ଦିଅନ୍ତୁ ଓ ଥଣ୍ଡା  ପାଣିରେ ଦେହକୁ ପୋଛି ଦିଅନ୍ତୁ (ସମ୍ଭବହେଲେ  ବରଫା  ପାଣି  ବ୍ୟବହାର କରନ୍ତୁ ) ।

ଅଜ୍ଞାନ ବ୍ୟକ୍ତିଙ୍କ ପାଟିରେ କିଛି  ପଦାର୍ଥ  ଆଦୌ  ଦିଅନ୍ତୁ  ନାହିଁ ।

ଆଧାର – ଓଡିଶା ଭଲ୍ୟୁଣ୍ଟାରୀ ହେଲଥ ଆସୋସିଏସନ

3.14285714286
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top