ସେଆର କରନ୍ତୁ

ରୋଗୀକୁ କିପରି ପରୀକ୍ଷା କରିବେ

ରୋଗୀକୁ କିପରି ପରୀକ୍ଷା କରିବେ ସେ ସମ୍ବନ୍ଧରେ ସୂଚନା ।

ରୋଗୀର ପରୀକ୍ଷା

ଜଣେ ଅସୁସ୍ଥ ବ୍ୟକ୍ତି ପ୍ରକୃତରେ କ’ଣ ଦରକାର କରୁଛି ତାହା ଜାଣିବା ପାଇଁ କେତେକ ଗୁରୁତ୍ଵପୂର୍ଣ୍ଣ ପ୍ରଶ୍ନ ତାକୁ ପଚାରି ତା ପରେ ଭଲଭାବରେ ରୋଗୀକୁ ପରୀକ୍ଷା କରିବା ଦରକାର । ରୋଗୀ କେତେକ ଚିହ୍ନ ଓ ଲକ୍ଷଣ ଅନୁଧ୍ୟାନ କଲେ ରୋଗର ପ୍ରକୋପ ଓ ରୋଗୀଟି କେଉଁ ରୋଗଦ୍ଵାରା ଆକ୍ରାନ୍ତ ତାହା ଆପଣ ଜାଣିପାରିବେ ।

ରୋଗୀକୁ ଅନୁଧ୍ୟାନ କରିବାକୁ ଓ ପଚାରିବାକୁ କେତେକ ନିର୍ଦ୍ଦିଷ୍ଟ ଦରକାରୀ ବିଷୟ ରହିଛି । ରୋଗୀ ଅନୁଭବ କରୁଥିବା ଓ ପ୍ରକାଶ କରୁଥିବା ଲକ୍ଷଣଗୁଡିକ ତଥ୍ୟ ଆପଣ ପରୀକ୍ଷା ସମୟରେ ଦେଖୁଥିବା ଅନ୍ୟାନ୍ୟ ଚିହ୍ନଗୁଡିକ ଏହାର ଅନ୍ତର୍ଭୁକ୍ତ । ଛୋଟଛୁଆ ଓ କଥା କହିପାରୁଥିବା ବ୍ୟକ୍ତି ବିଶେଷଙ୍କ କ୍ଷେତ୍ରରେ ଏହି ଚିହ୍ନଗୁଡିକ ବିଶେଷ ଗୁରୁତ୍ଵପୂର୍ଣ୍ଣ ।

ରୋଗୀକୁ ପରୀକ୍ଷା କରିବା ପୂର୍ବରୁ ଆପଣ ସ୍ଥିର ନିଶ୍ଚିତ ହୁଅନ୍ତୁ ଯେ,

  1. ସେ ସୁସ୍ଥତା ବୋଧ କରୁଛି କି ନାହିଁ ।
  2. ଆପଣ ରୋଗ ବାବଦରେ ପଚାରିଲାବେଳେ ଆତ୍ମୀୟଙ୍କ ଭଳି ପଚାରନ୍ତୁ ।
  3. ଯାହା ପଚାରୁଛନ୍ତି ରୋଗକୁ ଆଧାର କରି ପଚାରନ୍ତୁ ।
  4. ରୋଗ ବାବଦରେ ରେକର୍ଡ ରଖନ୍ତୁ, ଏହା ପରେ ସାହାଯ୍ୟ କରିବ ।
  5. ସୂର୍ଯ୍ୟଲୋକରେ ପରୀକ୍ଷା କରନ୍ତୁ ।
  6. ଜରୁରୀ କ୍ଷେତ୍ରରେ ଯଥା ରକ୍ତସ୍ରାବ, ଆଘାତ କ୍ଷେତ୍ରରେ ପ୍ରଥମେ ଚିକିତ୍ସା କରନ୍ତୁ ଓ ପରେ ପଚାରନ୍ତୁ ।
  7. ଶିଶୁ ବା ପିଲାମାନଙ୍କୁ ପରୀକ୍ଷା କରୁଥିଲେ ତାଙ୍କର ଜମାପଟା କାଢି ଦିଅନ୍ତୁ ।
  8. ଯଦି ରୋଗୀ ରୋଗ ହେବାର ଦିନ ନ କହିପାରେ ତେବେ ପର୍ବ ପର୍ବାଣୀକୁ ଆଧାର କରି ପଚାରନ୍ତୁ ।

ରୋଗୀକୁ ପଚାରିବା ବେଳେ ରୋଗୀର ଅଭିଯୋଗ କେବଳ ଟିପନ୍ତୁ ନାହିଁ ଏଥି ସହିତ ରୋଗର ଇତିହାସ ବା ଅନ୍ୟାନ୍ୟ କଥା ଜାଣିବାକୁ ଚାହାଁନ୍ତୁ ଯାହା ରୋଗ ବାବଦରେ ସଂପୂର୍ଣ୍ଣ ସୂଚନା ଦେଇପାରିବ ।

ଯଥେଷ୍ଟ ଆଲୋକଥିବା ଜାଗାରେ, ବିଶେଷକରି ସୂର୍ଯ୍ୟାଲୋକରେ ରୋଗୀକୁ ପରୀକ୍ଷା କରନ୍ତୁ – ଅନ୍ଧାରୁଆ ଘରେ କେବେ ବି ପରୀକ୍ଷା କରନ୍ତୁ ନାହିଁ ।

ରୋଗୀକୁ ପରୀକ୍ଷା କରିବା ସମୟରେ, ଅନୁଧ୍ୟାନ କରୁଥିବା ବିଷୟଗୁଡିକ କାଗଜରେ ଟିପି ରଖନ୍ତୁ । ସ୍ୱାସ୍ଥ୍ୟ କର୍ମଚାରୀଙ୍କ ଆବଶ୍ୟକତା ପଡିଲେ ତାକୁ ସେଗୁଡିକ ଦେଖାନ୍ତୁ ।

ପ୍ରଶ୍ନ

  • ରୋଗୀକୁ ନିଜଭାଷାରେ ତା’ର ଅଭିଯୋଗଗୁଡିକ କହିବାକୁ ସୁଯୋଗ ଦିଅନ୍ତୁ । ସେ କହିସାରିଲାପରେ ରୋଗର ଅନ୍ୟାନ୍ୟ ସୂଚନା ଜାଣିବାପାଇଁ ଆପଣ କେତେଗୁଡିକ ପ୍ରଶ୍ନପଚାରନ୍ତୁ । ନିମ୍ନ ପ୍ରଶ୍ନଗୁଡିକ ପଚାରିବାକୁ ଭୁଲାନ୍ତୁ ନାହିଁ । ବର୍ତ୍ତମାନ ଆପଣଙ୍କର ସବୁଠାରୁ ବଡ ଅସୁବିଧା କ’ଣ ?
  • କ’ଣ ହେଲେ ଆପଣଙ୍କୁ ଭଲ କିମ୍ବା ଖରାପ ଲାଗେ ?
  • କେବେ ଠାରୁ ଓ କିପରି ଅସୁସ୍ଥତା ଆରମ୍ଭ ହେଲା ?
  • ଆଗକୁ ଆପଣଙ୍କୁ ଏହା ହୋଇଥିଲା କି ଅଥବା ଆପଣଙ୍କର କରିବାର କିମ୍ବା ପଡୋଶୀଙ୍କର କାହାକୁ ଏହା ହୋଇଥିଲା କି?

ରୋଗ ବିଷୟରେ ସମ୍ପୁର୍ଣ୍ଣ ବିବରଣୀ ଜାଣିବାପାଇଁ ଆହୁରି କେତେକ ପ୍ରଶ୍ନ ପଚାରନ୍ତୁ

ଉଦାହରଣ ସ୍ୱରୂପ, କଷ୍ଟ ପାଉଥିବା ରୋଗୀକୁ ନିମ୍ନମତ୍ତେ ପଚାରନ୍ତୁ :

  • କେଉଁଠାରେ କଷ୍ଟ ହେଉଛି ? ( ନିର୍ଦ୍ଦିଷ୍ଟ ଜାଗାଟିକୁ ଆଙ୍ଗୁଠି ସାହାଯ୍ୟରେ ଦେଖାଇବାକୁ କୁହନ୍ତୁ ।)
  • ସବୁବେଳେ କଷ୍ଟ ହୁଏ କିଛି କିଛି ସମୟ ବ୍ୟବଧାନରେ ହୁଏ ।
  • କେଉଁ ପ୍ରକାରର କଷ୍ଟ ହେଉଛି ? (ଭୀଷଣ? ସାମାନ୍ୟ? ଜାଲିଗଲା ପରି?)
  • କଷ୍ଟ ହେଉଥିଲେ ବି ଶୋଇପାରୁଛ କି?
  • ଯଦି ରୋଗଟି ଛୋଟଛୁଆଟିଏ ହୋଇଥାଏ ତେବେ କଷ୍ଟର ଲକ୍ଷଣଗୁଡିକଅନୁଧ୍ୟାନ କରନ୍ତୁ । ସେ କିପରି ଚଳପ୍ରଚଳ କରୁଛି ଓ କାନ୍ଦୁଛି, ତାହା ଅନୁଧ୍ୟାନ କରନ୍ତୁ ( ଉଦାହରଣସ୍ୱରୂପ, ଛୋଟ ଛୁଆଟିଏର କାନ ବିନ୍ଧୁଥିଲେ ସେ ମୁଣ୍ଡର ଗୋଟିଏ କଡକୁ ଘାସେ ଓ କାନକୁ ଟଣାଓଟରା କରେ।

ପ୍ରଶ୍ନ

ସାଧାରଣ ସୂଚନା: ଏହି ସୂଚନା ଆପଣଙ୍କୁ ରୋଗୀ ବାବଦରେ ଅଧିକ ତଥ୍ୟ ଯୋଗାଇବ, ଯାହାଦ୍ଵାରା ଆପଣ ତାହାର ରୋଗ ବିଷୟରେ ଜାଣିପାରିବେ ।

ପରୀକ୍ଷାରଦିନ, ରୋଗୀର ନାମ, ଠିକଣା, ବୟସଳିଙ୍ଗ, ସେ ବିବାହିତ କି ଅବିବାହିତ, ଏକୁଟିଆ ରହୁଛି, ବିଧା, ତାହାର ବୃତ୍ତି ଓ ଧର୍ମ ବିଷୟରେ ଲେଖନ୍ତୁ । ରୋଗୀର ଅସୁସ୍ଥତା ବିଷୟରେ ଏହି ସୂଚନାଗୁଡିକ ଆପଣଙ୍କୁ ଯଥେଷ୍ଟ ସାହାଯ୍ୟ କରିବ । କେତେକ ରୋଗ ଅଳ୍ପ ବୟସ ଓ ନିର୍ଦ୍ଧିଷ୍ଟ ଳିଙ୍ଗ ଓ ଧର୍ମ ଭିତ୍ତିକ ନିତି ଯୋଗୁଁ ଅସୁସ୍ଥତା ଉପରେ ପ୍ରଭାବ ପକାଇ ବଢିଥାଏ । ଜଣେ ବ୍ୟକ୍ତି ବୃତ୍ତି ଆପଣଙ୍କୁ ଅସୁସ୍ଥତା ବିଷୟରେ  ଧାରଣା ଦେଇପାରେ । ଜଣେ କୃଷକର ଚାଷକାମ କରିବା ପରେ ଚର୍ମ ଫୋଟକା ହୋଇ ଆଲର୍ଜିକ ହୋଇଥାଏ । ପ୍ରଶ୍ନ ସହିତ ପରୀକ୍ଷା କଲେ ଅସୁସ୍ଥତା ବିଷୟରେ ଜାଣି ପାରିବେ ।

ମୁଖ୍ୟ ଅସୁବିଧା

ଏହି ଅସୁବିଧା ବହୁତ ପୀଡିତ ବ୍ୟକ୍ତି ଅସୁବିଧାରେ ପକାଏ ଏବଂ କାରଣରୁ ସେ କାହିଁକି ଆପଣଙ୍କୁ ଦେଖାଇବାକୁ ଆସିଅଛି, ତା’ର ଗୋଟିକରୁ ଅଧିକ ଅସୁବିଧା ବା ଆପତ୍ତି ଥାଇପାରେ । ତା’ର ଅତି ଅସୁବିଧା ବିଷୟ ଜାଣିବାକୁ ଚେଷ୍ଟା କରନ୍ତୁ ଓ ଏହା ମଧ୍ୟରୁ ମୁଖ୍ୟ ଅସୁବିଧାକୁ ବିଚାରକୁ ନିଅନ୍ତୁ । ସେ ଆପଣଙ୍କୁ ଯାହା କହୁଛି, ତାହା ଲେଖନ୍ତୁ । ଆପଣଙ୍କ ଚିନ୍ତାଧାରାରେ ତା’ର କଥାକୁ  ବ୍ୟାଖ୍ୟା କରନ୍ତୁ ନାହିଁ ।

କାଶ, ମୁଣ୍ଡବିନ୍ଧା, ଜ୍ଵର ଏକ ମାସ ଧରି, କ୍ଷୁଧା, କାଶ ଯେଉଁ ଅସୁସ୍ଥ ବ୍ୟକ୍ତିର ଥାଏ ମାତ୍ର ଏହା ଅସୁବିଧା କରି ନ ଥାଏ । ହଠାତ କାଶରେ ରକ୍ତ ପଡିଲେ ସଙ୍ଗେ ସଙ୍ଗେ ଆପଣଙ୍କୁ ଦେଖାଇବାକୁ ଆସନ୍ତି । ତାଙ୍କର ମୁଖ୍ୟ ଅସୁବିଧା ହେଉଛି କାଶରେ ରକ୍ତ ପଡିବା, ମୁଣ୍ଡବିନ୍ଧା ବା କାଶ ମୁଖ୍ୟ ଅସୁବିଧା ନୁହେଁ ।

ତା’ର ବର୍ତ୍ତମାନ ଅସୁସ୍ଥତାର କଥା – ଆପଣ ଅସୁସ୍ଥ ବ୍ୟକ୍ତିଙ୍କୁ ପଚାରନ୍ତୁ ତା;ର ଅସୁସ୍ଥତା କେବେ ଏବଂ କିପରି ଆରମ୍ଭ ହେଲା । ଯେତେବେଳେ ତାଙ୍କର ଦେହ ଅସୁସ୍ଥ ହେଲେ କି ଲକ୍ଷଣ ବା ଚିହ୍ନ ଓ  ଅସୁସ୍ଥତା ବିଷୟରେ ଜାଣିବାପାଇଁ ଅଧିକରୁ ଅଧିକ ପ୍ରଶ୍ନ ପଚାରି ପାରନ୍ତି ।

ଯଦି ସେ ଯନ୍ତ୍ରଣାର ଆପତ୍ତି କରନ୍ତୁ, ତାଙ୍କୁ ପଚାରନ୍ତୁ -

  • କେଉଁଠାରେ ଯନ୍ତ୍ରଣା ହେଉଛି। ନିର୍ଦ୍ଧିଷ୍ଟ ସ୍ଥାନରେ ଆଙ୍ଗୁଳି ମାରି ଯନ୍ତ୍ରଣା ବିଷୟରେ ପଚାରନ୍ତୁ । କେତେଦୂର ଯନ୍ତ୍ରଣା ଲାଗୁଛି? ଯଦି ହିଁ କୁହନ୍ତି,  ତାହାହେଲେ କେଉଁଠାରେ ?
  • କିପରି ଯନ୍ତ୍ରଣା ହେଉଛି ? ଏହା କ’ଣ ତିକ୍ଷଣ, ମାନ୍ଦା, ଜଳିଗଳାପରି, ଅତ୍ୟଧିକ, ଧୀର ।
  • କିପରି ଖରାପ ହେଉଛି? ସେ ପ୍ରତିଦିନ ଯନ୍ତ୍ରଣା ଅନୁଭବ କରୁଛନ୍ତି କି?
  • କେତେ ସମୟ ପର୍ଯ୍ୟନ୍ତ ଯନ୍ତ୍ରଣା ରହିଛି ? ଏହା କ’ଣ ମଧ ଘଣ୍ଟା ପର୍ଯ୍ୟନ୍ତ ରହୁଛି ନା ଏକ ଘଟନା ନା ଦିନସାରା ରହୁଛି ।
  • କେତେବେଳେ ଯନ୍ତ୍ରଣା ଆରମ୍ଭ ହୁଏ ? ବ୍ୟାୟାମ ସମୟରେ, ଦୌଡିବା ସମୟରେ, ଚାଲିବା ସମୟରେ ବା ଖାଇସାରିବା ପରେ ।
  • କ’ଣ କଲେ ଭଲ ହୋଇଥାଏ ? ବିଶ୍ରାମ, କଡେଇ ହୋଇ ଶୋଇଲେ, ଯନ୍ତ୍ରଣାକୁ କମାଇବା ପାଇଁ ଉପାୟ ଅବଲମ୍ବନ କର ?
  • ଯନ୍ତ୍ରଣା ଅତ୍ୟଧିକ ହେଉଥିବା ସମୟରେ କ’ଣ କରନ୍ତୁ ? ଯେତେବେଳେ ସେ କାଶନ୍ତି, ଖାଆନ୍ତି, ବା ଚାଳନ୍ତି ଯନ୍ତ୍ରଣା ଅତ୍ୟଧିକ ହୁଏ କି? ଅସୁସ୍ଥତା ସମୟରେ କି ଔଷଧ ବ୍ୟବହାର କରନ୍ତି । ଘରୋଇ ଚିକିତ୍ସା ବିଏଏ ପଡୋଶୀ ବା ସମ୍ପର୍କୀୟଙ୍କ ପାଖରୁ ଆଣନ୍ତି ? କିପରି ଖାଆନ୍ତି ଏବଂ କେତେ ଦିନ ଖାଆନ୍ତି ? ଏଥିରେ ଭଲ ହେଉଛି ନା ଅଧିକ ହେଉଛି?
  • ଅନ୍ୟ ଲକ୍ଷଣ କ’ଣ ଦେଖାଯାଉଛି ? ଓଜନ ହରାଇବା। କ୍ଷୁଧା, ମାନ୍ଦା, ପରିସ୍ରାରେ ଅସୁବିଧା, ହଜମରେ ପରିବର୍ତ୍ତନ ଇତ୍ୟାଦି ।

ଯଦି ଶ୍ଵାସକ୍ରିୟାରେ ଅସୁବିଧା ବୋଲି ବ୍ୟକ୍ତି ଜଣଙ୍କ ଆପତ୍ତି କରନ୍ତୁ – ଏହି ପ୍ରଶ୍ନ ତାଙ୍କୁ ପଚାରନ୍ତୁ ।

  • କୌଣସି ଛାତି ଯନ୍ତ୍ରଣା ? ଯଦି ଶ୍ଵାସକ୍ରିୟା ବା କାଶରେ ଅତ୍ୟଧିକ ଯନ୍ତ୍ରଣା ହେଉଥାଏ ତାହାହେଲେ ଏହା ନିମୋନିଆର ପ୍ରଥମ ଅବସ୍ଥା।
  • ଯଦି ଚାଲିବା, ଦୌଡିବା, ପାହାର ବଢିବା ସମୟରେ ଛାତି ଯନ୍ତ୍ରଣା ହୁଏ ବା କିଛି ସମୟ ବିଶ୍ରାମ ନେବା ପରେ ଯଦି ଆରମ ମିଳେ, ତାହାହେଲେ ତାହା ହୃଦରୋଗ ହୋଇପାରେ ।

ଯଦି ଜଣେ ବ୍ୟକ୍ତି କାଶ ଥାଏ, ତାଙ୍କ ପଚାରନ୍ତୁ - ଶୋଇବା ସମୟରେ ଏହା ବନ୍ଦ ହେଉଛି ନା ନାହିଁ । ଯଦି ତା’ର କାଶରେ ଖଙ୍କାର ପଡୁଛି, କେତେ ପରିମାରଣ। ଏହାର ରଙ୍ଗ ଓ ଯଦି ସେଥିରେ ରକ୍ତ ପଡୁଥାଏ ପଚାରନ୍ତୁ ।

  • ଅତ୍ୟଧିକ ଧୂମପାନ ଦ୍ଵାରା ସକାଳେ ଶୁଖିଲା କାଶ
  • ଧଳା ରଙ୍ଗର ଅଧିକ ଖଙ୍କାର କାଶରେ ପଡିବା ( ବ୍ରୋଙ୍କାଇଟିସ ବା ବହୁ ଦିନର ବ୍ରୋଙ୍କାଇଟିସ୍ )
  • କାଶରେ ରକ୍ତମିଶା ଖଙ୍କାର, ଅପରାହ୍ନରେ ଜ୍ଵର ଓ ଓଜନ ହରାଇଲେ ଯକ୍ଷ୍ମା ।  ଯଦି ଅସୁସ୍ଥା ବ୍ୟକ୍ତି 40 ବର୍ଷରୁ ଅଧିକ ହୋଇଥାନ୍ତି ଓ ଅତ୍ୟଧିକ ଧୂମପାନ କରୁଥାନ୍ତି । ତାଙ୍କର ଫୁସ୍ ଫୁସ୍ ରେ କର୍କଟ ରୋଗ ହୋଇଥାଇପାରେ।

ଯଦି କ୍ଷୁଦ୍ର ଜଡପିଣ୍ଡ ହୋଇଥାଏ, ଏହି ପ୍ରଶ୍ନ ପଚାରନ୍ତୁ –

  • ଆବୁ ବୋଲି କେବେ ପ୍ରଥମେ  ଆପଣ ଜାଣିଲେ ?
  • ଏହା କିପରି ବଡ ହେଲା, ଯେତେବେଳେ ଆପଣ ଏହା ଜାଣିଲେ ?
  • ଏହି ଆବୁ ବାବଦରେ ଆପଣ କ’ଣ ଜାଣିଲେ?

ଯଦି କୌଣସି କ୍ଷତ କାନରୁ ତରଳ ପଦାର୍ଥ ବାହାରୁଥାଏ –

  • କ’ଣ ପ୍ରଚୁର ତରଳ ପଦାର୍ଥ ବାହାରୁକୁ ବାହାରିଆସିଲା?
  • ଏହାର ରଙ୍ଗ ଓ  ଗନ୍ଧ କିପରି ?

ଯଦି ଅସୁସ୍ଥା ବ୍ୟକ୍ତି ଜଣେ ଶିଶୁ ହୋଇଥାଏ ତାହାହେଲେ ସେ କହିପାରିବ ନାହିଁ । ତେଣୁ ତା’ର ମା’ କୁ ଶିଶୁର ଅସୁସ୍ଥତା ବିଷୟରେ ପଚାରନ୍ତୁ । ତା’ର ଗତିବିଧି କିପରି ଓ ସେ କିପରି କାନ୍ଦୁଛି ( ଉଦାହରଣସ୍ୱରୂପ, ଗୋଟିଏ ଶିଶୁର କାନଟାଣିବା ସହିତ ମୁଣ୍ଡ ବେଳେବେଳେ ଗଡାଇଥାଏ ବା ତା’ର କାନରୁ ପୂଜ ବାହାରିଥାଏ ।)

ଅତୀତ ଅସୁସ୍ଥତା

ବ୍ୟକ୍ତିର ଅତୀତ ଅସୁସ୍ଥତା ବିଷୟରେ ପଚାରିବା ଗୁରୁତ୍ଵପୂର୍ଣ୍ଣ ଅଟେ । କାରଣ ବର୍ତ୍ତମାନର ଅସୁବିଧା ଅତୀତରୁ ଚାଲୁଥାଇପାରେ, ଏହା ଅନ୍ୟ ରୋଗ ହେବାରେ ସାହାଯ୍ୟ କରିପାରେ ।

ତାଙ୍କୁ ଏହି ପ୍ରଶ୍ନ ଗୁଡିକ ପଚାରନ୍ତୁ –

  1. ପୂର୍ବରୁ ଆପଣଙ୍କର କି ରୋଗ ବା ଅସୁସ୍ଥତା ଥିଲା ? ପୂର୍ବରୁ ଏହିପରି ଅସୁବିଧା ହୋଇଥିଲା କି?
  2. ପୂର୍ବରୁ ଆପଣ ଡାକ୍ତରଙ୍କ ସହିତ କିମ୍ବା ପାରମ୍ପରିକ ଚିକିତ୍ସକଙ୍କ ସହିତ ପରାମର୍ଶ କରିଥିଲେ କି ? ଯଦି ହିଁ, କେଉଁ ରୋଗ ପାଇଁ?
  3. କୌଣସି ଅତ୍ୟଧିକ ଆଘାତ ହୋଇଛି କି?

ବର୍ତ୍ତମାନର ସ୍ୱାସ୍ଥ୍ୟଗତ ଅବସ୍ଥା

ପଚାରନ୍ତୁ – ଯଦି କୌଣସି ଖାଦ୍ୟ, ଔଷଧ, ଧୁଳି, କୀଟପତଙ୍ଗ କାମୁଡାରେ ଆଲର୍ଜିକ୍ ଅଛି କି? ବା ତାଙ୍କ ଆଜମା ଅଛି କି?

ବର୍ତ୍ତମାନ କୌଣସି ଔଷଧ କଉଛନ୍ତି କି ନାହିଁ ଜାଣିବାକୁ ଚେଷ୍ଟା କରନ୍ତୁ ଓ କେଉଁ ଅସୁସ୍ଥତା ପାଇଁ? ସେ ଧୁମପାନ ନିଶାଦ୍ରବ୍ୟ ସେବନ ଓ ମଦ୍ୟପାନ  କରନ୍ତି କି ?

ଯଦି ସେ ମଦ୍ୟପାନ କରୁଥାନ୍ତି ଏହା ଜାଣିବା ଗୁରୁତ୍ଵପୂର୍ଣ୍ଣ ଯେ, କେତେ ଥର କେତେ ପରିମାଣର ( ଗ୍ଲାସରେ ପରିମାଣ ଜାଣିପାରିବେ ୧/୨ ଗ୍ଲାସ ପରି) ଓ କେତେ ବର୍ଷହେଲା ।

ପରିବାରର ରୋଗ – କେତେକ ରୋଗ ପରିବାରରୁ ଆସିଥାଏ, ଆଜମା , ଆଲାର୍ଜି ପରି । କେତେକ ଅସୁସ୍ଥତା ଅନ୍ୟ ପରିବାରରୁ ଆସିଥିବାର ଲକ୍ଷ୍ୟ କରାଯାଏ । ଉଦାହରଣ ସ୍ୱରୂପ ଉର୍ଦ୍ଧ୍ଵ ରକ୍ତଚାପ, କର୍କଟରୋଗ, ଯକ୍ଷ୍ମା ପରି ରୋଗ ଜଣକ ପାଖରୁ ଅନ୍ୟ ଜଣକୁ ବ୍ୟାପିଥାଏ ।

ଏହା ପଚାରିବା ଗୁରୁତ୍ଵପୂର୍ଣ୍ଣ

  1. ପରିବାରର ବର୍ତ୍ତମାନ ଅନ୍ୟ ଅସୁସ୍ଥତା କ’ଣ ?
  2. ପରିବାରର ସଦସ୍ୟଙ୍କର ମୃତ୍ୟୁର କାରଣ କ’ଣ ? ବୁଢାବାପା, ବୁଢୀମା, ବାପା ବା ମା
  3. ପରିବାର ସଦସ୍ୟମାନଙ୍କ ମଧ୍ୟରୁ ଯେଉଁମାନେ ଆଜମା, ଆଲାର୍ଜିକ୍, ବହୁମୂତ୍ର ରୋଗ, ଉର୍ଦ୍ଧ୍ଵରକ୍ତଚାପ, ଯକ୍ଷ୍ମା, କର୍କଟ ରୋଗ, କୃଷି, କୁଣ୍ଡିଆ ମସ୍ତିଷ୍କ ଅସୁସ୍ଥତା ବା ବର୍ତ୍ତମାନ ଆପଣ ଜାଣିଥିବା ରୋଗରେ ପୀଡିତ ଥାଆନ୍ତି ।

ଆଧାର - ଓଡିଶା ଭଲ୍ୟୁଣ୍ଟାରୀ ହେଲଥ୍ ଆସୋସିଏସନ

2.925
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top