କାନ ଭିତରେ ମଇଳା ଜମିଥିବା କାରଣରୁ କାନ ବିନ୍ଧିଥାଏ । ଏହି ମଇଳା ସମସ୍ତଙ୍କ କାନରେ ଥାଏ । ଏହା ଏକ ସାଧାରଣ ଘଟଣା । ପ୍ରତିଦିନ ଗାଧୋଇ ସାରିବା ପରେ ଖଣ୍ଡିଏ କାଠିରେ ତୁଳା ବାନ୍ଧି ଆସ୍ତେ ଆସ୍ତେ ସଫା କରି ଦିଅନ୍ତୁ । ଯଦି କାନ ଭିତରେ ଖୁବ୍ ଜୋରରେ ଗଇ ହୋଇ ଯାଇଥାଏ ତେବେ ତାକୁ ସଫା କରିବା ପାଇଁ ସ୍ୱାସ୍ଥ୍ୟସେବୀଙ୍କ ସାହାଯ୍ୟ ନିଅନ୍ତୁ ।
ଛୋଟ ଛୋଟ ଶିଶୁମାନଙ୍କ କର୍ଣ୍ଣରେ ସଂକ୍ରମଣ ହେବା ଏକ ସାଧାରଣ କଥା । ଏହି ସଂକ୍ରମଣ ପ୍ରାୟତଃ ଶିଶୁକୁ କିଛିଦିନ ଖୁବ୍ ଥଣ୍ଡା, ସର୍ଦ୍ଦି ଓ ନାକ ବନ୍ଦ ହେବା ପରେ ହୋଇଥାଏ । ଜ୍ଵର ବଢିଯାଇ ପାରେ । ଶିଶୁ ତା’ର ମୁଣ୍ଡର ଗୋଟିଏ ପାଖକୁ ଜୋରରେ ଘଷିବା ସଙ୍ଗେ ସଙ୍ଗେ କାନ୍ଦିବାରେ ଲାଗେ । ବେଳେବେଳେ କାନରେ ପୂଜ ଦେଖା ଦେଇଥାଏ । କେତେକ ଶିଶୁଙ୍କ କ୍ଷେତ୍ରରେ କର୍ଣ୍ଣ ସଂକ୍ରମଣ, ଆମାଶୟ ସୃଷ୍ଟି କରାଯାଇଥାଏ । ତେଣୁ ଯେତେବେଳେ ଶିଶୁକୁ ଏକ ସମୟରେ ଆମାଶୟ ଓ ଜ୍ଵର ହେଉଛି ସେ ସମୟରେ ତା’ର କର୍ଣ୍ଣ ପରୀକ୍ଷା କରିବାକୁ ଭୁଲନ୍ତୁ ନାହିଁ ।
କର୍ଣ୍ଣ ସଂକ୍ରମଣକୁ ତୁରନ୍ତ ଚିକିତ୍ସା କରିବା ଅତ୍ୟନ୍ତ ଜରୁରୀ । ପେନସିଲିନ ଔଷଧ ବା ସଲଫାଇଜିନ ଔଷଧ ଭଳି ଜୀବାଣୁନାଶୀ ଔଷଧ ଦିଅନ୍ତୁ । ୩ ବର୍ଷରୁ କମ୍ ବୟସ୍କ ପିଲାମାନଙ୍କ ପାଇଁ ଆମ୍ପିସିଲିନ ଔଷଧ ଭଲ କମ କରିଥାଏ । ଦରକାର ହେଲେ ବିନ୍ଧା କମାଇବା ପାଇଁ ଆସ୍ପିରିନ, ଏସିଟାମିନୋଫେନ ଦିଅନ୍ତୁ ।
* କାନ ଭିତରେ ଥିବା ପୂଜକୁ ଗୋଟିଏ କାଠି ଆଗରେ ତୁଳା ବାନ୍ଧି ଯତ୍ନର ସହିତ ସଫା କରିଦିଅନ୍ତୁ । ଯଦି ସମ୍ଭବ ହେଉଛି କାଠିକୁ ମାଲିସ କରା ହେଉଥିବା ଆଲକହଲ୍ ରେ ବୁଡାଇ ଦିଅନ୍ତୁ କିନ୍ତୁ କନା ବିଣ୍ଡା, କୌଣସି ପତ୍ର, କିମ୍ବା ଅନ୍ୟ କୌଣସି ସେହିଭଳି ଜିନିଷ କାନରେ ଭରନ୍ତୁ ନାହିଁ ।
* ଯେଉଁମାନଙ୍କର କାନରୁ ପୂଜ ବାହାରୁଥାଏ ସେ ପ୍ରତିଦିନ ଗାଧୋଇବା ଉଚିତ୍ । କାନ ଭଲ ହେବା ପରେ ଦୁଇ ସପ୍ତାହ ପର୍ଯ୍ୟନ୍ତ ପାଣିରେ ପହଁରିବା କିମ୍ବା ବୁଡିବା ଉଚିତ୍ ନୁହେଁ ।
* ପିଲାକୁ ଥଣ୍ଡା ହୋଇଥିଲେ ନାକ ପୋଛିବା କୁହନ୍ତୁ ନାହିଁ ।
* ପିଲାକୁ ବୋତଲ କ୍ଷୀର ଦିଅନ୍ତୁ ନାହିଁ
* ପିଲାର ନାକ ବନ୍ଦ ହୋଇଗଲେ ନାକରେ ଲୁଣପାଣି ପକାଇ ନାକ ସଫା କରିଦିଅନ୍ତୁ ।
କର୍ଣ୍ଣ ମଧ୍ୟକୁ ଯାଇଥିବା ନଳୀ ସଂକ୍ରମିତ ହୋଇଛି କି ନାହିଁ ଜାଣିବା ପାଇଁ ଆସ୍ତେ କାନକୁ ଟାଣନ୍ତୁ । ଯଦି ଭୀଷଣ କଷ୍ଟ ହେଉଛି ତେବେ କର୍ଣ୍ଣନଳୀରେ ସଂକ୍ରମଣ ହୋଇଅଛି । ଭିନେଗାର ମିଶା ପାଣି ଦିନକୁ ୩/୪ ଥର ଭାରି କାନରେ ପକାନ୍ତୁ । (୧ ଚାମଚ ଭିନେଗାର ସହ ୧ ଚାମଚ ସିଝା ପାଣି ମିଶାନ୍ତୁ ) । ଯଦି ଜ୍ଵର କିମ୍ବା ପୂଜ ଥାଏ ତେବେ ଜୀବାଣୁନାଶୀ ଔଷଧ ବ୍ୟବହାର କରନ୍ତୁ ।
ଯଦି ପିଲାର କାନ ପାଖରେ ଖୁବ୍ ଜୋରରେ ବିନ୍ଧୁଥାଏ ଓ ଦେହରେ ପ୍ରବଳ ଜ୍ଵର ଥାଏ, ତେବେ ତୁରନ୍ତ ଡାକ୍ତରଖାନାର ସାହାଯ୍ୟ ନିଅନ୍ତୁ । ଏହି କାରଣରୁ ମସ୍ତିସ୍କଝିଲ୍ଲୀ ସଂକ୍ରମଣ ହୋଇପାରେ ।
ଏହି ସମସ୍ୟା ପ୍ରାୟତଃ ସାମାନ୍ୟ ଥଣ୍ଡାରୁ ଆରମ୍ଭ ହୋଇଥାଏ । ଗଳା ଲାଲ ପଡିପାରେ ଏବଂ କୌଣସି ଜିନିଷ ଢୋକିଲାବେଳେ ଭୀଷଣ ଦରଜ ଲାଗେ । (ଗଳା ପଛପଟେ ଥିବା ଦୁଇଟି ଲସିକାଗ୍ରନ୍ଥୀ ଫୁଲିଯାଏ) । ବିନ୍ଧାଛିଟିକା କରେ ଓ ଶ୍ଳେଷ୍ମା ନିଗୁଡୁଥାଏ । ଜ୍ଵର ସେଣ୍ଟିଗ୍ରେଡ ପର୍ଯ୍ୟନ୍ତ ହୋଇଥାଏ ।
ଚିକିତ୍ସା :
* ଗରମ ପାଣିରେ ଲୁଣ ମିଶାଇ ଗଳାରେ ଘଡଘଡ କରନ୍ତୁ ।
* ବିନ୍ଧା କମାଇବା ପାଇଁ ଆସ୍ପିରିନ ବା ଏସିଟାମିନୋଫେନ ଖାଆନ୍ତୁ ।
* ଯଦି ଏକ ସମୟରେ ଜ୍ଵର ଓ ଭୀଷଣ ବିନ୍ଧା ଆରମ୍ଭ ହୁଏ ଓ ଏହା ତିନି ଦିନରୁ ଅଧିକ ରୁହେ ତେବେ ଆଗ ପୃଷ୍ଠାମାନ ଦେଖନ୍ତୁ ।
* ଯଦି ପିଲାଟିର ଟନସିଲ୍ ବାରମ୍ବାର ଦେଖା ଦେଉଛି ତେବେ ଏକ ଛୋଟ ଅସ୍ତ୍ରୋପ୍ରଚାର କରି ତାହାକୁ ବାହାର କରିଦେବା ଉଚିତ୍ ।
ସାମାନ୍ୟ ଥଣ୍ଡାରୁ ଯାହାର ବାରମ୍ବାର ଗଳା ଦରଜ ହେଉଛି ତାକୁ ଜୀବାଣୁନାଶୀ ଔଷଧ ଦେଲେ କିଛି ଲାଭ ମିଳେ ନାହିଁ, କାରଣ ଏହା ଆଦୌ ଉପକାର କରେ ନାହିଁ । ଏଣୁ ଘଡ ଘଡ କରନ୍ତୁ ଓ ଏସିଟାମିନୋଫେନ ଖାଆନ୍ତୁ ।
କିନ୍ତୁ ଏକ ପ୍ରକାର ଗଳା ଘା’ ଯାହାର ନାମ ଷ୍ଟ୍ରେପଟୋ କୋକଲ ଥ୍ରୋଟ ତାକୁ ପେନସିଲିନ ଦ୍ଵାରା ଚିକିତ୍ସା କରାଯିବା ଉଚିତ୍ । ଏହା ପିଲାମାନଙ୍କଠାରେ ତଥା କିଶୋରମାନଙ୍କଠାରେ ପ୍ରାୟ ଦେଖା ଦେଇଥାଏ । ବହୁ ସମୟରେ ଏହା ଥଣ୍ଡା ବା କାଶର ଅନ୍ୟାନ୍ୟ ଲକ୍ଷଣ ପ୍ରକାଶ ନ କରି ହଠାତ୍ ଆରମ୍ଭ ହୁଏ ଓ ଗଳା ଖୁବ୍ ଜୋରରେ ଦରଜ ହୁଏ ଓ ଜ୍ଵର ଲାଗି ରୁହେ । ପାଟି ଭିତରେ ଟନସିଲ୍ ଲାଲ ଦେଖାଯାଇ ପାରେ ଏବଂ ଦାନ୍ତ ମାଢିରେ ଥିବା ଲସିକାଗ୍ରନ୍ଥୀ ଫୁଲିଯାଇ ନରମ ହୋଇଥାଏ ।
୧୦ ଦିନ ପାଇଁ ପେନସିଲିନ ଦିଅନ୍ତୁ । ଯଦି ପେନସିଲିନ ଆଗରୁ ଦିଆଯାଏ ଓ ୧୦ ଦିନ ପର୍ଯ୍ୟନ୍ତ ଅବ୍ୟାହତ ରଖାଯାଏ ତେବେ ଗଣ୍ଠିବାତ ଜ୍ଵର ହେବାର ଭୟ କମ୍ ଥାଏ । ଷ୍ଟ୍ରେପ ଥ୍ରୋଟ ଅନ୍ୟମାନଙ୍କୁ ସଂକ୍ରମିତ ହେବାରୁ ଏସାଇ ଦିଆଯାଇ ପାରିବ ।ଆଧାର – ଓଡିଶା ଭଲ୍ୟୁଣ୍ଟାରୀ ହେଲଥ ଆସୋସିଏସନ
Last Modified : 1/28/2020