ଏହା ଗୁରୁତ୍ଵପୂର୍ଣ୍ଣ ଯେ ପିଲାମାନେ ଯେତେ ଅଧିକ ସମ୍ଭବ ସେତେ ସୁଷମ ଖାଦ୍ୟ ଖାଇବା ଦରକାର । ଯାହା ଫଳରେ ସେମାନେ ଭଲଭାବେ ବଢିପାରିବେ ଓ ସହଜରେ ରୋଗାକ୍ରାନ୍ତ ହେବେ ନାହିଁ । ପିଲାମାନଙ୍କ ପାଇଁ ବିଭିନ୍ନ ବୟସରେ ଉପଯୁକ୍ତ ଖାଦ୍ୟ ଗୁଡିକ ହେଉଛି :
* ପ୍ରଥମ ଚାରିମାସ କେବଳ ସ୍ତନ୍ୟପାନ ବ୍ୟତୀତ ଅନ୍ୟ କିଛି ନୁହେଁ ।
* ୪ ମାସରୁ ୧ ବର୍ଷ ପର୍ଯ୍ୟନ୍ତ ସ୍ତନ୍ୟପାନ ସାଙ୍ଗକୁ ଅନ୍ୟାନ୍ୟ ସୁଷମ ଖାଦ୍ୟ ଯଥା : ଚୂଡା ଚୂନା, ବିନ୍, ସିଝା ପାରିବା, କୁକୁଡା ଅଣ୍ଡା, ମାଂସ, ସିଝାଫଳ ।
* ୧ ବର୍ଷରୁ ଅଧିକ ବୟସ – ପ୍ରତ୍ୟକ ଭୋଜନରେ ଶରୀରବର୍ଦ୍ଧକ ତଥା ପୁଷ୍ଟିକାରକ ଖାଦ୍ୟ , ଯଥା – କ୍ଷୀର ତଥା କ୍ଷୀରରୁ ପ୍ରସ୍ତୁତ ଖାଦ୍ୟ, ବିନ୍, କୋଳି, ପରିବା, କୁକୁଡା ଅଣ୍ଡା, କୁକୁଡା ମାଂସ, ମାଛ ଓ ମାଂସ ଖାଇବା ଉଚିତ୍ । ତା’ ଛଡା ଅନ୍ୟାନ୍ୟ ଶକ୍ତିବର୍ଦ୍ଧକ ଖାଦ୍ୟ ଯଥା – ଚାଉଳ, ମଇଦା, ଗହମ, ଆଳୁ, ତଥା କନ୍ଦମୂଳ ଇତ୍ୟାଦି ମିଶାଇ, ଉପଯୁକ୍ତ ଅନୁପାତରେ ଖାଇବାକୁ ଦେବା ଉଚିତ୍ ।
* ବିଶେଷତଃ ପିଲାମାନେ ଅଧିକ ଖାଇବା ଉଚିତ୍ ।
* ପିତାମାତାମାନେ ଯେପରି ପିଲାମାନଙ୍କର କୁପୋଷଣର ଲକ୍ଷଣ ଜାଣିପାରିବେ ତାହାର ଉପଦେଶ ଦିଅନ୍ତୁ । ଏହି କୁପୋଷଣକୁ ଗ୍ରୋଥ ଚାର୍ଟ ବ୍ୟବହାର କରି ଜାଣିହେବ । ପିଲାର ଶରୀର ବୃଦ୍ଧିର ଦୁଇଟି ମୁଖ୍ୟ ସୂଚକ ହେଲା ଶରୀର ଓଜନ ଓ ଉଚ୍ଚତା ।
ପିଲାମାନେ ଅଧିକ ସୁସ୍ଥ ରୁହନ୍ତୁ ଯଦି ସେମାନଙ୍କର ଗ୍ରାମ, ଘର ଓ ସେମାନେ ନିଜେ ପରିଷ୍କାର ରହିଥାନ୍ତି । ପରିଚ୍ଛନ୍ନତା ସମ୍ପର୍କରେ ଦିଆଯାଇଥିବା ସୂଚନାକୁ ପାଳନ କରନ୍ତୁ ଓ ଏହାର ମହତ୍ତ୍ଵ ସମ୍ବନ୍ଧରେ ସେମାନଙ୍କୁ ବୁଝାଇ ଦିଅନ୍ତୁ । ଏଠାରେ ପରିଚ୍ଛନ୍ନତା ସମ୍ବନ୍ଧୀୟ ଗୁରୁତ୍ଵପୂର୍ଣ୍ଣ ନିର୍ଦ୍ଦେଶଗୁଡିକ ପୁନର୍ବାର ଲେଖା ଯାଉଛି ।
* ପିଲାମାନଙ୍କୁ ପ୍ରତିଦିନ ଗାଧୋଇ ଦିଅନ୍ତୁ ଓ ତାଙ୍କର ପୋଷାକ ବଦଳାନ୍ତୁ ।
* ପ୍ରତିଦିନ ଶୋଇକରି ଉଠିବା ପରେ, ଝାଡା ଫେରି ସାରିବା ପରେ ତଥା ଖାଇବା ପୂର୍ବରୁ ବା କୌଣସି ଖାଦ୍ୟ ହାତରେ ଧରିବା ପୂର୍ବରୁ ଭଲ ଭାବରେ ସେମାନଙ୍କର ହାତ ଧୋଇବାକୁ ଶିଖାନ୍ତୁ ।
* ଶୌଚାଳୟ ନିର୍ମାଣ କରନ୍ତୁ ଓ ପିଲାମାନଙ୍କୁ ଶୌଚାଳୟ ବ୍ୟବହାର କରିବା ଶିଖାନ୍ତୁ ।
* ପିଲାମାନଙ୍କୁ ଖାଲି ପାଦରେ ବୁଲିବାକୁ ମନା କରନ୍ତୁ । ଯେତେବେଳେ ବାହାରିବେ ଯୋତା ବା ଚପଲ ପିନ୍ଧି ବାହାରିବାକୁ କୁହନ୍ତୁ ।
* ପ୍ରତିଦିନ ଦାନ୍ତ ଘଷିବାକୁ ଶିଖାନ୍ତୁ ଓ ତାଙ୍କୁ ଅଧିକ ପରିମାଣରେ ଆଇସକ୍ରିମ, ମିଠା ଓ ମିଠା ପାନୀଯ ଖାଇବାକୁ ଦିଅନ୍ତୁ ନାହିଁ ।
* ନଖ କାଟି ଛୋଟ ଛୋଟ କରିଦିଅନ୍ତୁ ।
* ଯେଉଁ ପିଲାମାନେ ରୋଗୀଣା, ଯାହାଙ୍କଠାରେ ଘା’, ବିଇଞ୍ଚି, ଯାଦୁ, ଉକୁଣୀ ଆଦି ହୋଇଥିବେ ସେମାନଙ୍କୁ ସୁସ୍ଥ ପିଲାଙ୍କସହ ଏକାଠି ଶୁଆନ୍ତୁ ନାହିଁ ବା ସେମାନଙ୍କର ଲୁଗା ବା ତଉଲିଆ ସୁସ୍ଥ ପିଲାମାନଙ୍କୁ ବ୍ୟବହାର କରିବାକୁ ଦିଅନ୍ତୁ ନାହିଁ ।
* ପିଲାମାନଙ୍କ ଦେହରେ ବିଇଞ୍ଚି, ଯାଦୁ, ଅନ୍ତ୍ରରେ କୃମି ବା ଅନ୍ୟାନ୍ୟ ସଂକ୍ରାମକ ରୋଗ ଦେଖା ଦେଲେ ତୁରନ୍ତ ଚିକିତ୍ସା କରନ୍ତୁ । କାରଣ ଏହା ଖୁବ୍ ଶୀଘ୍ର ସହଜରେ ଗୋଟିଏ ପିଲାଠାରୁ ଅନ୍ୟ ପିଲା ଦେହକୁ ସଂକ୍ରମଣ କରିଥାଏ ।
* ପିଲାମାନଙ୍କୁ ଅପରିଷ୍କାର ଜିନିଷ ପାଟିରେ ମାରିବାକୁ ଦିଅନ୍ତୁ ନାହିଁ ଓ କୁକୁର ଇତ୍ୟାଦି ଯେପରି ତାଙ୍କର ମୁହଁ ଆଦି ନ ଚାଟନ୍ତି ସେଥିପ୍ରତି ଦୃଷ୍ଟି ଦିଅନ୍ତୁ ।
* ପାରା, କୁକୁର ଓ କୁକୁଡା ଇତ୍ୟାଦିଙ୍କୁ ବାସଘରଠାରୁ ଦୂରରେ ରଖନ୍ତୁ ।
* ପାଣିକୁ ସିଝାଇ, ଛାଣି ଥଣ୍ଡାକରି ପିଅନ୍ତୁ । ଏହା ଶିଶୁମାନଙ୍କ ନିମନ୍ତେ ଅତ୍ୟନ୍ତ ମହତ୍ତ୍ଵପୂର୍ଣ୍ଣ ।
ଟିକା ଶିଶୁମାନଙ୍କୁ ବାଲ୍ୟ କାଳର ମାରାତ୍ମକ ରୋଗ ଯଥା : ଧଇଁକାଶ, ଡିପଥେରିଆ, ଧନୁଷ୍ଟଙ୍କାର, ପୋଲିଓ, ମିଳିମିଳା, ଯକ୍ଷ୍ମା ଇତ୍ୟାଦି କବଳରୁ ରକ୍ଷା କରିଥାଏ ।
ଶିଶୁମାନଙ୍କୁ ସେମାନଙ୍କର ଜୀବନର ପ୍ରଥମ ମାସ ମାନଙ୍କରେ ବିଭିନ୍ନ ପ୍ରକାର ଟିକା ଦେଇ ଦେବା ଉଚିତ୍ । ପୋଲିଓର ପ୍ରଥମ ବୁନ୍ଦା ଶିଶୁକୁ ୨ ମାସ ହେବା ପୂର୍ବରୁ ଦିଆଯିବା ଉଚିତ୍ । କାରଣ ପୋଲିଓ ହେବାର ଭୟ ୧ ବର୍ଷରୁ ସାନ ପିଲାମାନଙ୍କ ପାଇଁ ଅଧିକ ଥାଏ ।
ଗୁରୁତ୍ଵପୂର୍ଣ୍ଣ : ସମ୍ପୂର୍ଣ୍ଣ ସୁରକ୍ଷା ପାଇଁ ଶିଶୁମାନଙ୍କୁ ଡି.ପି.ଟି. ଓ ପୋଲିଓ ପ୍ରତିଷେଧକ ମାସକୁ ଥରେ ଲେଖାଏଁ ତିନିମାସ ପର୍ଯ୍ୟନ୍ତ ଦେବା ଉଚିତ୍ । ଏହାର ବର୍ଷକ ପରେ ପୁନର୍ବାର ଥରେ ଦିଅନ୍ତୁ ।
ନବଜାତ ଶିଶୁକୁ ଧନୁଷ୍ଟଙ୍କାର କବଳରୁ ରକ୍ଷା କରିବା ପାଇଁ ତା’ର ମା’କୁ ଗର୍ଭାବସ୍ଥା କାଳରେ ଧନୁଷ୍ଟଙ୍କାର ପ୍ରତିଷେଧକ ଟିକା ଦେଇଦିଅନ୍ତୁ ।
ଆପଣଙ୍କ ପିଲା ଯେପରି ବର୍ଷକ ମଧ୍ୟରେ ସବୁ ଟିକା ନିଅନ୍ତି ସେଥିପ୍ରତି ସଜାଗ ବା ନିଶ୍ଚିତ ରୁହନ୍ତୁ । |
ପିଲାମାନଙ୍କର ଅସୁସ୍ଥତା ଜାଣିବା ପାଇଁ ପିଲାର ମା’କୁ କେତେଗୁଡିଏ ପ୍ରଶ୍ନ ପଚରାଯାଇଥାଏ । ବୟସ୍କଙ୍କପରି ପିଲାମାନଙ୍କର ମଧ୍ୟ ସ୍ୱାସ୍ଥ୍ୟ ପରୀକ୍ଷା ହେବା ଉଚିତ୍ । ଯଦିଓ ସେପରି କିଛି କଠିନ ନିତି ନିୟମ ନାହିଁ ତଥାପି ପିଲା କାନ୍ଦିଲେ ପିଲାର ଗଳା ପ୍ରଥମେ ପରୀକ୍ଷା କରିବା ଉଚିତ୍ ।
ଶରୀର ଯାଞ୍ଚ ବେଳେ ପିଲା ଦେହରୁ ପୋଷାକ କାଢି ଦିଅନ୍ତୁ ।
ପିଲାକୁ ଛୁଇଁବା ପୂର୍ବରୁ ଦେଖନ୍ତୁ
* ତା’ର ମନୋଭାବ – ପିଲା ଚିଡୁଛି, କାନ୍ଦୁଛି ବ ଦୁର୍ବଳ ଅନୁଭବ କରୁଛି ।
* ପିଲାର ଚର୍ମ – ଏହା ମଳିନ, ହଳଦିଆ ଦେଖାଯାଉଛି କି ? ପିଲା ଦେହରେ କିଛି ଫୋଟକା କି ଚିହ୍ନ ଅଛି କି ? ଏହା ଶୁଖିଲା କି ? ଶିଶୁ ଓ ପିଲାମାନଙ୍କର ଶରୀର ଯାଞ୍ଚର ସବୁଠାରୁ ସହଜ ଉପାୟ ହେଲା ପିଲା ତଳିପେଟର ଚର୍ମର ନମନୀୟତା ଜାଣିବା ।
* ପିଲାର ପୋଷଣ – ପିଲା କୁପୋଷଣର ଆକ୍ରାନ୍ତ କି ?
ପିଲାର ମୁଖ୍ୟ ଲକ୍ଷଣଗୁଡିକ ଦେଖନ୍ତୁ । ଯାହା ନିମ୍ନରେ ଦିଆଗଲା ।
|
ଶିଶୁ |
ପିଲା |
ମିନିଟ୍ ପ୍ରତି ଶ୍ଵାସ ପ୍ରଶ୍ଵାସର ହାର |
୩୫ – ୪୦ |
୨୫ – ୪୦ |
ମିନିଟ୍ ପ୍ରତି ନାଡିର ଗତି |
୧୧୦ – ୧୩୦ |
୯୦ – ୧୨୦ |
ଉତ୍ତାପ |
୩୭.୫ ସେଣ୍ଟିଗ୍ରେଡ |
୩୭.୫ ସେଣ୍ଟିଗ୍ରେଡ |
ମୁଣ୍ଡ
ମୁଣ୍ଡର ଆକୃତି ଦେଖନ୍ତୁ, ଏହା ବଡ କି ? ମୁଣ୍ଡର ବାଳ ଶୁଖିଲା ବା ଭଙ୍ଗା ଦେଖାଯାଉଛି କି ? ପିଲାର ଉଦୁଖଳ ଦେଖନ୍ତୁ । ଏହା ଶୁଷ୍କ ଦେଖାଯାଉଛି କି ? ପିଲାର ଏହି ସ୍ଥାନ ସାଧାରଣତଃ ଦେଢ ବର୍ଷ ବୟସରେ ବନ୍ଦ ହୋଇଯାଇଥାଏ । ପିଲାର ଏହି ଯାଗା ବସିବା ସମୟରେ ଯାଞ୍ଚ କରିବା ଉଚିତ୍ ।
କାନ / ଗଳା
ପିଲାର କାନ ଓ ଗଳା ସର୍ବଦା ଯାଞ୍ଚ କରିବା ଉଚିତ୍ । ଜ୍ଵର ଓ ତରଳ ଝାଡାରେ ମଧ୍ୟ କାନ ଓ ଗଳା ସଂକ୍ରମିତ ହୋଇଥାଏ ।
ବେକ
ପିଲାର ଗଳାରେ ଗ୍ରନ୍ଥି ଫୁଲିଛି କି ନାହିଁ ଦେଖନ୍ତୁ ପିଲାର ବେକ କଠିନ ଜଣାପଡୁଛି କି ? ବିସ୍ଫାରିତ ଗ୍ରନ୍ଥି କାନ ଓ ଗଳା ସଂକ୍ରମଣର ଲକ୍ଷଣ ଅଟେ ।
ଶିଶୁର ବିକାଶ – ପାଞ୍ଚ ବର୍ଷରୁ କମ୍ ବୟସ ଶିଶୁମାନଙ୍କପାଇଁ କାର୍ଡ
ପିଲାମାନଙ୍କର ପୋଷଣ ଏବଂ ପାଞ୍ଚ ବର୍ଷରୁ କମ୍ ବୟସ ଶିଶୁଙ୍କପାଇଁ କାର୍ଡ ବିଷଦ ଭାବରେ ବର୍ଣ୍ଣନା କରାଯାଇଛି (ଘରୋଇ ବିମ୍ ସ୍କେଲ ଓ ସିଧାସଳଖ ରେକଡିଙ୍ଗ ସ୍କେଲ ନିମ୍ନରେ ଦେଖନ୍ତୁ ।ଆଧାର – ଓଡିଶା ଭଲ୍ୟୁଣ୍ଟାରୀ ହେଲଥ ଆସୋସିଏସନ
Last Modified : 8/9/2019