ହୋମ / ସ୍ଵାସ୍ଥ୍ୟ / ହୋମିଓପ୍ୟାଥି / ହୋମିଓପ୍ୟାଥି ବିବିଧ ପ୍ରସଙ୍ଗ / ଚିକିତ୍ସା ବିଭାଗ / ନାକରୁ ରକ୍ତସ୍ରାବ ପାଇଁ ହୋମିଓପ୍ୟାଥି ଚିକିତ୍ସା
ସେଆର କରନ୍ତୁ

ନାକରୁ ରକ୍ତସ୍ରାବ ପାଇଁ ହୋମିଓପ୍ୟାଥି ଚିକିତ୍ସା

ନାକରୁ ରକ୍ତସ୍ରାବ ପାଇଁ ହୋମିଓପ୍ୟାଥି ଚିକିତ୍ସା ର ସୂଚନା

ଉପକ୍ରମ

ନାକରୁ  ରକ୍ତ  ପଡିବା  ଏକ  ଅତି  ସାଧାରଣ  କଥା, ଏବଂ  ଲୋକେ  ସାଧାରଣତଃ  ଏହା  ଉପରେ  ଗୁରୁତ୍ଵ  ଦିଅନ୍ତି  ନାହିଁ  । ମାତ୍ର  ନାକ  ଓ  ତାଳୁରେ  ମାଡ  ବାଜିବାଠାରୁ  ଆରମ୍ଭକରି   ଶର୍ଦ୍ଦି,  ଅତ୍ୟଧିକ  ଗରମ,  ନାକ  ଭିତର  ଉହା, ବହୁପଦ  ଭଳି  ସାମାନ୍ୟ  କଥା  ସବୁକୁ  ବାଦ୍  ଦେଲେ  ମଧ୍ୟ, ଉଚ୍ଚ  ରକ୍ତଚାପ, ହିମୋଫିଲିଆ, କ୍ୟାନସର, ହୃଦରୋଗ  ଭଳି  ସାଘାଂତିକ  ରୋଗମାନଙ୍କରେ  ମଧ୍ୟ  ଏହା  ଏକ  ଲକ୍ଷଣ   । ତଥାପି,  କେତେବେଳେ  ଟିକିଏ  ନାକରୁ  ରକ୍ତ  ପଡିଲେ  ଏତେ  ବ୍ୟସ୍ତ  ହୋଇପଡିବା  ଉଚିତ  ନୁହେଁ  ଯଦି  ଏହା  କ୍ରମାଗତ  ଭାବରେ  ବାରମ୍ବାର  ଓ  ଅତିମାତ୍ରାରେ  ନ  ହେଉଥାଏ   । ଏ  ଭଳି  କ୍ଷେତ୍ରରେ  ବିଶେଷଜ୍ଞ  ଡାକ୍ତର  ମାନଙ୍କର  ପରାମର୍ଶ  ନେବା  ଆବଶ୍ୟକ  । ଲକ୍ଷଣ  ମେଳକ  ହେଲେ  ଅତ୍ୟନ୍ତ  ସାଘାଂତିକ  କାରଣରୁ  ରକ୍ତ  ପଡୁଥିଲେ  ମଧ୍ୟ  ହୋମିଓପାଥି  ଔଷଧରେ   ଭଲ  ହୋଇ  ରୋଗୀର  ଆରୋଗ୍ୟ  ପଥ  ସୁଗମ  କରିଥାଏ   ।

ନାକରୁ  ରକ୍ତ  ପଡିବା  ପାଇଁ  ଆର୍ଣ୍ଣିକା  ଏକ  ପ୍ରଧାନ  ଔଷଧ   ।  ଆଘାତ ଜନିତ  ରକ୍ତସ୍ରାବ  ପାଇଁ  ତ  ଏହା  ନିଶ୍ଚିତ  ଭାବରେ  ଅମୋଘ, ଆଘାତ  କାରଣ  ନଥିବା  ରକ୍ତସ୍ରାବ  ରେ  ମଧ୍ୟ  ଏହା  ଖୁବ୍ ଉପକାରୀ  । ଏ  ସବୁରେ  ଏହି  ଔଷଧର  ଉଚ୍ଚଶକ୍ତି, ଅର୍ଥାତ୍ ୨୦୦,୧୦୦୦ ବା  ତଦୁର୍ଦ୍ଧ୍ଵ  ବିନାଦ୍ଵିଧାରେ  ବ୍ୟବହାର  କରାଯାଇ  ପାରେ  ।  କେତେକ  ଡାକ୍ତର  ଆର୍ଣ୍ଣିକା  ଉଚ୍ଚଶକ୍ତି  ପ୍ରୟୋଗ  କରି  ବାଇଓକେମିକର   ଫେରସଫସ  6X  ୩-୪ ଟି  କରି  ବଟିକା  ଗରମ  ପାଣିରେ  ଦିନକୁ  ୩/୪ ଥର  ଦେଇ  ସୁଫଳ  ପାଉଥିବାର   ଅଭିଜ୍ଞତା  କଥା  କୁହନ୍ତି   ।

ହୋମିଓପ୍ୟାଥି ଔଷଧ

ପ୍ରବଳ  ଥଣ୍ଡା ବା  ପ୍ରଖର  ସୂର୍ଯ୍ୟତାପରେ  ବୁଲିଲା   ପରେ  ନାକରୁ  ରକ୍ତପଡି  ଅତ୍ୟନ୍ତ  ଭୟାତୁର   ହୋଇପଡିଥିଲେ  ଏକୋନାଇଟ – ୨୦୦ ଅପରିହାର୍ଯ୍ୟ  ।

ପ୍ରତିଦିନ  ସନ୍ଧ୍ୟାରେ  ପଡୁଥିଲେ   ପଲସେଟିଲା , ସକାଳେ   ପଡୁଥିଲେ  ଏମୋନକାର୍ବ, ପ୍ରବଳ  ମୁଣ୍ଡବ୍ୟଥା  ସହିତ  ହେଉଥିଲେ  ବେଲାଡୋନା, ମୁଣ୍ଡବ୍ୟଥାପରେ  ପଡୁଥିଲେ  ମେଲିଲୋଟସ   । ଏଥିରେ  ନାକରୁ  ରକ୍ତ  ପଡିବା  ପରେ  ମୁଣ୍ଡବ୍ୟଥା   କମିଯାଏ   । ଋତୁସ୍ରାବ  ନ ହୋଇ  ନାକରୁ  ରକ୍ତ  ପଡୁଥିଲେ  ବ୍ରାୟୋନିଆ   । ଖୁବ୍  ପତଳା  ଶୀର୍ଣ୍ଣକାୟା, ଡେଙ୍ଗା  ସ୍ତ୍ରୀ  ଲୋକମାନଙ୍କର  ଏ  ଧରଣର  ଅସୁବିଧାରେ  ଫସଫରସ   ସାଧାରଣତଃ   ସୁଫଳ ପ୍ରଦାନ  କରିଥାଏ   । ଶର୍ଦ୍ଦିଶ୍ଵାସ  ହୋଇ  ଛାତି  ଭାରି  ଲାଗୁଥିବ  ଓ  ଗାଢ ଲାଲ   ରଙ୍ଗର  ରକ୍ତ  ନାଗରୁ  ପଡୁଥିଲେ  ଇପିକାକ୍  ଖୁବ୍  ଭଲ  କାମ  କରେ   । ଖରାରେ   ବୁଲିଲା  ପରେ  ଖୁବ୍  । ମୁଣ୍ଡବିନ୍ଧା  ଫାଟିଗଲା  ଭଳିଲାଗି  ନାକରୁ   ରକ୍ତପଡିଲେ   ଗ୍ଲୋନୟନ  ଲାଗିବ,  କିନ୍ତୁ  ଭୟାତୁର   ଅସ୍ଥିରତା  ଥିଲେ  ଏକୋନାଇଟ  ଛଡା  ଆଉ  କିଛି  ହେବ  ନାହିଁ   । ମୁହଁଲାଲ  ପଡି,  ଡାହାଣପଟ  ମୁଣ୍ଡଟା   ଧକ୍ ଧକ୍  କରୁଥଲେ  ଗ୍ଲୋନୟନ  ଅପେକ୍ଷା  ବେଲାଡୋନ  ବେଶି   ଉପକାର  କରିବ   । ପତଳା  ଶୀର୍ଣ୍ଣ  ଲୋକଙ୍କର  ନାକରୁ  ପତଳା  ରକ୍ତ  ନିଗିଡି   ପଡୁଥିବ, ଜମା  ଜମାଟ  ବାନ୍ଧୁନଥିବ   ତାହାହେଲେ  ଫସଫରସ୍  ଓ  ସିକେଲିକର  କଥା  ଚିନ୍ତା  କରିବା  ଦରକାର   । ରକ୍ତ  ପଡିବା   ସହିତ  ଦେହଟା  ଗରମ  ହୋଇ  ଉଚ୍ଛାଟିଆ  ଲାଗୁଥିଲେ   ସିକେଲିକର, ଶୀତ  ଶୀତ   ଭାବ  ସହିତ  ଖୁବ୍  ଥଣ୍ଡାପାଣି  ପିଇବାକୁ  ଆଗ୍ରହ  ପ୍ରକାଶ  କରୁଥିଲେ   ଫସଫର  ଲାଗିବ   । ରକ୍ତ  କଳାରଙ୍ଗର, ନିଗିଡି  ଆସୁଥିବ, ନାକ   ଦଣ୍ଡାଟା  ଖୁବ୍  ଭାଲି  ଲାଗୁଥିବ,  ତାହାହେଲେ  ହାମାମେଲିସ  ହିଁ  ଦରକାର   । ସକାଳୁ  ଉଠିଲା  ବେଳକୁ  ମୁହଁ  ଫଣଫଣିଆ  ଦେଖାଯାଇ,  ମୁହଁ  ଧୋଇଲା  ବେଳକୁ   ନାକରୁ  ରକ୍ତ  ପଡିଲେ   କେଲିକାର୍ବ  ଯେପରି  ଉପକାରୀ,  ଉଠୁଉଠୁ  ପ୍ରବଳ  ଛିଙ୍କ   ହୋଇ , ମୁହଁ  ଧୋଇଲାବେଳେ   ରକ୍ତ  ପଡିଲେ  ଏମନକାର୍ବ  ସେହିଭଳି  ଉପକାରୀ   । ମାସିକ  ଋତୁ  ବନ୍ଦ  ହୋଇ  ପଡିଲେ   ଯେପରି  ବ୍ରାୟୋନିଆ, ପଲସେଟିଲା  ଓ  ଫସଫରସ  ଲାଗିବ  ସେପରି  ସେହି  ସମୟରେ  ହେଲେ  ସିପିଆ  କାମଦେବ   ।

ସଂଗୃହୀତ – ଡାକ୍ତର  କମଳାକାନ୍ତ  କର

2.95833333333
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top