ସରକାରୀ କର୍ମଚାରୀଙ୍କ ନାମରେ କେଶ୍ ସମ୍ପର୍କରେ

କର୍ମଚାରୀଙ୍କ ଉଦ୍ଦେଶ୍ୟ

କୌଣସି ସରକାରୀ କର୍ମଚାରୀ ମନ୍ଦ ଉଦ୍ଦେଶ୍ୟ ରଖି ଅଥବା ଜାଣିଶୁଣି ଆପଣଙ୍କୁ ହଇରାଣ ହରକତ କଲେ ଆପଣ ତାଙ୍କ ନାମରେ ମକଦ୍ଦମା କରିପାରିବେ । ଯଦି ସରକାରୀ କର୍ମଚାରୀ ଜଣକ ଆପଣଙ୍କ ପ୍ରତି କରୁଥିବା ଅନ୍ୟାୟ ତାଙ୍କର ବ୍ୟକ୍ତିଗତ କର୍ମଦ୍ଵାରା (ଅର୍ଥାତ୍ ପ୍ରାଇଭେଟ୍ କର୍ମ ଦ୍ଵାରା ) ହେଉଥାଏ,ତେବେ ଆପଣ ତାଙ୍କ ନାମରେ ତାଙ୍କର କର୍ମର ଭୂମିକା ଉପରେ ନିର୍ଭର କରି କ୍ରିମିନାଲ୍ ତଥା ସିଭିଲ୍ କେଶ୍ କରିପାରିବେ । ଏଥିପାଇଁ କାହାର ଅନୁମତି ଦରକାର ନାହିଁ ।

ସରକାରୀକାର୍ଯ୍ୟ ପାଇଁ ହଇରାଣ

ସରକାରୀ କର୍ମଚାରୀ ଜଣକ ଯଦି ତାଙ୍କ ଅଫିସିଆଲ୍ କର୍ମ ଦ୍ଵାରା ଆପଣଙ୍କୁ ହଇରାଣ କରିଥାଆନ୍ତି ଏବଂ ଏହା କ୍ରିମିନାଲ୍ ଅଫେନ୍ସ ହେଉଥାଏ, ତେବେ ଗେଜେଟେଡ୍ ଅଫିସର ଓ ପୋଲିସ୍ ଙ୍କ କ୍ଷେତ୍ରରେ ଆପଣ ସରକାରଙ୍କ ଠାରୁ ଅନୁମତି ନେଇ ସେମାନଙ୍କ ନାମରେ କ୍ରିମିନାଲ୍ କେଶ୍ କରିପାରିବେ । ଯଦି ସରକାରୀ ଅନୁମତି ଣ ଦିଅନ୍ତି, ତେବେ ଆପଣ ହାଇକୋର୍ଟରେ ରିଟ୍ କରି ସରକାର ଅନୁମତି ଦେବା ପାଇଁ ହାଇକୋର୍ଟରୁ ନିର୍ଦ୍ଦେଶ ନେଇ ପାରିବେ ।

ଜାଣିଶୁଣି ବିଳମ୍ବ

ଯଦି ଆପଣଙ୍କର କୌଣସି କାମକୁ ସରକାରୀ ଦପ୍ତରରେ କିରାଣୀମାନେ ଓ ଅଫିସରମାନେ ଅବହେଳା କରି ବା ଜାଣିଶୁଣି ବିଳମ୍ବ କରୁଥାନ୍ତି, ତେବେ ଆପଣ ସେମାନଙ୍କ ନାମରେ ସିଭିଲ୍ ମକଦ୍ଦମା କରି କ୍ଷତିପୂରଣ ଆଦାୟ କରିପାରିବେ । ଏହା କରିବାକୁ ହେଲେ ଆପଣଙ୍କୁ ପ୍ରଥମେ ଉକ୍ତ ସରକାରୀ କର୍ମଚାରୀଙ୍କୁ ସିଭିଲ୍ ପ୍ରସିଡିଓର କୋର୍ଡ ଅନୁଯାୟୀ ୨ ମାସିଆ ରେଜିଷ୍ଟ୍ରି ଚିଠି ଦ୍ଵାରା ନୋଟିସ୍ ଦେବାକୁ ହେବ । ମନେ ରଖିବାକୁ ହେବ ଯେ ସରକାରୀ କର୍ମଚାରୀଙ୍କ ଠାରୁ ବ୍ୟକ୍ତିଗତ ଭାବେ କ୍ଷତିପୂରଣ ପାଇବାକୁ କେଶ୍ କଲେ ମଧ୍ୟ ସେହି କେଶ୍ ରେ ସରକାରଙ୍କୁ ଉପରୋକ୍ତ ମତେ ୨ ମାସିଆ ନୋଟିସ୍ ଦେଇ ପକ୍ଷ କରିବାକୁ ପଡିବ ।

ବ୍ୟକ୍ତିଗତ କ୍ଷତିପୂରଣ ମାମଲା

ଅନେକ ସରକାରୀ କର୍ମଚାରୀ ତଥା ସାଧାରଣ ଲୋକଙ୍କ ଧାରଣା ଯେ ସରକାରୀ କର୍ମଚାରୀଙ୍କ ନାମରେ ବ୍ୟକ୍ତିଗତ ଭାବେ କ୍ଷତିପୂରଣ ମାମଲା ହୋଇପାରିବ ନାହିଁ । ଏଭଳି ଧାରଣା ସମ୍ପୂର୍ଣ୍ଣ ଭୁଲ୍ । ସରକାର ଜନସାଧାରଣଙ୍କ ଠାରୁ ଟଙ୍କା ଟାକ୍ସ ବା ଅନ୍ୟ ଉପାୟରେ ଆଦାୟ କରି ସରକାର ଚଳାନ୍ତି ଓ ସରକାରୀ କର୍ମଚାରୀଙ୍କ ମାନଙ୍କୁ ଦରମା ଦିଅନ୍ତି । ଏ ଦୃଷ୍ଟିରୁ ସରକାରଙ୍କ ଅବହେଳା ହେଉ ବା ତାଙ୍କ କର୍ମଚାରୀଙ୍କ ଅବହେଳା ହେଉ ସେମାନଙ୍କ ନାମରେ କ୍ଷତିପୂରଣ ମକଦ୍ଦମା କରାଯାଇପାରିବ ।

ସରକାରୀ କର୍ମଚାରୀଙ୍କ ଆଚରଣ ବିଧି କ’ଣ ?

“ଓଡିଶା ସରକାରୀ କର୍ମଚାରୀ ଆଦେଶ ବିଧି, ୧୯୯୫” ଆଇନ୍ ଅନୁସାରେ ପ୍ରତ୍ୟକ ସରକାରୀ କର୍ମଚାରୀ ସବୁ ସମୟରେ ସମ୍ପୂର୍ଣ୍ଣ ରୂପେ ସାଧୁ ଓ ସଚ୍ଚୋଟ ହେବେ, ଆଚରଣଗତ ଶୃଙ୍ଖଳା ପ୍ରଦର୍ଶନ ଏବଂ କର୍ତ୍ତବ୍ୟ ପ୍ରତି ଅନୁରକ୍ତ ରହିବେ ଏବଂ ଏପରି କୌଣସି କର୍ମ କରିବେ ନାହିଁ, ଯାହା ଦ୍ଵାରା ବ୍ୟକ୍ତିଗତ ଅନୈତିକତା ଓ ଠିକ୍ ରୂପେ କର୍ତ୍ତବ୍ୟ ତୁଲାଉ ନାହାନ୍ତି ବୋଲି ବିବେଚିତ ହେବେ  ।

ଦୁର୍ନୀତି ନିବାରଣ ଆଇନ୍ କ’ଣ ?

ସରକାରୀ କର୍ମଚାରୀଙ୍କ ମଧ୍ୟରେ ଦେଖାଯାଇଥିବା ଲାଞ୍ଚ ଦୁର୍ନୀତିର ନିବାରଣ ପାଇଁ ଏହି ଆଇନ ୧୯୪୭ ଖ୍ରୀଷ୍ଟାବ୍ଦ ମାର୍ଚ୍ଚ ୧୧ ତାରିଖରେ ଲାଗୁ କରାଯାଇଛି  । କୌଣସି କର୍ମଚାରୀ ତାଙ୍କର ଆଇନ୍ ଗତ ପ୍ରାପ୍ୟ ବ୍ୟତୀତ ଅନ୍ୟ କୌଣସି ପାରିତୋଷିକ ବା ଲାଞ୍ଚ ଗ୍ରହଣ କଲେ  । ବିନା ମୂଲ୍ୟରେ କିମ୍ବା କମ୍ ମୂଲ୍ୟରେ କୌଣସି ମୂଲ୍ୟବାନ ଜିନିଷ ତାଙ୍କ ନିଜ ପାଇଁ ଅନ୍ୟ କୌଣସି ବ୍ୟକ୍ତିଙ୍କ ଠାରୁ ଗ୍ରହଣ କଲେ କିମ୍ବା ଗ୍ରହଣ କରିବା ପାଇଁ ସମ୍ମତ ଦେଲେ କିମ୍ବା ପାଇବା ପାଇଁ ଉଦ୍ୟମ କଲେ  । ଏଥିପାଇଁ କୌଣସି ବିପରୀତ ପ୍ରମାଣ ନଥିଲେ ଏହା ଭାରତୀୟ ଦଣ୍ଡବିଧି ଆଇନ୍ ର ୧୧ ଦଫା ଅନୁସାରେ ଅପରାଧ ହେବ  । ଏଥିପାଇଁ ସର୍ବାଧିକ  ବର୍ଷ ଜେଲ ଜୋରିମାନା ଦଣ୍ଡ ଦେବାର ବ୍ୟବସ୍ଥା ଅଛି  । ଏହା ଏକ ପୋଲିସ ଧର୍ତ୍ତବ୍ୟ, ଜାମିନ ବିହୀନ ଅପରାଧ ଅଟେ  ।

ଆଧାର –

• ଓଡିଶା ଲ ହାଉସ
• ଏମ.ଏମ. ପବ୍ଲିକେସନ