ନିଜର ସ୍ଵାର୍ଥ ରକ୍ଷା ପାଇଁ ସମସ୍ତେ ନିତାନ୍ତ କେତେକ ଜରୁରୀ ଆଇନ୍ ମାନ ଜାଣିବା ଦରକାର । ନିଜର ଅଧିକାର ରକ୍ଷା କରିବା ଓ ବିନା ଦୋଷରେ ଦଣ୍ଡିତ ନ ହେବା ହିଁ ସ୍ଵାର୍ଥ ଅଟେ । ଏଣୁ ମୁଣ୍ଡ ଉଚ୍ଚ କରି ସାମାଜରେ ଚଳିବାକୁ ହେଲେ ଦେଶର ଆଇନ୍ କାନୁନ୍ ମାନ ଜାଣିବା ଦରକାର ।
କୌଣସି କେଶ୍ ସମ୍ପର୍କରେ ପଚରାଉଚରା କରିବା ପାଇଁ ପୋଲିସ୍ ମହିଳା ଓ ୧୫ ବର୍ଷର କମ୍ ବାଳକ ଓ ୬୫ ବର୍ଷରୁ ଉର୍ଦ୍ଧ୍ଵ ବୟସ ଲୋକଙ୍କୁ ଥାନାକୁ ଡକାଇ ପାରିବେ ନାହିଁ । ସେମାନେ ରହୁଥିବା ସ୍ଥାନରେ ପୋଲିସ୍ ଯାଇ ପଚରାଉଚରା କରିପାରିବେ । ଏହା ସତ୍ତ୍ୱେ ପୋଲିସ୍ ଡାକିଲେ ଆପଣ ଯିବାକୁ ମନା କରିବେ ।
ଆପଣ ଯେଉଁ ଜମିର ମାଲିକ ଅଥବା ଦଖଲରେ ଅଛନ୍ତି – ସେଠାରେ ବେଆଇନ୍ ସମାବେଶ ବା ରାୟଟିଙ୍ଗ୍ ଘଟିଲେ – ଆପଣ ତାହା ଯେତେବେଳେ ଜାଣିବେ ଥାନାରେ ରିପୋର୍ଟ ହୋଇନଥିଲେ ନିଜେ ରିପୋର୍ଟ କରିବେ । ନଚେତ୍ ଆପଣ କୋର୍ଟ ଦ୍ଵାରା ଦଣ୍ଡିତ ହୋଇ ଏକହଜାର ଟଙ୍କା ପର୍ଯ୍ୟନ୍ତ ଜୋରିମାନା ଦେବେ ।
କୌଣସି ମହିଳା (ସ୍ତ୍ରୀ ବ୍ୟତୀତ)ଙ୍କ ସହ ତାଙ୍କ ବିନା ମତରେ ଯୌନକ୍ରିୟା କଲେ ତାହା ଧର୍ଷଣ ଅଟେ । ୧୬ ବର୍ଷରୁ କମ୍ ବାଳିକା ସହିତ ତାର ମତନେଇ ଅଥବା ଅନୁରୋଧ ରକ୍ଷା କରି ମଧ୍ୟ ଯୌନକ୍ରିୟା କଲେ ତାହା ଧର୍ଷଣ ଅପରାଧ ହେବ । ୧୫ ବର୍ଷରୁ କମ୍ ବୟସ୍କ ନିଜର ସ୍ତ୍ରୀଙ୍କ ସହିତ ଯୌନକ୍ରିୟା କଲେ ମଧ୍ୟ ତାହା ଧର୍ଷଣ ହେବ (ଧାରା 375 Indian Penal Code)
ଜଣେ ୧୨ ବର୍ଷରୁ କମ୍ ବାଳୁତର ପିତାମାତା ବା ଅଭିଭାବକ ସେହି ବାଳୁତଙ୍କୁ ପରିତ୍ୟାଗ ଉଦ୍ଦେଶ୍ୟରେ ଛାଡିଦେଲେ, ସେମାନେ ୨ ବର୍ଷ ପର୍ଯ୍ୟନ୍ତ ଜେଲ୍ ଦଣ୍ଡ କିମ୍ବା ଜୋରିମାନା, କିମ୍ବା ଜେଲ୍ ଜୋରିମାନା ଉଭୟର ଦଣ୍ଡିତ ହେବେ ।
ଗୋଟିଏ କେଶ୍ ସମ୍ପର୍କରେ ଆପଣ ଥାନାରେ ଏତଲା ଦେଲେ । ଥାନାବାବୁ ଏତଲା ଉପରେ କାମ କଲେ ନାହିଁ । ଆପଣ ପୋଲିସ୍ ଏସ୍ପିଙ୍କ ଜଣାଇବେ । ସେ କିନ୍ତୁ ନ ଲଗାଇ କରିପାରିବେ। ଥାନାକୁ ବିଲ୍କୁଲ୍ ନ ଯାଇ ମଧ୍ୟ ଆପଣ ସିଧାସିଧା କୋର୍ଟରେ କମ୍ପ୍ଲେନ୍ କେଶ୍ କରିପାରିବେ । ଏହାଛଡା ଉପରୋକ୍ତ ମତେ ନ ଯାଇ ଆପଣ ସ୍ଥାନୀୟ ବିଚାର ବିଭାଗୀୟ ମାଜିଷ୍ଟ୍ରେଟ୍ ଙ୍କୁ ମଧ୍ୟ ପତ୍ର ଲେଖିପାରିବେ ଓ ସେହି ପତ୍ର ଉପରେ ମାଜିଷ୍ଟ୍ରେଟ୍ କାର୍ଯ୍ୟାନୁଷ୍ଠାନ ହେବ ।
ସ୍ଵାମୀ ସ୍ତ୍ରୀଙ୍କ ମଧ୍ୟରେ ବିଭିନ୍ କାରଣରୁ ଗଣ୍ଡଗୋଳ ହେଉଛି । ସେଥିପାଇଁ ମହିଳାମାନେ – ମହିଳା କମିଶନ୍/ ଥାନା/ ଭଦ୍ରଲୋକ/ କୋର୍ଟ ଓ ଲୋକ ଅଦାଲତକୁ ଯିବାର ରାସ୍ତାମାନ ଅଛି । ସିଧାସଳଖ ଥାନାକୁ ଚାଲିଗଲେ ସ୍ଵାମୀ ଆରେଷ୍ଟ ହୋଇଯାଉଛନ୍ତି ଓ ତାଙ୍କୁ ସାଧାରଣତଃ ଜାମିନ୍ ମିଳୁ ନାହିଁ । ଏଣୁ ସ୍ଵାମୀ ଓ ତାଙ୍କ ପରିବାର ଲୋକମାନେ ଜେଲ୍ ରେ ରହିଛନ୍ତି । ଏପରି ଘଟଣାରେ ପରେ ସ୍ତ୍ରୀ ଯେତେ ଅନୁତପ୍ତ ହୋଇ କେଶ୍ କୁ ମିଳାମିଶା କରିବାକୁ କହିଲେ ମଧ୍ୟ କେଶ୍ ଟି ମିଳାମିଶା ହୋଇପାରୁନାହିଁ । ସେହିପରି ମହିଳା କମିଶନକୁ ଯାଇଥିବା ମାମଲାମାନ ମଧ୍ୟ କଚେରୀରେ ଆଉ ସମାଧାନ ହୋଇପାରୁନାହିଁ । ମାତ୍ର ପ୍ରଥମରୁ ଲୋକଅଦାଲତକୁ ଆସିଥିବା କେଶ୍ ମାନଙ୍କରୁ ପ୍ରାୟ ଅଧିକାଂଶ ମିଳାମିଶା ହୋଇପାରୁଛି । ଏଣୁ ଭାବିଚିନ୍ତି ଉପରୋକ୍ତ କେଉଁ ସ୍ଥାନମାନଙ୍କୁ ଯିବେ ତାହା ସ୍ଥିର କରନ୍ତୁ ।
ନାଗରିକମାନଙ୍କ ସମ୍ମାନର ସୁରକ୍ଷା ପାଇଁ ଭାରତୀୟ ଦଣ୍ଡବିଧି ଆଇନ୍ ର ୪୯୯ ଠାରୁ ୫୦୨ ଦଫା ମଧ୍ୟରେ ମାନହାନୀ ପାଇଁ ଦଣ୍ଡବ୍ୟବସ୍ଥା କରାଯାଇଛି । କୌଣସି ଲୋକ ଅନ୍ୟ କୌଣସି ଲୋକକୁ ନିନ୍ଦା କଲାଭଳି ବା ଅପବାଦ ଦେବାଭଳି ଭାଷା କହିବ କିମ୍ବା ଲେଖିବା କିମ୍ବା ଛାପିବା ଦୋଷାବହ ଅଟେ । କୌଣସି ମୃତ ବ୍ୟକ୍ତି ବଞ୍ଚିଥିଲେ ଉପରୋକ୍ତ କାର୍ଯ୍ୟଦ୍ଵାରା ତା’ର ବଞ୍ଚିଥିବା ଅବସ୍ଥାରେ ମାନହାନୀ ଘଟିଥାନ୍ତା କିମ୍ବା ତା’ର ପରିବାରର ଅଥବା ନିକଟ ସମ୍ପର୍କୀୟଙ୍କର ମାନହାନୀ ଘଟୁଥିଲେ ମଧ୍ୟ ଅପରାଧ ହୁଏ । କୌଣସି କମ୍ପାନୀ କିମ୍ବା ଆସୋସିଏସନ କିମ୍ବା ବ୍ୟକ୍ତି ସମୂହଙ୍କର ଉପରୋକ୍ତ କାର୍ଯ୍ୟଦ୍ଵାରା ମାନହାନୀ ଘଟିବା ଦୋଷାବହ ଅଟେ । ଏଥିପାଇଁ ଦଣ୍ଡ ବିଧି ଆଇନ୍ ର ୫୦୦ ଦଫା ଅନୁସାରେ ସର୍ବାଧିକ ୧ ବର୍ଷ ଜେଲ ଓ ଜୋରିମାନାର ଦଣ୍ଡ ବ୍ୟବସ୍ଥା ଅଛି ।
ସମ୍ମାନହାନି ଜନକ ଲେଖା ଛାପିବା, କ୍ଷୋଦିତ କରିବା କିମ୍ବା ଏହି ପଦାର୍ଥ ବିକ୍ରି କରିବା କିମ୍ବା ବିକ୍ରି କରିବାକୁ ଦେବା ଆଇନ୍ ଅନୁସାରେ ଅପରାଧ ଅଟେ । ଏଥିପାଇଁ ସର୍ବାଧିକ ୨ ବର୍ଷ ଜେଲ ଓ ଜୋରିମାନା ଦଣ୍ଡ ଦେବାର ବ୍ୟବସ୍ଥା ଅଛି ।
ଭାରତୀୟ ସମ୍ବିଧାନର ୨୦, ୨୧ ଓ ୨୨ ଧାରା ଅନୁସାରେ ନାଗରିକମାନଙ୍କ ପାଇଁ କେତେକ ଅଧିକାର ସଂରକ୍ଷିତ ରଖାଯାଇଛି । ସେଗୁଡିକ ହେଉଛି –
ଭାରତୀୟ ସମ୍ବିଧାନର ୨୩ ଧାରା ଅନୁସାରେ ନାଗରିକମାନଙ୍କ ପାଇଁ କେତେକ ସ୍ଵାର୍ଥକୁ ସଂରକ୍ଷିତ ରଖାଯାଇଛି । ସେଗୁଡିକ ହେଉଛି –
ଆଧାର –
Last Modified : 6/20/2020