ଅନୁଷ୍ଠିତ ହୋଇଥିବା କୌଣସି ବିବାହ, ତାହା ଏହି ଆଇନ୍ ର ପ୍ରାରମ୍ଭ ପୂର୍ବରୁ କିମ୍ବା ପରେ ହୋଇଥାଉ, ଏବଂ ତାହା ବିଶେଷ ବିବାହ ଆଇନ୍ , ୧୮୭୨ (୩/୧୮୭୨) ଅନୁଯାୟୀ କିମ୍ବା ଏହି ଆଇନ୍ ଅନୁଯାୟୀ ଅନୁଷ୍ଠିତ କୌଣସି ବିବାହା ବ୍ୟତୀତ, ତାହା ସେହି ଅଞ୍ଚଳର କୌଣସି ବିବାହ ଅଧିକାରୀଙ୍କ ଦ୍ଵାରା ଏହି ଅଧ୍ୟାୟ ଅନୁଯାୟୀ ନିବନ୍ଧନ କରାଯାଇ ପାରେ , ଯେଉଁଥି ପ୍ରତି ଏହି ଆଇନ୍ ପରିବର୍ଦ୍ଧିତ ଅଟେ, ଯଦି ନିମ୍ନ ସର୍ତ୍ତାବଳୀ ଗୁଡିକ ପରିପୂରଣ କରାଯାଇଥାଏ ।
ଉଲ୍ଲେଖ ଥାଉ ଯେ ଏହି ଆଇନ୍ ର ପ୍ରଚଳନ ପୂର୍ବରୁ ଅନୁଷ୍ଠିତ କୌଣସି ବିବାହ କ୍ଷେତ୍ରରେ, ଏହି ସର୍ତ୍ତ, କୌଣସି ଆଇନ୍, ପ୍ରଥା କିମ୍ବା ବ୍ୟବହାରର ନିୟନ୍ତ୍ରଣାଧିନ ହେବ, ଯାହାର ଆଇନ୍ ଗତ ବଳ ଥିବ, ଯାହାକି ସେମାନଙ୍କ ମଧ୍ୟରୁ ପ୍ରତ୍ୟକଙ୍କୁ ପରିଚାଳନା କରୁଥିବ, ଯାହାକି ଉକ୍ତ ଦୁଇ ଜଣଙ୍କ ମଧ୍ୟରେ ବିବାହକୁ ଅନୁମୋଦନ କରୁଥିବ; ଏବଂ
ଏହି ଅଧ୍ୟାୟ ଅନୁଯାୟୀ, ସେମାନଙ୍କ ବିବାହର ନିବନ୍ଧନ ନିମନ୍ତେ , ବିବାହ ପ୍ରତି ଉଭୟ ପକ୍ଷଙ୍କ ଦ୍ଵାରା ସ୍ଵାକ୍ଷରିତ ଏକ ଆବେଦନ ପତ୍ର ଗ୍ରହଣ କରିବା ପରେ, ବିବାହ ଅଧିକାରୀ ସେ ସଂବନ୍ଧରେ ଏପରିଭାବେ ଏକ ସର୍ବସାଧାରଣ ସୂଚନା ଦେବେ, ଯେପରି ଧାର୍ଯ୍ୟ କରାଯାଇପାରେ ଏବଂ ଆପତ୍ତି ନିମନ୍ତେ ତିରିଶଦିନର ଏକ ସମୟ ଅନୁମୋଦନ କରିବା ପରେ ଏବଂ ସେହି ସମୟ ମଧ୍ୟରେ ଗୃହିତ କୌଣସି ଆପତ୍ତିର ଶୁଣାଣୀ ପରେ ପଞ୍ଚମସୂଚୀରେ ଧାର୍ଯ୍ୟ ଫର୍ମରେ, ବିବାହ ପ୍ରମାଣ ପତ୍ର ପୁସ୍ତିକାରେ ଏକ ବିବାହ ପ୍ରମାଣ ପତ୍ର ଅନ୍ତର୍ଭୁକ୍ତ କରିବେ ଏବଂ ଏପରି ପ୍ରମାଣ ପତ୍ର, ବିବାହର ପକ୍ଷମାନଙ୍କ ଦ୍ଵାରା ଏବଂ ତିନିଜଣ ସାକ୍ଷୀଙ୍କ ଦ୍ଵାରା ସ୍ଵାକ୍ଷରିତ ହେବ ।
ଏହି ଅଧ୍ୟାୟ ଅନୁଯାୟୀ , କୌଣସି ବିବାହକୁ ନିବନ୍ଧନ କରିବାକୁ ପ୍ରତ୍ୟାଖ୍ୟାନ କରିବାରେ କୌଣସି ବିବାହ – ଅଧିକାରୀଙ୍କର କୌଣସି ଆଦେଶରେ ବ୍ୟଥିତ କୌଣସି ବ୍ୟକ୍ତ, ଏପରି ଆଦେଶ ତାରିଖରୁ ତିରିଶଦିନ ମଧ୍ୟରେ , ଜିଲ୍ଲା ନ୍ୟାୟାଳୟରେ, ଉକ୍ତ ଆଦେଶ ବିରୁଦ୍ଧରେ ଅପିଲ୍ କରି ପାରିବେ , ଯାହାଙ୍କର କର୍ତ୍ତୃତ୍ଵାଧିନ ସ୍ଥାନୀୟ ଅଞ୍ଚଳ ମଧ୍ୟରେ ବିବାହ – ଅଧିକାରୀଙ୍କର କାର୍ଯ୍ୟାଳୟ ସ୍ଥିତ ଅଟେ ଏବଂ ଏପରି ଅପିଲ୍ ଉପରେ, ଜିଲ୍ଲା ନ୍ୟାୟାଳୟଙ୍କର ସିଦ୍ଧାନ୍ତ ଚୂଡାନ୍ତ ହେବ ଏବଂ ବିବାହ, ଅଧିକାରୀ, ଯାହାଙ୍କୁ ଏପରି ଆବେଦନ କରାଯାଇଥିଲା , ସେ ଏପରି ସିଦ୍ଧାନ ସହିତ ସମନ୍ଵୟ ରକ୍ଷାକରି କାର୍ଯ୍ୟ କରିବେ ।
ଦଫା ୨୪ର ଉପ – ଦଫା (୨) ରେ ଧାରୀତ ବ୍ୟବସ୍ଥାବଳୀର ନିୟନ୍ତ୍ରଣାଧିନରେ ଯେଉଁସ୍ଥଳରେ , ଏହି ଅଧ୍ୟାୟ ଅନୁଯାୟୀ, ବିବାହର କୌଣସି ପ୍ରମାଣପତ୍ରକୁ ଚୂଡାନ୍ତ ଭାବେ ବିବାହ - ପ୍ରମାଣପତ୍ର ପୁସ୍ତିକାରେ ଅନ୍ତର୍ଭୁକ୍ତ କରାଯାଇଥାଏ, ସେପରି ସ୍ଥଳେ ବିବାହ ଏପରି ଅନ୍ତର୍ଭୁକ୍ତ କରିବା ତାରିଖରୁ, ଏହି ଆଇନ୍ ଅନୁଯାୟୀ ଏକ ବିବାହ ସଂପାଦିତ ହୋଇଛି ବୋଲି ଧରାଯିବ ଏବଂ ବିବାହ ଉତ୍ସବ ତାରିଖପରେ ଜାତ ସମସ୍ତ ସନ୍ତାନ (ଯେଉନମାନଙ୍କର ନାମ ମଧ୍ୟ ବିବାହ ପ୍ରମାଣ ପତ୍ର ପୁସ୍ତିକାରେ ଅନ୍ତର୍ଭୁକ୍ତ କରାଯିବ ), ସମସ୍ତ ବିଷୟରେ, ସେମାନଙ୍କ ପିତାମାତାଙ୍କ ବୈଧ ସନ୍ତାନ ହେବେ; ଉଲ୍ଲେଖ ଥାଉ ଯେ, ଏହି ଦଫାରେ ଧାରୀତ କୌଣସି ବ୍ୟବସ୍ଥା, କୌଣସି କ୍ଷେତ୍ରରେ , ସେମାନଙ୍କ ପିତାମାତା ଙ୍କ ବ୍ୟତୀତ, କୌଣସି ବ୍ୟକ୍ତିର ସମ୍ପତ୍ତି ପ୍ରତି କୌଣସି ଅଧିକାର ଏପରି କୌଣସି ସନ୍ତାନ ଉପରେ ନ୍ୟସ୍ତ କରେ ବୋଲି ବ୍ୟାଖ୍ୟା କରାଯିବ ନାହିଁ , ଯେଉନସ୍ଥଳରେ ଏହି ଆଇନ୍ ର ମଞ୍ଜୁରୀ ବ୍ୟତୀତ ଏପରି ସନ୍ତାନମାନେ, ସେମାନଙ୍କ ପିତାମାତାଙ୍କର ବୈଧ ସନ୍ତାନ ନହେବା କାରଣରୁ, ଏପରି କୌଣସି ଅଧିକାର ଧାରଣ କରିବା ନିମନ୍ତେ ଅକ୍ଷମ ହୋଇ ଥାଆନ୍ତେ ।
ଆଧାର – ଲ ହାଉସ
Last Modified : 1/28/2020