ହୋମ / ସମାଜ କଲ୍ୟାଣ / ସଫଳ କାହାଣୀ / ନିଶା ବିରୋଧୀ ଆନ୍ଦୋଳନରେ ସଂଗ୍ରାମୀ
ସେଆର କରନ୍ତୁ

ନିଶା ବିରୋଧୀ ଆନ୍ଦୋଳନରେ ସଂଗ୍ରାମୀ

ନିଶା ବିରୋଧୀ ଆନ୍ଦୋଳନରେ ସଂଗ୍ରାମୀ ଇମ୍ରାନ୍ ଅଲ୍ଲୀଙ୍କ ଯାତ୍ରା ।

ଉପକ୍ରମ

ଆଇନ ଠିକ୍ ଭାବେ କାମ କରୁନଥିବାରୁ ଇମ୍ରାନ୍ ଙ୍କ ମନରେ ଏବେ ବି ଦୁଃଖ ରହିଛି ।ସେ'ବ୍ଲଡି ଗୁଟଖା' ଓ 'ସଲାମ ଜୀବନ' ନାମରେ ଦୁଇଟି ବହି  ଲେଖିଛନ୍ତି ।ହାବାଦ୍ 'ସଲାମ୍ ଜୀବନ' ନାମରେ ରାଜ୍ୟରେ ନିଶା ବିରୋଧରେ ପ୍ରଥମ ଡକ୍ୟୁମେଣ୍ଟାରୀ ଫିଲ୍ମ ମଧ୍ୟ  କରିଛନ୍ତି ।

ଇମ୍ରାନ୍ ଅଲ୍ଲୀଙ୍କ ଯାତ୍ରା

'ଭଲାଇ କର୍ ଭଲା ହୋଗା । ବୁରାଇ କର, ବୁରା ହୋଗା ।' ଏ ଉକ୍ତିଟି ପିଲା ଦିନେ ସବୁବେଳେ କାନରେ ପଡୁଥିଲା । ଜେଜେ ମା' ଅଜମତୁନ୍ ନିଶାଙ୍କ ସେଇ ଉକ୍ତି ହିଁ  ଜୀବନରେ ଆଗକୁ ବଢିବା ସହିତ ସମାଜସେବା କରିବା ପାଇଁ ଇଚ୍ଛାଶକ୍ତି  ଯୋଗାଇଥିଲା । ଆଉ ଆଜି ରାଜ୍ୟରେ ନିଶା ମୁକ୍ତି ଆନ୍ଦୋଳନର ପ୍ରମୁଖ ସିପାହୀ ଭାବେ ତାଙ୍କୁ ଗଢି ତୋଲିଛି । ସେ ହେଉଛନ୍ତି ମହମ୍ମଦ ଇମ୍ରାନ୍ ଅଲ୍ଲୀ । ରାଜ୍ୟରୁ ଗୁଟ୍ଖା ନିଷେଧ ପାଇଁ କୋର୍ଟକୁ ଯାଇଛନ୍ତି । ସରକାରଙ୍କ ନିର୍ଦ୍ଦେଶ ପରେ ରାଜ୍ୟରୁ ଗୁଟ୍ଖା ବ୍ୟାନ୍ ହୋଇଛି । ଖାଲି ଗୁଟ୍ଖା ନୁହେଁ, ମଦ ବିରୋଧୀ ଅଭିଯାନରେ ବି ସାମିଲ ହୋଇଛନ୍ତି । ଏ ତ ଗଲା, ସରକାରୀ ବ୍ୟବସ୍ଥା ସହ ଲଢେଇ । ଲୋକଙ୍କୁ ନିଶାରୁ ରକ୍ଷା କରିବାକୁ ସଚେତନ କରୁଛନ୍ତି । ସଂକଳ୍ପ ନେଇଛନ୍ତି ନିଶା ବିରୋଧରେ ଲଢେଇର । 'ନିଶା ମୁକ୍ତି ଯୁବ ସଂକଳ୍ପ' ନାମକ ଏକ ସଂଗଠନ ଗଠନ କରି ସେ ଏ ଦିଗରେ କାମ କରୁଛନ୍ତି ।

ଇମ୍ରାନଙ୍କ ଜନ୍ମ ଭଦ୍ରକ ଜିଲ୍ଲାରେ । ମହମ୍ମଦ ଗୁଲାମ କୁତାବାନୀଙ୍କ ଏକମାତ୍ର ପୁଅ ହେଉଛନ୍ତି ସେ । ମାତ୍ର ପାଞ୍ଚ  ବର୍ଷ ବୟସରେ ମା'ଙ୍କୁ ହରାଇଥିଲେ ଇମ୍ରାନ । ପିଉସୀ ଖଦିଜାତୁଲ୍ଲ କୋବରା ସବୁବେଳେ ତାଙ୍କୁ ଡାକ୍ତର ହେବା ପାଇଁ ଉତ୍ସାହିତ  କରୁଥିଲେ । ହେଲେ ଅବସୋସ ରହିଗଲା, ଇମ୍ରାନ ଡାକ୍ତର ହୋଇ ଲୋକଙ୍କ ସେବା କରି ପାରିଲେନି । ମାତ୍ର ଏବେ ସମାଜ ସେବା କରି ସେଇ ସୁଖ ପାଇବାକୁ ନିଶା ବିରୋଧୀ ସଂଗ୍ରାମକୁ ଆଦରି ସୁଖ ପାଉଛନ୍ତି ।

ସମାଜ ସେବା ପ୍ରତି ଥିବା ଦୁର୍ବଳତା ଯୋଗୁ ମାଷ୍ଟର ଇନ୍ ସୋସିଆଲ୍ ୱାର୍କ (ଏମ୍ଏସ୍ଡବ୍ଲୁ ) ପାଠ୍ୟକ୍ରମରେ ନାମ ଲେଖାଇଥିଲେ । ପାଠପଢା ସମୟରେ ବିଭିନ୍ନ ବସ୍ତିକୁ ଯାଇ ଅନେକ ସମୟରେ ନିଶା କିପରି ଲୋକଙ୍କ ଜୀବନକୁ ଛାରଖାର କରିଦେଉଛି ଜାଣି ପାରିଥିଲେ । ସେଇ ଅନୁଭୂତି ଆଉ ପ୍ରେରଣାରୁ ଜନ୍ମ ନେଇଥିଲା 'ନିଶା ମୁକ୍ତି ଯୁବ ସଂକଳ୍ପ' ।

ସାଥୀ ବିକ୍ରମ, ମନସ୍ଵିନୀ, ଲିସା ଭାରତୀ, ଜିତେନ୍ଦ୍ର, ଅବିନାଶ ଓ ହରପ୍ରସାଦଙ୍କ ସହାୟତାରେ ଆରମ୍ଭ ହୁଏ ନିଶାଦ୍ରବ୍ୟ ବିରୋଧରେ ଆନ୍ଦୋଳନ । ସ୍ଲୋଗାନ ଦିଆଯାଏ, 'ଏକ ନିଶା ନଶା କେ ଖିଲାପ' । ନିଶା ମୁକ୍ତି ଯୁବ ସଂକଳ୍ପ ଏବେ ରାଜଧାନୀର ବସ୍ତି ସମତେ ସମଗ୍ର ରାଜ୍ୟରେ ନିଶା ବିରୋଧରେ ଲଢେଇ ଜାରି ରଖିଛି । ବସ୍ତିକୁ ଯାଇ ପଥପ୍ରାନ୍ତ ନାଟକ ଜରିଆରେ ସଚେତନ କରୁଛନ୍ତି । ନିଜେ ଇମ୍ରାନ ଏବେ ବିଜେବି କଲେଜ ଏମ୍ଏସଡବ୍ଲୁର ଅତିଥି ଅଧ୍ୟାପକ ଭାବେ କାମ କରୁଛନ୍ତି । ରେଗୁଲାର ଚାକିରି କଲେ, ଏଥିରେ ବାଧା ଆସିବାର ସମ୍ଭାବନା ଥିବାରୁ ସେ ସେଥିପ୍ରତି ମନ ଦେଉନାହାନ୍ତି ବୋଲି ଇମ୍ରାନ କହିଛନ୍ତି । ଇମ୍ରାନ୍ ଓମଫେଡ୍ ବୁଥ୍ରୁ ଗୁଟଖା ବିକ୍ରି ବନ୍ଦ କରିବା ପାଇଁ ପ୍ରଥମେ କୋର୍ଟକୁ ଯାଇଥିଲେ । ସେଥିରେ ସଫଳ ମଧ୍ୟ ହୋଇଥିଲେ । ପରେ କ୍ଲାପ୍ ସଂଗଠନ ସହାୟତାରେ ହାଇକୋର୍ଟରେ ଆଉ ଏକ ଜନସ୍ବାର୍ଥ ମାମଲା ରୁଜୁ କରିଥିଲେ । କୋର୍ଟ ମଧ୍ୟ ସରକାରଙ୍କୁ ଗୁଟଖା ନିଷିଦ୍ଧ କରିବା ପାଇଁ ନିର୍ଦ୍ଦେଶ ଦେଇଥିଲେ । ଆଇନ୍ ଠିକ୍ ଭାବେ କାମ କରୁନଥିବାରୁ ଇମ୍ରାନ୍ ଙ୍କ ମନରେ ଏବେ ବି ଦୁଃଖ ରହିଛି । ସେ 'ବ୍ଲଡି ଗୁଟଖା' ଓ 'ସଲାମ ଜୀବନ' ନାମରେ ଦୁଇଟି ବହି ଲେଖିଛନ୍ତି । ଏହାବାଦ୍ 'ସଲାମ୍ ଜୀବନ' ନାମରେ ରାଜ୍ୟରେ ନିଶା ବିରୋଧରେ ପ୍ରଥମ ଡକ୍ୟୁମେଣ୍ଟାରୀ ଫିଲ୍ମ ମଧ୍ୟ ତିଆରି କରିଛନ୍ତି । ଆଉ ଏବେ ତୁଲସୀ ମୁଣ୍ଡାଙ୍କ ସମେତ ଆଠ ଜଣ ସମାଜସେବୀଙ୍କ ସହ ମିଶି ମଦ ବିରୋଧରେ ହାଇକୋର୍ଟରେ ଜନସ୍ଵାର୍ଥ ମାମଲା ରୁଜୁ କରିଛନ୍ତି ।

ନିଶାମୁକ୍ତି କାଉନସେଲିଂ ସେଣ୍ଟର

ଇମ୍ରାନ୍ ଙ୍କ ଏହି ସମାଜସେବାକୁ ସ୍ଵୀକୃତି ଦେଇ ରାଜ୍ୟ ଯୁବସେବା ବିଭାଗ ପରାମର୍ଶଦାତା ଭାବେ ନିଯୁକ୍ତି ଦେଇଛି । ଏହାବାଦ୍ ଜାତୀୟ ଯୁବ ସମ୍ମାନ, ଗାନ୍ଧି-ବିନୋବା ଶାନ୍ତି ସମ୍ମାନ, ଓଡିଶା ପ୍ରାଇଡ୍ ଯୁବ ସମ୍ମାନ ଓ ଏନ୍ଏସ୍ଏସ୍ ରାଜ୍ୟ ପୁରସ୍କାର ଭଳି ଅନେକ ସମ୍ମାନ ପାଇଛନ୍ତି । ଏତିକି ନୁହେଁ, ବ୍ଲଡ ଡୋନେସନ୍ ଡ୍ରାଇଭ୍ ସହ ନିଶାମୁକ୍ତି କାଉନସେଲିଂ ସେଣ୍ଟର ମଧ୍ୟ ଚଳାଉଛନ୍ତି । ନିଶା ବିରୋଧୀ ଅଭିଯାନ ହେଲେ ଯୁବବର୍ଗଙ୍କ ମଧ୍ୟରେ ନିଶା ଖାଇବାର ପ୍ରବଣତା କମିଯିବ ବୋଲି ଅନେକ ତଥାକଥିତ ସ୍ଵେଚ୍ଛାସେବୀ ଭାଷଣ ଦେଉଛନ୍ତି । ହେଲେ ଇମ୍ରାନ ସେସବୁ ଭାଷଣରେ ବିଶ୍ଵାସ ନ ରଖି ନିଷ୍ଠାପର ଭାବେ ନିଜ କର୍ତ୍ତବ୍ୟ କରିଚାଲିଛନ୍ତି ।

ଆଧାର - ଦୈନନ୍ଦିନ ପ୍ରମେୟ

2.81481481481
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top