ଇନ୍ଦିରା ଆବାସ ଯୋଜନା

ଯୋଜନାର ହିତାଧିକାରୀ

୧୯୯୬ ମସିହାରେ ବିପିଏଲ୍ ତାଲିକା ସ୍ଥାନରେ ସନ ୨୦୦୨ ମସିହାରେ ବିପିଏଲ ସର୍ଭେକୁ ହିତାଧିକାରୀ ବାଛିବା ସମୟରେ ବ୍ୟବହାର କରାଯିବ । ୨୦୦୨ ମସିହା ବିପିଏଲ ସର୍ଭେରୁ ପଞ୍ଚାୟତୱାରି ତାଲିକା ୱେବ୍ ସାଇଟ୍ ରେ ରହିଛି ।

ହିତାଧିକାରୀଙ୍କୁ ଅଗ୍ରାଧିକାର

1. ମୁକ୍ତ ଗୋଷ୍ଠି ଶ୍ରମିକ
2. ତଫସିଲଭୁକ୍ତ ଜାତି / ଉପଜାତିର ପରିବାର (ଜାତିଆଣ ଅବିଚାରର ଶିକାର ହୋଇଥିବା , ବିଧବା କିମ୍ବା ଅବିବାହିତ ମହିଳାଙ୍କ ନେତୃତ୍ଵରେ ପରିଚାଳିତ ପରିବାର, ନଈବଢି,ନିଆଁ,ଭୂମିକମ୍ପ,ବାତ୍ୟା ଓ ସେହିଭଳି ପ୍ରାକୃତିକ ବିପର୍ଯ୍ୟୟର ଶିକାର ପରିବାର ଏବଂ ଅନ୍ୟାନ୍ୟ ତଫସଲ ଭୁକ୍ତ ଜାତି /ଉପଜାତିର ପରିବାର )
3. ଗୃହ ନିର୍ମାଣ
4. ପାହାଡିଆ /ଅସୁବିଧାଜନକ ଅଞ୍ଚଳରେ ଗୃହ ନିର୍ମାଣ ପାଇଁ ୩୮ ହଜାର ୫୦୦ ଟଙ୍କା ଆର୍ଥିକ ସାହାଯ୍ୟ ଯୋଗାଇ ଦିଆଯାଇଥାଏ।

ହିତାଧିକାରୀଙ୍କୁ ଅର୍ଥ ପଇଠ

ଘର ତିଆରି କାମର ଅଗ୍ରଗତିକୁ ବିଚାର କରି ହିତାଧିକାରୀମାନଙ୍କୁ ଅର୍ଥ ପଇଠ କରାଯାଇଥାଏ ।  ମଞ୍ଜୁର କରାଯାଇଥିବା ସଂପୂର୍ଣ ପଇସାକୁ ଏକକାଳୀନ ଭାବେ କଦାପି ହିତାଧିକାରୀଙ୍କୁ ପଇଠ କରାଯାଇପାରିବ ନାହିଁ । ଘର ତିଆରି ପାଇଁ କାର୍ଯ୍ୟ ଦେଶ ସହିତ ପ୍ରଥମ କିନ୍ତୁ ,ପ୍ଲିନ୍ଥ ପର୍ଯ୍ୟନ୍ତ ଶେଷହେଲେ ଦ୍ଵିତୀୟ କିସ୍ତି ଓ ଛାତ ତିଆରି ସଂପୂର୍ଣ୍ଣ ହେଲେ ତୃତୀୟ କିସ୍ତି ପଇଠ କରାଯିବ ।

ଗ୍ରାମ ବ୍ଲକ ଓ ଜିଲ୍ଲା ସ୍ତରରେ ସ୍ଵଚ୍ଛତା

କାର୍ଯ୍ୟକାରିତାର ପ୍ରତ୍ୟେକସ୍ତରରେ ଲୋକମାନଙ୍କ ଜାଣିବା ପାଇଁ ନିମ୍ନ ବିଷୟଗୁଡିକୁ ପ୍ରସ୍ତୁତ କରି ରଖାଯିବା ଉଚିତ୍ ।

1. ଗ୍ରାମସ୍ତର
• ଦାରିଦ୍ର୍ୟ ସୀମାରେଖା ତଳେ ବସଭାବ କରୁଥିବା ପରିବାରଗୁଡିକର ତାଲିକା
• ଇନ୍ଦିରା ଆବାସ ଯୋଜନା ଅଧୀନରେ ପୂର୍ବବର୍ଷ ଏବଂ ଚଳିତ ବର୍ଷ ପାଇଁ ବଛାଯାଇଥିବା ହିତାଧିକାରୀ ଓ ସେମାନଙ୍କ ବିବରଣୀ ଯଥା ତଫସିଲଭୁକ୍ତ ଜାତି / ଉପଜାତି ,ମହିଳା ଏବଂ ଅକ୍ଷମ ।
• ଏହି ଯୋଜନରେ ଅଧୀନରେ ଗ୍ରାମକୁ ମିଳିଥିବା ବ୍ୟୟ ବରାଦ ।
• ଇନ୍ଦିରା ଆବାସ ଯୋଜନର ନୀତି ନିର୍ଦ୍ଦେଶାବଳୀ / ହିତାଧିକାରୀ ବୟନର ପଦ୍ଧତି ।
• ଯୋଜନା ଅଧିନରେ ତିଆରି ହୋଇଥିବା ଘର ସମୁଖରେ ସୂଚନାବୋର୍ଡ  ଲଗାଯିବା ବ୍ୟବସ୍ଥା ।
2. ବ୍ଲକସ୍ତର
• ବ୍ଲକସ୍ତରରେ ନିଆଯାଇଥିବା ଘର ତିଆରି କାମର ସଂପୂର୍ଣ ବିବରଣୀ, ଖର୍ଚ୍ଚ ପରିମାଣ, ପାଣ୍ଠି କେଉଁଠୁ ଆସିଲା ଏବଂ ଏହାର କାର୍ଯ୍ୟକାରୀ ସଂସ୍ଥା ଆଦି ।
• ଯୋଜନା ଅଧିନରେ ବିଭିନ୍ନ ଗ୍ରାମକୁ ଦିଆଯାଇଥିବା ପାଣ୍ଠିର ବିବରଣୀ ।
• ବ୍ୟୟବରାଦ/କେତେକ ପାଣ୍ଠି ମିଳିଛି ଓ ଯୋଜନାର କାର୍ଯ୍ୟକାରିତା ଅଗ୍ରଗତି ସଂପର୍କୀୟ ବିବରଣୀ ।
3. ଜିଲ୍ଲାସ୍ତର
• ଯୋଜନା ଅଧିନରେ ବ୍ଲକୱାରି ଓ ଗ୍ରାମୱାରି ଦିଆଯାଇଥିବା ପାଣ୍ଠି ବିବରଣୀ ।
• ଯୋଜନା ଅଧିନରେ ବ୍ଲକ /ଗ୍ରାମକୁ ଦିଆଯାଇଥିବା ପାଣ୍ଠିର ବଣ୍ଟନ କିଭଳି ଓ କେଉଁ ପଦ୍ଧତି ଅନୁସରଣ କରି ଦିଆଯାଇଥାଏ ତାର ବିବରଣୀ ।
4. ସରପଞ୍ଚଙ୍କ ଭୂମିକା
• ସରପଞ୍ଚ ନିଜ ପଞ୍ଚାୟତର ମୁଖିଆଭାବରେ, ପଞ୍ଚାୟତ ବିଭିନ୍ନ ଗାଁରେ ତିଆରି କରାଯାଇଥିବା ଇନ୍ଦିରାଆବାସ ଘର ଗୁଡିକର ଅଗ୍ରଗତିକୁ ତଦାରଖ କରିପାରିବେ ଏବଂ ଏ ସଂକ୍ରାନ୍ତରେ ନିଜର ମତାମତ ଦେଇ ସଂପୃକ୍ତ ବିଡିଓଙ୍କ ନିକଟକୁ ଏକ ଲିଖିତ ରିପୋର୍ଟ ପଠାଇ ପାରିବେ ।
• ଏହି କାର୍ଯ୍ୟକ୍ରମର ଅଗ୍ରଗତି ଓ ଦେଖାଯାଉଥିବା ସମସ୍ୟାଗୁଡିକ ସଂପର୍କରେ ପଞ୍ଚାୟତ ବୈଠକରେ ଅନ୍ୟ ବାର୍ଡମେମ୍ବରମାନଙ୍କ ସହ ଆଲୋଚନା କରିପାରିବେ ଏବଂ ପଞ୍ଚାୟତର ବୈଠକ ଓ ବିବରଣୀରେ ସେ ବିଷୟ ଉଲ୍ଲେଖ କରି ବିଡିଓଙ୍କ ଜରିଆରେ ସରକାରଙ୍କ ଦୃଷ୍ଟି ଆକର୍ଷଣ କରିପାରିବେ।
• ଇନ୍ଦିରାଆବାସ ଯୋଜନାର ହିତାଧିକାରୀମାନଙ୍କ ସମସ୍ୟା ସମାଧାନ ପାଇଁ, ନିଜ ପଞ୍ଚାୟତର ସମିତି ସଭ୍ୟଙ୍କ ସହିତ ମିଶି ଏ ବିଷୟରେ ପଞ୍ଚାୟତ ସମିତିର ବୈଠକରେ ଉଠାଇ ପାରିବେ ।
• କର୍ତ୍ତୃପକ୍ଷଙ୍କ ଆଗରେ ସେମାନଙ୍କ ଦାବି ଉପସ୍ଥାପନ କରିବାକୁ, ନିଜ ପଞ୍ଚାୟତ ଇନ୍ଦିରା ଆବାସ ହିତାଧିକାରୀମାନଙ୍କୁ ନେଇ ଏକ ଅଣ ଆନୁଷ୍ଠାନିକ ଦଳ ଗଠନ କରିପାରିବ ।
• ଠିକ୍ ସମୟରେ ଗୃହ ତିଆରି କାମ ଯେଭଳି ସଂପୂର୍ଣ ହୋଇପାରିବ ଏବଂ ହିତାଧିକାରୀମାନେ ଯେଭଳି ଠିକ୍ ଭାବରେ ସେମାନଙ୍କର କିସ୍ତି ପ୍ରାପ୍ୟ ପାଇପାରିବେ ସେ ବିଷୟରେ ଶୀଘ୍ର କରିବା ପାଇଁ, ଗାଁକୁ ପରିଦର୍ଶନ ଆସୁଥିବା ବିଡିଓଙ୍କ ଉପରେ ଚାପ ପକାଇ ପାରିବେ ।

ଆଧାର – ସେଣ୍ଟର ଫର୍ ରୁରାଲ୍ ଡେଭେଲ୍ପମେଣ୍ଟ