କିଶୋରୀ ଶକ୍ତି ଯୋଜନା

ଯୋଜନା ଉଦ୍ଦେଶ୍ୟ

ସମନ୍ୱିତ ଶିଶୁ ବିକାଶ ଯୋଜନାରେ ଏହି କାର୍ଯ୍ୟକ୍ରମ ଅନ୍ତର୍ଭୃକ୍ତ । କିଶୋରୀମାନଙ୍କ ଅଭିବୃଦ୍ଧି,ସ୍ୱାସ୍ଥ୍ୟ ଓ ପୁଷ୍ଟି ଶିକ୍ଷା,ସାକ୍ଷରତା ଓ ଗାଣିତିକ ଦକ୍ଷତା,ବୈଷୟିକ ଦକ୍ଷତା ଇତ୍ୟାଦିରେ ଏହି କାର୍ଯ୍ୟକ୍ରମ ରୂପାୟିତ ହୋଇଥାଏ । ଅଙ୍ଗନୱାଡି କେନ୍ଦ୍ରରେ ବାଳିକା ମଣ୍ଡଳ ମାଧ୍ୟମରେ ଏହା କାର୍ଯ୍ୟକାରୀ କରାଯାଏ ।

ହିତାଧିକାରୀଙ୍କ ପାଇଁ ସୂଚନା

• ହିତାଧିକାରୀଙ୍କ ଯୋଗ୍ୟତା -୧୧ ରୁ ୧୮ ବର୍ଷ ବୟସରେ କିଶୋରୀମାନେ
• ଆବେଦନ ପ୍ରଣାଳୀ -ଆବଶ୍ୟକ ନାହିଁ ।
• ଚିହ୍ନଟ ପ୍ରକ୍ରିୟା - ଅଙ୍ଗନୱାଡି କର୍ମୀଙ୍କ ଦ୍ଵାରା ହିତାଧିକାରୀ ଚିହ୍ନଟ କରାଯାଇଥାଏ ।
• ସାହାଯ୍ୟକାରୀ ଅଧିକାରୀ – ଶିଶୁ ବିକାଶ ପ୍ରକଳ୍ପ ଅଧିକାରୀ ।
• ସାହାଯ୍ୟର ପରିମାଣ-
କିଶୋରୀମାନଙ୍କୁ ବୃତ୍ତିଗତ ତାଲିମ ମାଧ୍ୟମରେ ଦକ୍ଷତା ବୃଦ୍ଧି,ଲୌହ ଓ କୃମିନାଶକ ବଟିକା ମାଗଣାରେ ପ୍ରଦାନ କରାଯାଇଥାଏ ।

ବିଶେଷ ସୂଚନା

ଜିଲ୍ଲା ପରିଷଦର ସଭାପତି ଏବଂ ସଭ୍ୟମାନେ ଏହି ଯୋଜନାରେ ସମନ୍ଵୟ ରଖି କାର୍ଯ୍ୟ କରିବା ଆବଶ୍ୟକ । ଜିଲ୍ଲା ସମାଜ ମଙ୍ଗଳ ଅଧିକାରୀ ଏବଂ ଅନ୍ୟାନ୍ୟ ସ୍ଵସ୍ଥା ଅଧିକାରୀ ଏହି ଯୋଜନାର ତଦାରଖ କରିବା ଆବଶ୍ୟକ ।

ପଞ୍ଚାୟତ ଚେୟାରମ୍ୟାନ୍ ଏହି ଯୋଜନାରେ କାର୍ଯ୍ୟକାରିତାକୁ ତଦାରଖ କରିବା ସହିତ ଏହି ଯୋଜନା ବିଷୟରେ ସଚେତନ ସୃଷ୍ଟି କରିବା ଅପରିହାର୍ଯ୍ୟ ।

ଆଧାର – ସେଣ୍ଟର ଫର୍ ରୁରାଲ୍ ଡେଭେଲ୍ପମେଣ୍ଟ