ହୋମ / ସମାଜ କଲ୍ୟାଣ / ନୀତି ଓ ଯ଼ୋଜନା / ନୂଆ ପର୍ଯ୍ୟଟନ ନୀତି
ସେଆର କରନ୍ତୁ

ନୂଆ ପର୍ଯ୍ୟଟନ ନୀତି

ପର୍ଯ୍ୟଟନ କ୍ଷେତ୍ରର ବିକାଶ ଏବଂ ରାଜ୍ୟକୁ ପର୍ଯ୍ୟଟନଙ୍କୁ ଆକୃଷ୍ଟ କରିବା ନୂତନ ପର୍ଯ୍ୟଟନ ନୀତି ପ୍ରଣୟନ ହେଉଛି ।

ପର୍ଯ୍ୟଟନ ନୀତି

ପର୍ଯ୍ୟଟନ କ୍ଷେତ୍ରର ବିକାଶ ଏବଂ ରାଜ୍ୟକୁ ପର୍ଯ୍ୟଟନଙ୍କୁ ଆକୃଷ୍ଟ କରିବା ନିମନ୍ତେ ରାଜ୍ୟ ସରକାର ପ୍ରଚଳିତ ପର୍ଯ୍ୟଟନ ନୀତିରେ ସଂଶୋଧନ କରିବେ । ସଂଶୋଧନ ପରେ ନୂତନ ପର୍ଯ୍ୟଟନ ନୀତି ଖୁବ୍ ଶୀଘ୍ର ପ୍ରଣୟନ କରାଯିବ । ଏହା ସହ ଆସନ୍ତା ଜୁଲାଇ ୨୫ ତାରିଖରୁ ରାଜ୍ୟରେ ବରିଷ୍ଠ ନାଗରିକ ତୀର୍ଥଯାତ୍ରା ଯୋଜନା (ବିଏନ୍ଟିୱାଇୱାଇ) ଆରମ୍ଭ ହେବ ଏବଂ ପ୍ରଥମ ପର୍ଯ୍ୟାୟରେ ବ୍ରହ୍ମପୁରରୁ ୧୦୦୦ ବରିଷ୍ଠ ନାଗରିକ ତୀର୍ଥଯାତ୍ରାରେ ଯିବେ । ବୈଠକରେ ନିଷ୍ପତ୍ତି ହୋଇଛି ।

ନୂତନ ପର୍ଯ୍ୟଟନ ନୀତିରେ ହୋଟେଲ, ପର୍ଯ୍ୟଟନ ଭିତ୍ତିଭୂମି ବିକାଶ  ନିମନ୍ତେ ଜମି ଆବଣ୍ଟନ, ପୁଞ୍ଜି, ନିବେଶରେ ରିହାତି, ସୁଧ କ୍ଷେତ୍ରରେ ରିହାତି, ଭାଟ୍ ଭରଣା, ପ୍ରବେଶକର ଫେରସ୍ତ, ପରିବେଶ ସୁରକ୍ଷା ଭିତ୍ତିଭୂମି ରିହାତି ଆଦି ଦିଆଯିବାକୁ ବ୍ୟବସ୍ଥା କରାଯିବ । ପୁଣି ଆଗ୍ରହୀ ଉଦ୍ୟୋଗୀଙ୍କୁ ହୋଟେଲ  ଆଦି ନିର୍ମାଣ ପାଇଁ ଲ୍ୟାଣ୍ଡ ବ୍ୟାଙ୍କ ମାଧ୍ୟମରେ ଜମି ଯୋଗାଇ ଦିଆଯିବ ।

ପର୍ଯ୍ୟଟନସ୍ଥଳର ବିକାଶ

ପର୍ଯ୍ୟଟନର ବିକାଶ ପାଇଁ ରାଜ୍ୟ ସରକାର ପରିବେଶ ପର୍ଯ୍ୟଟନକୁ ଏଥିନିମନ୍ତେ ୨୦ଟି ପର୍ଯ୍ୟଟନସ୍ଥଳ ଚିହ୍ନିତ ହୋଇଛି  ଏବଂ ଆଗାମୀ ୫ ବର୍ଷରେ ଏହି ସ୍ଥଳଗୁଡିକରେ ୧୦୦ କୋଟି ଟଙ୍କା ବ୍ୟୟ କରାଯାଇ ଏହାର ଭିତ୍ତିଭୂମି ବିକାଶ କରାଯିବ । ୨୦୧୨-୧୩ ବର୍ଷରେ ରାଜ୍ୟରେ ପରିବେଶ ପର୍ଯ୍ୟଟନସ୍ଥଳକୁ ୨.୭୬ ପର୍ଯ୍ୟଟନକଙ୍କ ଆଗମନ ହୋଇଥିବାବେଳେ ୨୦୧୩-୧୪ରେ ଏହି  ସଂଖ୍ୟା ବୃଦ୍ଧି ପାଇ ୩.୧୩ ଲକ୍ଷ ଓ  ୨୦୧୪ -୧୫ ବର୍ଷରେ ଏହା ୩.୪୮ ଲକ୍ଷରେ ପହଞ୍ଚିଛି । ଡାଙ୍ଗମାଳ, ଗୁପ୍ତି, ଦାରିଂବାଡି, କାଞ୍ଜିଆପାଣି, ଚିଲିକା, ତାଳସାରୀ ବେଳାଭୂମି ପର୍ଯ୍ୟଟକଙ୍କପାଇଁ ବିଶେଷ ଆଗ୍ରହ ସୃଷ୍ଟି କରିଛି ।

ଆଦିମ ଜନଜାତି ବସବାସ କରୁଥିବା ଅଞ୍ଚଳକୁ ପର୍ଯ୍ୟଟକଙ୍କ ଆଗମନ ଉପରେ ଲାଗୁ କଟକଣା ଗୃହ ବିଭାଗ କୋହଳ କରିବା ପରେ ଏହି ଅଞ୍ଚଳ ନିମନ୍ତେ ପର୍ଯ୍ୟଟକଙ୍କ ଆଗମନ ବଢିବାରେ ଲାଗିଛି । ଏହି ପରିପ୍ରେକ୍ଷୀରେ ବିଶ୍ଵ ପର୍ଯ୍ୟଟନ ବଜାରରେ ଓଡ଼ିଶାରେ ଅଂଶ ବୃଦ୍ଧି କରିବା ଏବଂ ଅଧିକରୁ ଅଧିକ ପର୍ଯ୍ୟଟନ ଅନୁକୂଳ ନୂତନ ନୀତି ପ୍ରଣୟନ କରିବା ପାଇଁ ମୁଖ୍ୟ ସଚିବ ବୈଠକରେ ପରାମର୍ଶ ଦେଇଛନ୍ତି । ଏହା ସହ ପରିବେଶ କ୍ଷେତ୍ରରେ ନିବେଶ ନିମନ୍ତେ ଆଗ୍ରହୀ ଉଦ୍ୟୋଗୀଙ୍କୁ ପ୍ରୋତ୍ସାହିତ କରିବା ନିମନ୍ତେ ନୂତନ ନୀତିରେ ବ୍ୟବସ୍ଥା କରିବାକୁ ନିର୍ଦେଶ ଦେଇଛନ୍ତି । ଏହା ସହ ପରିବେଶ ପର୍ଯ୍ୟଟନ ବିକାଶ କ୍ଷେତ୍ରରେ ସ୍ଥାନୀୟ ଜନସାଧାରଣଙ୍କୁ ଅଂଶୀଦାର କରି ଏହି ଶିଳ୍ପ ପ୍ରତି ସେମାନଙ୍କ ମନରେ ଆଗ୍ରହ ସୃଷ୍ଟି କରିବା ଦିଗରେ ପଦକ୍ଷେପ ନେବାକୁ ମୁଖ୍ୟ  ସଚିବ ପରାମର୍ଶ ଦେବା ସହ ୩ ମାସ ମଧ୍ୟରେ ପର୍ଯ୍ୟଟନ ନିମନ୍ତେ ଜମି ବ୍ୟାଙ୍କ ସୃଷ୍ଟି କରିବାକୁ ନିର୍ଦ୍ଦେଶ ଦେଇଛନ୍ତି ।

ଆଧାର – ଦୈନିକ ସମାଜ

2.92592592593
ତାରକା ଚିହ୍ନ ଉପରେ କ୍ଲିକ କରି ପୃଷ୍ଟାଟିକୁ ମୂଲ୍ୟାଙ୍କନ କରନ୍ତୁ
ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top