অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ବଜେଟ୍ – ୨୦୧୭ ରୁ ୨୦୧୮

୨୦୧୭ ରୁ ୨୦୧୮ ଆର୍ଥିକବର୍ଷ ନିମନ୍ତେ ବଜେଟ୍ ଉପସ୍ଥାପନ କରାଯାଇଛି । ଏହି ବଜେଟ୍ ରେ କେତେ ଗୁରୁତ୍ଵ ପୂର୍ଣ୍ଣ ବିଷୟରେ ପଦକ୍ଷେପ ନିଆଯାଇଛି ।

ମୁଖ୍ୟାଂଶ

  • ଅଢେଇ ଲକ୍ଷରୁ ୫ ଲକ୍ଷ ଟଙ୍କା ଆୟକାରୀଙ୍କ ଆୟକାରୀଙ୍କ ଟିକସ ହାର ସୀମା ୧୦ % ରୁ ୫% କୁ ହ୍ରାସ; ନିମ୍ନ ଆୟକାରୀଙ୍କୁ ଫାଇଦା
  • ୫ ଲକ୍ଷରୁ ଅଧିକ ଆୟକାରୀ ବର୍ଗରେ ୫୬ ଲକ୍ଷ ବ୍ୟକ୍ତି
  • ଚେକ/ଡିଜିଟାଲ ଜରିଆରେ ଚାନ୍ଦା ନେବେ ରାଜନୈତିକ ଦଳ
  • ଗୋଟିଏ ସୂତ୍ରରୁ ସର୍ବାଧିକ ୨୦୦୦ ଟଙ୍କା ନଗଦ ଗ୍ରହଣ
  • ଓଡ଼ିଶାରେ, ରାଜସ୍ଥାନରେ ଷ୍ଟ୍ରାଟେଜିକ ତୈଳ ଭଣ୍ଡାର
  • ୨୦୧୯ ସୁଦ୍ଧା ଗରିବଙ୍କ ପାଇଁ ୧ କୋଟି ବାସଗୃହ
  • ଡାକଘରେ ହେବ ପାସ୍ପୋର୍ଟ; ଗ୍ରାମାଞ୍ଚଳରେ ମହିଳା ଶକ୍ତି କେନ୍ଦ୍ର
  • ଗ୍ରାମାଞ୍ଚଳ, କୃଷି ଏବଂ ଆନୁଷଙ୍ଗିକ କ୍ଷେତ୍ରକୁ ୨୪% ଅଧିକ ପାଣ୍ଠି
  • ମନରେଗା ପାଇଁ ସର୍ବାଧିକ ୪୮,୦୦୦ କୋଟି ବରାଦ
  • କୃଷି କ୍ଷେତ୍ରରେ ୧୦ ଲକ୍ଷ କୋଟି ଟଙ୍କା ବ୍ୟୟ ଲକ୍ଷ୍ୟ
  • ନାବାର୍ଡ ଜଳସେଚନ ପାଣ୍ଡି ୪୦,୦୦୦ କୋଟିକୁ ବୃଦ୍ଧି
  • ଫସଲ ବାମା ଯୋଜନାର ପରିସୀମା ୪୦% କୁ ବୃଦ୍ଧି
  • ଏଫଡ଼ିଆଇ ପ୍ରବାହରେ ୧୫.୩୬% ବୃଦ୍ଧି
  • ଜିଡିପି ହାରକୁ ଟିକସ କ୍ଷେତ୍ରର ଯୋଗଦାନ ନ୍ୟୁନତମ
  • ବିଦେଶୀ ନିବେଶ ପ୍ରୋସାହନ ବୋର୍ଡ (ଏଫଆଇପିବି)ର ଉଚ୍ଛେଦ
  • ଭିତ୍ତିଭୂମି ପାଇଁ ରେକର୍ଡ ୩,୯୬, ୧୩୫ କୋଟି ବରାଦ
  • ପିଏମଜିଏୱାଇରେ ଦୈନିକ ସଡକନିର୍ମାଣ ଲକ୍ଷ୍ୟ। ୧୩୩ କିମି
  • ଦେଢ ଲକ୍ଷ ପଞ୍ଚାୟତକୁ ହାଇସ୍ପିଡ୍ ଇଣ୍ଟରନେଟ୍
  • ପେନସନ ବାଦ ପ୍ରତିରକ୍ଷା ବ୍ୟୟ ୨.୭୪ ଲକ୍ଷ କୋଟି
  • ବିଳମ୍ବରେ ଆୟକର ଦାଖଲ କଲେ ୧୦ ହଜାର ଜୋରିମାନା
  • ପ୍ରଧାନମନ୍ତ୍ରୀ ଆବାସଯୋଜନା ପାଇଁ ୧୩ ହଜାର କୋଟି
  • ୩ ଲକ୍ଷରୁ ଉଦ୍ଧି ନଗଦ କାରବାର ମନା
  • ରେଳ ସୁରକ୍ଷା ପାଇଁ ୧ ଲକ୍ଷ କୋଟିର କର୍ପସ ପାଣ୍ଠି

ଚାଷୀଙ୍କ ପାଇଁ ୧୦ ଲକ୍ଷ କୋଟିର ଋଣ ଲକ୍ଷ୍ୟ

ସାଧାରଣ ବଜେଟରେ କୃଷି ଓ କୃଷକଙ୍କୁ ଅର୍ଥମନ୍ତ୍ରୀ ବିଶେଷ ଗୁରୁତ୍ଵ ଦେଇଛନ୍ତି । ସାଧାରଣ ବଜେଟ ଉପସ୍ଥାପନ କରି ଅର୍ଥମନ୍ତ୍ରୀ କହିଥିଲେ ଚଳିତ ବର୍ଷ ଭଲ ମୌସୁମି ବର୍ଷା ହୋଇଥିବାରୁ ଫସଲ ଉତ୍ପାଦନରେ ୪.୧% ବୃଦ୍ଧି ଘଟିବାର ଆଶା ରହିଛି । ଚଳିତ ବଜେଟରେ ଗ୍ରାମାଞ୍ଚଳ ବିକାଶ, କୃଷି ଓ ଏହାର ଆନୁସଙ୍ଗିକ କ୍ଷେତ୍ର ନିମନ୍ତେ ୧୮,୭୨୨୩ କୋଟି ଟଙ୍କା ପ୍ରଦାନ କରାଯାଇଛି; ଯାହାକି ଗତବର୍ଷ ତୁଳାନରେ ୨୪% ଅଧିକ । ଅର୍ଥମନ୍ତ୍ରୀ କୃଷିକ୍ଷେତ୍ର ପାଇଁ କରିଥିବା କେତେକ ପ୍ରମୁଖ ଘୋଷଣା ଗୁଡ଼ିକ ହେଲା–

  • କୃଷି କ୍ଷେତ୍ରକୁ ଋଣ ପ୍ରବାହ (କ୍ରେଡିଟ୍ ଫ୍ଲୋ) ବୃଦ୍ଧି କରିବା ଲାଗି ଅର୍ଥମନ୍ତ୍ରୀ ବଜେଟରେ କୃଷି ଋଣ ଲକ୍ଷ୍ୟକୁ ଏକ ଲକ୍ଷ କୋଟି ଟଙ୍କାରୁ ୧୦ ଲକ୍ଷ କୋଟି ଟଙ୍କାକୁ ବଢାଇବାକୁ ଘୋଷଣା କରିଛନ୍ତି । ଏହାଛଡା ଆର୍ଥିକ ବର୍ଷ ୨୦୧୭– ୧୮ ପାଇଁ କୃଷି ଋଣ ଲକ୍ଷ୍ୟ ୧୦ ଲକ୍ଷ କୋଟି ଟଙ୍କା ବୃଦ୍ଧି କରାଯାଇଛି । ଏବେ ଏହି ଋଣ ସୀମା ୯ ଲକ୍ଷ କୋଟି ଟଙ୍କା ରହିଛି। ଆସନ୍ତା ୫ ବର୍ଷ ମଧ୍ୟରେ ଚାଷୀଙ୍କ ଆୟ ଦୁଇଗୁଣ କରାଯିବ । ଚାଷୀଙ୍କୁ ଯେଭଳି ଠିକ ସମୟରେ ଋଣ ମିଳିବ ତାହା ଉପରେ ଧାନ ଦିଆଯିବ । ନାବାର୍ଡରେ କଂପୁଟରୀକ ଋଣ ଉପରେ ଧାନ ଦିଆଯିବ; ଏହାଦ୍ଵାରା ଚାଷୀଙ୍କୁ ସହଜରେ ଋଣ ଦିଆଯାଇପାରିବ ।
  • ଚାଷୀଙ୍କୁ ମୃତ୍ତିକା ସ୍ଵାସ୍ଥ୍ୟ କାର୍ଡ଼ ପ୍ରଦାନ କରାଯିବ । କୃଷି ବିଜ୍ଞାନ କ୍ଷେତ୍ରରେ ୧୦୦ ନୂଆ ଗବେଷଣାଗାର ପ୍ରତିଷ୍ଠା କରାଯିବ ।
  • ନାବାର୍ଡ ଜରିଆରେ ଜଳସେଚନା ଲାଗି ଆବଶ୍ଚିତ ରାଶି ୩୦ ହଜାର କୋଟି ଟଙ୍କାରୁ ୪୦ ହଜାର କୋଟି ଟଙ୍କାକୁ ବୃଦ୍ଧି କରାଯିବ ।
  • ‘ତ୍ରପ ମୋର କ୍ରପ’ ଯୋଜନା ନାବାର୍ଡ ଆଣିବ; ଏଥିପାଇଁ ୫ହଜାର କୋଟି ଟଙ୍କାର ବ୍ୟବସ୍ଥା କରାଯାଇଛି ।
  • ପ୍ରଧାନମନ୍ତୀ ଫସଲ ବୀମା ଯୋଜନା ଲାଗି ୯ ହଜାର କୋଟି ଏବଂ ନାବାର୍ଡ ପାଇଁ ୨୦ହଜାର କୋଟି ଟଙ୍କାର ବ୍ୟବସ୍ଥା। ଫସଲ ବୀମା ଯୋଜନା ପରିସରରେ ବର୍ତ୍ତମାନ । ୩୦% ସ୍ନାନରେ ୨୦୧୭-୧୮ରେ ୪୦% ଏବଂ ୨୦ ୧୮-୧୯ ରେ ୫୦% ଆସିବେ ।
  • କଣ୍ଟ୍ରାକ୍ଟ, ଫାର୍ମିଂର ମଡେଲା ଅଣାଯିବ ।
  • ଦୁଗ୍ଧଜାତ ଦ୍ରବ୍ୟ ଉତ୍ପାଦନ କ୍ଷେତ୍ରର ଭିତ୍ତିଭୂମି ବିକାଶ ନିମନ୍ତେ ୮୦୦୦ କୋଟି ଟଙ୍କା ପ୍ରଦାନ ।
  • କ୍ଷୁଦ୍ର ଜଳସେଚନ ନିମନ୍ତେ ୫,୦୦୦ କୋଟି ଟଙ୍କା ପ୍ରଦାନ ।

ଗର୍ଭବତୀଙ୍କୁ ମିଳିବ ୬ହଜାର

ଚଳିତ ବଜେଟରେ ମହିଳା ସଶକ୍ତିକଋଣ ଲାଗି ସରକାର ବେଶ ଗୁରୁତ୍ଵ ଦେଇଛନ୍ତି । ଆସନ୍ତୁ ଜାଣିବା ମହିଳାଙ୍କ ପାଇଁ କି ସୁବିଧା ବଜେଟରେ ପ୍ରଦାନ କରାଯାଇଛି । ଦେଶର ସ୍ଵାସ୍ଥ୍ୟସେବା କ୍ଷେତ୍ରରେ ଉନ୍ନତି ପାଇଁ ସରକାର ବଜେଟରେ ବ୍ୟାପକ ବ୍ୟବସ୍ଥା କରିଛନ୍ତି । ୨୦୧୮-୨୦୨୦ ସୁଦ୍ଧା ଦେଶର ମାତୃମୃତ୍ୟୁ ହାର (ପ୍ରତି ଏକ ଲକ୍ଷରେ) ୧୬୭ରୁ ୧୦୦ ହ୍ରାସ କରିବା ଲାଗି ସରକାର ଲକ୍ଷ୍ୟ ରଖିଛନ୍ତି ।

ଏଥିପାଇଁ ପ୍ରତି ଗର୍ଭବତୀ ମହିଳାଙ୍କ ଟିକାକଋଣ ଓ ସୁରକ୍ଷିତ ପ୍ରସବ ନିମନ୍ତେ ସରକାର ୬ହଜାର ଟଙ୍କା ପ୍ରଦାନ କରିବେ । ଏହା ସମ୍ପୁକ୍ତ ମହିଳାଙ୍କ ବ୍ୟାଙ୍କ ଖାତାରେ ଜମା ହେବ । ଗତ ଡିସେମ୍ବର ୩୧ରେ ପ୍ରଧାନମନ୍ତ୍ରୀ ଏହି ଘୋଷଣା କରିଥିବାବେଳେ ବଜେଟରେ ଏଥିପାଇଁ ଅର୍ଥ ବ୍ୟବସ୍ଥା କରାଯାଇଛି ।

  • ପ୍ରତି ଗାଁରେ ମହିଳା ଶକ୍ତ କେନ୍ଦ୍ର

ଗ୍ରାମାଞ୍ଚଳର ମହିଳାଙ୍କୁ ସଶକ୍ତାକଋଣ କରିବା ପାଇଁ କେନ୍ଦ୍ର ସରକାର ବଜେଟରେ ନୂଆ ଯୋଜନା ଘୋଷଣା କରିଛନ୍ତି । ଘୋଷଣା ଅନୁଯାୟୀ ପ୍ରତି ଗାରେ ଖୋଲାଯିବ ମହିଳା ଶକ୍ତି କେନ୍ଦ୍ର । ଦେଶର ୧୪ଲକ୍ଷ ଆଇସିଡିଏସ୍ ଓ ଅଙ୍ଗନୱାଡି କେନ୍ଦ୍ରରେ ଏହା କାର୍ଯ୍ୟ କରିବ ।

ଏହି କେନ୍ଦ୍ରରୁ ଗ୍ରାମାଞ୍ଚଳ ମହିଳାମାନେ ସମସ୍ତ ପ୍ରକାର ସେବା ଯଥା ଦକ୍ଷତା ବିକାଶ, ନିଯୁକ୍ତି, ଡିଜିଟାଲ ସ୍ଵାକ୍ଷରତା, ସ୍ଵାସ୍ଥ୍ୟ ଓ ପୁଷ୍ଟିସାଧନ ବାବଦରେ ସୂଚନା ପାଇଁ ପାରିବେ । ସରକାର ଏହି ଯୋଜନା ପାଇଁ ୫୦୦ କୋଟି ଟଙ୍କା ବରାଦ କରିଛନ୍ତି ।

  • ମହିଳାଙ୍କୁ ମିଳିବା ଶସ୍ତା ଋଣ

ମହିଳାଙ୍କୁ ଶସ୍ତାରେ ଋଣ ଦେବା ଲାଗି ନେସନାଲ ହାଉସିଂ ବ୍ୟାଙ୍କକୁ ୨୦ ହଜାର କୋଟି ଟଙ୍କାର ଅର୍ଥ ପ୍ରଦାନ କରାଯିବ। ଏଠାରୁ ମହିଳାଙ୍କୁ ଶସ୍ତାରେ ଘର ଉପଲବ୍ଧି କରାଯିବ । ମହିଳାଙ୍କ କୌଶଳ ବିକାଶ ଲାଗି ୧.୮୪ ଲକ୍ଷ କୋଟି ଟଙ୍କା ଆବଣ୍ଟନ କରାଯାଇଛି।

୧.୫ ଲକ୍ଷ ପଞ୍ଚାୟତକୁ ଇଣ୍ଟରନେଟ

ଦେଶର ୧ଲକ୍ଷ ୫୦ହଜାର ଗ୍ରାମପଞ୍ଚାୟତକୁ ହାଇସ୍ପିଡ ଇଣ୍ଟରନେଟ ସୁବିଧା ଯୋଗାଇ ଦେବା ଲାଗି ସରକାର ଯୋଜନା କରିଛନ୍ତି। ଭାରତ ନେଟ ପ୍ରକଳ୍ପ ନାମରେ ହେବାକୁ ଥିବା ଏହି ଯୋଜନାକୁ ୨୦, ୧୮ ମାର୍ଚ୍ଚ ସୁଦ୍ଧା ଶେଷ କରାଯିବ । ଏହି ଯୋଜନା ପାଇଁ ୧୦ ହଜାର କୋଟି ଟଙ୍କା ବରାଦ କରାଯାଇଛି । ବର୍ତ୍ତମାନ ସୁଦ୍ଧା ୧,୫୫, ୦୦୦ କିମିର ଅପଟିକାଲ ଫାଇବର ବିଛା ସରିଲାଣି । ଯାହାକି ୭୫, ୭୦ ୦ ଗ୍ରାମପଞ୍ଚାୟତକୁ ଯୋଗାଯୋଗ କରିପାରିବ ।

ଏନ୍ଟିଏସ୍ କରିବ ସବୁ ପ୍ରବେଶିକା ପରୀକ୍ଷା

ଉଚ୍ଚ ଶିକ୍ଷା କ୍ଷେତ୍ରରେ ସଂସ୍କାର ଆଣିବା ଲକ୍ଷ୍ୟରେ ସରକାର ବଜେଟରେ ନୂଆ ବ୍ୟବସ୍ଥା କରିଛନ୍ତି । ଉଚ୍ଚ ଶିକ୍ଷା ଲାଗି ଦେଶରେ ପ୍ରତିବର୍ଷ ୭ ପ୍ରକାର ପ୍ରବେଶିକା ପରୀକ୍ଷା ହେଉଛି । ଏହି ପ୍ରବେଶିକା ପରୀକ୍ଷାରେ ପ୍ରାୟ ୪୦ଲକ୍ଷ ଛାତ୍ରଛାତ୍ରୀ ଭାଗ ନେଉଛନ୍ତି ।

ଏହି ପ୍ରବେଶିକା ପରୀକ୍ଷାଗୁଡିକୁ ସିବିଏସଇ, ଆଇଆଇଟି, ଆଇଆଇଏମ୍ ଓ ଏଆଇସିଟି ଇ ଭଳି ଅନୁଷ୍ଠାନ ପରିଚାଳନ କରିଛନ୍ତି । ଏଣିକି ଏହି ସମସ୍ତ ପ୍ରବେଶିକା ପରୀକ୍ଷାକୁ ପରିଚାଳନା ପାଇଁ ନ୍ୟାସନାଲ ଟେଷ୍ଟିଙ୍ଗ ସର୍ଭିସ (ଏନଟିଏସ ) ନାମରେ ଏକ ଜାତୀୟ ଏଜେନ୍ସି ଗଠନ କରାଯିବ ।

ଏହି ଏଜେନ୍ସି ସମସ୍ତ ପ୍ରବେଶିକା ପରୀକ୍ଷାକୁ ପରିଚାଳନା କରିବ । ଏହାଦ୍ଵାରା ପ୍ରବେଶିକା ପରୀକ୍ଷାରେ ଅନିୟମିତତାକୁ ରୋକାଯାଇ ପାରିବ । ସେହିପରି ବିଶ୍ଵବିଦ୍ୟାଳୟ ଅନୁଦାନ ଆୟୋଗ (ୟୁଜିସି) ସୁପାରିସ ଅନୁଯାୟୀ ମହାବିଦ୍ୟାଳୟଗୁଡିକୁ ଅଧିକ ସ୍ଵୟଂଶାସିତ ମାନ୍ୟତା ଦିଆଯିବ ।

ସ୍କୁଲ ଗୁଡିକର ବାର୍ଷିକ ଶିକ୍ଷାଦାନକୁ ଆକଳନ କରିବା ଲାଗି ଏକ ନୂଆ ବ୍ୟବସ୍ଥା ଆପଣାଯିବ । ଯୁବବର୍ଗଙ୍କୁ ଅଧିକ ଶକ୍ତିଶାଳୀ କରିବା ଲାଗି ଶିକ୍ଷାର ମାନ ଉପରେ ଗୁରୁତ୍ଵ ଦିଆଯିବ । ବିଶେଷକରି ବିଜ୍ଞାନ ଶିକ୍ଷା ଉପରେ ଗୁରୁତ୍ଵ ଦିଆଯିବ । ବିଦେଶୀ ଭାଷା ଶିକ୍ଷା ଲାଗି ସ୍ଵତନ୍ତ୍ର ପାଠ୍ୟକ୍ରମ ଆପଣାଯିବ ।

୨୦୧୭ ସୁଦ୍ଧା କଳାଜ୍ଵର ଓ ଫାଇଲେରିଆରୁ ମୁକ୍ତି

୨୦୧୭ ସୁଦ୍ଧା ଦେଶକୁ ଫାଇଲେରିଆ, କଳାଜ୍ଵର ମୁକ୍ତ କରାଯିବ । ୨୦୧୮ ସୁଦ୍ଧା କୁଷ୍ଠ ଓ ୨୦୨୦ ସୁଦ୍ଧା ମିଳିମିଳା ଓ ୨୦, ୨୫ ସୁଦ୍ଧା ଯକ୍ଷ୍ମାମୁକ୍ତ କରିବାକୁ ସରକାର ଲକ୍ଷ୍ୟ ଧାର୍ଯ୍ୟ କରିଛନ୍ତି । ଏଥିପାଇଁ ଦେଶର ୧.୫ ଲକ୍ଷ ସ୍ଵାସ୍ଥ୍ୟ ଉପକେନ୍ଦ୍ରକୁ ସ୍ଵାସ୍ଥ୍ୟ ଚିକିତ୍ସା କେନ୍ଦ୍ରରେ ପରିଣତ କରାଯିବ ।

ଅଧିକ ଡାକ୍ତର ସୃଷ୍ଟି ପାଇଁ ଡାକ୍ତରୀ ଶିକ୍ଷା ବିକାଶ କରାଯିବ । ଏଥିପାଇଁ ଝାଡ଼ଖଣ୍ଡ ଓ ଗୁଜରାଟରେ ଦୁଇଟି ନୂଆ ଅଲା । ଇଣ୍ଡିଆ ଇନଷ୍ଟିଚ୍ୟୁଟ ଅଫ ମେଡ଼ିକାଲ ସାଇନ୍ (ଏମସ) ପ୍ରତିଷ୍କା କରାଯିବ ।

ସେହିପରି ଭେଷଜ (ମେଡିସିନ) ବିଭାଗ ପାଇଁ ୨୫ ହଜାର ସ୍ନାତକୋତ୍ତର ( ପିଜି ସିଟ) ଆସନ ଖୋଲାଯିବ । ଏପରିକି ପ୍ରତିବର୍ଷ ଅତିରିକ୍ତ ୫ ହଜାର ପିଜି ସିଟ ଖୋଲାଯିବ ।

କମ ମୂଲ୍ୟରେ ଔଷଧ ଉପଲବ୍ଧ କରାଇବା ଓ ଜେନେରିକ ଔଷଧର ଉପଯୋଗକୁ ପ୍ରୋସାହିତ କରିବା ଲାଗି ତ୍ରଗ୍ସ ଆଣ୍ଡ କସ୍ମେଟିକ ଗୁଳରେ ପରିବର୍ତ୍ତନ କରାଯିବ ।

ଦେଶର ବରିଷ୍ଠ ନାଗରିକଙ୍କୁ ସ୍ଵାସ୍ଥ୍ୟସେବା ଯୋଗାଇ ଦେବା ଲାଗି ସରକାର ଆଧାର ସଂଯୁକ୍ତ ସ୍ଵାସ୍ଥ୍ୟକାର୍ଡ ଯୋଗାଇ ଦେବା ଲାଗି ଯୋଜନା କରିଛନ୍ତି । ଏହା ସହିତ ବରିଷ୍ଟ ନାଗରିକମାନେ ଏଲ.ଆଇସିରେ ସଞ୍ଚୟ କରି ୮ ପ୍ରତିଶତ ସୁଧ ପାଇଁପାରିବେ ।

ଡାକଘରେ ପାସପୋର୍ଟ,ଛୋଟ ସହରରେ ବିମାନ ବନ୍ଦର

ଆଭ୍ୟନ୍ତରୀଣ ଅଞ୍ଚଳରେ ରହୁଥିବା ଲୋକଙ୍କୁ ଏବେ ଆଉ ପାସପୋର୍ଟ ତିଆରି କରିବା ପାଇଁ ବିଶେଷ ଅସୁବିଧା ଭୋଗିବାକୁ ପଡିବ ନାହିଁ । ଚଳିତ ବଜେଟରେ ଡାକଘରେ ପାସପୋର୍ଟ ତିଆରି ପାଇଁ ସୁବିଧା ଦିଆଯିବ । ଏହି ସୁବିଧା ସମସ୍ତ ଜିଲାର ମୁଖ୍ୟ ଡାକଘରେ ଉପଲବ୍ଧ ହେବ । ପ୍ରାଥମିକ ପର୍ଯ୍ୟାୟରେ ୩୮ ଜିଲାରେ ଏହାକୁ ଆରମ୍ଭ କରାଯିବ । ଡାକ କର୍ମଚାରୀଙ୍କୁ ଏଥିପାଇଁ ସ୍ଵତନ୍ତ୍ର ଭାବେ ପ୍ରଶିକ୍ଷଣ ଦିଆଯିବ ।

କର୍ଣ୍ଣାଟକର ମହୀଶୁର ଏବଂ ଗୁଜୁରାଟର ଦାହୋଦରେ ଏହାର ପାଇଁଲଟ) ପ୍ରୋଜେକ୍ଟ ଆରମ୍ଭ ହୋଇଯାଇଛି । ବର୍ତ୍ତମାନ ଦେଶରେ ୩୮ଟି ପାସପୋର୍ଟ ଅଫିସ ସହ ୮୯ ପାସପୋର୍ଟ ସେବା କେନ୍ଦ୍ର କାମ କରୁଛି । ପିପିପି ମଡ଼େଲରେ ଛୋଟ ସହରରେ ବି ବିମାନ ବନ୍ଦର ନିର୍ମାଣ କରାଯିବ । ଏଥିପାଇଁ ବଜେଟରେ ଅର୍ଥ ବ୍ୟବସ୍ଥା କରାଯାଇଛି ।

୨୦୧୮ ସୁଦ୍ଧା ସବୁ ଗାଁକୁ ବିଜୁଳି, ୨୦୧୯ ରେ ୧ କୋଟି ଗରିବଙ୍କୁ ଘର

  • ୨୦୧୮ ମସିହା ସୁଦ୍ଧା ସବୁ ଗ୍ରାମକୁ ବିଜୁଳି ପହଞ୍ଚାଇବାକୁ ଅର୍ଥମନ୍ତ୍ରୀ ବଜେଟରେ ଘୋଷଣା କରିଛନ୍ତି । ୨୦୧୯ ସୁଦ୍ଧା ଗ୍ରାମାଞ୍ଚଳରେ ଏକ କୋଟି ଲୋକଙ୍କୁ ନୂତନ ପକ୍କା ଘର ପ୍ରଦାନ କରାଯିବ । ଏଥିପାଇଁ ବଜେଟରେ ୨୦୧୭-୧୮ ଆର୍ଥିକ ବର୍ଷ ନିମନ୍ତେ ୨୩ହଜାର କୋଟି ଟଙ୍କା ବ୍ୟବସ୍ଥା କରାଯାଇଛି । ଗତବର୍ଷ ୧୫ ହଜାର କୋଟି ଟଙ୍କା ଥିଲା । ୨୦୧୯ ସୁଦ୍ଧା ୫୦ହଜାର ଗ୍ରାମ ପଞ୍ଚାୟତକୁ ଗରିବମୁକ୍ତ କରାଯିବାକୁ ଲକ୍ଷ୍ୟ ରଖାଯାଇଛି ।
  • ମହାତ୍ମାଗାନ୍ଧୀ ନିଶ୍ଚିତ କର୍ମନିଯୁକ୍ତି ଯୋଜନା (ମନରେ ଗା) ପାଇଁ ୪୮,୦୦୦ କୋଟି ଟଙ୍କାର ବ୍ୟବସ୍ଥା ହୋଇଛି । ଗତବର୍ଷ ୩୬, ୫୦୦ କୋଟି ଟଙ୍କା ପ୍ରଦାନ କରାଯାଇଥିଲା । ମନରେ ଗା ଯୋଜନା ଅନୁଯାୟୀ ଗାଁରେ ୧୦ ଲକ୍ଷ ପୋଖରି ଖୋଳାଯିବ । ମନେରେଗା ଯୋଜନାରେ ମହିଳାଙ୍କ ଭାଗିଦାରୀ ଗତବର୍ଷ ୪୫ ପ୍ରତିଶତ ଥିବା ବେଳେ ଚଳିତ ବର୍ଷ ଏହା ୫୫ ପ୍ରତିଶତକୁ ବୃଦ୍ଧି କରାଯିବ । ସେହିପରି ମନେରେଗାରେ କାମ କରୁଥିବା ଲୋକଙ୍କ ମଜୁରୀ ବୃଦ୍ଧି କରାଯିବ ।
  • ଗାଁରେ ପ୍ରତିଦିନ ୧୩୩ କିମି ସଡ଼କ ନିର୍ମାଣ ହେବ । ଆଗରୁ ପ୍ରତିଦିନ, ୭୩ କିମି ସଡ଼କ ନିର୍ମାଣ ହେଉଥିଲା । ଗ୍ରାମାଞ୍ଚଳରେ ରାସ୍ତା ନିର୍ମାଣ ଓ ରକ୍ଷଣାବେକ୍ଷଣ ନିମନ୍ତେ ବଜେଟରେ ୨୭ ହଜାର କୋଟି ଟଙ୍କା ପ୍ରଦାନ କରାଯିବାର ବ୍ୟବସ୍ଥା ହୋଇଛି ।
  • ସ୍ଵଚ୍ଛ ଭାରତ ଅଭିଯାନର ସଫଳତା ଲାଗି ଗ୍ରାମାଞ୍ଚଳରେ ଶୈଚାଳୟ ନିର୍ମାଣରେ ୧୮% ବୃଦ୍ଧି ପାଇଁଛି । ଗ୍ରାମାଞ୍ଚଳରେ ପରିମଳ ଲାଗି ଆବଶ୍ଚିତ ବଜେଟକୁ ୪୨% ବୃଦ୍ଧି କରି ୬୦% କରାଯାଇଛି ।

ଆଧାର – ଭାରତ ସରକାର

Last Modified : 8/19/2019



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate