ହୋମ / ସମାଜ କଲ୍ୟାଣ / ନୀତି ଓ ଯ଼ୋଜନା / ସ୍ଵଚ୍ଛ ଭାରତ ମିଶନ (ଗ୍ରାମୀଣ ) ୨୦୧୪ -୨୦୧୯
ସେଆର କରନ୍ତୁ

ସ୍ଵଚ୍ଛ ଭାରତ ମିଶନ (ଗ୍ରାମୀଣ ) ୨୦୧୪ -୨୦୧୯

ଗ୍ରାମ୍ୟସ୍ତରରେ ପରିମଳ ବ୍ୟବସ୍ଥାର ଉନ୍ନତି ପାଇଁ ଭାରତ ସରକାର ୨ ଅକ୍ଟୋବର ୨୦୧୪ ରୁ “ସ୍ଵଚ୍ଛ ଭାରତ ମିଶନ“( ଗ୍ରାମୀଣ)ର ଶୁଭାରମ୍ଭ କରିଛନ୍ତି ।

ପରିମଳ ବ୍ୟବସ୍ଥାର ଉନ୍ନତି

ଗ୍ରାମ୍ୟସ୍ତରରେ  ଜନସାଧାରଣଙ୍କ ଜୀବନଧାରଣ ମାନରେ ବୃଦ୍ଧି ତଥା ପରିମଳ ବ୍ୟବସ୍ଥାର ଉନ୍ନତି ପାଇଁ  ଭାରତ ସରକାର  ୨ ଅକ୍ଟୋବର  ୨୦୧୪ ରୁ “ ସ୍ଵଚ୍ଛ ଭାରତ ମିଶନ “( ଗ୍ରାମୀଣ)ର  ଶୁଭାରମ୍ଭ କରୁଛନ୍ତି । ଜାତିର ପିତା ମହାତ୍ମା ଗାନ୍ଧୀଙ୍କର ସ୍ଵପ୍ନ  ଥିଲା, ଭାରତକୁ ଏକ ସ୍ଵଚ୍ଛ ଏବଂ ସୁସ୍ଥ ରାଷ୍ଟ୍ର ରୂପେ ଗଠନ କରିବା । ଏହି ସ୍ଵପ୍ନକୁ ସାକାର କରିବା ପାଇଁ ଭାରତର ମାନନୀୟ ପ୍ରଧାନମନ୍ତ୍ରୀ ଆମ ଦେଶକୁ ୨୦୧୯ ସୁଦ୍ଧା ଏକ ସ୍ଵଚ୍ଛ ରାଷ୍ଟ୍ରରେ ପରିଣତ କରିବା ପାଇଁ ଦେଶବାସୀଙ୍କୁ ଆହ୍ଵାନ ଦେଇଛନ୍ତି ।

ଏହି ଅଭିଯାନକୁ ବ୍ୟାପକ ତଥା ସଂପ୍ରସାରିତ କରି ବିଭିନ୍ନ ଗ୍ରାମ ତଥା ପଞ୍ଚାୟତକୁ ମଳମୁକ୍ତ କରିବା ପାଇଁ ଏହି ମିଶନ ମାଧ୍ୟମରେ ଚେଷ୍ଟା କରାଯାଉଛି । ଏଥିସହିତ ଗ୍ରାମାଞ୍ଚଳର ସମସ୍ତ କଠିନ ଓ ତରଳ ଅଳଆ ଆବର୍ଜନାର ନିଷ୍କାସନ ଓ ପରିଚାଳନାକୁ ଗୁରୁତ୍ଵ ପ୍ରଦାନ କରାଯାଉଛି ।

ଅଭିଯାନର ମୁଖ୍ୟ ଲକ୍ଷ୍ୟ

  1. ଶୌଚାଳୟ ନିର୍ମାଣ ଓ ଏହାର ବ୍ୟବହାର ଦ୍ଵାରା ସୁରକ୍ଷିତ ପରିମଳ ବ୍ୟବସ୍ଥାକୁ ସୁଦୃଢ କରିବା ।
  2. ଗ୍ରାମ ଗୁଡିକୁ ସମ୍ପୂର୍ଣ୍ଣ ଭାବେ ଖୋଲାସ୍ଥାନରେ ମଳତ୍ୟାଗରୁ ମୁକ୍ତ କରିବା ।
  3. ଗ୍ରାମର ରାସ୍ତାଘାଟ ପରିଷ୍କାର ତଥା କଠିନ ଏବଂ ତରଳ  ବର୍ଜ୍ୟବସ୍ତୁର ସଠିକ୍ ନିଷ୍କାସନ ଓ  ପରିଚାଳନା ସମ୍ବନ୍ଧରେ ସଚେତନତା ସୃଷ୍ଟି କରିବା ।
  4. ଗ୍ରାମ/ ପଞ୍ଚାୟତଗୁଡିକୁ ନିର୍ମଳ ଗ୍ରାମର ମାନ୍ୟତା ଦେବା
  5. ପାନୀୟ ଜଳର ନିରାପଦ ବ୍ୟବହାର ଓ ସଂରକ୍ଷଣ କରିବା
  6. ଲୋକମାନଙ୍କ ଜୀବନ ଧାରଣର ମାନରେ ଉନ୍ନତି ଆଣିବା

କେଉଁମାନେ ଏହି ସୁବିଧା ପାଇପାରିବେ

  • ସମସ୍ତ ବିପିଏଲ୍ ପରିବାର
  • ଚିହ୍ନିତ ଏପିଏଲ୍ ପରିବାର ଯଥା
    • ଅନୁସୂଚୀତ ଜାତି/ଜନଜାତି
    • କ୍ଷୁଦ୍ର ଓ ନାମମାତ୍ର ଚାଷୀ
    • ଘରବାଡି ଥିବା ଭୂମିହୀନ ଶ୍ରମିକ
    • ଭିନ୍ନକ୍ଷମ ବ୍ୟକ୍ତି
    • ମହିଳା ପରିଚାଳିତ ପରିବାର

କେମିତି କରିବେ

  • ହିତାଧିକାରୀ ନିଜ ଖର୍ଚ୍ଚରେ କିମ୍ବା ସରକାରୀ ପ୍ରୋତ୍ସାହନ ରାଶିରେ କରିପାରିବେ ।
  • ଗୋଷ୍ଠୀର ମିଳିତ ସହଯୋଗରେ (ସି.ଏଲ୍.ଟି.ଏସ୍ ମାଧ୍ୟମରେ) ପାଇଖାନା ବ୍ୟବହାରର ମହତ୍ଵ ବୁଝି ନିଷ୍ପତ୍ତି ନେଇପାରିବେ ।
  • ଯଦି ସରକାରୀ ପ୍ରୋତ୍ସାହନ ରାଶିର ଆବଶ୍ୟକତା ବୋଧ କରନ୍ତି ତେବେ  ନିମ୍ନଲିଖିତ ମାଧ୍ୟମରେ କରିପାରିବେ ।
    • ଗ୍ରାମ ପଞ୍ଚାୟତ ମାଧ୍ୟମରେ
    • ମହିଳା ସ୍ଵୟଂ ସହାୟକ ଗୋଷ୍ଠୀ ମାଧ୍ୟମରେ
    • ସ୍ଵେଚ୍ଛାସେବୀ ଅନୁଷ୍ଠାନ ମାଧ୍ୟମରେ
    • ନିଜେ ମଧ୍ୟ କରିପାରିବେ ।

ଘରୋଇ ପାଇଖାନା ପାଇଁ ସାମଗ୍ରୀ ଓ ମୂଲ୍ୟ

  • ଘରୋଇ ପାଇଖାନାରେ ବ୍ୟବହୃତ ହେଉଥିବା ସାମଗ୍ରୀ
  • ଇଟା, ବଲି, ସିମେଣ୍ଟ, ଚିପ୍ସ, ସିମେଣ୍ଟ ରିଙ୍ଗ, କଭର ସ୍ଲାବ୍, ଆଜବେଷ୍ଟସ୍ ବା ସ୍ଲାବ୍ ଛାତ, ସେରାମିକ୍ ପ୍ୟାନ(ରୁରାଲ), ପି.ଭି.ସି ପାଇପ୍ ଓ  ଫିଟିଙ୍ଗସ୍, କବାଟ ଇତ୍ୟାଦି ।

  • ଘରୋଇ ପାଇଖାନାର ଅଟକଳ ମୂଲ୍ୟ -୧୨,୦୦୦ ଟଙ୍କା
  • ହିତାଧିକାରୀ ଚାହିଁଲେ ସରକାରଙ୍କ ସହାୟତା ରାଶି ସହିତ ନିଜେ ଅଧିକ ଖର୍ଚ୍ଚ କରିବା ଉନ୍ନତ ମାନର ପାଇଖାନା କରିପାରିବେ ।

ଲିଚ୍ ପିଟ୍ ପାଇଖାନା ସମ୍ବନ୍ଧରେ କେତେକ ଜାଣିବା କଥା

  • ଜଳଉତ୍ସଠାରୁ ଅତି କମ୍ ରେ ପିଟ୍ ବା ଶୋଷକ ଖାତର ଦୂରତା ୧୦ମିଟର ବା ୩୩ ଫୁଟ ହେବା ଉଚିତ୍ ।
  • ପିଟ୍ ବା ଶୋଷକ ଖାତର ଗଭୀରତା ୪ ଫୁଟରୁ ଅଧିକ ହେବା ଅନୁଚିତ୍ । ପିଟ୍ ର ଗଭୀରତା ଅଧିକ ହେଲେ ଏହା ଭୂତଳ ଜଳକୁ  ସଂକ୍ରମଣ କରିପାରେ ।
  • ଏହା ଏକ ଗନ୍ଧମୁକ୍ତ ପାଇଖାନା ଅଟେ । ଏଣୁ ଏହାକୁ ଘର ପାଖରେ ତିଆରି କରାଯାଇପାରିବ ।
  • ଏହି ପାଇଖାନାରେ ଭେଣ୍ଟ ପାଇପ୍/ ଗନ୍ଧ ନିର୍ଗମ ନଳୀ ବ୍ୟବହାର କରିବା ଅନୁଚିତ ।
  • ଲିଚ୍ ପିଟ୍ ପାଇଖାନାରେ  ଗ୍ରାମୀଣ ପ୍ୟାନ ବ୍ୟବହାର କଲେ କମ୍ ପାଣି ଖର୍ଚ୍ଚ ହୋଇଥାଏ ।
  • ପ୍ୟାନ୍ ଭିତରକୁ ଫିନାଇଲ୍/ ସାବୁନ୍ ଫେଣ/ ଏସିଡ ଇତ୍ୟାଦି ପଦାର୍ଥ ଢାଳିବା ଅନୁଚିତ୍ ।

ପାଇଖାନା କିପରି ବ୍ୟବହାର କରିବା

  • ପାଇଖାନା ବ୍ୟବହାର ପୂର୍ବରୁ ପ୍ୟାନକୁ ଓଦା କରି ବ୍ୟବହାର କଲେ ଏହା ଅଳ୍ପ ପାଣିରେ ସଫା ହୋଇପାରିବ ।
  • ପାଇଖାନାରେ ଶୌଚ ହେଲାପରେ ହାତକୁ ଭଲ ଭାବେ ସାବୁନ୍ ରେ ଧୁଅନ୍ତୁ ।
  • ପାଇଖାନା ଯିବା ସମୟରେ ଚପଲ ବ୍ୟବହାର କରନ୍ତୁ ।
  • ଦରକାରରୁ ଅଧିକ ପାଣି ପାଇଖାନାରେ ଢାଳନ୍ତୁ ନାହିଁ ।

ଆଧାର – ଓଡ଼ିଶା ରାଜ୍ୟ ଜଳ ଓ ପରିମଳ ମିଶନ

2.9
ଅଶୋକ ଗୌନ୍ତିଆ Oct 25, 2018 08:07 AM

ସ୍ବଚ୍ଛ ଭାରତ ଅଭିଯାନ କେବଳ ଭାରତ ପାଇଁ ନୁହେଁ, ସାରା ବିଶ୍ବ ପାଇଁ ଏକ ଗୁରୁତ୍ବପୂଣ୍ନ ଅଂଶବିଶେଷ ଅଟେ !

ଶିବପ୍ରସାଦ ସାହୁ Oct 05, 2018 07:39 PM

“ଆମରି ସ୍ୱଚ୍ଛତା ଆମରି ହାତେ।
ଆଗେଇବ ଦେଶ ପ୍ରଗତି ର ପଥେ।"

ଶିବପ୍ରସାଦ ସାହୁ Oct 05, 2018 07:38 PM

“ଆମରି ସ୍ୱଚ୍ଛତା ଆମରି ହାତେ।
ଆଗେଇବ ଦେଶ ପ୍ରଗତି ର ପଥେ।"

rupesh behera Sep 24, 2016 08:36 AM

ଘରୋଇ ପାଇଖାନା ପାଇଁ ସାମଗ୍ରୀ ଓ ମୂଲ୍ୟ ର ସୂଚନା ବହୁତ ଗୁରୁତ୍ୱପୁର୍ଣ

Sagarika Bardhan Sep 14, 2016 12:21 PM

ଗ୍ରାମ୍ୟସ୍ତରରେ ଜନସାଧାରଣଙ୍କ ଜୀବନଧାରଣ ମାନରେ ପରିମଳ ବ୍ୟବସ୍ଥାର ଉନ୍ନତି ପାଇଁ ଭାରତ ସରକାର ଖୁବ ସୁନ୍ଦର ପ୍ରୟାସ ଯାହା ଦ୍ଵାରା ଗ୍ରାମ୍ୟସ୍ତରର ଲୋକ ମାନେ ସଚେତନ ହୋଇପାରିବେ ।

ଆପଣଙ୍କର ପରାମର୍ଶକୁ ପୋଷ୍ଟ କରନ୍ତୁ

( ଯ଼ଦି ଆପଣଙ୍କର କିଛି କମେଣ୍ଟ / ପରାମର୍ଶ ଉକ୍ତ ବିଷଯ଼ବସ୍ତୁକୁ ନେଇ ରହିଛି ତେବେ ଦଯାକରି ତାହାକୁ ଏଠାରେ ପୋଷ୍ଟ କରନ୍ତୁ

Enter the word
ନେବିଗତିଓଂ
Back to top