অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ରାସାୟନିକ ପରିବର୍ତ୍ତନ

ମୃତ୍ତିକାର  ତାପମାନ   ଖରାରେ   ବୃଦ୍ଧି   ପାଇବାରୁ  ଏହା  ଉତ୍ତପ୍ତ   ହୋଇ  ରହିଥାଏ   । ବୃଷ୍ଟିଜଳ  ହେତୁ  ଆର୍ଦ୍ରତା   ବୃଦ୍ଧି  ପାଇବାରୁ   ଏଥିରେ   ଥିବା  ଜୈବିକ  ଅଂଶର  ବିଘଟନ  ଘଟେ   । ନାଇଟ୍ରେଟ  ପରିମାଣ  ବୃଦ୍ଧିପାଏ   ।  ବର୍ଷା  ହେତୁ  ଏହି  ନାଇଟ୍ରେଟ  କଣିକା  ଦେହରୁ   ଝରି  ଆସେ   । ଗଛ   ଚେର  ଏହାକୁ  ସହଜରେ  ଶୋଷି  ବଢେ   । ମାଟି   ଯେତେ  ପ୍ରଖର   ତାପରେ  ଯେତେ   ବେଶି   ଶୁଖି   ରହିଥିବ  ବର୍ଷାଜଳ   ହେତୁ   ସେଥିରୁ   ସେତେ   ବିଶେ   ଯବକ୍ଷାର   ନିର୍ଗତ   ହେବ   । ବର୍ଷାର   ପରିମାଣ  ବଢିଲେ   ତାପମାନ   ହ୍ରାସ  ପାଇବା   ହେତୁ   କ୍ରମେ  ଏହି  ପରିମାଣ  ହ୍ରାସ   ପାଇଥାଏ   । ଏଣୁ  ଖରୁଡି  ବୁଣା  ପାଇଁ   ଖରାଟିଆ  ଚାଷ  ଅତି   ଆବଶ୍ୟକ   । ଖରାଟିଆ  ଚାଷ  ହେତୁ   ହେକ୍ଟର  ପିଚ୍ଛା   ହାରାହାରି  ୩୦ – ୪୦ କି.ଗ୍ରା. ଯବକ୍ଷାରଜାନ   ମିଳିଥାଏ   ।

ଜୈବିକ ପରିବର୍ତ୍ତନ

ମାଟି   ଭିତରେ  ବିଭିନ୍ନ  ପ୍ରକାର  ପୋକଜୋକ , କବକ  କିରଣ   କବକ, ଭୂତାଣୁ  ଓ  ଅନ୍ୟାନ୍ୟ   କୀଟାଣୁ   ଥାନ୍ତି   । ଖରାଟିଆ  ଚାଷହେତୁ  ଏ  ତଳ  ମାଟି   ଉପରକୁ  ଚାଲିଆସୁଥିବାରୁ   ଏଗୁଡିକ  ବାହାରକୁ   ଆସିଯାନ୍ତି  ଏବଂ  ଖରାରେ  ମରିଯାନ୍ତି   ଅଥବା   ଏମାନଙ୍କର   ସକ୍ରିୟତା   ହ୍ରାସ  ପାଇଥାଏ   । ଏଣୁ  ଖରାଟିଆ   ଚାଷ  ହୋଇଥିବା   କିଆରୀରେ   ବେଶି  ରୋଗ  ପୋକ  ଦେଖାଯାନ୍ତି   ନାହିଁ   । ଫସଲ  ନିରୋଗ  ହୋଇଯାଏ   ।

ମଧ୍ୟବର୍ତ୍ତୀ କର୍ଷଣ

  • ଫସଲ  ବୁଣା  ବା  ଲଗା  ହେବାପରେ  ଫସଲ  ବଢିବା  ପାଇଁ  କିଆରୀରେ   ବିଭିନ୍ନ  ପ୍ରକାର  ଅନ୍ତଃଚାଷ   କରାଯାଇଥାଏ   । ଏହାକୁ  ମଧ୍ୟବର୍ତ୍ତୀ  କର୍ଷଣ  ହୋଇଯାଏ   । ଉଦାହରଣ -  ବୁଣା  ଧାନରେ   ବେଉଷଣ, ବାଟିଆ  ଖେଳା  ଓ   ଖେଳୁଆ ପକା  ।
  • ଢିପ  ଜମିରେ   ବୁଣା   ହୋଇଥିବା  ବିଆଳି   ଫସଲରେ  ବତୁରି   କାଳ  ଦେବା  ଓ   ବିଦାଦେବା    ।
  • ଧାଡି  ଧାଡି  ଲଗାଯାଇଥିବା  ଫସଲରେ  ଅନାବନା   ଘାସ  ମାରିବାପାଇଁ  ଖୁସା   କୋଡା  । ଗଛକୁ   ଟାଣ   କରି  ଧରି  ରଖିବା   ପାଇଁ  ଗଛ  ମୂଳକୁ  ମାଟିଦେବା  - ହୁଡାଦେବା   ।

ଚାଷ  ଯନ୍ତ୍ରପାତି

ଚାଷରେ ଜମି ପ୍ରସ୍ତୁତି ଠାରୁ ଆରମ୍ଭକରି ଫସଲ କାଟିବା ପର୍ଯ୍ୟନ୍ତ ବିଭିନ୍ନ ଯନ୍ତ୍ରପାତି ବ୍ୟବହୃତ ହୋଇଥାଏ । ପ୍ରାଥମିକ  ଚାଷ ଲାଗି ବ୍ୟବହୃତ ଯନ୍ତ୍ରପାତି ଗୁଡିକୁ ପ୍ରାଥମିକ ଯନ୍ତ୍ରପାତି ଏବଂ ପରବର୍ତ୍ତୀ କର୍ଷଣ ପାଇଁ ବ୍ୟବହୃତ ଯନ୍ତ୍ରପାତି ଗୁଡିକୁ  ଅନ୍ତଚାଷ ଯନ୍ତ୍ରପାତି ବୋଲି କୁହାଯାଇଥାଏ । କିନ୍ତୁ କେତେକ ଯନ୍ତ୍ରପାତି ସବୁ ସମୟରେ ବ୍ୟବହୃତ ହୁଏ । କୃଷି ଲାଗି  ବ୍ୟବହୃତ ବିଭିନ୍ନ ଯନ୍ତ୍ରପାତିର ବିବରଣୀ ନିମ୍ନରେପ୍ରଦତ୍ତ ହେଲା ।

ଆଧାର - ଶିକ୍ଷକ ଶିକ୍ଷା ନିର୍ଦ୍ଦେଶାଳୟ ଓ ରାଜ୍ୟ ଶିକ୍ଷା ଗବେଷଣା ଓ ପ୍ରଶିକ୍ଷଣ ପରିଷଦ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate