অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ଔଷଧୀୟ ବୃକ୍ଷ ମେଥି ଚାଷ ପାଇଁ ଉପଯୁକ୍ତ ସମୟ

ଔଷଧୀୟ ବୃକ୍ଷ ମେଥି ଚାଷ ପାଇଁ ଉପଯୁକ୍ତ ସମୟ

ମେଥିର ଔଷଧୀୟ ଗୁଣ

ମେଥି ଭାରତୀୟ ରୋଷେଇ ଘରେ ଅତ୍ୟନ୍ତ ପରିଚିତ । ସ୍ୱଳ୍ପ ପରିମାଣରେ ବ୍ୟବହାର ହେଉଥିଲେ ବି ଏହାର ଔଷଧୀୟ ଗୁଣ ସର୍ବ ଆଦୃତ । ମେଥିପତ୍ରକୁ ଶାଗ ହିସାବରେ ବ୍ୟବହାର କରାଯାଏ ଏବଂ ମଞ୍ଜିକୁ ତରକାରୀ, ଡାଲି ଓ ବିଭିନ୍ନ ବ୍ୟଞ୍ଜନରେ ଛୁଙ୍କ ଦେଲାବେଳେ ଅନ୍ଧ ଦିଆଯାଏ ଓ ଆଚାରରେ ମଧ୍ୟ ଏହାକୁ ବ୍ୟବହାର କରାଯାଏ । ଏହାର ବ୍ୟବହାର ବ୍ୟଞ୍ଜନରେ ବାସ୍ନାକୁ ବହୁଗୁଣିତ କରାଇଥାଏ । ଏହାର ଅନେକ ଔଷଧୀୟ ଗୁଣ ରହିଛି । ଏହାର ପତ୍ରକୁ ଶୁଖାଇ ପୁରୀ, ଡାଲି ଇତ୍ୟାଦି ବ୍ୟଞ୍ଜନରେ ବ୍ୟବହାର କରାଯାଏ । ମେଥି ଦାନା ଓ ଶାଗର ଔଷଧୀୟ ଗୁଣ ସଂପର୍କରେ ଅନେକେ ପରିଚିତ ନୁହନ୍ତି । ଏଣୁ ଏହାର ଔଷଧୀୟ ଗୁଣ ଅମୃତ ସମାନ । ଏଣୁ ଖାଦ୍ୟରେ ଏହାର ବହୁଳ ବ୍ୟବହାର ଓ ଚାଷର ପ୍ରୋତ୍ସାହନ ଦ୍ଵାରା ଏକ ସୁସ୍ଥ ସମାଜ ଗଢାଯାଇପାରିବ । ମୋଥିର ସେବନ ଶରୀରରେ କ୍ଷତିକାରକ, କୋଲେଷ୍ଟରଲ, ପରିମାଣ କମାଇଥାଏ ଏବଂ ଏଥିରେ ଥିବା ସାପୋନିନ କୋଲେଷ୍ଟରଲ, ଓ ଟ୍ରାଇଗ୍ନି ସରିଡକୁ ରକ୍ତରେ ଶୋଷିତ ହେବାକୁ ଦିଏନାହିଁ ।

ମେଥିରେ ଥିବା ଗ୍ଲାକଟୋମନାନ ସ୍ଵାସ୍ଥ୍ୟଭଲ ରଖେ । ଏଥିରେ ଥିବା ପୋଟାସିୟମ ବଡ଼ ପ୍ରେସରକୁ ଆୟତ୍ତରେ ରଖେ । ଏଣୁ ବଡ଼ ପ୍ରେସର ଏବଂ ହୃଦରୋଗୀଙ୍କ ପାଇଁ ଏକ ବରଦାନ । ମଧୁମେହ ବା ଡାଇବେଟିସ ପାଇଁ ଅନେମାଘ ଔଷଧ । ମେଥିରେ ରକ୍ତରେ ଥିବା ଆମୋନି ଏସିଡ ଇନସୁଲିନ କ୍ଷରମରେ ସାହାଯ୍ୟ କରେ । ଏହାର ହଜମଶକ୍ତିରେ ସହାୟକଟା। ଏହାର ଆକ୍ତି ଅକ୍ସିଡାଣ୍ଟ ଗୁଣ ଓ ତନ୍ତୁର ଆଧିକ୍ୟ ପେଟରୁ ସମସ୍ତ ଖରାପ ବସ୍ତୁକୁ ବାହାର କରିଦିଏ । ଏସିଡିଟି, ଛାତି ଜଳାପୋଡା, ବଦହଜମି, କୋଷ୍ଠକାଠିନ୍ୟ ପାଇଁ ମଧ୍ୟ ଏହା ଅବ୍ୟର୍ଥ ଔଷଧ । ମେଦବହୁଳତା ପାଇଁ ମଧ୍ୟ ଏହା ଉପକାରୀ । ଗଳା ଦରଜ ପାଇଁ ଭିଜା ମେଥି ଦାନା ସହ ଲେମ୍ବୁ ଓ ମହୁ ଖାଇଲେ ଠିକ । ହୋଇଯାଏ । ଯେକୌଣସି ଜ୍ଵର ପାଇଁ ଏହା ଏକ ସୁସ୍ଥ ଔଷଧ ଭଳି କାମ ଦିଏ । ମା'ମାନଙ୍କ ପାଇଁ ଏହା ଖିର ବର୍ଦ୍ଧନ କରିଥାଏ । ଏପିରିକି ଏହାର ସେବନ ଗର୍ଭବତୀଙ୍କ ପାଇଁ ମଧ୍ୟ ଅନେକ ଉପକାରୀ । ମିସକ୍ୟାରେଜ, ପ୍ରିମ୍ୟାଚୁର ଜନ୍ମ ରୋକିବାରେ ଏବଂ ଜନ୍ମ ସମୟରେ କଷ୍ଟ ଲାଘବ କରିଥାଏ । ଏଥିରେ ଓଷ୍ଟ୍ରୋଜେନ ଥିବାରୁ ମହିଳାଙ୍କ ପାଇଁ ଏହା ଏକ ବରଦାନ । ହରମୋନ କ୍ଷରମକାରୀ ହୋଇଥିବାରୁ ଜରାୟୁ ଓ ଓଭାରିଜନିତ ସମସ୍ତ ରୋଗରେ ଏହାର ବ୍ୟବହାର ଫଳପ୍ରଦ । ଚର୍ମଜନିତ ରୋଗ ମଧ୍ୟ ଏହାଦ୍ଵାରା ଠିକ ହୋଇଥାଏ । ଜଳାପୋଡା, ଏକଜିମା, ଫୋଟକା ପାଇଁ ଏହାର ବ୍ୟବହାର ଅତ୍ୟନ୍ତ ଉପଯୋଗୀ । ଏହାଛଡା କେଶ ଓ ସୌନ୍ଦର୍ଯ୍ୟ ବୃଦ୍ଧିରେ ଏହା ଅତ୍ୟନ୍ତ ଫଳପ୍ରଦ । ବାଡିବଗିଚାରେ ମେଥିଚାଷର ଚାଷର ପ୍ରସାର ଓ ପ୍ରସାର ହେବା ଜରୁରୀ । ଯଦ୍ଵାରା ଆମେ ଏହାକୁ ଦୈନନ୍ଦିନ ଖାଦ୍ୟରେ ଆମେ ବ୍ୟବହାର କରିପାରିବା ଏବଂ ଏହାର ଔଷଧୀୟ ଗୁଣର ଲାଭ ହୋଇପାରିବ । ଏହା ଏକ ଶୀତଦିନିଆ ଫସଲ ।

ମୃତ୍ତିକା, କିସମ, କମ୍ପୋଷ୍ଟ ବ୍ୟବହାର ଓ ବୁଣିବା ପ୍ରଣାଳୀ

ମୃତ୍ତିକା

ପ୍ରାୟ ସମସ୍ତ ପ୍ରକାର ମୃତ୍ତିକାରେ ମେଥିଚାଷ କରାଯାଉଥିଲେ ମଧ୍ୟ ନିଗିଡା, ଉର୍ବର, ଦୋରସାରୁ ବାଲି ଦୋରସା ମାଟିରେ ଭଲ ହୋଇଥାଏ ।

କିସମ

ଲାଗସିଲେକ୍‌ନ-୧, ଆର ଏମଟି ୧୪୩, ଏଚଏମ ୧୦୩, ସିଓ- ୧ ଆଦି ମେଥିର ଉନ୍ନତ କିସମ । ଏକ ପ୍ରତି ୧୦ କିଗ୍ରା ମଞ୍ଜି ଆବଶ୍ୟକ ।

ବିହନ ବୁଣିବାପୂର୍ବରୁ

ବିହନ ବୁଣିବାର ୭ଦିନ ପୂର୍ବରୁ ପ୍ରତି କିଗ୍ରା ବିହନ ପ୍ରତି ୩ ଗ୍ରାମର ଥିରମ କିମ୍ବା କାପଟାନ ବିଶୋଧନ କରାଯାଇଥାଏ । ଏହା ଆମେ ଅପେକ୍ୟୁବରନଭେମ୍ବରରେ ବୁଣିପାରିବା ।

କମ୍ପୋଷ୍ଟ ବ୍ୟବହାର  ଓ ମଞ୍ଜି ବୁଣିବା

ଜମିକୁ ୨-୩ ଓଡ ଚାଷକରି ଏକର ପ୍ରତି ୪-୬ ଟନ ଶଜା କମ୍ପୋଷ୍ଟ ମିଶାଯାଏ । ଧାଡିକୁ ଧାଡି ୩୦ ସେମି ଏବଂ ଗଛକୁ ଗଛ ୮-୧୦ ସେମି ବ୍ୟବଧାନରେ ୪-୫ ସେମି ଗଭୀରରେ ମଞ୍ଜି ବୁଣାଯାଏ । ବିହନ ବୁଣିବା ସମୟରେ ଏକର ପ୍ରତି ୧୬ କି.ଗ୍ରା ଯବକ୍ଷାରଜାନ, ୧୬ କିଗ୍ରା ଫସଫରସ ଏବଂ ୧୨ କିଗ୍ରା ପୋଟାସିୟମ ସାର ଉପାଦାନ ପ୍ରୟୋଗ କରାଯାଏ । ବୁଣିବା ସମୟରେ ଏକର ପ୍ରତି ୪୦୦ ଗ୍ରାମ ପିଏସବି ମଧ୍ୟ ପ୍ରୟୋଗ କରାଯିବା ଉଚିତ । ୨୫-୩୦ ଦିନ ବୁଣିବାର ପରେ କୋଡାଖୁସା କରି ଅନାବନା ଗଛ ବାଛି ଦିଆଯାଏ । ଉପଯୁକ୍ତ ବ୍ୟବଧାନରେ ଗଛରଖି ଅଧିକ ଗଛ ଉପାଡି ଦିଆଯାଏ ।

ଜଳସେଚନ ଓ ଅମଳ

ମାଟିର ବତର ଦେଖି ଜଳସେଚନ କରାଯାଏ । ଫଳଧାରଣ ସମୟରେ ଜଳସେଚନ କଲେ ଭଲ ଅମଳ ମିଳେ ।

ଅମଳ

ଫଳଗୁଡିକ ହଳଦିଆ ପଛି ଗଛର ତଳପତ୍ର ଝଡିଲେ ଅମଳ କରାଯାଏ । ଏହାର ଚେରରେ ଗଣ୍ଠି ରହି ମାଟିର ଉର୍ବରତା ବଢାଉଥିବାରୁ ଗଛକୁ ନଉପାଡି କାଟି ଆଣିବା ଉଚିତ । ଏକର ପ୍ରତି ୬-୮ କ୍ଵିଣ୍ଟାଲ ମଞ୍ଜି ଅମଳ ହୋଇପାରେ । ମେଥି ଗଛରୁ ପତ୍ର ତୋଳି ଶୁଖାଇ ମଧ୍ୟ ବ୍ୟବହାର କରାଯାଏ । ପାକଶାଳା ବଗିଚାରେ ମଧ୍ୟ ଏହି ଚାଷ ହେବା ଉଚିତ; ଯଦ୍ଵାରା ଆମେ ସବୁଦିନ ସତେଜ କୈବିକ ଶାଗ ଖାଇପାରିବା । ଏହାର ବହୁ ବ୍ୟବହାର ଏବଂ ପ୍ରତ୍ୟହ ସେବନ ନିଶ୍ଚିତ ଏକ ସ୍ଵାସ୍ଥ୍ୟକାରୀ ପଦକ୍ଷେପ ।

ସଂଗୃହିତ - ଡଃ ଶାଶ୍ଵତୀ ପଟ୍ଟନାୟକ ବୈଜ୍ଞାନିକ (ଗୃହବିଜ୍ଞାନ), କୃଷିବିଜ୍ଞାନ କେନ୍ଦ୍ର, ଭଦ୍ରକ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate