অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ବୈଜ୍ଞାନିକ ପ୍ରଣାଳୀରେ ସୂର୍ଯ୍ୟମୁଖୀ ଚାଷ

ପୂର୍ବକାଳରେ ବଗିଚାର ଶୋଭାବର୍ଦ୍ଧନ ପାଇଁ ଆଳଙ୍କାରିକ ବୃକ୍ଷ ଭାବେ ସୂର୍ଯ୍ୟମୁଖୀକୁ ବ୍ୟବହାର କରାଯାଉଥିଲା; କିନ୍ତୁ ଆଜି ଏହି ସୂର୍ଯ୍ୟମୁଖୀ ଭାରତବର୍ଷର ମୁଖ୍ୟ ତୈଳବୀଜ ଭାବରେ ଚତୁର୍ଥସ୍ଥାନ ଅଧିକାର  କରିଛି ।

ମଧୁମେହ ଏବଂ ହୃଦରୋଗୀମାନଙ୍କ ପାଇଁ ଏହି ତେଲର ଚାହିଦା ଅଧିକ । ଏହି ତେଲରେ ଭିଟାମିନ ଏ, ଡି ଏବଂ ଇ ରହିଥାଏ ।

ଏହାର ପିଡ଼ିଆକୁ ଗୋଖାଦ୍ୟ, କୁକୁଡା ଖାଦ୍ୟ ଏବଂ ସାର ରୂପେ ବ୍ୟବହାର କରାଯାଇଥାଏ ।

ସୂର୍ଯ୍ୟାଲୋକ ଏବଂ ଉତ୍ତାପ ଉପରେ ନିର୍ଭର କରୁ ନ ଥିବା ଯୋଗୁଁ ଏବଂ ଯେ କୌଣସି ଋତୁରେ ସବୁ ଅଞ୍ଚଳରେ ଚାଷ କରାଯାଇ ପାରୁଥିବାରୁ ଏହା ଚାଷୀମାନଙ୍କଦ୍ଵାରା ସହଜରେ ଆଦୃତ ହୋଇପାରିଛି ।

କିସମ, ଜଳବାୟୁ, ବିହନ ଓ ଲଗାଇବା ପ୍ରଣାଳୀ

କିସମ ଚୟନ

ରୋଗ ପୋକ ସହଣି ଶକ୍ତି ବିଶିଷ୍ଟ ଅଧିକ ଅମଳକ୍ଷମ ବିହନ ତଥା ପ୍ରାମାଣିକ ବିହନର ବ୍ୟବହାର ଦ୍ଵାରା ଅଧିକ ଅମଳ ମିଳିବା ସହିତ ତେଲ ଆଦାୟ ମଧ୍ୟ ବଢ଼ିଥାଏ । ଦେଶରେ ବ୍ୟବହୃତ ପ୍ରମୁଖ କିସମଗୁଡ଼ିକ ମଧ୍ୟରେ ମଡର୍ଣ୍ଣ, ସୂର୍ଯ୍ୟ, ଡି.ଆର.ଏସ. ଏଫ୧୦୮, ସନ୍ଦେତ୍ରଡ ଏବଂ ଜ୍ଵାଳାମୁଖୀ ଅନ୍ୟତମ ।

ଜଳବାୟୁ

ବର୍ଷସାରା ସୂର୍ଯ୍ୟମୁଖୀ ଟ୍ରାଷ କରାଯାଇପାରେ । ଗଛ ଲଗାଇବା ସମୟରେ ଥଣ୍ଡା ପାଗ ଏବଂ ପରବର୍ତ୍ତୀ ଅବସ୍ଥାରେ ଗରମ ଓ ଖରାପାଗ ଭଲ ।

ମୃତ୍ତିକା

ନିଗିଡ଼ା, ଦୋରସା, ଉର୍ବର ଏବଂ ୬,୫-୮, ୫ ଅମ୍ଳତା (ପି.ଏଚ.)ଥବା ମାଟିରେ ସୂର୍ଯ୍ୟମୁଖୀ ଚାଷ ଭଲ ହୁଏ । ବର୍ଷାରତ୍ ପାଇଁ ଢିପ ଓ ବାଲିଆ ଦୋରସା ଜମି ସର୍ବୋକୃଷ୍ଟ ।

ଜମି ପ୍ରସ୍ତୁତି

ମାଟିକୁ ପ୍ରଥମେ ଯୋଡ଼ପତ୍ର, ଲଙ୍ଗଳରେ ୩-୪ ଓଡ଼୍ ଚାଷ କରି ମାଟିକୁ ଭଲ ଭାବରେ ଗୁଣ୍ଡକରି ଅନାବନା ଗଛ ଏବଂ ଘାସ ସଫା କରିଦିଆଯାଏ । ଶେଷ ଓଡ଼ ଚାଷ ସମୟରେ ଏକର ପ୍ରତି ୨ଟନ ଶଢ଼ା କୋମ୍ପାଷ୍ଟ ଏବଂ ମୂଳସାର ମିଶାଇ ଦିଆଯାଏ ।

ବିହନ ବୁଣା

ଏକର ପ୍ରତି ୩-୪ କି.ଗ୍ରା. ଉନ୍ନତ ବିହନକୁ ୨ ଗ୍ରାମ, ବାଭିଷ୍ଠିନ କିମ୍ବା ୩ ଗ୍ରାମ କ୍ୟାପଟାନ ଗୁଣ୍ଡକୁ ପ୍ରତି କି.ଗ୍ରା. ବିହନରେ ଗୋଳାଇ ବିଶୋଧନ କରାଯାଏ । ଏହାର ସପ୍ତାହେ ପରେ ଆକାଟେବବ୍ୟାକ୍‌ର କିମ୍ବା ଆଙ୍କୋସିରିଲମ୍ ଜୀବାଣୁସାର ଏକର ପିଛା ୨୦୦ ଗ୍ରାମକୁ ବିହନ ସହ ମିଶାଇ ଜମିରେ ବୁଣାଯାଏ । ବର୍ଷା ଦିନରେ ଜୁନ ମାସର ଶେଷ ଆଡ଼କୁ କିମ୍ବା ଜୁଲାଇ ମାସର ଆରମ୍ଭରେ ନଚେତ, ଜାନୁଆରୀ ମାସର ପ୍ରଥମାର୍ଦ୍ଦରେ ସୂର୍ଯ୍ୟମୁଖୀ ବିହନ ବୁଣିବା ଭଲ ।

ଉନ୍ନତ କିସମ ପାଇଁ ଧାଡ଼ିକୁ ଧାଡ଼ି ୪୫ ସେ.ମି. ଏବଂ ଗଛକୁ ଗଛ ୩୦ ସେ.ମି. ଏବଂ ସଙ୍କର କିସମ ପାଇଁ ଧାଡ଼ିକୁ ଧାଡ଼ି ୬୦ ସେ.ମି. ଏବଂ ଗଛକୁ ଗଛ ୩୦ ସେ.ମି. ବ୍ୟବଧାନ କରି  ୩-୫ ସେ.ମି ଗଭୀରତାରେ ବିହନକୁ ପୋତିଲେ ମଞ୍ଜିରୁ ହୃଷ୍ଟପୁଷ୍ଟ ଗଛ ବାହାରିବା ସହ ଗଛ ଭଲ ବଢ଼େ ।

ସାର ପ୍ରୟୋଗ : - ଏକର ପ୍ରତି ସାର ଉପାଦାନ ( କି.ଗ୍ରା.ରେ )

ଏତଦ ବ୍ୟତୀତ ଏକର ପ୍ରତି ୪ କି.ଗ୍ରା. ବୋରନ୍ ପ୍ରୟୋଗ କରାଯାଏ ।

ପରବର୍ତ୍ତୀ ଯତ୍ନ

ବୁଣିବାର ୨୦ ଏବଂ ୪୦ ଦିନରେ କୋଡ଼ାଖେସା କରି ଏବଂ ଅନାବନା ଗଛ ସଫା କରି ଗଛ ମୂଳକୁ ମାଟି ଟେକିଦିଆଯାଏ । ସୂର୍ଯ୍ୟମୁଖୀ ଚାଷ କରାଯାଉଥିବା ଜମିରେ ମହୁ ବାକ୍ସ ରଖିଲେ ଅମଳ ୩୦ -୪୦ ପ୍ରତିଶତ  ବୃଦ୍ଧିପାଏ । ଘାସମାରିବା ପାଇଁ ଜମିରେ ଘାସ ଉଠିବା ପୂର୍ବରୁ ପେଣ୍ଡି ମେଥାଲିନ କିମ୍ବା ଫ୍ଲୁକ୍ଲୋରାଲିନ୍ ଏକର ପିଛା ୦.୫ କେଜିରୁ ୦.୭୫ କେଜିକୁ ୨୦୦ ଲିଟର ପାଣିରେ ମିଶାଇ ସଞ୍ଚନ କରବା ଆବଶ୍ୟକ । ଫୁଲ ଗୋଟ ଧରିବା, ଫୁଲ ଧରିବା ଏବଂ ମଞ୍ଜି ତିଆରି ହେବା ସମୟରେ ଆବଶ୍ୟକ ପରିମାଣର ଜଳଯୋଗାଇଦେବା ନିତାନ୍ତ ଆବଶ୍ୟକ ।

ରୋଗ ପୋକ ପରିଚାଳନା

ମୂଳଶଢା ରୋଗ :

ଛୋଟ ଅବସ୍ଥାରେ ଗଛର ମୂଳ ଶଢ଼ିଯାଇ ଗଛ ମରିଯାଏ କିମ୍ବା ମଞ୍ଜିରୁ ଗଛ ବାହାରିବା ପରେ ଶଢ଼ିଯାଏ । ଏଣୁ ବିହନକୁ ବୁଣିବା ପୂର୍ବରୁ ବିଶୋଧନ କରିବା ଉଚିତ । କପର ଅକ୍ସି କ୍ଲୋରାଇନ୍, ୦.୪% କମ୍ବା ମାନକୋଜେବ ୦.୩%  ସହିତ  ଏଣ୍ଡେସଲଫାନ୍ ୦.୫% ଫସଲର ୫୦% ଫୁଲ ଧରିବା ସମୟରେ ପ୍ରୟୋଗ  କରିବା ଉଚିତ ।

ସାର ଉପାଦାନ

ଉନ୍ନତ କିସମ

ସଙ୍କର କିସମ

ବୁଣିବା ସମୟରେ

୨୧ ଦିନରେ

ବୁଣିବା ସମୟରେ

୨୧ ଦିନରେ

ଯବକ୍ଷାରଯାନ

୧୬

୧୬

ଫସଫେଟ

୧୬

-

୩୨

-

ପଟାସ

୧୨

-

୨୪

-

ପତ୍ର ଦାଗ ରୋଗ :

ପତ୍ରରେ ବିଭିନ୍ନ ଆକାରରେ ଚିହ୍ନ ଦେଖାଯାଇ ପତ୍ର ମୋଡ଼ି ହୋଇ ଶୁଖିଯାଏ । କାର୍ବେଣ୍ଡାଜିମ – ମାନକୋଜେବ ( ୪୦୦ ଗ୍ରାମ/ ଏକର ) ସ୍ପ୍ରେ କରାଯାଏ ।

ଫୁଲବିନ୍ଧା ପୋକ

ସବୁଜ ରଙ୍ଗର ଶୁକ୍ଳ ପୋକଗୁଡ଼ିକ ଫୁଲ ଭିତରେ ପଶି ଖାଇଥା’ନ୍ତି । ଫୁଲ ଧରିଥିବା ସମୟରେ ଟ୍ରାଇଜୋଫୋସ୍୪୦ ଲସି (୪୦୦ ମିଲି ଏକର) ସ୍ପ୍ରେ କରାଯାଏ।

ଅମଳ

ଫୁଲ ପାକଳ ହେଲେ ଗଛରୁ ପତ୍ର ଶୁଖି ଝଡ଼ିପଡ଼େ, ଏବଂ ଫୁଲର ପଛପାଖ ହଳଦିଆ ପଡ଼ିଯାଏ । ଫୁଲର ମଧ୍ୟଭାଗରେ ଥିବା ମଞ୍ଜି ସବୁ ଗାଢ଼ ବାଦାମୀ ରଙ୍ଗ ହେଲେ ଫୁଲଗୁଡ଼ିକୁ ଦା’ରେ କାଟି ଆଣି ଚଟାଣରେ ଉପରକୁ ମୁହଁକରି ୪-୫ ଦିନ ଶୁଖାଇବା ପରେ ଠେଙ୍ଗାରେ ବାଡ଼େଇ ଅମଳ କରାଯାଏ ।

ସମସ୍ତ ଫୁଲ ଏକା ସମୟରେ ପାକଳ ହେଉ ନ ଥିବାରୁ ୨-୩ ଥରରେ ଅମଳ କଲେ ଉତ୍ପାଦନ ବଢ଼ିଥାଏ ଏବଂ ମଞ୍ଜି ଓ ତେଲର ମାନ ବଢ଼େ । ପରେ ମଞ୍ଜିକୁ ଭଲଭାବରେ ଶୁଖାଇ ୧୦ ପ୍ରତିଶତ ଜଳୀୟ ଅଂଶ ଥିବା ସମୟରେ ସାଇତି ରଖାଯାଏ ।

ଏକର ପ୍ରତି ୪-୮ କ୍ୟୁଣ୍ଟାଲ ମଞ୍ଜି ଅମଳ ହୋଇପାରେ । ସୂର୍ଯ୍ୟମୁଖୀ ତେଲ ଆଦାୟ ପରେ ଏହାର ଖଦା ମାଛ ଖାଦ୍ୟ ଏବଂ ଗୋରୁ ପିଡ଼ିଆ ଭାବରେ ବ୍ୟବହାର କରାଯାଏ । ମଞ୍ଜି ଅମଳ ପରେ ସୂର୍ଯ୍ୟମୁଖୀ ଫୁଲ, କାଣ୍ଡ ଓ ପତ୍ର ଜାଳେଣି ଭାବରେ କିମ୍ବା କମ୍ପୋଷ୍ଟଖତ ତିଆରିରେ ବ୍ୟବହାର କରିହୁଏ ।

ସଂଗୃହିତ - ଚକ୍ରଧର ପାତ୍ର, ଲକ୍ଷ୍ମୀପ୍ରିୟା ସାହୁ,  ଓୟୁଏଟି, ଭୂବନେଶ୍ଵର-୩



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate