ଫସଲ ବୀମା ଯୋଜନା
ଫସଲ ବୀମା ଯୋଜନା
ଫସଲ ବୀମା ଯୋଜନା
ଚଳିତ ଖରିଫ ଋତୁରେ କେନ୍ଦ୍ର ସରକାରଙ୍କ ଦ୍ଵାରା ପ୍ରଧାନମନ୍ତ୍ରୀ ଫସଲ ବୀମା ଯୋଜନା ଓଡିଶା ସମେତ ଅନ୍ୟ ରାଜ୍ୟ ଗୁଡିକରେ ଲାଗୁ କରାଯାଇଛି । ଏହି ଯୋଜନା କୁଆଡେ କୃଶକଙ୍କ ସବୁ ସମସ୍ୟାର ସମାଧାନ କରିପାରିବ ବୋଲି ପ୍ରଚାରମଧ୍ୟ ହେଉଛି । ପୁଣି ଦାବି କରାଯାଉଛି ଯେ , ପୂର୍ବରୁ ପ୍ରଚଳିତ ହୋଇଥିବା ଫସଲ ବୀମା ଯୋଜନା ଠାରୁ ଏହା ଅଧିକ ଉନ୍ନତ ଫସଲ ବୀମା ଯୋଜନା । ପ୍ରାକୃତିକ ବିପର୍ଜୟ ଦ୍ଵାରା କୃଷକର ଫସଲ , ଘର , ଗୃହାପୋକରଣ , ଜନ୍ତ୍ରପତି , ଜୀବନ ଇତ୍ୟାଦି ପ୍ରଭାବିତ ହେଲେ ପ୍ରଧାନମନ୍ତ୍ରି ଫସଲବୀମା ଯୋଜନାର ଉଚିତ କ୍ଷତିପୂରଣ ମିଳିବ । କୃଶକ ଆର୍ଥିକ ସହାୟତା ପାଇଁ ସରକାରଙ୍କ ପାଖରେ ଦାବି ନ କରି ବୀମା ଅଧିନିୟମ ଅନୁସାରେ କ୍ଷତିପୂରଣ ପାଇବା । ତେବେ ପ୍ରଧାନମନ୍ତ୍ରୀ ଫସଲ ବୀମା ଯୋଜନାର ରୁପରେଖା ବିଷୟରେ ଏଠାରେ କିଛି ଉଲେଖ କରାଯାଉଛି ।ବ୍ୟକ୍ତିଗତ ବୀମା
ଏହି ଯୋଜନାର ଫସଲ ବୀମାର ଆବରଣ ଏବଂ ଅବଧିକୁ ବିସ୍ତ୍ରୁତ କରାଯାଇଛି । ଫସଲ ବୀମା ସହ କୃଶକଙ୍କୁ ସର୍ବନିମ୍ନ ଆଉ ଦୁଇଟି ବ୍ୟକ୍ତିଗତ ବୀମା କରିବାକୁ ପଡିବ । ସେଗୁଡିକ ହେଲା (କ) ପ୍ରଧାନମତ୍ରୀ ସୁରକ୍ଷା ବୀମା ଯୋଜନା , (ଖ) ପ୍ରଧାନମନ୍ତ୍ରୀ ଜୀବନଜୌତି ବୀମା ଯୋଜନା , (ଗ) ଗୃହ ଓ ଗୃହପୋକରଣ ବୀମା , (ଘ) ଛାତ୍ରୀଛାତ୍ର ସୁରକ୍ଷା ବୀମା (ଉଁ ) କୃଷି ପମ୍ପସେଟ ବୀମା , (ଚ) ଟ୍ରାକ୍ଟର ବୀମା । ଫସଲ ବୀମା ସହିତ କୃଷକ ଉପୋରକ୍ତ ବୀମା ସର୍ବନିମ୍ନ ଦୁଇଟି ବୀମା ନକଲେ ପ୍ରିମିୟମରେ ସରକାରୀ ଅନୁଦାନ ମିଳିବନାହିଂ ।
ଫସଲ ବୀମା ସହିତ ଉପୋରକ୍ତ 6 ଟି ବୀମା ୨ ଟି ବୀମା କଲେ କୃଷକଙ୍କୁ ଖରିଫ ଋତୁରେ ଅଧିସୂଚିତ ହୋଇଥିବା ଖାଦ୍ୟ ଫସଲ , ତୈଳ ବୀଜ ଓ ଡାଲି ଜାତୀୟ ଫସଲ ପାଇଁ ଚୟନୀତ ବିମିତ ରାଶିର ୨% ଏବଂ ରବି ଋତୁରେ ୧.୫% ପ୍ରିମିୟମ ଦେବାକୁ ହେବ । ବ୍ୟବସାୟିକ ଏବଂ ଉଦ୍ୟାନଭିତ୍ତିକ ଫସଲ ପାଇଁ ବିମିତ ରାଶିର ୫% ପ୍ରିମିୟମ ଦେବାକୁ ହେବ । ଯଦି ବର୍ଷା ଅଭାବରୁ ଏକକ ଅଞ୍ଚଳ ୭୫%ରୁ ଅଧିକ ଜମିରେ ବୁଣାବୁଣି କିମ୍ବା ରୁଆପୋତ ହୋଇପାରିଲା ନହିଁ , ସେ ଅଞ୍ଚଳରେ କୃଷକ ମାନେ ବିମିତ ରାଶିର ୨୫% ପର୍ଯ୍ୟନ୍ତ କ୍ଷତି ପୂରଣ ପାଇବେ । ଫସଲ ଋତୁ ମଝିର ଯଦି ଜଣା ପଡିଲା ଯେ ପ୍ରକୃତିକ ବିପର୍ଜ୍ୟ ଯୋଗୁ ଫସଲ ଉତ୍ପାଦନ ନିଶ୍ଚିତ ଉତ୍ପାଦନରୁ ୫୦% ଅଧିକ କମ ହୁଏ , ତା ହେଲେ କୃଷକ ମାନଙ୍କୁ ଅଗ୍ରୀମ କ୍ଷତିପୂରଣ ମିଳିବ । କୁଆପଥର ଭୁସ୍ଖଳନ ଏବଂ ଜଳ ପ୍ଲାବନ ଦ୍ଵାରା ଯଦି ଫସଲ କ୍ଷତି ହୁଏ , ତା ହେଲେ କ୍ଷତିଗ୍ରସ୍ତ ଫସଲର ମୂଲ୍ୟାଙ୍କନ କରାଯାଇ କ୍ଷତିପୂରଣ ଦିଆଯିବ । ଫସଲ କାଟି ବିଲରେ ସୁଖୁଥିବା ସମୟରେ ଅଦିନିଆ ବର୍ଷା ଦ୍ଵାରା ଫସଲ ନଷ୍ଟ ହେଲେ କ୍ଷତି ପୂରଣ ପାଇଁ ଯୋଜନାରେ ବ୍ୟବସ୍ଥା କରାଯାଇଛି । ଏତଦ ବ୍ଯତୀତ ଅଧିସୂଚିତ ଏକକ ଅଞ୍ଚଳରେ ପରକୃତିକ ବିପର୍ଜୟ ଯୋଗୁ ବିମିତ ଫସଲର ବାସ୍ତବିକ ଉତ୍ପାଦନ ନିଶ୍ଚିତ ଉତ୍ପାଦନଠାରୁ କମ ହେଲେ କୃଷକମାନଙ୍କୁ କ୍ଷତିପୂରଣ ମିଳିବ । ନିଶ୍ଚିତ ଉତ୍ପାଦନ ଗଣନା କରିବା ପାଇଁ ବିଗତ ୭ ବର୍ଷର ଉତ୍ପାଦନକୁ ହିସାବକୁ ନିଆଯାଏ ଏବଂ ସେଥିରୁ ଦୁଇଟି ପ୍ରାକୃତିକ ବିପର୍ଜୟ ବର୍ଷର ଅମଳକୁ ବାଦ ଦିଆଯାଇ ଶ୍ରେଷ୍ଠ ୫ ବର୍ଷର ଅମଳକୁ ଗଣନା ପାଇଁ ନିଆଯିବ । ନ୍ୟୁନତମ କ୍ଷତିପୃତି ସ୍ତରକୁ ୭୦% ବଢାଯାଇଛି । ଚାଷୀଙ୍କ ପାଇଁ ପ୍ରିମିୟମ ଦରକୁ କମ କରାଯାଇ ସ୍ଥିରରଖାଯାଇଛି । ଚାଷୀମାନେ ଫସଲ ବୁଣିବା ଆଗରୁ ଏବଂ ବ୍ୟାଙ୍କରୁ ରୁଣ ସମୟରେ ବୀମା କରିପାରିବେ । ଶସ୍ୟକାଟ ପରୀକ୍ଷା ଦ୍ଵାରା ଫସଲ ଉତ୍ପାଦନ ଆକଳନ କରାଯିବ ଏବଂ ଚାଷୀଙ୍କୁ କ୍ଷତି ପୂରଣ ଦିଆଯିବ । ବ୍ୟାଙ୍କରୁ ରୁଣ ନେଉଥିବା କୃଷକଙ୍କର ବାଧ୍ୟତାମୂଳକ ଭାବେ ବୀମା କରାଯିବ । ଅଣରୂଣୀ କୃଷକମାନେ ବ୍ୟାଙ୍କରେ ବୀମା ଏଜେଣ୍ଟ ପାଖରେ ଇଣ୍ଟର୍ନେଟ ମାଧ୍ୟମରେ କିମ୍ବା ବୀମା କମ୍ପାନୀ ଅଫିସିରେ ବୀମା କରିପାରିବେ । କୃଷକଙ୍କର ଆପତ୍ତି ଅଭିଯୋଗକୁ ଅଗ୍ରାଧିକାର ଭିତ୍ତିରେ ବୀମା କମ୍ପାନୀ ଓ ସରକାର ସମାଧାନ କରିବେ । ଏହି ଯୋଜନାରେ କୃଷକଙ୍କର ସ୍ଵାର୍ଥ ଓ କୃଷକ କଲ୍ୟାଣକୁ ଅଧିକ ଗୁରୁତ୍ଵ ଦିଆଯାଇଛି ଉଭୟ କେନ୍ଦ୍ର ଓ ରାଜ୍ୟ ସରକାର ସମେତ ବୀମା କମ୍ପାନୀ ଗୁଡିକର ଯୋଜନାର ସର୍ତ୍ତ ଓ ନିୟମାବଳିକୁ ଠିକ ଭାବେ ପାଳନ କଲେ ଯୋଜନାଟିର ସଫଳ ରୂପାଯନ ହୋଇପାରିବ ବୋଲି ଆସା କରାଯାଏ । ଯୋଜନା ପ୍ରଥମ ଫସଲ ଋତୁରେ କାର୍ଯ୍ୟକାରୀ ହେଉଛି । ପ୍ରଥମ ଗୋଟିଏ ଋତୁରେ କାର୍ଯ୍ୟକାରୀ ହେଲେ ଯୋଜନାର ଭଲମନ୍ଦ ଜଣାପଡିବ ଏବଂ କୃଷକ ମାନେ କେତେ ଦୂର ଏ ନୂତନ୍ନ ଯୋଜନାର ଲାଭାନ୍ଵିତ ହେଉଛନ୍ତି ତାହା ଜଣାପଡିବ । ଏ ଯୋଜନାର ସମ୍ଭାବିତ କାର୍ଜ୍ୟକାରିତା ଉପରେ ପରବର୍ତୀ ପ୍ରବନ୍ଧରେ ଆଲୋଚନା କରାଯିବ ।
ଆଧାର: ଅବସରପ୍ରାପ୍ତ ମୁଖ୍ୟ କ୍ଷେତ୍ରୀୟ ପ୍ରବନ୍ଧକ, ଏଗ୍ରୀକଲଚର ଇନସ୍ୟୁରାନ୍ସ କମ୍ପାନୀ ଲିଃ
Last Modified : 1/26/2020
