অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ପରିଶ୍ରମ ଦ୍ଵାରା ଚାଷ ଦେଇଛି ସଫଳତା

ଶ୍ରୀପଦ୍ଧତି ଚାଷ ଦେଇଛି ଅମିୟଙ୍କୁ ସଫଳତା

‘ଶ୍ରୀପଦ୍ଧତି' ଧାନ ଚାଷ ଅମିୟ । ଶ୍ରୀଚନ୍ଦନଙ୍କୁ ଦେଇଛି ନୂତନ  ପରିଚୟ । ଚାଷକୁ ବୃତ୍ତି ଭାବରେ ଗ୍ରହଣ କରି ପରିବାର ଚଳାଇବା ସହ ସ୍ଥାନୀୟ ଅଞ୍ଚଳରେ ଆଦର୍ଶ କୃଷକର ମାନ୍ୟତା ପାଇଛନ୍ତି ସେ ।  ଯୁବକମାନେ ଚାଷ ପ୍ରତି ବିମୁଖ ହେଉଥିବାବେଳେ ଅମିୟ ଏଥିରୁ ବେଶ୍ ଆନନ୍ଦ ପାଇବା ସହିତ ଲାଭବାନ ହୋଇଛନ୍ତି । ପତ୍ନୀ, ପୁଅ ଓ ଝିଅକୁ ନେଇ ଅମିୟଙ୍କ ସୁଖୀ ସଂସାର । ଖୋର୍ଦ୍ଧା ଜିଲ୍ଲା ଜଙ୍କିଆ ଗ୍ରାମପଞ୍ଚାୟତ ଅଧୀନସ୍ଥ ବାଲିଗାଡ଼ିଆ ଗ୍ରାମର ସ୍ଥାୟୀ ବାସିନ୍ଦା ହେଉଛନ୍ତି ଅମିୟ । ନିଜର ପୈତୃକ ଜମି ୧୦ ଏକର ସହ ଘର ପାଖରେ ରହିଛି ଏକ ବାରି ।

ଚାଷ ଜମିରେ ଧାନ ଚାଷ କରିବା ସହିତ ଘର ବାରିରେ ବାଇଗଣ, ଟମାଟୋ, ଲଙ୍କା, ଝୁଡ଼ୁଙ୍ଗ, କାକୁଡ଼ି, କଲରା, ପିଆଜ ସମେତ ବିଭିନ୍ନ ପ୍ରକାର ଶାଗ ଓ ଫୁଲ ଚାଷ କରିଛନ୍ତି । ଏହା ସହିତ ଆମ୍ବ, ଲେମ୍ବୁ, ପିଜୁଳୀ, ନଡ଼ିଆ, ଅମୃତଭଣ୍ଡା ଭଳି ଫଳ ଗଛ ଲଗାଇଛନ୍ତି । ଜମିରେ ଗୋଟିଏ କୁଆ ସହିତ ନଳକୂପଟିଏ ରହିଛି । ବର୍ଷା ଜଳକୁ ବି ସଂଗ୍ରହ କରି ସେ ଚାଷରେ ନିୟୋଜିତ କରନ୍ତି । ଏହାପରେ ବି ପାଣିର ଆବଶ୍ୟକତା ବହୁତ ରହିଛି । ସରକାରଙ୍କ ତରଫରୁ ଏ ଦିଗରେ କିଛି ପଦକ୍ଷେପ ଗ୍ରହଣ କରାଗଲେ ବହୁତ ଭଲ ହେବ ବୋଲି ସେ କହିଛନ୍ତି । ସରକାରଙ୍କ ସହଯୋଗରେ ବୃକ୍‌ରୁ ହିରା ବିହନ ଆଣି ଗୋଟିଏ ଋତୁରେ ଅମିୟ ଦୁଇ ଥର ଅମଳ କରନ୍ତି ।

ଗତ ୨୦୧୧ ମସିହାରେ ରାଜ୍ୟ ସରକାରଙ୍କ ତରଫରୁ ଆୟୋଜନ ହୋଇଥିବା ରାଜ୍ୟସ୍ତରୀୟ କୃଷି ମହୋତ୍ସବରେ ଅମିୟଙ୍କୁ ସମ୍ମାନିତ କରାଯାଇଥିଲା । ଅମିୟଙ୍କ କହିବା ଅନୁସାରେ ଚାଷ କାର୍ଯ୍ୟକୁ ସମସ୍ତ କୃଷକ ବନ୍ଧୁ ସରକାରଙ୍କ ନୀତି ନିୟମ ସାଙ୍ଗକୁ ଆଧୁନିକ ବୈଜ୍ଞାନିକ ପ୍ରଣାଳୀକୁ ଆପଣେଇବା ଜରୁରି । ଏହା ହେଲେ ସମସ୍ତେ ସଫଳତା ପାଇପାରିବେ ।

ସଫଳ ଚାଷୀ ପୂର୍ଣ୍ଣଚନ୍ଦ୍ର ବରାଡ

କଲେଜ ପଢା ପରେ ଚାକିରି ପଛରେ ନ ଧାଇଁ କିପରି ସ୍ଵାବଲମ୍ବୀ ହୋଇପାରିବେ ସେହି ଚିନ୍ତା ତାଙ୍କୁ ଘାରିଲା । ସ୍କୁଲରେ ପଢିବାବେଳେ ସେ ବାପାଙ୍କ ସହିତ ଚାଷଜମିକୁ ଯାଉଥିଲେ, ତେଣୁ କୃଷି ପ୍ରତି ତାଙ୍କର ଆଗ୍ରହ ଥିଲା । ତାହାହିଁ ପରବର୍ତ୍ତୀ ସମୟରେ ତାଙ୍କୁ କୃଷିକୁ ନେଇ ସ୍ଵାବଲମ୍ବୀ ହେବା ଲାଗି ପ୍ରେରଣା ଯୋଗାଇଥିଲା । ଆଉ ଏବେ ସେ ଆସିକା ଅଞ୍ଚଳର ଜଣେ ସଫଳ ଚାଷୀ ଭାବେ ପରିଚିତ । ସେ ହେଲେ ପୁର୍ଣ୍ଣଚନ୍ଦ୍ର ବରାଡ। ମା' ମାଳତି ଓ ପିତାଙ୍କ ନାମ ସହଦେବ ବରାଡ । ଗଞ୍ଜାମ ଜିଲା ଆସିକା ବ୍ଲକ ଅନ୍ତର୍ଗତ ହରିଡ଼ାପଦର ଗ୍ରାମପଞ୍ଚାୟତର ମଣ୍ଟାପଡା ଗାଁରେ ତାଙ୍କର ଘର । ୨୦୦୧ରେ +୩ କଳାରେ ସ୍ନାତକ ଡିଗ୍ରୀ ହାସଲ କଲେ ପୁର୍ଣ୍ଣଚନ୍ଦ୍ର । କିନ୍ତୁ ଚାକିରି କରିବା ଅପେକ୍ଷା ନିଜେ ଉଦ୍ୟମ କରି କିପରି ରୋଜଗାର କ୍ଷମ ହୋଇପାରିବେ ସେହି ଚିନ୍ତା କଲେ । ଶେଷରେ ସ୍ଵାବଲମ୍ବୀ ହେବାଲାଗି ଚାଷ କାର୍ଯ୍ୟକୁ ଆପଣେଇନେଲେ । ଏବେ ପ୍ରାୟ ୧୫ ଏକର ଜମିରେ ଆଖୁ, ଧାନ ସମେତ ପୋଟଳ, ବାଇଗଣ, ବିନସ ଆଦି ପନିପରିବା ଚାଷ କରୁଛନ୍ତି । ଚାଷ କାର୍ଯ୍ୟ ଲାଗି ସେ ପାଖରେ ରଖିଛନ୍ତି ଗୋଟିଏ ଟ୍ରାକ୍ଟର, ଗୋଟିଏ ପାୱାର ଟିଲର, ଧାନ ଅମଳ ଯନ୍ତ, ଜଳସେଚନ ବ୍ୟବସ୍ଥା ଲାଗି ସ୍ପିଙ୍କଲର ଓ ପାଣିଉଠା ପମ୍ପ । ଆଖପାଖ ଗ୍ରାମର କେତେଜଣ ଲୋକ ଏହି କାର୍ଯ୍ୟରେ ନିୟୋଜିତ ହୋଇ ରୋଜଗାର କ୍ଷମ ହୋଇପାରୁଛନ୍ତି ।

କୃଷିପ୍ରତି ବିଶେଷ ଆଗ୍ରହ ରଖିଥିବା ପୂର୍ଣ୍ଣଚନ୍ଦ୍ର ସ୍ନାତକ ଶିକ୍ଷା ପରେ ଭୁବନେଶ୍ଵରସ୍ଥିତ ଓଡିଶା କୃଷି ଓ ବୈଷୟିକ ବିଶ୍ଵବିଦ୍ୟାଳୟରେ ରେ ଛତୁ। ଚାଷ ଓ ଛତୁ ବିହନ ଉତ୍ପାଦନ ଉପରେ ଏକ ଦୁଇମାସିଆ ପ୍ରଶିକ୍ଷଣ ନେଇଥିଲେ । ଉନ୍ନତ ଆଖୁଚାଷ ଉପରେ ଆସିକା ଚିନିଶିକୁ ପକ୍ଷରୁ ତାମିଲନାଡୁର କୋଏମ୍ବାଟୁରରେ ଆୟୋଜିତ ଏକ ୧୨ ଦିନିଆ ତାଲିମ ଶିବିରରେ ଅଂଶଗ୍ରହଣ କରିଥିଲେ । ସେହିଭଳି ୨୦୧୦ରେ ଆନ୍ଧ୍ର ପ୍ରଦେଶର ଶ୍ରୀକାକୁଲମ ସ୍ଥିତ ରଙ୍ଗାରେଡ଼୍ ବିଶ୍ଵବିଦ୍ୟାଳୟରେ ଅଧିକ ସର୍କରାଂଶ ଥିବା ଆଖୁବିହନ ଉପରେ ତାଲିମ ନେଇଥିଲେ । ତେବେ ବର୍ଷକୁ ଜମିରେ ଫସଲ ଲଗାଇବାଠାରୁ ଅମଳ ଯାଏଁ ବିହନ, ସାର, ଜଳସେଚନ ଆଦି ଖର୍ଜ ପ୍ରାୟ ୩ ଲକ୍ଷ ଟଙ୍କା ହେଉଥିବା ବେଳେ ଏଥିରୁ ପ୍ରାୟ ୫ ଲକ୍ଷ ଟଙ୍କା ମିଳିଥାଏ ବୋଲି କୁହନ୍ତି ପୂର୍ଣ୍ଣଚନ୍ଦ୍ରା ଦିନକୁ ଦିନ କୃଷି କାର୍ଯ୍ୟ ଲାଗି ଆବଶ୍ୟକ ବିହନ, ସାର ଓ ମଜୁରି ବଢୁଥିବା ବେଳେ ଫସଲର ଦର ସେହି ଅନୁଯାୟୀ ବଢିପାରୁନାହିଁ । ପନିପରିବା ସଂରକ୍ଷଣ ଲାଗି ତାଙ୍କ ଅଞ୍ଚଳରେ ଶୀତଳଭଣ୍ଡାରର ଆବଶ୍ୟକତା ରହିଛି ବୋଲି ସେ କୁହନ୍ତି । ଚାଷ କାର୍ଯ୍ୟ କରି ଜଣେ ସ୍ଵାବଲମ୍ବୀ ହେବା ସହ ଆଉ କେତେଜଣଙ୍କୁ ମଧ୍ୟ ରୋଜଗାରର ବାଟ ଦେଖାଇପାରିବ । ଏହା ମୋର ଅଙ୍ଗେ ନିଭା କଥା । ତେବେ ଚାକିରି ଅପେକ୍ଷା ସ୍ଵାବଲମ୍ବୀ ହେବାରେ ରହିଛି ଭିନ୍ନ ଆନନ୍ଦ । ଅବଶ୍ୟ ଏଥିଲାଗି ପରିଶ୍ରମକୁ ଆପଣେଇ ପାରିଲେ ହେଲା ।

ସଂଗୃହିତ -

  1. ଦାଶରଥି ଶ୍ରୀଚନ୍ଦନ ଜଙ୍କିଆ, ଖୋର୍ଦ୍ଧା
  2. ସୁରେନ୍ଦ୍ର ନାଥ ସାହୁ

Last Modified : 1/26/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate