অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ସୁଧାଂଶୁଙ୍କ ‘ରୁଫ୍ଟଫ୍ ଗାର୍ଡେନ୍’

ରୁଫ୍ଟଫ୍ ଗାର୍ଡେନ୍

ଗଛଲତା ପ୍ରତି ଥିବା ଭଲ ପାଇବା ତାଙ୍କ ବଗିଚାରୁ ସ୍ପଷ୍ଟ ବାରି ହୋଇପଡ଼େ । ଭଳିକି ଭଳି ସବୁଜିମାଭରା ବୃକ୍ଷଲତାର ସମ୍ଭାରରେ ହସୁଛି ତାଙ୍କର ଏହି ବଗିଚା(ରୁଫ୍ଟପ୍ ଗାର୍ଜେନ୍) । ସମ୍ପୂର୍ଣ୍ଣ ଜୈବିକ ଉପାୟରେ ଖତ ସାର ଓ କୀଟନାଶକ ପ୍ରୟୋଗ କରି ଘରେ ବିଭିନ୍ନ ଫୁଲ, ପନିପରିବା ଫଳାଇପାରିଛନ୍ତି । ନିଜେ ବିଭିନ୍ନ ଚାରାଗଛ ଓ ଜୈବିକ ଖତ ତିଆରି କରି ଅନ୍ୟମାନଙ୍କୁ ବାଣ୍ଟିବାର ମଜା ଅଲଗା ବୋଲି କୁହନ୍ତି ସୁଧାଂଶୁ କୁମାର ପରିଜା ।

ସୁଧାଂଶୁ କୁମାର ପରିଜା ପରିଚୟ

ସୁଧାଂଶୁ କୁମାର ପରିଜା । ବୟସ ୬୮ । ଶିକ୍ଷାଗତ ଯୋଗ୍ୟତା ବିଏସସି ଏଜି । ସରକାରୀ ଚାକିରୀରୁ ଅବସର ମିଳିସାରିଛି ।

ତେଣୁ ଅବସର ସମୟକୁ ଅତିବାହିତ କରିବା ପାଇଁ କରିଛନ୍ତି ଗାଡେନ୍ ।

ଆଇଆରସି ଭିଲେଜରେ ରହୁଥିବା ସୁଧାଂଶୁ ଛାତ ଉପରେ ୨ହଜାର ସ୍ତୋୟାରଫୁଟ୍‌ରେ ତିଆରି କରିଛନ୍ତି ଏକ ରୁଫ୍ଟପ୍ ଗାଡେନ୍ ଓ ୟୁଏଟିରେ ପାଠ ପଢୁଥିବା ସୁଧାଂଶୁ ଓୟୁଏଟିରେ ରିସର୍ଜ ଆସିଷ୍ଟାଣ୍ଟ ଭାବେ କିଛି ଦିନ ଚାକିରୀ କରିବା ସହ ଏସବିଆଇରେ ଗ୍ରାମ୍ୟ ଉନ୍ନୟନ ଅଧିକାରୀ ରୂପେ କାର୍ଯ୍ୟ କରି ୨୦୦୯ରେ -୯ ଅବସର ନିଅନ୍ତି । ଗଛଲତା ପ୍ରତି ଅବା ଭଲ ପାଇବା ପାଇଁ ଆରମ୍ଭ କରନ୍ତି ଏକ ରୁଫ୍ଟଫ୍ ଗାର୍ଡେନ୍ ।

ରୁଫ୍ଟଫ୍ ଗାର୍ଡେନ୍ ପ୍ରଣାଳୀ ଓ ବିଭିନ୍ନ ଗଛ

ଏହି ଗାର୍ଡେନ୍ ରେ  ରହିଛି ବିଭିନ୍ନ ପ୍ରଜାତିର ଫୁଲ, ଫଳ,ପନିପରିବା ଓ ଔଷଧୀୟ ବୃକ୍ଷ । ଟଗର, ମଲ୍ଲି, ତରାଟ, ସେବତୀ, ଗୋଲାପ, କନିଅର, ଗେଣ୍ଡୁ ଭଳି ବିଭିନ୍ନ ଫୁଲ ଗଛ ବି ରହିଛି। ଏହା ସହ ବାଇଗଣ, କଞ୍ଚାଲଙ୍କା, ଟମାଟୋ, ଶାଗ, ପାଦିନୀପତ୍ର, ଝୁଡଙ୍ଗ, ଜହ୍ନି, କଲରା ଆଦି ପନିପରିବା ମଧ୍ୟ ଲଗାଇଛନ୍ତି । ଔଷଧୀୟ ବୃକ୍ଷ ମଧ୍ୟରେ ଅମରପୋଇ, ଇନ୍‌ସୁଲିନ୍ ( ଡାଇବେଟିସ୍ ରୋଗ) ପାଇଁ, ତୁଳସୀ, ଜୁଆଣୀ, ଏଲୋଭେରା, ଆଦି ଗଛ ରହିଛି । ‘ଇନସୁଲିନ୍ ପତ୍ରରେ ଡାଇବେଟିସ୍ ଭଲ ହେଉଥିବାରୁ ଏହାର ଚାହିଦା ଅଧିକ ରହିଛି ବୋଲି ସୁଧାଂଶୁ କୁହନ୍ତି ।

ଘରେ ମାଛକାତି ଖତ, ଜିଆଖତ, ସବୁଜସାର (ସବୁଜ ପତ୍ର) ନିମ୍ବ ଖତ, ନଡିଆକତା ଗୁଣ୍ଡ ଆଦି ପ୍ରସ୍ତୁତ କରି ଗଛରେ ପ୍ରାୟୋଗ କରିଥାନ୍ତି । ଏହା ସହ ଜୈବିକ ସାର ଭାବରେ 'ହାଣ୍ଡି ଔଷଧ'କୁ ସେ ବ୍ୟବହାର କରିଥାନ୍ତି ବୋଲି କହିଛନ୍ତି । ଏହି ‘ହାଣ୍ଡି ଔଷଧ' ଗୋବର, ଗୋମୂତ୍ର, ଗୁଡ, କରଞ୍ଜପତ୍ର,ନିମ୍ବପତ୍ର, ଅରଖପତ୍ର ମିଶ୍ରଣରେ ପ୍ରସ୍ତୁତ ହୋଇଥାଏ । ଏକ ମାଟି ହାଣ୍ଡିରେ ଉପରୋକ୍ତ ମିଶ୍ରଣକୁ ନେଇ ୧୦ ଦିନ ପର୍ଯ୍ୟନ୍ତ ସଢିବାକୁ ଦିଆଯାଏ ଏବଂ ହାଣ୍ଡିର ମୁହଁରେ କପଡା ବାନ୍ଧି ଦିଆଯାଏ । ୧୦ ଦିନ ପରେ ଏହି ମିଶ୍ରଣକୁ ସେ ତରଳ କୀଟନାଶକ ଭାବେ ଗଛମୂଳରେ ଦେଇଥାନ୍ତି । ୨୦ ମି.ଲି ତରଳ ସାରକୁ ୧ ଲିଟର ପାଣିରେ ଗୋଳାଇ କୀଟନାଶକ ଭାବେ ବ୍ୟବହାର କରିଥାନ୍ତି । ଜିଆଖତ ପ୍ରସ୍ତୁତି ପାଇଁ ସେ ବାଡ଼ିରେ ଏକ ସିମେଣ୍ଟ ସେଡ୍ ତିଆରି କରିଛନ୍ତି । ଜୈବିକ କୃଷି ବିଷୟରେ ଅଧିକ ଜାଣିବା ପାଇଁ ସେ ସିଙ୍ଗାପୁର, ମାଲେସିଆ ବୁଲି ବିଭିନ୍ନ ତଥ୍ୟ ସଂଗ୍ରହ କରୁଛନ୍ତି । ନିଜ ସଉକରେ ଆଚାର, ଜାମ୍, ଜେଲି, ସ୍କାସ୍ ଆଦି ପ୍ରସ୍ତୁତ କରି ଘରେ ବ୍ୟବହାର କରବା ସହ ପତିଶାରେ ମଧ୍ୟ ବାଣ୍ଟିଥାନ୍ତି । ଏହା ବ୍ୟତୀତ ସୁଧାଂଶୁ ଘରେ ‘ଅମୃତଜଳ' ପ୍ରସ୍ତୁତ କରିଥାନ୍ତି । ଏଥିପାଇଁ ସଦ୍ୟ ଗୋବର ୧ କେଳି, ଗୋମୂତ୍ର ୧ଲିଟର, ଗୁଡ୫୦ଗ୍ରାମ୍, ହୁଙ୍କାମାଟି ୧ କେଜି, ପାଣି ୧୦ ଲିଟରକୁ ମିଶ୍ରିତ କରି ଭଲ ଭାବରେ ଗୋଳାନ୍ତୁ । ଏହାକୁ ଏକ ପ୍ଲାଷ୍ଟିକ୍ ଭ୍ରମରେ ଛାତ ଉପରେ ଛାଇରେ ୨ ରୁ ୩ ଦିନ ରଖନ୍ତୁ। ୩ ରୁ ୭ ଦିନ ପରେ ପ୍ରସ୍ତୁତ ୧ ଲିଟର ଘୋଳରେ ୧୦ ଲିଟର ପାଣି ମିଶାଇ ଗଛରେ ସ୍ରୋ କଲେ ଗଛରେ ରୋଗପେକ କମ୍ ହୋଇଥାଏ । ଏହି କାର୍ଯ୍ୟରେ ସୁଧାଂଶୁଙ୍କୁ ତାଙ୍କ ସ୍ତ୍ରୀ ଦୂର୍ଗେଶ ନନ୍ଦିନୀ ପରିଜା ସହଯୋଗ କରିଥାନ୍ତି ।

ଆଧାର – କୃଷି ବିଭାଗ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate